भागैकं गृह्णयामास सधातूनां जिननिःश्रिताम् । अन्येदपहृतादन्यैः भोगिभिश्च महाबलैः
bhāgaikaṃ gṛhṇayāmāsa sadhātūnāṃ jinaniḥśritām / anyedapahṛtādanyaiḥ bhogibhiśca mahābalaiḥ
Sanskrit only: no published translation is held for this verse.
Manjusrimulakalpa 53
अन्योन्यरभसात् क्षोभं कृत्वा चैव परस्परम् । नीत्वा धातुं तदाकाशैः स्वगृहं चापि तस्थुते
anyonyarabhasāt kṣobhaṃ kṛtvā caiva parasparam / nītvā dhātuṃ tadākāśaiḥ svagṛhaṃ cāpi tasthute
Sanskrit only: no published translation is held for this verse.
महाकाश्यपो तदा भिक्षुः अग्रश्रावकः तदा मुनिः । चिन्तयामास ॥॥॥॥।
mahākāśyapo tadā bhikṣuḥ agraśrāvakaḥ tadā muniḥ / cintayāmāsa .........
Sanskrit only: no published translation is held for this verse.
अहो कष्टं मनुष्येषु शून्यो ऽयं भुवि मण्डले । बुद्धैः प्रत्येकबुद्धैस्तु श्रावकैश्च महर्द्धिकैः
aho kaṣṭaṃ manuṣyeṣu śūnyo 'yaṃ bhuvi maṇḍale / buddhaiḥ pratyekabuddhaistu śrāvakaiśca maharddhikaiḥ
Sanskrit only: no published translation is held for this verse.
आलोकहीना सत्त्वा वै भवचारकचारिणा । ते दुःखां विविधां तीव्रां अनुभविष्यति ते चिरम्
ālokahīnā sattvā vai bhavacārakacāriṇā / te duḥkhāṃ vividhāṃ tīvrāṃ anubhaviṣyati te ciram
Sanskrit only: no published translation is held for this verse.
धातुं पूजयित्वा तु लोकनाथस्य तापिने । अनुभविष्यन्ति ते सौख्यं देवलोकमनल्पकम्
dhātuṃ pūjayitvā tu lokanāthasya tāpine / anubhaviṣyanti te saukhyaṃ devalokamanalpakam
Sanskrit only: no published translation is held for this verse.
राज्यं च मथ भोगांश्च मन्त्रसिद्धिसुदुर्लभाम् । प्राप्स्यन्ति विविधाकारां विचित्रगतिचेष्टिताम्
rājyaṃ ca matha bhogāṃśca mantrasiddhisudurlabhām / prāpsyanti vividhākārāṃ vicitragaticeṣṭitām
Sanskrit only: no published translation is held for this verse.
लोकस्याग्रा सम्पदामिष्टां त्रिधा मोक्षभूषिताम् । पूजयित्वा तु धातूनां प्राप्नुयात् सिद्धिमुत्तमाम्
lokasyāgrā sampadāmiṣṭāṃ tridhā mokṣabhūṣitām / pūjayitvā tu dhātūnāṃ prāpnuyāt siddhimuttamām
Sanskrit only: no published translation is held for this verse.
एवं चिन्तयित्वा तु ब्राह्मणः लोकविश्रुतः । श्रावको मुनिवरे ज्येष्ठः काश्यपो नाम नामतः
evaṃ cintayitvā tu brāhmaṇaḥ lokaviśrutaḥ / śrāvako munivare jyeṣṭhaḥ kāśyapo nāma nāmataḥ
Sanskrit only: no published translation is held for this verse.
सङ्गृह्य च तदा धातुं संबिभर्त्ति तदा भुवि । स्तोकं दत्वाजाताख्ये मागधस्यैव यत्नतः
saṅgṛhya ca tadā dhātuṃ saṃbibhartti tadā bhuvi / stokaṃ datvājātākhye māgadhasyaiva yatnataḥ
Sanskrit only: no published translation is held for this verse.
एवं नराधिपेषु सर्वेषु अष्टेष्वपि महाद्युतिः । सर्वेभ्यः सर्वतो दद्याच्छ्रावको ऽसौ महात्मनः
evaṃ narādhipeṣu sarveṣu aṣṭeṣvapi mahādyutiḥ / sarvebhyaḥ sarvato dadyācchrāvako 'sau mahātmanaḥ
Sanskrit only: no published translation is held for this verse.
पुनरेव भवस्तस्थौ अनित्यसंज्ञमभावतः । शोचयामास सत्त्वानां करुणाविष्टेन चेतसा
punareva bhavastasthau anityasaṃjñamabhāvataḥ / śocayāmāsa sattvānāṃ karuṇāviṣṭena cetasā
Sanskrit only: no published translation is held for this verse.
रोदिष्यन्ति चिरं सत्त्वा कल्पां बहुविधां तथा । सद्धर्मिन्तर्धिते लोके शास्तुनो शाक्यपुङ्गवे । सङ्गातव्यमिमं वाच्यं माहैवं धूमकालिकम्
rodiṣyanti ciraṃ sattvā kalpāṃ bahuvidhāṃ tathā / saddharmintardhite loke śāstuno śākyapuṅgave / saṅgātavyamimaṃ vācyaṃ māhaivaṃ dhūmakālikam
Sanskrit only: no published translation is held for this verse.
ततो ऽभ्युत्थितवां वीरः प्रभावामृतचेतसः । आमन्त्रयामास मन्त्रजेन्द्रं अजाताख्यं नराधिपम्
tato 'bhyutthitavāṃ vīraḥ prabhāvāmṛtacetasaḥ / āmantrayāmāsa mantrajendraṃ ajātākhyaṃ narādhipam
Sanskrit only: no published translation is held for this verse.
गच्छामो राजगृहं नगरं शास्तुशासनसत्कृथा । गाथकुम्भसुविन्यस्तां धातुं प्रक्षिप्य यत्नतः
gacchāmo rājagṛhaṃ nagaraṃ śāstuśāsanasatkṛthā / gāthakumbhasuvinyastāṃ dhātuṃ prakṣipya yatnataḥ
Sanskrit only: no published translation is held for this verse.
