अतिक्रान्ते तदा काले कनकाह्वे शास्तुसम्भवे । वाराणस्यां महानगर्यां श्रेष्ठिरासीन्महाधनः
atikrānte tadā kāle kanakāhve śāstusambhave / vārāṇasyāṃ mahānagaryāṃ śreṣṭhirāsīnmahādhanaḥ
Sanskrit only: no published translation is held for this verse.
Manjusrimulakalpa 53
वणिजः स सुतो बालः बालिशैस्तु समावृतः । पांसुक्रीडनमर्थाय रथ्यायां प्रतिपद्यते
vaṇijaḥ sa suto bālaḥ bāliśaistu samāvṛtaḥ / pāṃsukrīḍanamarthāya rathyāyāṃ pratipadyate
Sanskrit only: no published translation is held for this verse.
स्वगृहे स्तूपवरं दृष्ट्वा पितामात्राभिपूजितम् । तदेव मनसा वर्ते स्तूपं कृत्वा तु पांसुना
svagṛhe stūpavaraṃ dṛṣṭvā pitāmātrābhipūjitam / tadeva manasā varte stūpaṃ kṛtvā tu pāṃsunā
Sanskrit only: no published translation is held for this verse.
पूजां च कारयामास निर्माल्यकुसुमैस्तदा । संस्तवामास तं स्तूपं बुद्धत्वं श्राद्धगतिस्मृतिः
pūjāṃ ca kārayāmāsa nirmālyakusumaistadā / saṃstavāmāsa taṃ stūpaṃ buddhatvaṃ śrāddhagatismṛtiḥ
Sanskrit only: no published translation is held for this verse.
क्रीडते बालस्तत्र शिशुभिः परिवारितः । जिने कनकशास्तुस्य श्रावकाग्रो तदैककः
krīḍate bālastatra śiśubhiḥ parivāritaḥ / jine kanakaśāstusya śrāvakāgro tadaikakaḥ
Sanskrit only: no published translation is held for this verse.
वीतदोषस्तु युक्तात्मा त्रैधातुकमुक्तधीः । तदासौ वीतदोषस्तु पिण्डपातमहिण्डत
vītadoṣastu yuktātmā traidhātukamuktadhīḥ / tadāsau vītadoṣastu piṇḍapātamahiṇḍata
Sanskrit only: no published translation is held for this verse.
प्रविशते च तदा नगरीं वारणस्यां सुशोभनाम् । वीतरागस्तदादेशं यत्र ते बालिशा भुवि
praviśate ca tadā nagarīṃ vāraṇasyāṃ suśobhanām / vītarāgastadādeśaṃ yatra te bāliśā bhuvi
Sanskrit only: no published translation is held for this verse.
यत्र ते शैशवः सर्वे समन्तात् परिवारिताः । एहि भिक्षु इहागच्छ वन्द स्त्वं शास्तुचैत्यकम् । अस्माभिः कारितं यत्नात् न त्वं पश्यसि शोभनम्
yatra te śaiśavaḥ sarve samantāt parivāritāḥ / ehi bhikṣu ihāgaccha vanda stvaṃ śāstucaityakam / asmābhiḥ kāritaṃ yatnāt na tvaṃ paśyasi śobhanam
Sanskrit only: no published translation is held for this verse.
ततः श्रेष्ठिसुतो बालः गृहीत्वा तृणवर्तितम् । क्रीडया बन्धयामास वीतरागं महर्द्धिकम्
tataḥ śreṣṭhisuto bālaḥ gṛhītvā tṛṇavartitam / krīḍayā bandhayāmāsa vītarāgaṃ maharddhikam
Sanskrit only: no published translation is held for this verse.
समन्वाहरति तत्रासौ वीतरागो महर्द्धिकः । पश्यते भुवि तत्रस्थं चैत्यं कारितकं हि तैः । बालिशं मूर्ध्नि मासृज्य एवं वोच महात्मधीः
samanvāharati tatrāsau vītarāgo maharddhikaḥ / paśyate bhuvi tatrasthaṃ caityaṃ kāritakaṃ hi taiḥ / bāliśaṃ mūrdhni māsṛjya evaṃ voca mahātmadhīḥ
Sanskrit only: no published translation is held for this verse.
मुञ्च दारक गच्छामो यत्र त्वं कारितं कृतिः । आगता च ततः सर्वे यत्र धातुधरं भुवि
muñca dāraka gacchāmo yatra tvaṃ kāritaṃ kṛtiḥ / āgatā ca tataḥ sarve yatra dhātudharaṃ bhuvi
Sanskrit only: no published translation is held for this verse.
वन्दित्वा वीतरागा महात्मासौ शिशुभिश्चैतदासमैः । पुनरेव प्रस्थितो वीरः पिण्डकार्थं यथेप्सतः
vanditvā vītarāgā mahātmāsau śiśubhiścaitadāsamaiḥ / punareva prasthito vīraḥ piṇḍakārthaṃ yathepsataḥ
Sanskrit only: no published translation is held for this verse.
ततः श्रेष्ठिसुतो बालः गृहीत्वा चीवरान्तिकम् । स्वगृहं नीतवां ह्यासीद् भोजनार्थं च कारयेत्
tataḥ śreṣṭhisuto bālaḥ gṛhītvā cīvarāntikam / svagṛhaṃ nītavāṃ hyāsīd bhojanārthaṃ ca kārayet
Sanskrit only: no published translation is held for this verse.
ततः श्रेष्ठिमुख्यो ऽसौ दृष्ट्वा तं बालिशम् ॥॥ । गृहीत्वा चीवरान्ते तु वीतरागं महर्द्धिकम्
tataḥ śreṣṭhimukhyo 'sau dṛṣṭvā taṃ bāliśam .... / gṛhītvā cīvarānte tu vītarāgaṃ maharddhikam
Sanskrit only: no published translation is held for this verse.
भीतो हृष्टरोमश्च गृहं मे आगतो ऽग्रजः । पादयोर्निपतितं क्षिप्रं मुञ्चापयति बालकम्
bhīto hṛṣṭaromaśca gṛhaṃ me āgato 'grajaḥ / pādayornipatitaṃ kṣipraṃ muñcāpayati bālakam
Sanskrit only: no published translation is held for this verse.
