अन्यत्र परमेश्वरात् । जडे वस्तुनीति यावत् । सत्येव धमिर्णि सामस्त्येनोच्छेदवन्तो ये धर्मास्ते उभयरूपिणो भिन्नाभिन्ना इत्यर्थः । अभिभवव्यावृत्त्यर्थं सामस्त्येत्युक्तम् । यद्वा सामस्त्ये द्रव्यस्याविकलत्वे नाशाभावे ऽपि ये उच्छेदिन इति व्याख्येयम् । किं स्वसद्भाववेलायामभेदिनो ऽसद्भाववेलायां भेदिन इत्येवं कालभेदेन भेदाभेदावित्यत उक्तम् भाव इति ॥ स्वसद्भावदशायामेवोभयरूपका इत्यर्थः । विनष्टस्यासत्त्वेन भेदचिन्तानवकाशात् । प्रागत्यन्ताभेदे विनाशासम्भवाच्च । कुतो भिन्नाभिन्ना इत्यत आह त एवेति ॥ ॥। त एव चोच्छेदात् तदन्ये च समस्तशः
anyatra parameśvarāt / jaḍe vastunīti yāvat / satyeva dhamirṇi sāmastyenocchedavanto ye dharmāste ubhayarūpiṇo bhinnābhinnā ityarthaḥ / abhibhavavyāvṛttyarthaṃ sāmastyetyuktam / yadvā sāmastye dravyasyāvikalatve nāśābhāve 'pi ye ucchedina iti vyākhyeyam / kiṃ svasadbhāvavelāyāmabhedino 'sadbhāvavelāyāṃ bhedina ityevaṃ kālabhedena bhedābhedāvityata uktam bhāva iti // svasadbhāvadaśāyāmevobhayarūpakā ityarthaḥ / vinaṣṭasyāsattvena bhedacintānavakāśāt / prāgatyantābhede vināśāsambhavācca / kuto bhinnābhinnā ityata āha ta eveti // ... ta eva cocchedāt tadanye ca samastaśaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.