ते ऽत्र पूर्वेण आयाता क्षिप्रं राजगृहं तदा । स्थानं वेणुवनं प्राप्य स्थापयामास जिनोद्भवाम्
te 'tra pūrveṇa āyātā kṣipraṃ rājagṛhaṃ tadā / sthānaṃ veṇuvanaṃ prāpya sthāpayāmāsa jinodbhavām
Sanskrit only: no published translation is held for this verse.
स्तूपं महाद्भुतं कृत्वासौ लोकनाथस्य तापिने । पूजयामास तं स्तूपं विविधाकारभूषणैः
stūpaṃ mahādbhutaṃ kṛtvāsau lokanāthasya tāpine / pūjayāmāsa taṃ stūpaṃ vividhākārabhūṣaṇaiḥ
Sanskrit only: no published translation is held for this verse.
माल्यचीवरच्छत्रैश्च चूर्णगन्धैस्तु धूपनैः । छत्रैः पताकैर्विचित्रैश्च घण्टामाल्यविलेपनैः । अनेकाकारविचित्रैस्तु दीपमालाभि स्रग्मिभिः
mālyacīvaracchatraiśca cūrṇagandhaistu dhūpanaiḥ / chatraiḥ patākairvicitraiśca ghaṇṭāmālyavilepanaiḥ / anekākāravicitraistu dīpamālābhi sragmibhiḥ
Sanskrit only: no published translation is held for this verse.
पूजां कृत्वा महीपाल प्रणामगतचेतसः । मूर्ध्ना प्रणम्य तं स्तूपं प्रणिधिं चक्रिरे तदा
pūjāṃ kṛtvā mahīpāla praṇāmagatacetasaḥ / mūrdhnā praṇamya taṃ stūpaṃ praṇidhiṃ cakrire tadā
Sanskrit only: no published translation is held for this verse.
लोकाग्रं पूजयित्वा तु यन्मया कुशलं बहु । अनेकताथागतीपूजां प्राप्नुयाहमचिन्तिया
lokāgraṃ pūjayitvā tu yanmayā kuśalaṃ bahu / anekatāthāgatīpūjāṃ prāpnuyāhamacintiyā
Sanskrit only: no published translation is held for this verse.
उत्थाय ततो राजा महाकाश्यपमब्रवीत् । अश्रु सम्परामृज्य बाष्पाकुलितलोचनः । कृपाविष्टहृदयः पितरं संस्मरेत् तदा
utthāya tato rājā mahākāśyapamabravīt / aśru samparāmṛjya bāṣpākulitalocanaḥ / kṛpāviṣṭahṛdayaḥ pitaraṃ saṃsmaret tadā
Sanskrit only: no published translation is held for this verse.
आर्यो मे महाप्राज्ञः साक्षिभूतो भवस्व माम् । यन्मया कारितं पापं नियतावीचिपरायणम्
āryo me mahāprājñaḥ sākṣibhūto bhavasva mām / yanmayā kāritaṃ pāpaṃ niyatāvīciparāyaṇam
Sanskrit only: no published translation is held for this verse.
तादृशं धर्मराजं तु शास्तुर्वचनपथे स्थितम् । घातयित्वा तु तं पितरं न शक्नोमि विनोदितुम्
tādṛśaṃ dharmarājaṃ tu śāsturvacanapathe sthitam / ghātayitvā tu taṃ pitaraṃ na śaknomi vinoditum
Sanskrit only: no published translation is held for this verse.
कल्याणमित्र आर्यो मे धर्मार्थं देष्टुमर्हति । एवमुक्तो महात्मासौ अग्रश्रावकौ जिने । काश्यपो नामतः धीमां इमं वाचमुदीरयेत्
kalyāṇamitra āryo me dharmārthaṃ deṣṭumarhati / evamukto mahātmāsau agraśrāvakau jine / kāśyapo nāmataḥ dhīmāṃ imaṃ vācamudīrayet
Sanskrit only: no published translation is held for this verse.
मा भैष्ट महाराज कृतं ते कुशलं बहु । अस्ति ते जन्मिनो ऽभ्यासः अनेकशतधा पुरा । बुद्धानामनुत्पादा प्रत्येकजिनसम्भवः
mā bhaiṣṭa mahārāja kṛtaṃ te kuśalaṃ bahu / asti te janmino 'bhyāsaḥ anekaśatadhā purā / buddhānāmanutpādā pratyekajinasambhavaḥ
Sanskrit only: no published translation is held for this verse.
नगर्यां वाराणस्यां श्रेष्ठिपुत्र अभूत् तदा । अज्ञानाद् बालचापल्याद् रथ्यायां निर्ययौ तदा
nagaryāṃ vārāṇasyāṃ śreṣṭhiputra abhūt tadā / ajñānād bālacāpalyād rathyāyāṃ niryayau tadā
Sanskrit only: no published translation is held for this verse.
स एव भगवं तत्र प्रत्येकजिनमागतः । भिक्षार्थी हिण्डते तत्र लोकानुग्रहकाम्यया
sa eva bhagavaṃ tatra pratyekajinamāgataḥ / bhikṣārthī hiṇḍate tatra lokānugrahakāmyayā
Sanskrit only: no published translation is held for this verse.
बालस्य दृष्ट्वा तं प्रसन्नगतमानसम् । पादयोर्निपत्य पप्रच्छ किं करिष्यसि तैर्भिक्षु
bālasya dṛṣṭvā taṃ prasannagatamānasam / pādayornipatya papraccha kiṃ kariṣyasi tairbhikṣu
Sanskrit only: no published translation is held for this verse.
तूष्णीमेव स्थितो भगवां खड्गकल्पमसम्भव । तदा तेन तु बालेन चीवरे गृह्यमस्थित
tūṣṇīmeva sthito bhagavāṃ khaḍgakalpamasambhava / tadā tena tu bālena cīvare gṛhyamasthita
Sanskrit only: no published translation is held for this verse.