गृहीत्वा तु सुतं तस्य क्षमापयामास यत्नतः । पात्रं तु गृहीत्वा वै जिने अग्रजिते हिते
gṛhītvā tu sutaṃ tasya kṣamāpayāmāsa yatnataḥ / pātraṃ tu gṛhītvā vai jine agrajite hite
Sanskrit only: no published translation is held for this verse.
पूरयामास तं पात्रं शालिव्यञ्जनभक्षकैः । सुतं चामन्त्रयामास गृह्य मन्त्र प्रयच्छ भोः
pūrayāmāsa taṃ pātraṃ śālivyañjanabhakṣakaiḥ / sutaṃ cāmantrayāmāsa gṛhya mantra prayaccha bhoḥ
Sanskrit only: no published translation is held for this verse.
ततो वालो ऽथ सप्रज्ञो हस्तो प्रक्षाल्य यत्नतः । गृहीत्वा पात्रपूरं तु वीतरागाय नामयेत्
tato vālo 'tha saprajño hasto prakṣālya yatnataḥ / gṛhītvā pātrapūraṃ tu vītarāgāya nāmayet
Sanskrit only: no published translation is held for this verse.
नामयित्वा तु तं क्षिप्रं पादयोर्निपतितो भुवि । वीतरागो गृहीत्वा तु ॥॥ भुक्तवाम् । वीतरागो तदा ह्यासीत् सुखसंस्पर्शं च लब्धवाम्
nāmayitvā tu taṃ kṣipraṃ pādayornipatito bhuvi / vītarāgo gṛhītvā tu .... bhuktavām / vītarāgo tadā hyāsīt sukhasaṃsparśaṃ ca labdhavām
Sanskrit only: no published translation is held for this verse.
अपरस्तत्र बालो वै मात्सर्याविष्टमानसः । केवलं रोषचित्तेन वीतरागो परे ऽहनि । प्रभूतं खाद्यभोज्यं च गृहीत्वा तं प्रयच्छत
aparastatra bālo vai mātsaryāviṣṭamānasaḥ / kevalaṃ roṣacittena vītarāgo pare 'hani / prabhūtaṃ khādyabhojyaṃ ca gṛhītvā taṃ prayacchata
Sanskrit only: no published translation is held for this verse.
यद्यस्ति कुशलं किञ्चित् त्वयि दत्वा तु पिण्डकम् । अनेन श्रेष्ठिसुतस्याहं भविता आढ्यतमो भुवि
yadyasti kuśalaṃ kiñcit tvayi datvā tu piṇḍakam / anena śreṣṭhisutasyāhaṃ bhavitā āḍhyatamo bhuvi
Sanskrit only: no published translation is held for this verse.
ततस्ते तीर्थिकाः सर्वे द्विजातिवनिता तदा । सन्निपत्य तदा सर्वे कलहं निन्दकं कृत्वा
tataste tīrthikāḥ sarve dvijātivanitā tadā / sannipatya tadā sarve kalahaṃ nindakaṃ kṛtvā
Sanskrit only: no published translation is held for this verse.
बालिशस्त्वं न जानासि मुण्डकानां कुतो गतिः । आत्मना अस्थिता ह्येते परेषां कुत्र निर्वृतिः
bāliśastvaṃ na jānāsi muṇḍakānāṃ kuto gatiḥ / ātmanā asthitā hyete pareṣāṃ kutra nirvṛtiḥ
Sanskrit only: no published translation is held for this verse.
तस्य बालकसत्त्वस्य द्वेषमुत्पन्न तादृशम् । नाशयामास एतेषां शास्तारेणोपवर्णिताम्
tasya bālakasattvasya dveṣamutpanna tādṛśam / nāśayāmāsa eteṣāṃ śāstāreṇopavarṇitām
Sanskrit only: no published translation is held for this verse.
धर्मसेतु सदा कीर्त्ति विहारां चैत्यवरां भुवि । श्रेष्ठिमुख्यसुतस्यैव आघात चैव कारयेत्
dharmasetu sadā kīrtti vihārāṃ caityavarāṃ bhuvi / śreṣṭhimukhyasutasyaiva āghāta caiva kārayet
Sanskrit only: no published translation is held for this verse.
एतेषां कुण्डकानां तु दत्त्वा दानं कुतो गतिः । कुगतिग्रस्तचित्तानां विघातं कारयाम्यहम्
eteṣāṃ kuṇḍakānāṃ tu dattvā dānaṃ kuto gatiḥ / kugatigrastacittānāṃ vighātaṃ kārayāmyaham
Sanskrit only: no published translation is held for this verse.
यो सौ वाद्यतमो बालो सोमाख्यो ऽपि नृपो ह्यसौ । अनुभूय चिरं दुःखं विपाकः तस्य नैष्ठिकम्
yo sau vādyatamo bālo somākhyo 'pi nṛpo hyasau / anubhūya ciraṃ duḥkhaṃ vipākaḥ tasya naiṣṭhikam
Sanskrit only: no published translation is held for this verse.
श्रेष्ठिमुख्यस्य पुत्रो ऽसौ भिन्नदेहो दिविं गतः । अनुभूय चिरं सौख्यं दिवौकसानां तदा तदा
śreṣṭhimukhyasya putro 'sau bhinnadeho diviṃ gataḥ / anubhūya ciraṃ saukhyaṃ divaukasānāṃ tadā tadā
Sanskrit only: no published translation is held for this verse.
च्युतो ऽसौ देवलोके ऽस्मिम् ॥॥॥ । ॥॥॥ तदाजन्मे बन्धं सेत्स्यति सर्वदा
cyuto 'sau devaloke 'smim ...... / ...... tadājanme bandhaṃ setsyati sarvadā
Sanskrit only: no published translation is held for this verse.
तृजन्मोपगतो मर्त्यः क्ष्मापतिः भविता पुनः । पुनश्च पतितः कर्मेण तत्र तत्र तदा तदा
tṛjanmopagato martyaḥ kṣmāpatiḥ bhavitā punaḥ / punaśca patitaḥ karmeṇa tatra tatra tadā tadā
Sanskrit only: no published translation is held for this verse.
