*१२,३६२* मार्गो गम्यं चास्मिन्पाद उच्यत इति भाष्यम् । तत्प्राक् प्रसङ्गाद्विवृतमपीहावरप्राप्तौ विशेषतो विवृणोति उत्क्रान्तेति ॥ उत्क्रान्तमार्गश्च विमुक्तगम्यं पादोदितम् ॥। ये शरीरादुत्क्रान्ता मानुषास्तेषां मार्गो भगवल्लोकगमनार्थः । गम्यमपि तेषामेवेति प्रतीतिनिरासायोक्तम् विमुक्तेति ॥ ये कर्मणो देहाच्च विमुक्तास्तेषां सर्वेषामपि गम्यम् । इदमुभयमेतत्पादोदितम् । अत्राधिकरणेषु पूर्वपक्षयुक्तिः सिद्धान्तयुक्तीश्चाह सुक्रमेति ॥ ॥। सुक्रमविक्रमौ च सान्तानिकं प्राप्तिरभीष्यता च सौकयर्मित्यन्यमतस्य तर्काः
*12,362* mārgo gamyaṃ cāsminpāda ucyata iti bhāṣyam / tatprāk prasaṅgādvivṛtamapīhāvaraprāptau viśeṣato vivṛṇoti utkrānteti // utkrāntamārgaśca vimuktagamyaṃ pādoditam ... ye śarīrādutkrāntā mānuṣāsteṣāṃ mārgo bhagavallokagamanārthaḥ / gamyamapi teṣāmeveti pratītinirāsāyoktam vimukteti // ye karmaṇo dehācca vimuktāsteṣāṃ sarveṣāmapi gamyam / idamubhayametatpādoditam / atrādhikaraṇeṣu pūrvapakṣayuktiḥ siddhāntayuktīścāha sukrameti // ... sukramavikramau ca sāntānikaṃ prāptirabhīṣyatā ca saukayarmityanyamatasya tarkāḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.