गच्छ गच्छ इमं श्रेष्ठं मन्दिरं ध्वजभूषितम् । अस्माकमेतदावासं पादौ प्रक्षाल्य भोक्षसे । भुंक्ष्व क्षिप्रं यथाकामं क्रीडिष्यामो यथेष्टतः
gaccha gaccha imaṃ śreṣṭhaṃ mandiraṃ dhvajabhūṣitam / asmākametadāvāsaṃ pādau prakṣālya bhokṣase / bhuṃkṣva kṣipraṃ yathākāmaṃ krīḍiṣyāmo yatheṣṭataḥ
Sanskrit only: no published translation is held for this verse.
ततो ऽसौ वीतदोषस्तु त्रिमलान्तकघातकः । अनूपूर्वेण ययौ तत्र परानुग्रहतत्परः । गत्वा द्वारमूले ऽस्मिं स्थित एव महाद्युतिः
tato 'sau vītadoṣastu trimalāntakaghātakaḥ / anūpūrveṇa yayau tatra parānugrahatatparaḥ / gatvā dvāramūle 'smiṃ sthita eva mahādyutiḥ
Sanskrit only: no published translation is held for this verse.
ततस्तेन तु बालेन प्रविशित्वा अम्ब उच्यते । देहि भक्ष मया अम्ब भिक्षांश्च विविधां बहूम्
tatastena tu bālena praviśitvā amba ucyate / dehi bhakṣa mayā amba bhikṣāṃśca vividhāṃ bahūm
Sanskrit only: no published translation is held for this verse.
मित्रो मे ह्यागतो ह्यत्र पांसुक्रीडनकश्चिरात् । मोदिष्यसि चिरं तेन तिष्ठते द्वारमागतः
mitro me hyāgato hyatra pāṃsukrīḍanakaścirāt / modiṣyasi ciraṃ tena tiṣṭhate dvāramāgataḥ
Sanskrit only: no published translation is held for this verse.
तदा स त्वरमाना तु द्वारं निर्ययु तत्क्षणात् । पश्यते तं महाभागं शान्तवेषं महर्द्धिकम्
tadā sa tvaramānā tu dvāraṃ niryayu tatkṣaṇāt / paśyate taṃ mahābhāgaṃ śāntaveṣaṃ maharddhikam
Sanskrit only: no published translation is held for this verse.
तदा सा क्षिप्रमागत्य गृहीत्वा भाजनं शुभम् । सुप्रक्षाल्य ततो हस्तौ ॥॥॥।
tadā sā kṣipramāgatya gṛhītvā bhājanaṃ śubham / suprakṣālya tato hastau .......
Sanskrit only: no published translation is held for this verse.
गृहीत्वा ओदनं चौक्षमनेकरसभूषितम् । विविधाकारभक्षांश्च भाजने न्यस्य राजते
gṛhītvā odanaṃ caukṣamanekarasabhūṣitam / vividhākārabhakṣāṃśca bhājane nyasya rājate
Sanskrit only: no published translation is held for this verse.
आगम्य च तदा क्षिप्रं पात्रे निवेद्य च । पादयोर्निपतिता सा तु ससुता धर्मवत्सला
āgamya ca tadā kṣipraṃ pātre nivedya ca / pādayornipatitā sā tu sasutā dharmavatsalā
Sanskrit only: no published translation is held for this verse.
गृहीत्वासौ पिण्डपातं तु आकाशे अभ्यगच्छत । ततो ऽसौ ज्वलमानस्तु दीपमालेव दृश्यते
gṛhītvāsau piṇḍapātaṃ tu ākāśe abhyagacchata / tato 'sau jvalamānastu dīpamāleva dṛśyate
Sanskrit only: no published translation is held for this verse.
तेन तेषां वाचिको धर्म विद्यते खड्गचारिणाम् । प्रभाव ऋद्धिसत्त्वानां दर्शयन्ति महात्मनः
tena teṣāṃ vāciko dharma vidyate khaḍgacāriṇām / prabhāva ṛddhisattvānāṃ darśayanti mahātmanaḥ
Sanskrit only: no published translation is held for this verse.
अतिकारुणिका ते ऽपि सत्त्वेभ्यो गतमत्सराः । परलोकार्थं तु सत्त्वेभ्यः ऋद्धिं सन्दर्शयन्ति ते
atikāruṇikā te 'pi sattvebhyo gatamatsarāḥ / paralokārthaṃ tu sattvebhyaḥ ṛddhiṃ sandarśayanti te
Sanskrit only: no published translation is held for this verse.
तेन कर्मविपाकेन मात्रया सह बालकः । पञ्चजन्मसहस्राणि देवत्वमथ कारयेत्
tena karmavipākena mātrayā saha bālakaḥ / pañcajanmasahasrāṇi devatvamatha kārayet
Sanskrit only: no published translation is held for this verse.
देवानां देवराजासौ सा एव जननी अभूत् । अमनुष्याणां चक्रवर्त्तित्वं मनुजेश अभूत् तदा
devānāṃ devarājāsau sā eva jananī abhūt / amanuṣyāṇāṃ cakravarttitvaṃ manujeśa abhūt tadā
Sanskrit only: no published translation is held for this verse.
अनुभूय चिरं सौख्यं बिम्बिसारसुतो इह । यस्ते आकर्षितो भगवां चीवरान्ते ऽथ गृह्य च
anubhūya ciraṃ saukhyaṃ bimbisārasuto iha / yaste ākarṣito bhagavāṃ cīvarānte 'tha gṛhya ca
Sanskrit only: no published translation is held for this verse.
वाचा दुर्भाषिता उक्ता भिक्षुवादेन चोदितः । पांसुक्रीडनको मह्यं भवस्वेति पुरा तदा
vācā durbhāṣitā uktā bhikṣuvādena coditaḥ / pāṃsukrīḍanako mahyaṃ bhavasveti purā tadā
Sanskrit only: no published translation is held for this verse.