भविता जन्मलोके ऽस्मिं नृपतित्वं कारयेद् भुवि । निर्माल्यदानं यस्स्तूपे निवेद्य सौ बालचापलात्
bhavitā janmaloke 'smiṃ nṛpatitvaṃ kārayed bhuvi / nirmālyadānaṃ yasstūpe nivedya sau bālacāpalāt
Sanskrit only: no published translation is held for this verse.
तेनास्य भोगा क्लिष्टा वै क्लिष्टादानस्य तत् फलम् । दुःखेन भोगांस्तु प्राप्तस्तु नग्नसन्धीव सौ नृपः
tenāsya bhogā kliṣṭā vai kliṣṭādānasya tat phalam / duḥkhena bhogāṃstu prāptastu nagnasandhīva sau nṛpaḥ
Sanskrit only: no published translation is held for this verse.
अस्थैर्या बालवत्त्वच्च चलचित्ततया च सदा । कुर्वीत महतीं पूजां शास्तुर्धातुवरे भुवि
asthairyā bālavattvacca calacittatayā ca sadā / kurvīta mahatīṃ pūjāṃ śāsturdhātuvare bhuvi
Sanskrit only: no published translation is held for this verse.
तेन कर्मविपाकेन राज्यैश्वर्यं चलतां व्रजेत् । भूत्वा भवति राजा अभूत्वा प्रतिगच्छति
tena karmavipākena rājyaiśvaryaṃ calatāṃ vrajet / bhūtvā bhavati rājā abhūtvā pratigacchati
Sanskrit only: no published translation is held for this verse.
उदीच्यप्रतीच्यमध्यौ सो नृपतित्वं कारयेद् भुवि । यो सौ मुक्तधीबन्धः पुनर्मुक्तश्च बालकः
udīcyapratīcyamadhyau so nṛpatitvaṃ kārayed bhuvi / yo sau muktadhībandhaḥ punarmuktaśca bālakaḥ
Sanskrit only: no published translation is held for this verse.
तेन कर्मविपाकेन बद्धो मुक्तश्च बालकः । पञ्चजन्मशतानैव बद्धो मुक्तश्च बालकः
tena karmavipākena baddho muktaśca bālakaḥ / pañcajanmaśatānaiva baddho muktaśca bālakaḥ
Sanskrit only: no published translation is held for this verse.
अपश्चिमे तु तदा जन्मे बन्धं छेत्स्यति सर्वदा । पञ्चपञ्चाशवर्षस्तु सप्तसप्ततिको ऽपि वा । प्राचीं समुद्रपर्यन्तां राजासौ भविता भुवि
apaścime tu tadā janme bandhaṃ chetsyati sarvadā / pañcapañcāśavarṣastu saptasaptatiko 'pi vā / prācīṃ samudraparyantāṃ rājāsau bhavitā bhuvi
Sanskrit only: no published translation is held for this verse.
विन्ध्यकुक्षिनिविष्टास्तु प्रत्यन्तम्लेच्छतस्कराः । सर्वे ते वशवर्ति स्यात् पकाराख्ये नृपतौ भुवि
vindhyakukṣiniviṣṭāstu pratyantamlecchataskarāḥ / sarve te vaśavarti syāt pakārākhye nṛpatau bhuvi
Sanskrit only: no published translation is held for this verse.
हिमाद्रिकुक्षिसन्निविष्टा तु उत्तरां दिशिमाशृताम् । सर्वां जनपदां भुङ्क्ते राजासौ क्षत्रियस्तदा
himādrikukṣisanniviṣṭā tu uttarāṃ diśimāśṛtām / sarvāṃ janapadāṃ bhuṅkte rājāsau kṣatriyastadā
Sanskrit only: no published translation is held for this verse.
पांसुना कृत्वा स्तूपं अज्ञानाद् बालभावतः । मागधेषु भवेद् राजा निःसपत्नमकण्टकः । सैमामटवीपर्यन्तां प्राचीसमुद्रमाशृतः
pāṃsunā kṛtvā stūpaṃ ajñānād bālabhāvataḥ / māgadheṣu bhaved rājā niḥsapatnamakaṇṭakaḥ / saimāmaṭavīparyantāṃ prācīsamudramāśṛtaḥ
Sanskrit only: no published translation is held for this verse.
लौहित्यापरतो धीमां उत्तरे हिमवांस्तथा । पश्चात् काशिपुरी रम्यां शृङ्गाख्ये पुर एव वा
lauhityāparato dhīmāṃ uttare himavāṃstathā / paścāt kāśipurī ramyāṃ śṛṅgākhye pura eva vā
Sanskrit only: no published translation is held for this verse.
अत्रान्तरे महीपालः शास्तुशासनदायकः । पञ्चकेसरिनामानौ जित्वा नृपतिनौ सौ
atrāntare mahīpālaḥ śāstuśāsanadāyakaḥ / pañcakesarināmānau jitvā nṛpatinau sau
Sanskrit only: no published translation is held for this verse.
॥॥॥। स्वं राज्यमकारयत् । सर्वांस्तां सिंहजास्ते ऽपि ध्वस्तोन्मूलिता तदा
....... svaṃ rājyamakārayat / sarvāṃstāṃ siṃhajāste 'pi dhvastonmūlitā tadā
Sanskrit only: no published translation is held for this verse.
हिमाद्रिकुक्षिप्राच्यां भो दशानूपः तीरमाश्रयेत् । सत्त्वा जनपदां भुङ्क्ते राजासौ क्षैत्रियस्तदा
himādrikukṣiprācyāṃ bho daśānūpaḥ tīramāśrayet / sattvā janapadāṃ bhuṅkte rājāsau kṣaitriyastadā
Sanskrit only: no published translation is held for this verse.
अभिवर्धमानजन्मस्तु भोगास्तस्य च वर्द्धताम् । वार्धिक्ये च तदा प्रोक्ते भोगां निश्चलतां व्रजेत्
abhivardhamānajanmastu bhogāstasya ca varddhatām / vārdhikye ca tadā prokte bhogāṃ niścalatāṃ vrajet
Sanskrit only: no published translation is held for this verse.
