Pañcaviṃśa (Tāṇḍya) Brāhmaṇa of the Sāmaveda (in part) 7.7

पशवो वै बृहद्रथन्तरे अष्टाक्षरेण प्रथमाया ऋचः प्रस्तौत्य् अष्टाशफांस् तत् पशून् अवरुन्द्धे

paśavo vai bṛhadrathantare aṣṭākṣareṇa prathamāyā ṛcaḥ prastauty aṣṭāśaphāṃs tat paśūn avarunddhe

Sanskrit only: no published translation is held for this verse.

द्व्यक्षरेणोत्तरयोर् ऋचोः प्रस्तौति द्विपाद् यजमानो यजमानम् एव यज्ञे पशुषु प्रतिष्ठापयति

dvyakṣareṇottarayor ṛcoḥ prastauti dvipād yajamāno yajamānam eva yajñe paśuṣu pratiṣṭhāpayati

Sanskrit only: no published translation is held for this verse.

पञ्चाक्षरेण रथन्तरस्य प्रतिहरति पाङ्क्तांस् तत् पशून् अवरुन्द्धे

pañcākṣareṇa rathantarasya pratiharati pāṅktāṃs tat paśūn avarunddhe

Sanskrit only: no published translation is held for this verse.

चतुरक्षरेण बृहतः प्रतिहरति चतुष्पदस् तत् पशून् अवरुन्द्धे

caturakṣareṇa bṛhataḥ pratiharati catuṣpadas tat paśūn avarunddhe

Sanskrit only: no published translation is held for this verse.

न वै बृहन् न रथन्तरम् एकं छन्दो ऽयच्छत् ततः ककुभाव् उत्तरे उपादधुस् तस्माद् बृहती प्रथमा ककुभाव् उत्तरे तस्माद् बृहद्रथन्तरे एकर्चेन कुर्वन्ति न हि ते एकं छन्दो ऽयच्छत्

na vai bṛhan na rathantaram ekaṃ chando 'yacchat tataḥ kakubhāv uttare upādadhus tasmād bṛhatī prathamā kakubhāv uttare tasmād bṛhadrathantare ekarcena kurvanti na hi te ekaṃ chando 'yacchat

Sanskrit only: no published translation is held for this verse.

नव बृहतो रोहान् रोहति नव प्राणाः प्राणान् एवावरुन्द्धे

nava bṛhato rohān rohati nava prāṇāḥ prāṇān evāvarunddhe

Sanskrit only: no published translation is held for this verse.

त्रीन् प्रथमायां रोहति भूतं भवद् भविष्यत् तान् एवावरुन्द्धे त्रीन् मध्यमायां रोहत्य् आत्मानं प्रजां पशूंस् तान् एवावरुन्द्धे त्रीन् उत्तमायां रोहति त्रय इमे लोका एष्व् एव लोकेषु प्रतितिष्ठति

trīn prathamāyāṃ rohati bhūtaṃ bhavad bhaviṣyat tān evāvarunddhe trīn madhyamāyāṃ rohaty ātmānaṃ prajāṃ paśūṃs tān evāvarunddhe trīn uttamāyāṃ rohati traya ime lokā eṣv eva lokeṣu pratitiṣṭhati

Sanskrit only: no published translation is held for this verse.

सर्वान् कामान् अवरुन्द्धे य एवं विद्वान् बृहतो रोहान् रोहति

sarvān kāmān avarunddhe ya evaṃ vidvān bṛhato rohān rohati

Sanskrit only: no published translation is held for this verse.

वज्रेण वा एतत् प्रस्तोतोद्गातारम् अभिप्रवर्तयति यद् रथन्तरं प्रस्तौति समुद्रम् अन्तर्धायोद्गायेद् वाग् इत्य् आदेयं वाग् वै समुद्रः समुद्रम् एवान्तर्दधात्य् अहिंसायै

vajreṇa vā etat prastotodgātāram abhipravartayati yad rathantaraṃ prastauti samudram antardhāyodgāyed vāg ity ādeyaṃ vāg vai samudraḥ samudram evāntardadhāty ahiṃsāyai

Sanskrit only: no published translation is held for this verse.