वाचो गतस्य कर्मस्य अनिष्टस्य कटुकस्य च । तीव्रं प्रतापनादुःखं अनुभूय चिरं बहु । नरके पतितो घोरे अनीप्सको दुःखदुःसहम्
vāco gatasya karmasya aniṣṭasya kaṭukasya ca / tīvraṃ pratāpanāduḥkhaṃ anubhūya ciraṃ bahu / narake patito ghore anīpsako duḥkhaduḥsaham
Sanskrit only: no published translation is held for this verse.
कर्मपाशानुबद्धास्तु सत्त्वा गच्छन्ति दुर्गतिम् । हसद्भिः क्रियते कर्म रुदद्भिरनुभूयते
karmapāśānubaddhāstu sattvā gacchanti durgatim / hasadbhiḥ kriyate karma rudadbhiranubhūyate
Sanskrit only: no published translation is held for this verse.
पूर्वं बालिशभावेन प्रत्येकजिनतापिने । वाचा निश्चारिता दुष्टा तस्य कर्मस्य ईदृशम्
pūrvaṃ bāliśabhāvena pratyekajinatāpine / vācā niścāritā duṣṭā tasya karmasya īdṛśam
Sanskrit only: no published translation is held for this verse.
नरकेभ्यः व्यसित्वा तु मनुष्यत्वमिहागतः । नारके चेतना ह्यासीद् विपाकजाते नराधिप
narakebhyaḥ vyasitvā tu manuṣyatvamihāgataḥ / nārake cetanā hyāsīd vipākajāte narādhipa
Sanskrit only: no published translation is held for this verse.
तेन तीव्रेण रोषेण जीविता ते द्वतपूर्विकाम् । पूर्विकां वासनां स्मृत्वा प्रत्येकजिनचारिणीम् । सम्मुखं दर्शितो बुद्धः पूज्यश्चैवमकारिता
tena tīvreṇa roṣeṇa jīvitā te dvatapūrvikām / pūrvikāṃ vāsanāṃ smṛtvā pratyekajinacāriṇīm / sammukhaṃ darśito buddhaḥ pūjyaścaivamakāritā
Sanskrit only: no published translation is held for this verse.
तेनैव हेतुना ह्यासीद् राज्यत्वमिह कारय । एवं वेणुवने तेषां अन्योन्या संलपेद् भुवि
tenaiva hetunā hyāsīd rājyatvamiha kāraya / evaṃ veṇuvane teṣāṃ anyonyā saṃlaped bhuvi
Sanskrit only: no published translation is held for this verse.
एकश्च अग्रशिष्यो मे द्वितीयः स नराधिप । प्रणम्य शतधा स्तूपं स्वगृहेणैव ययौ तदा
ekaśca agraśiṣyo me dvitīyaḥ sa narādhipa / praṇamya śatadhā stūpaṃ svagṛheṇaiva yayau tadā
Sanskrit only: no published translation is held for this verse.
ततो ऽसौ शिष्यमुख्यैर्मे पिप्पलागुहवासिनः । सन्निपात्य मुनिं सर्वां वीतरागां महर्द्धिकाम्
tato 'sau śiṣyamukhyairme pippalāguhavāsinaḥ / sannipātya muniṃ sarvāṃ vītarāgāṃ maharddhikām
Sanskrit only: no published translation is held for this verse.
द्वादशाङ्गं प्रवचनं कृत्स्नं विनयं चैवमगायत । तन्मया कथितो धर्मः पूर्वं जिनवरैस्तथा
dvādaśāṅgaṃ pravacanaṃ kṛtsnaṃ vinayaṃ caivamagāyata / tanmayā kathito dharmaḥ pūrvaṃ jinavaraistathā
Sanskrit only: no published translation is held for this verse.
स तेन शिष्यवराग्रेण त्रिप्रकारं समादिशेत् । ग्रथनं सूत्रभेदेव विनये वाभिधर्मतः
sa tena śiṣyavarāgreṇa triprakāraṃ samādiśet / grathanaṃ sūtrabhedeva vinaye vābhidharmataḥ
Sanskrit only: no published translation is held for this verse.
तृबन्धान्मोचयेत् सत्त्वां त्रिदोषां चापि शोषयेत् । तृदुःखान्मुक्तवां धीरः त्रियानं स्थापयेत् तदा
tṛbandhānmocayet sattvāṃ tridoṣāṃ cāpi śoṣayet / tṛduḥkhānmuktavāṃ dhīraḥ triyānaṃ sthāpayet tadā
Sanskrit only: no published translation is held for this verse.
शासनार्थं तु बुद्धानां कारयिष्यति अग्रधीः । महाराजाजातविख्यातो मागधेयो नराधिपः
śāsanārthaṃ tu buddhānāṃ kārayiṣyati agradhīḥ / mahārājājātavikhyāto māgadheyo narādhipaḥ
Sanskrit only: no published translation is held for this verse.
यावदादङ्गपर्यन्तं वारणस्यामतत्परम् । उत्तरेण तु वैशाल्यां राजा सो ऽथ महाबलः
yāvadādaṅgaparyantaṃ vāraṇasyāmatatparam / uttareṇa tu vaiśālyāṃ rājā so 'tha mahābalaḥ
Sanskrit only: no published translation is held for this verse.
भविष्यति न सन्देहः शासनार्थं करिष्यति । त्वया कुमार निर्दिष्टः व्याकृतः शान्तिमुत्तमे
bhaviṣyati na sandehaḥ śāsanārthaṃ kariṣyati / tvayā kumāra nirdiṣṭaḥ vyākṛtaḥ śāntimuttame
Sanskrit only: no published translation is held for this verse.
तस्यापि सुतो राजा उकाराख्यः प्रकीर्त्तितः । भविष्यति तदा क्षिप्रं शासनार्थं च उद्यतः
tasyāpi suto rājā ukārākhyaḥ prakīrttitaḥ / bhaviṣyati tadā kṣipraṃ śāsanārthaṃ ca udyataḥ
Sanskrit only: no published translation is held for this verse.