अशीतिवर्षाणि जीवेयुः सप्त सप्त तथा पराम् । ततो जीर्णाभिभूतस्तु कालं कृत्वा दिविं गतः
aśītivarṣāṇi jīveyuḥ sapta sapta tathā parām / tato jīrṇābhibhūtastu kālaṃ kṛtvā diviṃ gataḥ
Sanskrit only: no published translation is held for this verse.
देवलोके ऽस्मिं चिरसौख्यमनुभूय तथा नृपः । पुनश्चवति कर्मेण पूर्वसङ्क्लेशितेन तु । तिर्यक्षु न्वसे मासं नागराजमहर्द्धिकः
devaloke 'smiṃ cirasaukhyamanubhūya tathā nṛpaḥ / punaścavati karmeṇa pūrvasaṅkleśitena tu / tiryakṣu nvase māsaṃ nāgarājamaharddhikaḥ
Sanskrit only: no published translation is held for this verse.
ततो ऽसौ भिन्नदेहस्तु मानुषेभ्योपपद्यते । क्षत्रियो धीमतो जतो वणिग्जीवी विशारदः
tato 'sau bhinnadehastu mānuṣebhyopapadyate / kṣatriyo dhīmato jato vaṇigjīvī viśāradaḥ
Sanskrit only: no published translation is held for this verse.
कल्याणमित्रमागम्य भोक्तासौ जिनशासने । साधयेद् विद्याराज्ञीं तारादेविं महर्द्धिकाम्
kalyāṇamitramāgamya bhoktāsau jinaśāsane / sādhayed vidyārājñīṃ tārādeviṃ maharddhikām
Sanskrit only: no published translation is held for this verse.
सिद्धमन्त्रस्तु जिनो नासौ यथेष्टगतिचारिणः । विद्याधराणां तदा राजा भविता सुगतस्तदा
siddhamantrastu jino nāsau yatheṣṭagaticāriṇaḥ / vidyādharāṇāṃ tadā rājā bhavitā sugatastadā
Sanskrit only: no published translation is held for this verse.
चक्रवर्तिस्तदा ख्यातो नाम्नासौ चित्रकेतवः । विद्याधराणां तदा कर्म ख्यातो ऽसौ मतिमांस्तथा
cakravartistadā khyāto nāmnāsau citraketavaḥ / vidyādharāṇāṃ tadā karma khyāto 'sau matimāṃstathā
Sanskrit only: no published translation is held for this verse.
अशीतिवर्षकोट्यानि नवसप्तानि चैतदा । दिव्यमानुष्यमाद्येन भविता चक्रवर्त्तिनः । परिवारस्तस्य कन्यानां षष्टिकोट्यो मजायत
aśītivarṣakoṭyāni navasaptāni caitadā / divyamānuṣyamādyena bhavitā cakravarttinaḥ / parivārastasya kanyānāṃ ṣaṣṭikoṭyo majāyata
Sanskrit only: no published translation is held for this verse.
ततो ऽसौ भिन्नदेहस्तु तारादेव्यानुचोदितः । देवानामधिपतिं गच्छेत् तत्र धर्मं च देशयेत्
tato 'sau bhinnadehastu tārādevyānucoditaḥ / devānāmadhipatiṃ gacchet tatra dharmaṃ ca deśayet
Sanskrit only: no published translation is held for this verse.
सो ऽनुपूर्वेण महीपाल क्षिप्रं बोधिपरायणः । पकाराख्ये च नृपतौ वृत्ते तदा काले युगाधमे
so 'nupūrveṇa mahīpāla kṣipraṃ bodhiparāyaṇaḥ / pakārākhye ca nṛpatau vṛtte tadā kāle yugādhame
Sanskrit only: no published translation is held for this verse.
भिन्नं परस्परं तत्र महाविगहमाशृताः । भृत्यस्तस्य तु सप्ताहं राज्यैश्वर्यमकारयेत्
bhinnaṃ parasparaṃ tatra mahāvigahamāśṛtāḥ / bhṛtyastasya tu saptāhaṃ rājyaiśvaryamakārayet
Sanskrit only: no published translation is held for this verse.
ततो ऽनुपूर्वेण सप्ताहाद् वकाराख्यो नृपतिस्तथा । सो ऽप्यहतविध्वस्तः प्रक्रमेत दिशास्ततः
tato 'nupūrveṇa saptāhād vakārākhyo nṛpatistathā / so 'pyahatavidhvastaḥ prakrameta diśāstataḥ
Sanskrit only: no published translation is held for this verse.
पकाराख्ये नृपतौ तत्र भकाराद्यो मतः परः । सो ऽपि त्रीणि वर्षाणि राज्यैश्वर्यमकारयेत्
pakārākhye nṛpatau tatra bhakārādyo mataḥ paraḥ / so 'pi trīṇi varṣāṇi rājyaiśvaryamakārayet
Sanskrit only: no published translation is held for this verse.
तस्याप्यनुजो वकाराख्यो व्रतिना समधिष्ठितः । त्रीणि वर्षाणि एकं च भविता राज्यवर्द्धन
tasyāpyanujo vakārākhyo vratinā samadhiṣṭhitaḥ / trīṇi varṣāṇi ekaṃ ca bhavitā rājyavarddhana
Sanskrit only: no published translation is held for this verse.
अजीर्णितौ उभावप्येतौ सद्यातीसारमूर्च्छितौ । ॥॥॥॥। कालगतौ लोके यक्षेभ्योपपद्यते । ते ऽनूपूर्वेण धर्मात्मानो प्रत्येकां बोधिमाप्नुयाम्
ajīrṇitau ubhāvapyetau sadyātīsāramūrcchitau / ......... kālagatau loke yakṣebhyopapadyate / te 'nūpūrveṇa dharmātmāno pratyekāṃ bodhimāpnuyām
Sanskrit only: no published translation is held for this verse.
