महोन्मत्तैरिति हेत्वन्तरम् । सूत्रव्याख्यानमुपक्रम्यापव्याख्यानस्य हेयताव्युत्पादनमसङ्गतमित्यतः स्वव्याख्यानदार्ढ्यार्थमित्याशयवानुक्तं सूत्रार्थं विवृण्वन्मायाशब्दार्थं तावदाह अत इति ॥ अतः प्रज्ञात्र मायोक्ता जैव्यु ॥। अत इति । अन्यथा व्याख्यानस्य दुष्टत्वात्"माया वयुनमभिख्यऽ; इति प्रज्ञानामसु पाठादिति भावः । मायायाः सन्ध्यकारणत्वं वक्ष्यते । तत्र जैवी प्रज्ञा कीदृशं कारणमित्यत आह उपादानमेवेति ॥ ॥। उपादानमेव सा सन्ध्यस्येति शेषः । न केवलं जैवीप्रज्ञात्र माया । किन्त्वैश्वरी च । सा च सन्ध्यस्य निमित्तमेवेत्याह निमित्तमिति ॥ निमित्तमैश्वरी मुख्यं ॥। प्रज्ञाशब्दश्चात्र लाक्षणिको वासनार्थ इति वक्ष्यति(ते) । तच्च व्याख्यानं नोभयसाधारणमित्याशयेनोक्तं मुख्येति । ईश्वरप्रज्ञा मुख्यैव जीवप्रज्ञा तु लाक्षणिकी । *९,३३३* मायामात्रपदं व्याख्याति निर्मितमिति ॥ ॥। निर्मितं त्रातमेव च
mahonmattairiti hetvantaram / sūtravyākhyānamupakramyāpavyākhyānasya heyatāvyutpādanamasaṅgatamityataḥ svavyākhyānadārḍhyārthamityāśayavānuktaṃ sūtrārthaṃ vivṛṇvanmāyāśabdārthaṃ tāvadāha ata iti // ataḥ prajñātra māyoktā jaivyu ... ata iti / anyathā vyākhyānasya duṣṭatvāt"māyā vayunamabhikhya'; iti prajñānāmasu pāṭhāditi bhāvaḥ / māyāyāḥ sandhyakāraṇatvaṃ vakṣyate / tatra jaivī prajñā kīdṛśaṃ kāraṇamityata āha upādānameveti // ... upādānameva sā sandhyasyeti śeṣaḥ / na kevalaṃ jaivīprajñātra māyā / kintvaiśvarī ca / sā ca sandhyasya nimittamevetyāha nimittamiti // nimittamaiśvarī mukhyaṃ ... prajñāśabdaścātra lākṣaṇiko vāsanārtha iti vakṣyati(te) / tacca vyākhyānaṃ nobhayasādhāraṇamityāśayenoktaṃ mukhyeti / īśvaraprajñā mukhyaiva jīvaprajñā tu lākṣaṇikī / *9,333* māyāmātrapadaṃ vyākhyāti nirmitamiti // ... nirmitaṃ trātameva ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.