तदेतत् प्रवचनं शास्तु लिखापयिष्यति विस्तरम् । पूजांश्च महतीं कृत्वा दिक्समन्तान्नयिष्यति
tadetat pravacanaṃ śāstu likhāpayiṣyati vistaram / pūjāṃśca mahatīṃ kṛtvā diksamantānnayiṣyati
Sanskrit only: no published translation is held for this verse.
न चास्य दुर्गतिं चास्य देवेषूपपत्स्यते । विंशद् वर्षाणि त्रिंशच्च पितृणा सह जन्मिनः
na cāsya durgatiṃ cāsya deveṣūpapatsyate / viṃśad varṣāṇi triṃśacca pitṛṇā saha janminaḥ
Sanskrit only: no published translation is held for this verse.
वेलायामर्धरात्रे तु पञ्चत्वं यास्यते तदा । गोत्रजेनैव रोगेण अभिभूतो ऽसौ भविष्यति
velāyāmardharātre tu pañcatvaṃ yāsyate tadā / gotrajenaiva rogeṇa abhibhūto 'sau bhaviṣyati
Sanskrit only: no published translation is held for this verse.
महारोगेण दुःखार्त्तः दिवसानि षड्विंशति । समस्तव्याधिग्रस्तो ऽसौ विविधाकारमूर्छितः
mahārogeṇa duḥkhārttaḥ divasāni ṣaḍviṃśati / samastavyādhigrasto 'sau vividhākāramūrchitaḥ
Sanskrit only: no published translation is held for this verse.
च्युतो ऽसौ नरपतिः क्षिप्र देशेषूपपत्स्यते । नियतं प्राप्स्यते बोधि सो ऽनुपूर्वेण यत्नतः
cyuto 'sau narapatiḥ kṣipra deśeṣūpapatsyate / niyataṃ prāpsyate bodhi so 'nupūrveṇa yatnataḥ
Sanskrit only: no published translation is held for this verse.
एते चान्ये च बहवः अतीता ये ऽप्यनागता । कृत्वा तु विविधां कारां प्रत्येकजिनतापिषु
ete cānye ca bahavaḥ atītā ye 'pyanāgatā / kṛtvā tu vividhāṃ kārāṃ pratyekajinatāpiṣu
Sanskrit only: no published translation is held for this verse.
इष्टां विशिष्टां सम्पत्तिं दिव्यामानुषिकांस्तथा । ते ऽनुपूर्वेण गच्छन्ति शान्तिं निर्जरसम्पदम्
iṣṭāṃ viśiṣṭāṃ sampattiṃ divyāmānuṣikāṃstathā / te 'nupūrveṇa gacchanti śāntiṃ nirjarasampadam
Sanskrit only: no published translation is held for this verse.
हीनोत्कृष्टराजानो मध्यमाश्च नराधिपाः । आद्ये तु युगे कथिता नहुषाद्या पार्थिवादयः
hīnotkṛṣṭarājāno madhyamāśca narādhipāḥ / ādye tu yuge kathitā nahuṣādyā pārthivādayaḥ
Sanskrit only: no published translation is held for this verse.
बुधशुक्रोदयो नित्यं मन्त्रसिद्धा नराधिपा । शान्तनुश्चित्रसुचित्रश्च पाण्डवा सनराधिपाः
budhaśukrodayo nityaṃ mantrasiddhā narādhipā / śāntanuścitrasucitraśca pāṇḍavā sanarādhipāḥ
Sanskrit only: no published translation is held for this verse.
यातवा वारयत्याश्च रिषिशापास्तमित्रा तदा । कार्त्तिकः कार्त्तवीर्यो ऽसौ दशरथदाशरथी पुरा
yātavā vārayatyāśca riṣiśāpāstamitrā tadā / kārttikaḥ kārttavīryo 'sau daśarathadāśarathī purā
Sanskrit only: no published translation is held for this verse.
अर्जुनः सिद्धमन्त्रस्तु द्विद्रोणसुतो ऽपरः । अश्वत्थामा परो मन्त्री साधयामास मन्त्रराट्
arjunaḥ siddhamantrastu dvidroṇasuto 'paraḥ / aśvatthāmā paro mantrī sādhayāmāsa mantrarāṭ
Sanskrit only: no published translation is held for this verse.
शास्तुमूर्जितमन्त्रास्त्रैः क्ष्मापत्यं कारयेत् तदा । समन्तात् त्रिषु द्वीपेषु जम्बूद्वीपगता तदा
śāstumūrjitamantrāstraiḥ kṣmāpatyaṃ kārayet tadā / samantāt triṣu dvīpeṣu jambūdvīpagatā tadā
Sanskrit only: no published translation is held for this verse.
देवकारांश्चैव मन्त्राणि पार्थिवादयः । ते ऽपि ताथागतिं पूजां अनुमोद्या दिविं गताः
devakārāṃścaiva mantrāṇi pārthivādayaḥ / te 'pi tāthāgatiṃ pūjāṃ anumodyā diviṃ gatāḥ
Sanskrit only: no published translation is held for this verse.
बुद्धत्वनियता ते ऽपि केचित् प्रत्येकयानिका । श्रावकत्वनियता केचित् सर्वे ते मोक्षपरायणाः
buddhatvaniyatā te 'pi kecit pratyekayānikā / śrāvakatvaniyatā kecit sarve te mokṣaparāyaṇāḥ
Sanskrit only: no published translation is held for this verse.
कालव्यस्थानुरूपेण आयुषश्च विकल्पते । उत्तमा दीर्घमानुष्ये मध्या मध्यमके तथा
kālavyasthānurūpeṇa āyuṣaśca vikalpate / uttamā dīrghamānuṣye madhyā madhyamake tathā
Sanskrit only: no published translation is held for this verse.
अन्तिमे तु युगे कष्टे कलिप्राप्ते युगाधमे । + + + + + + + + + + पार्थिवा तु कलिप्रियाः
antime tu yuge kaṣṭe kaliprāpte yugādhame / + + + + + + + + + + pārthivā tu kalipriyāḥ
Sanskrit only: no published translation is held for this verse.