तस्याप्यनुजो धकाराख्यः क्षत्रियो धर्मवत्सलः । भविता सो ऽपि राजा वै त्रीणि वर्षाणि ॥॥॥। । भवितासौ नराधिपः ॥॥॥॥
tasyāpyanujo dhakārākhyaḥ kṣatriyo dharmavatsalaḥ / bhavitā so 'pi rājā vai trīṇi varṣāṇi ....... / bhavitāsau narādhipaḥ ........
Sanskrit only: no published translation is held for this verse.
तस्यापि कन्यसो राजा धकाराख्यो ऽथ विश्रुतः । भविता तत्र देशे ऽस्मिं सार्वभूमिकभूपतिः
tasyāpi kanyaso rājā dhakārākhyo 'tha viśrutaḥ / bhavitā tatra deśe 'smiṃ sārvabhūmikabhūpatiḥ
Sanskrit only: no published translation is held for this verse.
हस्त्यश्वरथयानानि नौयानानि समन्ततः । जेता रिपूणां सर्वेषां समरे प्रत्युपस्थिताम्
hastyaśvarathayānāni nauyānāni samantataḥ / jetā ripūṇāṃ sarveṣāṃ samare pratyupasthitām
Sanskrit only: no published translation is held for this verse.
स इमां जनपदां सर्वां कृत्स्नां चैव वसुन्धराम् । शास्तुबिम्बैर्विहारैश्च जिनानां धातुधरैस्तथा । शोभापयति सर्वां वै कृत्स्नां चैव वसुन्धराम्
sa imāṃ janapadāṃ sarvāṃ kṛtsnāṃ caiva vasundharām / śāstubimbairvihāraiśca jinānāṃ dhātudharaistathā / śobhāpayati sarvāṃ vai kṛtsnāṃ caiva vasundharām
Sanskrit only: no published translation is held for this verse.
नृपपूर्वी तथा तस्य द्विजातिः शाक्यजस्तथा । मानी तीक्ष्णो ऽथ स प्राज्ञः बोधिनिम्नो ऽथ मानधीः
nṛpapūrvī tathā tasya dvijātiḥ śākyajastathā / mānī tīkṣṇo 'tha sa prājñaḥ bodhinimno 'tha mānadhīḥ
Sanskrit only: no published translation is held for this verse.
सैवास्य सुखायतां याति तस्मिं काले युगाधमे । क्षत्रियः अग्रधीः प्रोक्तः राजा वै धर्मवत्सलः । जीवेद् वर्षशतं विंशत् सप्त चाष्टं च यत्नतः
saivāsya sukhāyatāṃ yāti tasmiṃ kāle yugādhame / kṣatriyaḥ agradhīḥ proktaḥ rājā vai dharmavatsalaḥ / jīved varṣaśataṃ viṃśat sapta cāṣṭaṃ ca yatnataḥ
Sanskrit only: no published translation is held for this verse.
स्त्रीकृतेनैव दोषेण कालं कृत्वा दिविं गतः । सो ऽनुपूर्वेण मेधावी प्राप्नुयाद् बोधिमुत्तमाम्
strīkṛtenaiva doṣeṇa kālaṃ kṛtvā diviṃ gataḥ / so 'nupūrveṇa medhāvī prāpnuyād bodhimuttamām
Sanskrit only: no published translation is held for this verse.
ततः परेण विख्यातः श्रीनामाथ महीपतिः । गौडतन्त्रे महाराजा भविता धर्मवत्सलः
tataḥ pareṇa vikhyātaḥ śrīnāmātha mahīpatiḥ / gauḍatantre mahārājā bhavitā dharmavatsalaḥ
Sanskrit only: no published translation is held for this verse.
गौडानां च पुरे श्रेष्ठे बकाराद्ये च महाजने । कारयेत् तत्र राज्यं वै जितशु समन्ततः
gauḍānāṃ ca pure śreṣṭhe bakārādye ca mahājane / kārayet tatra rājyaṃ vai jitaśu samantataḥ
Sanskrit only: no published translation is held for this verse.
विहारां कारयामास सप्त चाष्टौ च तत्र वै । द्विजमुख्या तथा युक्ते शाकजेति समाश्रिते
vihārāṃ kārayāmāsa sapta cāṣṭau ca tatra vai / dvijamukhyā tathā yukte śākajeti samāśrite
Sanskrit only: no published translation is held for this verse.
तेन साहाय्यतां याते कुर्याद् राज्यं समन्ततः । अशीतिरेकं च वर्षाणि जीवेद् तत्र नराधिपः
tena sāhāyyatāṃ yāte kuryād rājyaṃ samantataḥ / aśītirekaṃ ca varṣāṇi jīved tatra narādhipaḥ
Sanskrit only: no published translation is held for this verse.
भृत्यदोषेण धर्मात्मा कालं कृत्वा दिविं गतः । अनुपूर्वेण तथा राज्यं देवानामपि कारयेत्
bhṛtyadoṣeṇa dharmātmā kālaṃ kṛtvā diviṃ gataḥ / anupūrveṇa tathā rājyaṃ devānāmapi kārayet
Sanskrit only: no published translation is held for this verse.
ततो ऽसौ भिन्नदेहस्तु स्वर्गात् स्वर्गतमं व्रजेत् । परिपूर्य कुशलात् धर्मां बोधि ये तस्य हेतवः
tato 'sau bhinnadehastu svargāt svargatamaṃ vrajet / paripūrya kuśalāt dharmāṃ bodhi ye tasya hetavaḥ
Sanskrit only: no published translation is held for this verse.
तस्यैव भृत्यो राजा वै कुर्याद् राज्यमकण्टकम् । नाम्ना यकाराद्यस्तु महीपालो भविष्यति
tasyaiva bhṛtyo rājā vai kuryād rājyamakaṇṭakam / nāmnā yakārādyastu mahīpālo bhaviṣyati
Sanskrit only: no published translation is held for this verse.
सप्त चैकं च वर्षाणि कुर्याद् राज्यं तदा युगे । सैव घात्यते स्त्रीभिः घातितश्च अधो गतः
sapta caikaṃ ca varṣāṇi kuryād rājyaṃ tadā yuge / saiva ghātyate strībhiḥ ghātitaśca adho gataḥ
Sanskrit only: no published translation is held for this verse.
