क्अ इइइ।१६७।१६-१६८।१४ रो इव्।६४१-६४२ अस्तुसत्यागदस्य कारे । अस्तुसत्यागदस्य कारे उपसङ्ख्यानम् कर्तव्यम् । अस्तुङ्कारः , सत्यङ्कारः , अगदङ्कारः । भक्षस्य छन्दसि । भक्षस्य छन्दसि उपसङ्ख्यानम् कर्तव्यम् । तस्य ते भक्षङ्कारस्य । छन्दसि इति किम् । भक्षकारस्य तत् मतम् इति । धेनोः भव्यायाम् । धेनोः भव्यायाम् उपसङ्ख्यानम् कर्तव्यम् । धेनुम्भव्या । लोकस्य पृणे । लोकस्य पृणे उपसङ्ख्यानम् कर्तव्यम् । लोकम्प्र्णस्य धन्विनः । इत्ये अनभ्याशस्य । इत्ये अनभ्याशस्य उपसङ्ख्यानम् कर्तव्यम् । अनभ्याशमित्यः । भ्राष्ट्राग्न्योः इन्धे । भ्राष्ट्राग्न्योः इन्धे उपसङ्ख्यानम् कर्तव्यम् । भ्राष्ट्रमिन्धः , अग्निमिन्धः । गिले अगिलस्य । गिले अगिलस्य उपसङ्ख्यानम् कर्तव्यम् । तिमिङ्गिलः । अगिलस्य इति किमर्थम् । गिलगिलः । गिलगिले च इति वक्तव्यम् । तिमिङ्गिलगिलः । उष्णभद्रयोः करणे । उष्णभद्रयोः करणे उपसङ्ख्यानम् कर्तव्यम् । उष्णङ्करणम् , भद्रङ्करणम् । सूतोग्रराजभोजकुलमेरुभ्यः दुहितुः पुत्रट् वा । सूतोग्रराजभोजकुलमेरुभ्यः दुहितुः पुत्रट् वा भवति इति वक्तव्यम् । सूतपुत्री , सूतदुहिता , उग्रपुत्री , उग्रदुहिता , रजपुत्री , राजदुहिता , भोजपुत्री , भोजदुहिता , कुलपुत्री , कुलदुहिता , मेरुपुत्री , मेरुदुहिता ।
KA III.167.16-168.14 Ro IV.641-642 astusatyāgadasya kāre . astusatyāgadasya kāre upasaṅkhyānam kartavyam . astuṅkāraḥ , satyaṅkāraḥ , agadaṅkāraḥ . bhakṣasya chandasi . bhakṣasya chandasi upasaṅkhyānam kartavyam . tasya te bhakṣaṅkārasya . chandasi iti kim . bhakṣakārasya tat matam iti . dhenoḥ bhavyāyām . dhenoḥ bhavyāyām upasaṅkhyānam kartavyam . dhenumbhavyā . lokasya pṛṇe . lokasya pṛṇe upasaṅkhyānam kartavyam . lokamprṇasya dhanvinaḥ . itye anabhyāśasya . itye anabhyāśasya upasaṅkhyānam kartavyam . anabhyāśamityaḥ . bhrāṣṭrāgnyoḥ indhe . bhrāṣṭrāgnyoḥ indhe upasaṅkhyānam kartavyam . bhrāṣṭramindhaḥ , agnimindhaḥ . gile agilasya . gile agilasya upasaṅkhyānam kartavyam . timiṅgilaḥ . agilasya iti kimartham . gilagilaḥ . gilagile ca iti vaktavyam . timiṅgilagilaḥ . uṣṇabhadrayoḥ karaṇe . uṣṇabhadrayoḥ karaṇe upasaṅkhyānam kartavyam . uṣṇaṅkaraṇam , bhadraṅkaraṇam . sūtograrājabhojakulamerubhyaḥ duhituḥ putraṭ vā . sūtograrājabhojakulamerubhyaḥ duhituḥ putraṭ vā bhavati iti vaktavyam . sūtaputrī , sūtaduhitā , ugraputrī , ugraduhitā , rajaputrī , rājaduhitā , bhojaputrī , bhojaduhitā , kulaputrī , kuladuhitā , meruputrī , meruduhitā .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.