अन्यो ऽन्य वैरसंसक्ता परस्परविहेढकाः । नीचोत्पत्तिमायाताः शस्त्रसम्पातमृत्तवः
anyo 'nya vairasaṃsaktā parasparaviheḍhakāḥ / nīcotpattimāyātāḥ śastrasampātamṛttavaḥ
Sanskrit only: no published translation is held for this verse.
शस्त्रप्रवृत्तिसमुत्साहा परदाराभिरतस्तदा । भविष्यन्ति न सन्देहः भूपाला लोककुत्सिताः
śastrapravṛttisamutsāhā paradārābhiratastadā / bhaviṣyanti na sandehaḥ bhūpālā lokakutsitāḥ
Sanskrit only: no published translation is held for this verse.
धूर्ता निकृष्टकर्माणः अनार्या मत्सरिणस्तथा । भविष्यन्ति तदा काले मध्ये द्वापरयो कलौ
dhūrtā nikṛṣṭakarmāṇaḥ anāryā matsariṇastathā / bhaviṣyanti tadā kāle madhye dvāparayo kalau
Sanskrit only: no published translation is held for this verse.
संक्षेपेण तु वक्ष्यामि कुमारस्तं निबोधत । वर्तमाने तु यत्काले पार्थिवा भुवि मण्डले
saṃkṣepeṇa tu vakṣyāmi kumārastaṃ nibodhata / vartamāne tu yatkāle pārthivā bhuvi maṇḍale
Sanskrit only: no published translation is held for this verse.
तेषां तु रूपचिह्नानि वर्णतश्च निबोधताम् । प्रसेनजित् कोसलो राजा बिम्बिसारस्तथापरः
teṣāṃ tu rūpacihnāni varṇataśca nibodhatām / prasenajit kosalo rājā bimbisārastathāparaḥ
Sanskrit only: no published translation is held for this verse.
उदयनः क्षत्रियश्रेष्ठः शतानीकसमुद्भवः । सुबाहुः सुधनख्यातो महेन्द्रचन्द्रसमस्तथा
udayanaḥ kṣatriyaśreṣṭhaḥ śatānīkasamudbhavaḥ / subāhuḥ sudhanakhyāto mahendracandrasamastathā
Sanskrit only: no published translation is held for this verse.
लिच्छवीनां तथा जातः सिंहो वैशाल्यमुद्भव । उदाविद्योतमुद्योतमहासेनश्च कथ्यते
licchavīnāṃ tathā jātaḥ siṃho vaiśālyamudbhava / udāvidyotamudyotamahāsenaśca kathyate
Sanskrit only: no published translation is held for this verse.
उज्जयन्यां तथा चण्डः कपिलाह्वे पुरे नृपः । राजा शुद्धोदनश्चैव वैराटाख्यो महाबलः
ujjayanyāṃ tathā caṇḍaḥ kapilāhve pure nṛpaḥ / rājā śuddhodanaścaiva vairāṭākhyo mahābalaḥ
Sanskrit only: no published translation is held for this verse.
इत्येते क्षत्रियाः प्रोक्ता महीपालाः शास्तु पूजकाः । सम्मुखं बुद्ध पश्यन्ति शाक्यसिंहे नरोत्तमम्
ityete kṣatriyāḥ proktā mahīpālāḥ śāstu pūjakāḥ / sammukhaṃ buddha paśyanti śākyasiṃhe narottamam
Sanskrit only: no published translation is held for this verse.
धर्मं श्रुत्वा ततस्ते ऽपि चिरं प्राप्स्यन्ति सम्पदाम् । नियतं मोक्षकामास्तु शान्तिं प्राप्स्यन्ति ते ऽपि ताम्
dharmaṃ śrutvā tataste 'pi ciraṃ prāpsyanti sampadām / niyataṃ mokṣakāmāstu śāntiṃ prāpsyanti te 'pi tām
Sanskrit only: no published translation is held for this verse.
इत्येते लोकविख्याता भूपाला क्षितिमण्डले । वर्णतः क्षत्रियः प्रोक्तः चिह्नतो नामसज्ञितः
ityete lokavikhyātā bhūpālā kṣitimaṇḍale / varṇataḥ kṣatriyaḥ proktaḥ cihnato nāmasajñitaḥ
Sanskrit only: no published translation is held for this verse.
पूजयिष्यति ते वाक्यं मयैव कथितं भुवि । त्वयैव व्याकृतो लोके कुमारो बालरूपिणः
pūjayiṣyati te vākyaṃ mayaiva kathitaṃ bhuvi / tvayaiva vyākṛto loke kumāro bālarūpiṇaḥ
Sanskrit only: no published translation is held for this verse.
अजाताख्यो नामसौ नियतं बोधिपरायणः । मयि वर्षशते परिनिर्वृते भुवि मण्डले
ajātākhyo nāmasau niyataṃ bodhiparāyaṇaḥ / mayi varṣaśate parinirvṛte bhuvi maṇḍale
Sanskrit only: no published translation is held for this verse.
निरालोके निरानन्दे अज्ञानतमसा वृते । भविष्यति तदा शून्या मेदिनी जिनवर्जिता
nirāloke nirānande ajñānatamasā vṛte / bhaviṣyati tadā śūnyā medinī jinavarjitā
Sanskrit only: no published translation is held for this verse.
तस्मिं काले महाघोरे कुसुमाह्वे नगरे तदा । अशोको नाम विख्यातः पार्थिवो भुवि पालकः । तीव्रकारी सरोषी च निर्घृणो ऽसौ भवेत् तदा
tasmiṃ kāle mahāghore kusumāhve nagare tadā / aśoko nāma vikhyātaḥ pārthivo bhuvi pālakaḥ / tīvrakārī saroṣī ca nirghṛṇo 'sau bhavet tadā
Sanskrit only: no published translation is held for this verse.