पुनः पकारवंशास्तु राजा भविताथ क्षत्रियः । तेनासौ भृत्यवर्गस्तु घातितो ऽसौ निरन्तरः
punaḥ pakāravaṃśāstu rājā bhavitātha kṣatriyaḥ / tenāsau bhṛtyavargastu ghātito 'sau nirantaraḥ
Sanskrit only: no published translation is held for this verse.
अकल्याणमित्रमागम्य कृतं प्राणिवधं बहून् । भविता सर्वलोके ऽस्मिं प्रतापोर्जितमूर्च्छितः
akalyāṇamitramāgamya kṛtaṃ prāṇivadhaṃ bahūn / bhavitā sarvaloke 'smiṃ pratāporjitamūrcchitaḥ
Sanskrit only: no published translation is held for this verse.
क्षिप्रकारी चपलस्तु मद्यपश्च शठप्रियः । मद्यप्रमादात् सम्मूढः तदासौ शयने भुवि
kṣiprakārī capalastu madyapaśca śaṭhapriyaḥ / madyapramādāt sammūḍhaḥ tadāsau śayane bhuvi
Sanskrit only: no published translation is held for this verse.
भिन्नो ऽसौ शस्त्रघातैस्तु अरिभिश्च समुद्यतैः । ततो ऽसौ भिन्नदेहस्तु कालं कृत्वा अघोगतः
bhinno 'sau śastraghātaistu aribhiśca samudyataiḥ / tato 'sau bhinnadehastu kālaṃ kṛtvā aghogataḥ
Sanskrit only: no published translation is held for this verse.
तस्याप्यन्यतमो भ्राता रकाराद्यो नामतः स्मृतः । अष्टचत्वारिंशद्दिवसानि राज्यकर्त्ता सदा भुवि
tasyāpyanyatamo bhrātā rakārādyo nāmataḥ smṛtaḥ / aṣṭacatvāriṃśaddivasāni rājyakarttā sadā bhuvi
Sanskrit only: no published translation is held for this verse.
दत्वा द्रविणं द्विजातिभ्यः कालं कुर्यान्न संशयः । ततः परेण भूपालः स्वादाद्यो भविता तदा
datvā draviṇaṃ dvijātibhyaḥ kālaṃ kuryānna saṃśayaḥ / tataḥ pareṇa bhūpālaḥ svādādyo bhavitā tadā
Sanskrit only: no published translation is held for this verse.
स एव शूद्रवर्णस्तु व्यङ्गः कुत्सित एव तु । अधर्मभूयिष्ठः दुःशीलो विग्रहे च सदा रतः
sa eva śūdravarṇastu vyaṅgaḥ kutsita eva tu / adharmabhūyiṣṭhaḥ duḥśīlo vigrahe ca sadā rataḥ
Sanskrit only: no published translation is held for this verse.
द्विजातिगणसामन्तां संयतां प्रव्रजितांस्तथा । स हापयति सर्वा वै निग्रहे च सदा रतः
dvijātigaṇasāmantāṃ saṃyatāṃ pravrajitāṃstathā / sa hāpayati sarvā vai nigrahe ca sadā rataḥ
Sanskrit only: no published translation is held for this verse.
तीव्रशासनकर्ता च तस्करां घातकस्तथा । निषेद्धा सर्वदुष्टानां पाषण्डव्रतमाशृताम्
tīvraśāsanakartā ca taskarāṃ ghātakastathā / niṣeddhā sarvaduṣṭānāṃ pāṣaṇḍavratamāśṛtām
Sanskrit only: no published translation is held for this verse.
विनिर्मुक्ता च दाता च राज्यं कृत्वा तु वै तदा । दशवर्षाणि सप्तं च जीवेद् भूपतिस्तत्र वै
vinirmuktā ca dātā ca rājyaṃ kṛtvā tu vai tadā / daśavarṣāṇi saptaṃ ca jīved bhūpatistatra vai
Sanskrit only: no published translation is held for this verse.
कुष्ठदुःखाभिभूतस्तु कालं कृत्वाथ तिर्यत् । तिर्यग्भ्यो नागराजस्तु महाभोगी विशारदः
kuṣṭhaduḥkhābhibhūtastu kālaṃ kṛtvātha tiryat / tiryagbhyo nāgarājastu mahābhogī viśāradaḥ
Sanskrit only: no published translation is held for this verse.
मूर्त्तिमां परमबीभत्सी स्फुटाटोपी च वै तदा । अनुभूय चिरं दुःखं धर्मतस्तस्य नैष्ठिकम्
mūrttimāṃ paramabībhatsī sphuṭāṭopī ca vai tadā / anubhūya ciraṃ duḥkhaṃ dharmatastasya naiṣṭhikam
Sanskrit only: no published translation is held for this verse.
एवम्प्रकाराः कथिता भूपाला लोकवर्द्धना । विदिता सर्वलोके ऽस्मिं प्राच्या च स्थितदेहिनी
evamprakārāḥ kathitā bhūpālā lokavarddhanā / viditā sarvaloke 'smiṃ prācyā ca sthitadehinī
Sanskrit only: no published translation is held for this verse.
पकाराख्यस्य नृपतौ वंशाद् वंशजो ऽपरः । क्षत्रियः शूरविक्रान्तः त्रिसमुद्राधिपतिस्तदा
pakārākhyasya nṛpatau vaṃśād vaṃśajo 'paraḥ / kṣatriyaḥ śūravikrāntaḥ trisamudrādhipatistadā
Sanskrit only: no published translation is held for this verse.
भविता प्राच्यदेशे ऽस्मिं महासैन्यो महाबलः । शास्तुधातुधरैर्दिव्यैर्विहारावसथमन्दिरैः
bhavitā prācyadeśe 'smiṃ mahāsainyo mahābalaḥ / śāstudhātudharairdivyairvihārāvasathamandiraiḥ
Sanskrit only: no published translation is held for this verse.
उद्यानविविधैर्वाप्यैः कूपमण्डपसङ्क्रमैः । सत्रागारतथानित्यं शोभापयति मेदिनीम्
udyānavividhairvāpyaiḥ kūpamaṇḍapasaṅkramaiḥ / satrāgāratathānityaṃ śobhāpayati medinīm
Sanskrit only: no published translation is held for this verse.
