तदभावेन वाक्यवाक्यार्थयोर्मिथ्यात्वेन कारणेन । वाक्याभावे प्रतिपादकाभावाद्वाक्यार्थस्य सर्वमिथ्यात्वस्याभावे च व्याघातात् । द्वितीयमनूद्य दूषयति न गृह्यते चेदिति ॥ न गृह्यते चेद् तन्न्यायादपलापो न हि क्वचित् क्वचिद्वियदादिविषये ऽप्यपलापो निषेधो न युज्यते । तन्न्यायाद्वाक्यादिन्यायात् । अयमर्थः । वाक्यवाक्यार्थौ कुतः सर्वस्माद्बहिष्क्रियेते इति वाच्यम् । अनुपपत्तेरिति चेत् । किमनुपपन्नं न प्रतिपादनीयम् । अद्धेति चेत । एवं तर्हि वियदादिमिथ्यात्वमप्यनुपपन्नत्वान्न प्रतिपादनीयमिति । *११,२८५* ननु वाक्योदाहरणे कृते नैवंविधं वाक्यमस्तीति वा (ए)नैषां पदानामत्र शक्तिरर्(ना)स्तीति वा नास्य वाक्यस्यात्र तात्पर्यमस्तीति वा वक्तव्यम् । अनेन विकल्पनिराकरणेन तु किं कृतं स्यादित्यत आह उपपत्तीति ॥ उपपत्तिविहीनस्य वाक्यस्यार्थो न गम्यते
tadabhāvena vākyavākyārthayormithyātvena kāraṇena / vākyābhāve pratipādakābhāvādvākyārthasya sarvamithyātvasyābhāve ca vyāghātāt / dvitīyamanūdya dūṣayati na gṛhyate cediti // na gṛhyate ced tannyāyādapalāpo na hi kvacit kvacidviyadādiviṣaye 'pyapalāpo niṣedho na yujyate / tannyāyādvākyādinyāyāt / ayamarthaḥ / vākyavākyārthau kutaḥ sarvasmādbahiṣkriyete iti vācyam / anupapatteriti cet / kimanupapannaṃ na pratipādanīyam / addheti ceta / evaṃ tarhi viyadādimithyātvamapyanupapannatvānna pratipādanīyamiti / *11,285* nanu vākyodāharaṇe kṛte naivaṃvidhaṃ vākyamastīti vā (e)naiṣāṃ padānāmatra śaktirar(nā)stīti vā nāsya vākyasyātra tātparyamastīti vā vaktavyam / anena vikalpanirākaraṇena tu kiṃ kṛtaṃ syādityata āha upapattīti // upapattivihīnasya vākyasyārtho na gamyate
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.