कल्याणमित्रमात्रम्य वीतरागं महर्द्धिकम् । भिक्षुं शीलसम्पन्नं निज्वरं गतचेतसम् । पूर्ववासनहेतुं च पांशुदानं महर्द्धिकम्
kalyāṇamitramātramya vītarāgaṃ maharddhikam / bhikṣuṃ śīlasampannaṃ nijvaraṃ gatacetasam / pūrvavāsanahetuṃ ca pāṃśudānaṃ maharddhikam
Sanskrit only: no published translation is held for this verse.
नियतं क्षेत्रसम्पन्नं पार्थिवो ऽसौ महाधनः । धर्माधर्मविचारी च सघृणी कारुणिको हि सौ
niyataṃ kṣetrasampannaṃ pārthivo 'sau mahādhanaḥ / dharmādharmavicārī ca saghṛṇī kāruṇiko hi sau
Sanskrit only: no published translation is held for this verse.
हेतुमुद्धाटयामास वीतरागो महर्द्धिकः । त्वया हि नृपतेः पूर्वं अज्ञानाद् बालचापलात्
hetumuddhāṭayāmāsa vītarāgo maharddhikaḥ / tvayā hi nṛpateḥ pūrvaṃ ajñānād bālacāpalāt
Sanskrit only: no published translation is held for this verse.
जिने शाक्यसिंहस्य पांसु अञ्जलिना तदा । पात्रे भस्मे प्रतिष्ठाप्य प्राप्ता सम्पत्तयो दिवि
jine śākyasiṃhasya pāṃsu añjalinā tadā / pātre bhasme pratiṣṭhāpya prāptā sampattayo divi
Sanskrit only: no published translation is held for this verse.
देवलोकं व्यवित्वा तु पितृलोकमिहागतम् । भुंक्ष्व राज्यं महीपाल जम्बूद्वीपं सकाननम्
devalokaṃ vyavitvā tu pitṛlokamihāgatam / bhuṃkṣva rājyaṃ mahīpāla jambūdvīpaṃ sakānanam
Sanskrit only: no published translation is held for this verse.
आराध्य मन्त्रं यक्षस्य जम्भलस्य महात्मने । ततो भूतरथः सिद्धः क्षितिपश्च महात्मनः
ārādhya mantraṃ yakṣasya jambhalasya mahātmane / tato bhūtarathaḥ siddhaḥ kṣitipaśca mahātmanaḥ
Sanskrit only: no published translation is held for this verse.
यक्षास्तस्य तिष्ठन्ते आज्ञो दीक्षितमानसाः । नागाश्चैव तिष्ठन्ते भव्याः किङ्करहेतवः
yakṣāstasya tiṣṭhante ājño dīkṣitamānasāḥ / nāgāścaiva tiṣṭhante bhavyāḥ kiṅkarahetavaḥ
Sanskrit only: no published translation is held for this verse.
एवं महर्द्धिका धर्मात्मा बलचक्री अभूत् तदा । यथेष्टगमनं तस्य निषेद्धा न क्वचिद् भवेत्
evaṃ maharddhikā dharmātmā balacakrī abhūt tadā / yatheṣṭagamanaṃ tasya niṣeddhā na kvacid bhavet
Sanskrit only: no published translation is held for this verse.
पूवस्थापितकार्ये तु जिनानां धातुवरा भुवि । नगरे राजमुख्ये तु वने वेणुवने तदा
pūvasthāpitakārye tu jinānāṃ dhātuvarā bhuvi / nagare rājamukhye tu vane veṇuvane tadā
Sanskrit only: no published translation is held for this verse.
गृह्य धातुधरे धातुं कुशलालम्बनमानसः । पूजयामास तं स्तूपं यथा पौराणमकारय
gṛhya dhātudhare dhātuṃ kuśalālambanamānasaḥ / pūjayāmāsa taṃ stūpaṃ yathā paurāṇamakāraya
Sanskrit only: no published translation is held for this verse.
गृह्यन्तं धातुकुम्भं तु विभज्य शतधा पुनः । क्षणेनैकेन मेधावी यक्षाणामाज्ञाविनिर्दिशेत्
gṛhyantaṃ dhātukumbhaṃ tu vibhajya śatadhā punaḥ / kṣaṇenaikena medhāvī yakṣāṇāmājñāvinirdiśet
Sanskrit only: no published translation is held for this verse.
जम्बूद्वीप इमं कृत्स्नं स्तूपालङ्कृतभूषणम् । कारयन्तु भवन्तो वै धातुगर्भां वसुन्धराम्
jambūdvīpa imaṃ kṛtsnaṃ stūpālaṅkṛtabhūṣaṇam / kārayantu bhavanto vai dhātugarbhāṃ vasundharām
Sanskrit only: no published translation is held for this verse.
आज्ञाप्रतीच्छते यक्षाः अर्धरात्रे तु यत्नतः । अमानुषेयं कृतिं कृत्वा शिलायष्ट्योच्छ्रितां भुवि
ājñāpratīcchate yakṣāḥ ardharātre tu yatnataḥ / amānuṣeyaṃ kṛtiṃ kṛtvā śilāyaṣṭyocchritāṃ bhuvi
Sanskrit only: no published translation is held for this verse.
अनेकस्तम्भसहस्राणि रोपयामास ते तदा । पूजनार्थं तु चैत्यानां चिह्नभूतं च देहिनाम्
anekastambhasahasrāṇi ropayāmāsa te tadā / pūjanārthaṃ tu caityānāṃ cihnabhūtaṃ ca dehinām
Sanskrit only: no published translation is held for this verse.
कृत्वा तु विविधां स्तूपां लोकनाथेभ्य तापिषु । क्षणेनैकेन ते यक्षा नृपते ऽन्तिकमागताः
kṛtvā tu vividhāṃ stūpāṃ lokanāthebhya tāpiṣu / kṣaṇenaikena te yakṣā nṛpate 'ntikamāgatāḥ
Sanskrit only: no published translation is held for this verse.
