हरावेव मुख्या सर्वाधिका न तथान्यत्र । अन्यत्रापि यथाक्रममेव न तु साम्येनाक्रमेण वेत्यर्थः । तदियत्तामाह स्वाधिकेति ॥ *१०,३६५* स्वाधिका त्वेव सर्वत्र स्वोत्तमेषु क्रमेण च साक्षात्स्वोत्तमे स्वाधिकैव कर्तव्या । अन्यत्र स्वोत्तमेषु तदुत्तमत्वक्रमेणेत्यर्थः । यद्यप्येषो ऽथर्ः प्रागुक्तस्तथापि तात्पर्यातिशयद्योतनाय पुनरुक्तः । भक्तिः साधनं चेन्मुक्तिप्राप्त्यनन्तरं नास्तीति प्रतीतिः स्यात् । फलप्राप्तौ साधननिवृत्तिदर्शनात् । तन्निवृत्त्यर्थमाह अनुवर्तते चेति ॥ *१०,३६६* अनुवर्तते च सा भक्तिर्मुक्तावानन्दरूपिणी प्रेमविशेषो हि भक्तिर्नाम । उपकारकत्वज्ञानाज्जाता हि प्रेमा कृतमहोपकारे नितरां वर्धत इत्येव खलु युक्तं न तु हीयत इति । तदेतत् अस्तीत्यनुक्त्वानुवर्तत इति वदता सूचितम् । तर्हि तस्याः फलमपि किञ्चित्स्यादित्यत आह आनन्दरूपिणीति ॥ प्राक्कर्तव्यतया प्रकृता । अतः साधनरूपा । मुक्तौ तु स्वभावभूताविर्भूताफलरूपैव । पादार्थमुपसंहरति तदिति ॥ तत्पूर्वकोपासनैवं कर्तव्या मुक्तये गुणैः
harāveva mukhyā sarvādhikā na tathānyatra / anyatrāpi yathākramameva na tu sāmyenākrameṇa vetyarthaḥ / tadiyattāmāha svādhiketi // *10,365* svādhikā tveva sarvatra svottameṣu krameṇa ca sākṣātsvottame svādhikaiva kartavyā / anyatra svottameṣu taduttamatvakrameṇetyarthaḥ / yadyapyeṣo 'tharḥ prāguktastathāpi tātparyātiśayadyotanāya punaruktaḥ / bhaktiḥ sādhanaṃ cenmuktiprāptyanantaraṃ nāstīti pratītiḥ syāt / phalaprāptau sādhananivṛttidarśanāt / tannivṛttyarthamāha anuvartate ceti // *10,366* anuvartate ca sā bhaktirmuktāvānandarūpiṇī premaviśeṣo hi bhaktirnāma / upakārakatvajñānājjātā hi premā kṛtamahopakāre nitarāṃ vardhata ityeva khalu yuktaṃ na tu hīyata iti / tadetat astītyanuktvānuvartata iti vadatā sūcitam / tarhi tasyāḥ phalamapi kiñcitsyādityata āha ānandarūpiṇīti // prākkartavyatayā prakṛtā / ataḥ sādhanarūpā / muktau tu svabhāvabhūtāvirbhūtāphalarūpaiva / pādārthamupasaṃharati taditi // tatpūrvakopāsanaivaṃ kartavyā muktaye guṇaiḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.