बलवद् गेयं वज्रम् एवं प्रवृत्तं प्रत्युद्गृह्णाति

balavad geyaṃ vajram evaṃ pravṛttaṃ pratyudgṛhṇāti

Sanskrit only: no published translation is held for this verse.

वल्वला कुर्वता गेयम् अभिलोभयतेव वज्रम् एवाभिलोभयति

valvalā kurvatā geyam abhilobhayateva vajram evābhilobhayati

Sanskrit only: no published translation is held for this verse.

क्षिप्रं गेयं स्वर्गस्य लोकस्य समष्ट्यै

kṣipraṃ geyaṃ svargasya lokasya samaṣṭyai

Sanskrit only: no published translation is held for this verse.

देवरथो वै रथन्तरम् अक्षरेणाक्षरेण प्रतिष्ठापयतोद्गेयम् अरेणारेण हि रथः प्रतितिष्ठति

devaratho vai rathantaram akṣareṇākṣareṇa pratiṣṭhāpayatodgeyam areṇāreṇa hi rathaḥ pratitiṣṭhati

Sanskrit only: no published translation is held for this verse.

यो वै देवरथम् अनन्वालभ्यातिष्ठत्य् अवास्मात् पद्यत इयं वै देवरथ इमाम् आलभ्योद्गायेन् नास्माद् अवपद्यते

yo vai devaratham ananvālabhyātiṣṭhaty avāsmāt padyata iyaṃ vai devaratha imām ālabhyodgāyen nāsmād avapadyate

Sanskrit only: no published translation is held for this verse.

ईश्वरं वै रथन्तरम् उद्गातुश् चक्षुः प्रमथितोः प्रस्तूयमाने संमीलेत् स्वर् दृशं प्रतिवीक्षेत नैनं चक्षुर् जहाति

īśvaraṃ vai rathantaram udgātuś cakṣuḥ pramathitoḥ prastūyamāne saṃmīlet svar dṛśaṃ prativīkṣeta nainaṃ cakṣur jahāti

Sanskrit only: no published translation is held for this verse.

प्रजननं वै रथन्तरं यत् तस्थुष इत्य् आहास्थायुकोद्गातुर् वाग् भवत्य् अपि प्रजननं हन्त्य् अस्थुष इति वक्तव्यं सुस्थुष इति वा स्थायुकोद्गातुर् वाग् भवति न प्रजननम् अपि हन्ति

prajananaṃ vai rathantaraṃ yat tasthuṣa ity āhāsthāyukodgātur vāg bhavaty api prajananaṃ hanty asthuṣa iti vaktavyaṃ susthuṣa iti vā sthāyukodgātur vāg bhavati na prajananam api hanti

Sanskrit only: no published translation is held for this verse.

पृष्ठानि वा असृज्यन्त तैर् देवाः स्वर्गं लोकम् आयंस् तेषां रथन्तरं महिम्ना नाशक्नोद् उत्पतत्

pṛṣṭhāni vā asṛjyanta tair devāḥ svargaṃ lokam āyaṃs teṣāṃ rathantaraṃ mahimnā nāśaknod utpatat

Sanskrit only: no published translation is held for this verse.

तस्य वशिष्ठो महिम्नो विनिधाय तेन स्तुत्वा स्वर्गं लोकम् ऐत् तान् संभृत्योद्गायेत्

tasya vaśiṣṭho mahimno vinidhāya tena stutvā svargaṃ lokam ait tān saṃbhṛtyodgāyet

Sanskrit only: no published translation is held for this verse.

यस् ते गोषु महिमा यस् ते अप्सु रथे वा ते स्तनयित्नौ य उ ते यस् ते अग्नौ महिमा तेन संभव रथन्तर द्रविणवन् न एधि

yas te goṣu mahimā yas te apsu rathe vā te stanayitnau ya u te yas te agnau mahimā tena saṃbhava rathantara draviṇavan na edhi

Sanskrit only: no published translation is held for this verse.