प्रणिपत्य ततो मूर्ध्ना वाचा निश्चारगुह्यकाम् । यथाज्ञतं कृतं सर्वं किं न पश्यसि भूते
praṇipatya tato mūrdhnā vācā niścāraguhyakām / yathājñataṃ kṛtaṃ sarvaṃ kiṃ na paśyasi bhūte
Sanskrit only: no published translation is held for this verse.
ततो ऽसौ पार्थिवः क्षिप्रं आरुरोह रथं तदा । विविधाकारपूजार्थं अनेकाकारशोभनाम्
tato 'sau pārthivaḥ kṣipraṃ āruroha rathaṃ tadā / vividhākārapūjārthaṃ anekākāraśobhanām
Sanskrit only: no published translation is held for this verse.
काञ्चनं राजतं ताम्रं विविधांस्तूपभूषणाम् । ततो भूतरथं क्षिप्रं पूरयामास पार्थिवः
kāñcanaṃ rājataṃ tāmraṃ vividhāṃstūpabhūṣaṇām / tato bhūtarathaṃ kṣipraṃ pūrayāmāsa pārthivaḥ
Sanskrit only: no published translation is held for this verse.
क्षणेनेकन तं देशं यत्र ते धातुधरा जिना । विचित्राकारपूजाभिः पूजयेत नराधिपः
kṣaṇenekana taṃ deśaṃ yatra te dhātudharā jinā / vicitrākārapūjābhiḥ pūjayeta narādhipaḥ
Sanskrit only: no published translation is held for this verse.
शोभने मेदिनीं कृत्स्नां जिनधातुधरैस्तदा । प्रणिधिं चक्रिरे राजा धर्माशोको महात्मवान् । अनेन कुशलार्थेन बुद्धो भूमामनुत्तरः
śobhane medinīṃ kṛtsnāṃ jinadhātudharaistadā / praṇidhiṃ cakrire rājā dharmāśoko mahātmavān / anena kuśalārthena buddho bhūmāmanuttaraḥ
Sanskrit only: no published translation is held for this verse.
एवं विदित्वा महात्मासौ धर्माशोको नराधिपः । मृतो ऽसौ देवतां याति नियतं बोधिपरायणः
evaṃ viditvā mahātmāsau dharmāśoko narādhipaḥ / mṛto 'sau devatāṃ yāti niyataṃ bodhiparāyaṇaḥ
Sanskrit only: no published translation is held for this verse.
अशीतिवर्षाणि सप्तं च पूजये धातुवरां भुवि । जीवेद् वर्षशतं सार्धं कृत्वा राज्यमकण्टकम्
aśītivarṣāṇi saptaṃ ca pūjaye dhātuvarāṃ bhuvi / jīved varṣaśataṃ sārdhaṃ kṛtvā rājyamakaṇṭakam
Sanskrit only: no published translation is held for this verse.
स्वकर्मजनितास्तस्य व्याधिरुत्पन्नदेहजे । तेनैव व्याधितो दुःखी मृतः स्वर्गोपगो भवेत्
svakarmajanitāstasya vyādhirutpannadehaje / tenaiva vyādhito duḥkhī mṛtaḥ svargopago bhavet
Sanskrit only: no published translation is held for this verse.
महतीं सम्पदं प्राप्य अनुभूय दिवौकसाम् । अनुपूर्वेण मेधावी बोधिं प्राप्स्यति दुर्लभाम् । मन्त्रा सिद्ध्यन्ति तत्काले वज्राब्जकुलयोरपि
mahatīṃ sampadaṃ prāpya anubhūya divaukasām / anupūrveṇa medhāvī bodhiṃ prāpsyati durlabhām / mantrā siddhyanti tatkāle vajrābjakulayorapi
Sanskrit only: no published translation is held for this verse.
जम्भलाद्यास्तथा यक्षा अस्मिं शासनवर्त्तिनः । यक्षिण्यश्च समाख्याता हारीत्याद्या महर्द्धिकाः
jambhalādyāstathā yakṣā asmiṃ śāsanavarttinaḥ / yakṣiṇyaśca samākhyātā hārītyādyā maharddhikāḥ
Sanskrit only: no published translation is held for this verse.
चक्रवर्तिसमुत्पादे मन्त्रा सिद्ध्यन्ति चक्रिणः । जिनैस्तु कथिता ये मन्त्रा विद्याराजा महर्द्धिकाः
cakravartisamutpāde mantrā siddhyanti cakriṇaḥ / jinaistu kathitā ye mantrā vidyārājā maharddhikāḥ
Sanskrit only: no published translation is held for this verse.
उष्णीषप्रभृतयः सर्वे ये चान्ये जिनभाषिताः । उत्तमां साधनां कुर्यात् तस्मिं काले सुशोभने
uṣṇīṣaprabhṛtayaḥ sarve ye cānye jinabhāṣitāḥ / uttamāṃ sādhanāṃ kuryāt tasmiṃ kāle suśobhane
Sanskrit only: no published translation is held for this verse.
उत्तमैर्नाधमाः साध्या उत्तमां गतिमाशृतैः । दिलीपो नहुषश्चैव मान्धाता सगरस्तथा
uttamairnādhamāḥ sādhyā uttamāṃ gatimāśṛtaiḥ / dilīpo nahuṣaścaiva māndhātā sagarastathā
Sanskrit only: no published translation is held for this verse.
साधयित्वा तु ते मन्त्रां चक्रिणां जिनभाषिताम् । तेजोराशिस्तदा सिद्धः नहुषस्य महात्मनः
sādhayitvā tu te mantrāṃ cakriṇāṃ jinabhāṣitām / tejorāśistadā siddhaḥ nahuṣasya mahātmanaḥ
Sanskrit only: no published translation is held for this verse.
राजा सितातपत्रस्तु सिद्धस्तु सगरस्य वै । दिलीपस्य तथा मन्त्रं सिद्धमेकमक्षरम्
rājā sitātapatrastu siddhastu sagarasya vai / dilīpasya tathā mantraṃ siddhamekamakṣaram
Sanskrit only: no published translation is held for this verse.