भक्तो ऽसौ जिनरवां श्रेष्ठां उत्तमं यानमाशृतः । शाक्यप्रव्रजितेनैव स तदा निष्ठितो ह्यसौ
bhakto 'sau jinaravāṃ śreṣṭhāṃ uttamaṃ yānamāśṛtaḥ / śākyapravrajitenaiva sa tadā niṣṭhito hyasau
Sanskrit only: no published translation is held for this verse.
वर्जयेद् दक्षिणां सर्वां दक्षिणां चैव प्रभावयेत् । नाम्ना ककारविख्यातः स्मृतिमांश्चैव विशारदः
varjayed dakṣiṇāṃ sarvāṃ dakṣiṇāṃ caiva prabhāvayet / nāmnā kakāravikhyātaḥ smṛtimāṃścaiva viśāradaḥ
Sanskrit only: no published translation is held for this verse.
राज्यं कृत्वा तु भूपालः वर्षाण्येकविंशति । ततो ऽसौ विषूचिकाभिश्च कालं कृत्वा दिविं गतः
rājyaṃ kṛtvā tu bhūpālaḥ varṣāṇyekaviṃśati / tato 'sau viṣūcikābhiśca kālaṃ kṛtvā diviṃ gataḥ
Sanskrit only: no published translation is held for this verse.
सो ऽनुपूर्वेण मेधावी क्षिप्रं बोधिपरायणः । तस्यैव शेषवंशास्तु पराधीनायतनवृत्तनः
so 'nupūrveṇa medhāvī kṣipraṃ bodhiparāyaṇaḥ / tasyaiva śeṣavaṃśāstu parādhīnāyatanavṛttanaḥ
Sanskrit only: no published translation is held for this verse.
ततः परेण भूपाला गोपाला दासजीविनः । भविष्यति न सन्देहो द्विजातिकृपणा जना
tataḥ pareṇa bhūpālā gopālā dāsajīvinaḥ / bhaviṣyati na sandeho dvijātikṛpaṇā janā
Sanskrit only: no published translation is held for this verse.
अधर्मिष्ठ तदा काले निर्नष्टे शास्तुशासने । मन्त्रवादेन सत्त्वानां कुशलार्थां नियोजयेत्
adharmiṣṭha tadā kāle nirnaṣṭe śāstuśāsane / mantravādena sattvānāṃ kuśalārthāṃ niyojayet
Sanskrit only: no published translation is held for this verse.
कुमारेण तु ये प्रोक्ता मन्त्रा भोगवर्द्धना । साधनीया तदा काले राज्यैश्वर्येण हेतुना
kumāreṇa tu ye proktā mantrā bhogavarddhanā / sādhanīyā tadā kāle rājyaiśvaryeṇa hetunā
Sanskrit only: no published translation is held for this verse.
न साध्या उत्तमा सिद्धिः तस्मिं देशे तु वै तदा । धर्मचक्रे तथा रम्ये महाबोधिवने तथा
na sādhyā uttamā siddhiḥ tasmiṃ deśe tu vai tadā / dharmacakre tathā ramye mahābodhivane tathā
Sanskrit only: no published translation is held for this verse.
यत्रासौ भगवां शान्तिं निरोपधिं च प्रविष्टवां । तत्र साध्यौ इमौ मन्त्रौ तारा भृकुटी च देवता
yatrāsau bhagavāṃ śāntiṃ niropadhiṃ ca praviṣṭavāṃ / tatra sādhyau imau mantrau tārā bhṛkuṭī ca devatā
Sanskrit only: no published translation is held for this verse.
समुद्रकूले तथा नित्यं विस्फूर्ज्यां सरितावरे । गङ्गातीरे तु सर्वत्र साधनीयाब्जसम्भवा
samudrakūle tathā nityaṃ visphūrjyāṃ saritāvare / gaṅgātīre tu sarvatra sādhanīyābjasambhavā
Sanskrit only: no published translation is held for this verse.
यो ऽसौ बोधिसत्त्वस्तु चन्द्रनामाथ विश्रुतः । स वै तारमिति प्रोक्ता विद्याराज्ञी महर्द्धिका
yo 'sau bodhisattvastu candranāmātha viśrutaḥ / sa vai tāramiti proktā vidyārājñī maharddhikā
Sanskrit only: no published translation is held for this verse.
स्त्रीरूपधारिणी भूत्वा देवी विचेरुः सर्वतो जगतः । सत्त्वानां हितकाम्यार्थं करुणार्द्रेण चेतसा
strīrūpadhāriṇī bhūtvā devī viceruḥ sarvato jagataḥ / sattvānāṃ hitakāmyārthaṃ karuṇārdreṇa cetasā
Sanskrit only: no published translation is held for this verse.
सहां च लोकधातुस्थां तैम्भ्याख्यमिति वर्तते । महर्द्धिको बोधिसत्त्वस्तु दशभूम्यानन्तरप्रभुः
sahāṃ ca lokadhātusthāṃ taimbhyākhyamiti vartate / maharddhiko bodhisattvastu daśabhūmyānantaraprabhuḥ
Sanskrit only: no published translation is held for this verse.
विनेयः सर्वसत्त्वानां तारा देवी तु कीर्त्यते । अयत्नसिद्धिमेवास्य रक्षावरणगुप्तये
vineyaḥ sarvasattvānāṃ tārā devī tu kīrtyate / ayatnasiddhimevāsya rakṣāvaraṇaguptaye
Sanskrit only: no published translation is held for this verse.
यत्नेन साध्यते देवी भोगैश्वर्यविवर्द्धना । बोधिसम्भारहेतुं च ॥॥॥॥।
yatnena sādhyate devī bhogaiśvaryavivarddhanā / bodhisambhārahetuṃ ca .........
Sanskrit only: no published translation is held for this verse.
अनुबद्धा तदा देवी करुणाविष्टा हि देहिनाम् । मन्त्ररूपेण सत्त्वानां बोधिसम्भारकारणा
anubaddhā tadā devī karuṇāviṣṭā hi dehinām / mantrarūpeṇa sattvānāṃ bodhisambhārakāraṇā
Sanskrit only: no published translation is held for this verse.
