Nyāyasudhā a subcommentary on Mādhva's Anuvyākhāna, a commentary on Bādarāyaṇa's Brahmasūtra, integrated version 4.2.63

वदेत्कालाभावाधिकरणत्वेनेति शेषः । तर्हि सा मोक्षावस्था पूर्वानुमाने पक्षतां व्रजेत् । पक्षशब्देन तदेकदेशो धर्मी लक्ष्यते । मोक्षावस्था न केवलज्ञानवतीति प्रतिज्ञास्यत इत्यर्थः । एवं तर्हि कालत्वादिति हेतुः स्वरूपासिद्धः स्यादित्यत आह अवस्थात्वादिति ॥ अवस्थात्वादिति ह्येव हेतुः ॥।

vadetkālābhāvādhikaraṇatveneti śeṣaḥ / tarhi sā mokṣāvasthā pūrvānumāne pakṣatāṃ vrajet / pakṣaśabdena tadekadeśo dharmī lakṣyate / mokṣāvasthā na kevalajñānavatīti pratijñāsyata ityarthaḥ / evaṃ tarhi kālatvāditi hetuḥ svarūpāsiddhaḥ syādityata āha avasthātvāditi // avasthātvāditi hyeva hetuḥ ...

Devanagari rendered by HREEM from the edition's roman (IAST) text; the IAST is the edition's own.

Sanskrit only: no published translation is held for this verse.