क्अ इइइ।२३३।१४-२३४।३ रो इव्।८०५ अथ किम् इदम् ब्राह्मस्य अजातौ अनः लोपार्थम् वचनम् आहोस्वित् नियमार्थम् । कथ च लोपाथम् स्यात् कथम् व नियमार्थम् । यदि तावत् अपत्ये इति वर्तते ततः नियमार्थम् । अथ निवृत्तम् ततः लोपार्थम् । अतः उत्तरम् पठति ब्राह्मस्य अजातौ लोपार्थम् वचनम् । ब्राह्मस्य अजातौ लोपार्थम् वचनम् क्रियते । अपत्ये इति निवृत्तम् । तत्र अप्राप्तविधाने प्राप्तप्रतिषेधः । तत्र अप्राप्तस्य टिलोपस्य विधाने प्राप्तस्य प्रतिषेधः वक्तव्यः । ब्राह्मणः । न वा पर्युदाससामर्थ्यात् । न वा वक्तव्यः । किम् कारणम् । पर्युदाससामर्थ्यात् पर्युदासः अत्र भविष्यति । अस्ति अन्यत् पर्युदासे प्रयोजनम् । किम् । या जातिः एव न अपत्यम् । ब्राह्मी ओषधिः इति । न वै अत्र इष्यते । अनिष्टम् च प्राप्नोति इष्टम् च न सिध्यति । एवम् तर्हि अनुवर्तते अपत्ये इति न तु अपत्ये इति अनेन निपातनम् अभिसम्बध्यते : ब्राह्मः इति निपात्यते अपत्ये अजातौ इति । किम् तर्हि । प्रतिषेधः अभिसम्बध्यते : ब्राह्मः इति निपात्यते । अपत्ये जातौ न इति ।
KA III.233.14-234.3 Ro IV.805 atha kim idam brāhmasya ajātau anaḥ lopārtham vacanam āhosvit niyamārtham . katha ca lopātham syāt katham va niyamārtham . yadi tāvat apatye iti vartate tataḥ niyamārtham . atha nivṛttam tataḥ lopārtham . ataḥ uttaram paṭhati brāhmasya ajātau lopārtham vacanam . brāhmasya ajātau lopārtham vacanam kriyate . apatye iti nivṛttam . tatra aprāptavidhāne prāptapratiṣedhaḥ . tatra aprāptasya ṭilopasya vidhāne prāptasya pratiṣedhaḥ vaktavyaḥ . brāhmaṇaḥ . na vā paryudāsasāmarthyāt . na vā vaktavyaḥ . kim kāraṇam . paryudāsasāmarthyāt paryudāsaḥ atra bhaviṣyati . asti anyat paryudāse prayojanam . kim . yā jātiḥ eva na apatyam . brāhmī oṣadhiḥ iti . na vai atra iṣyate . aniṣṭam ca prāpnoti iṣṭam ca na sidhyati . evam tarhi anuvartate apatye iti na tu apatye iti anena nipātanam abhisambadhyate : brāhmaḥ iti nipātyate apatye ajātau iti . kim tarhi . pratiṣedhaḥ abhisambadhyate : brāhmaḥ iti nipātyate . apatye jātau na iti .
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.