पुरा न किमिति । धर्माणां धर्मिणा सविशेषाभेदः किन्नाङ्गीक्रियते ऽङ्गीकार्य एवेत्यर्थः । भेद इव विनापि भेदेन विशेषेणैवोपपत्तावपि वृथा परम्पराकल्पनायां गौरवं स्यात्ततो धर्माणामेव सविशेषाभेदाङ्गीकारः श्रेयानिति भावः । अस्त्वेवमित्यत आह विशेष इति ॥ विशेषो ऽभिन्न एवेति तेन नाभ्युपगम्यते विशेषो धर्मोभिन्न इत्येव तावत् । तेन भेदवादिना नाभ्युपगम्यते । दूरे सविशेषत्वमित्यतो ऽपसिद्धान्तः स्यात् । समीहितं च नः (न) सिद्धयेदित्याशयः । द्वितीयं दूषयति अभिन्न इति ॥ अभिन्नो निविर्शेषश्चेद् भेदस्तद्भेदता कुतः
purā na kimiti / dharmāṇāṃ dharmiṇā saviśeṣābhedaḥ kinnāṅgīkriyate 'ṅgīkārya evetyarthaḥ / bheda iva vināpi bhedena viśeṣeṇaivopapattāvapi vṛthā paramparākalpanāyāṃ gauravaṃ syāttato dharmāṇāmeva saviśeṣābhedāṅgīkāraḥ śreyāniti bhāvaḥ / astvevamityata āha viśeṣa iti // viśeṣo 'bhinna eveti tena nābhyupagamyate viśeṣo dharmobhinna ityeva tāvat / tena bhedavādinā nābhyupagamyate / dūre saviśeṣatvamityato 'pasiddhāntaḥ syāt / samīhitaṃ ca naḥ (na) siddhayedityāśayaḥ / dvitīyaṃ dūṣayati abhinna iti // abhinno nivirśeṣaśced bhedastadbhedatā kutaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.