सर्वेषां तुष्टिपुष्ट्यर्थं पूर्वायां दिशिमाश्रितः । सहस्रार्धं पुनः कृत्वा आत्मनो बहुधा पुनः
sarveṣāṃ tuṣṭipuṣṭyarthaṃ pūrvāyāṃ diśimāśritaḥ / sahasrārdhaṃ punaḥ kṛtvā ātmano bahudhā punaḥ
Sanskrit only: no published translation is held for this verse.
भ्रमते वसुमतीं कृत्स्नां चत्वारो दधि पर्ययाम् । पूर्वेण ततः सिद्धिः वाराणस्यां परेण वा
bhramate vasumatīṃ kṛtsnāṃ catvāro dadhi paryayām / pūrveṇa tataḥ siddhiḥ vārāṇasyāṃ pareṇa vā
Sanskrit only: no published translation is held for this verse.
सक्षेत्रस्तस्य देव्या तु पूर्वदेशः प्रकीर्तितः । सिद्ध्यते यक्षराट् तत्र जम्भलस्तु महाद्युतिः
sakṣetrastasya devyā tu pūrvadeśaḥ prakīrtitaḥ / siddhyate yakṣarāṭ tatra jambhalastu mahādyutiḥ
Sanskrit only: no published translation is held for this verse.
भोगकामैः तदा सत्त्वैः तस्मिं काले युगाधमे । यक्षराट् तारादेव्या तु साध्येतौ पुष्टिकामतः
bhogakāmaiḥ tadā sattvaiḥ tasmiṃ kāle yugādhame / yakṣarāṭ tārādevyā tu sādhyetau puṣṭikāmataḥ
Sanskrit only: no published translation is held for this verse.
क्रोधनास्तु तथा मन्त्राः साध्यतां दक्षिणापथे । म्लेच्छतस्करद्वीपेषु अम्भोधेर्मध्य एव वा
krodhanāstu tathā mantrāḥ sādhyatāṃ dakṣiṇāpathe / mlecchataskaradvīpeṣu ambhodhermadhya eva vā
Sanskrit only: no published translation is held for this verse.
सिध्यते च तदा तारा यक्षराट् चैव महाबलः । हरिकेले कर्मरङ्गे च कामरूपे कलशाह्वये
sidhyate ca tadā tārā yakṣarāṭ caiva mahābalaḥ / harikele karmaraṅge ca kāmarūpe kalaśāhvaye
Sanskrit only: no published translation is held for this verse.
विविधा दूतिगणाः सर्वे यक्षिण्यश्च महर्द्धिकाः । मञ्जुघोषेण ये गीता मन्त्रा भोगहेतवः । तत्र देशे यथा सिद्धिः नान्यस्थानेषु तथा भवेत्
vividhā dūtigaṇāḥ sarve yakṣiṇyaśca maharddhikāḥ / mañjughoṣeṇa ye gītā mantrā bhogahetavaḥ / tatra deśe yathā siddhiḥ nānyasthāneṣu tathā bhavet
Sanskrit only: no published translation is held for this verse.
पूर्वं दिशि विदिक्षुश्च मन्त्रा विविधहेतवः । कथितास्तु तदा काले साधनीयास्तु देहिभिः
pūrvaṃ diśi vidikṣuśca mantrā vividhahetavaḥ / kathitāstu tadā kāle sādhanīyāstu dehibhiḥ
Sanskrit only: no published translation is held for this verse.
मध्यदेशे तथा मन्त्री भूपाला विविधास्तथा । विस्तरां सत्त्वदौर्बल्यां अल्पबुद्धिं निबोधताम् । संक्षेपो नृपतिमुख्यानां सङ्ख्या तेषां निगद्यते
madhyadeśe tathā mantrī bhūpālā vividhāstathā / vistarāṃ sattvadaurbalyāṃ alpabuddhiṃ nibodhatām / saṃkṣepo nṛpatimukhyānāṃ saṅkhyā teṣāṃ nigadyate
Sanskrit only: no published translation is held for this verse.
मकाराद्यो नकाराद्यः पकाराद्यश्च कीर्त्यते । दकाराद्यश्च इकाराद्यः सकाराद्यश्व अकाराद्य
makārādyo nakārādyaḥ pakārādyaśca kīrtyate / dakārādyaśca ikārādyaḥ sakārādyaśva akārādya
Sanskrit only: no published translation is held for this verse.
ग्रहाख्यश्च कीर्त्याख्यः हकाराद्यश्च घुष्यते । ॥॥॥। शकाराद्यश्च भवेत् तदा
grahākhyaśca kīrtyākhyaḥ hakārādyaśca ghuṣyate / ....... śakārādyaśca bhavet tadā
Sanskrit only: no published translation is held for this verse.
जकाराद्यो बकाराद्यो लकाराद्यः सोमचिह्नितः । हकाराद्यश्चैव प्रख्यातः अकाराद्य पुनस्तथा
jakārādyo bakārādyo lakārādyaḥ somacihnitaḥ / hakārādyaścaiva prakhyātaḥ akārādya punastathā
Sanskrit only: no published translation is held for this verse.
सकारो लकाराद्यश्च स्त्र्याख्यया लोकविद्विषः । सकाराद्यो मकाराख्यः लोकानां प्रभविष्णवः
sakāro lakārādyaśca stryākhyayā lokavidviṣaḥ / sakārādyo makārākhyaḥ lokānāṃ prabhaviṣṇavaḥ
Sanskrit only: no published translation is held for this verse.
क्रमतः कृमिनः चिह्नः ब्राह्मणाश्च वैश्यवृत्तयः । अधर्मकर्मा भूयिष्ठाः विद्विष्टाः स्त्रीषु लोलुपाः
kramataḥ kṛminaḥ cihnaḥ brāhmaṇāśca vaiśyavṛttayaḥ / adharmakarmā bhūyiṣṭhāḥ vidviṣṭāḥ strīṣu lolupāḥ
Sanskrit only: no published translation is held for this verse.