Padma Purāṇa 5.114

अथाह शंकरो देवीं गच्छ गौतममंदिरम् । संध्योपास्तिमहं कृत्वा आगच्छामि पुनर्गृहम्

athāha śaṃkaro devīṃ gaccha gautamamaṃdiram | saṃdhyopāstimahaṃ kṛtvā āgacchāmi punargṛham

Sanskrit only: no published translation is held for this verse.

इत्युक्ता प्रययौ देवी गौतमस्यैव मंदिरम् । संध्यावंदनकामाश्च सर्वएव विनिर्गताः

ityuktā prayayau devī gautamasyaiva maṃdiram | saṃdhyāvaṃdanakāmāśca sarvaeva vinirgatāḥ

Sanskrit only: no published translation is held for this verse.

कृतसंध्यास्तटाके तु महेशाद्यास्तु कृत्स्नशः । अथोत्तरमुखः शंभुर्न्यासं कृत्वा जजाप ह

kṛtasaṃdhyāstaṭāke tu maheśādyāstu kṛtsnaśaḥ | athottaramukhaḥ śaṃbhurnyāsaṃ kṛtvā jajāpa ha

Sanskrit only: no published translation is held for this verse.

अथविष्णुर्महातेजा महेशमिदमब्रवीत् । सर्वैर्नमस्यते यस्तु सर्वैरेव समर्च्यते

athaviṣṇurmahātejā maheśamidamabravīt | sarvairnamasyate yastu sarvaireva samarcyate

Sanskrit only: no published translation is held for this verse.

हूयते सर्वयज्ञेषु स भवान्किं जपिष्यति । रचितांजलयः सर्वे त्वामेवैकमुपासते

hūyate sarvayajñeṣu sa bhavānkiṃ japiṣyati | racitāṃjalayaḥ sarve tvāmevaikamupāsate

Sanskrit only: no published translation is held for this verse.

स भवान्देवदेवेश कस्मै वा रचितांजलि । नमस्कारादि पुण्यानां फलदस्त्वं महेश्वर

sa bhavāndevadeveśa kasmai vā racitāṃjali | namaskārādi puṇyānāṃ phaladastvaṃ maheśvara

Sanskrit only: no published translation is held for this verse.

तव कः फलदो वंद्यः को वा त्वत्तोधिको वद । शंकर उवाच- ध्याये न किंचिद्गोविंद न नमस्येह किंचन

tava kaḥ phalado vaṃdyaḥ ko vā tvattodhiko vada | śaṃkara uvāca- dhyāye na kiṃcidgoviṃda na namasyeha kiṃcana

Sanskrit only: no published translation is held for this verse.

नोपास्ये कंचन हरे न जपिष्येह किंचन । किंतु नास्तिकजंतूनां प्रवृत्त्यर्थमिदं मया

nopāsye kaṃcana hare na japiṣyeha kiṃcana | kiṃtu nāstikajaṃtūnāṃ pravṛttyarthamidaṃ mayā

Sanskrit only: no published translation is held for this verse.

दर्शनीयं हरे ते स्युरन्यथा पापकारिणः । तस्माल्लोकोपकारार्थमिदं सर्वं कृतं मया

darśanīyaṃ hare te syuranyathā pāpakāriṇaḥ | tasmāllokopakārārthamidaṃ sarvaṃ kṛtaṃ mayā

Sanskrit only: no published translation is held for this verse.

ओमित्युक्त्वा हरिरथ तं नत्वा समतिष्ठत । अथ ते गौतमगृहं प्राप्ता देवगणर्षयः

omityuktvā hariratha taṃ natvā samatiṣṭhata | atha te gautamagṛhaṃ prāptā devagaṇarṣayaḥ

Sanskrit only: no published translation is held for this verse.

सर्वे पूजामथो चक्रुर्देवदेवे पिनाकिने । देवो हनूमता सार्द्धं गायन्नास्ते रघूत्तम

sarve pūjāmatho cakrurdevadeve pinākine | devo hanūmatā sārddhaṃ gāyannāste raghūttama

Sanskrit only: no published translation is held for this verse.

पञ्चाक्षरीं महाविद्यां सर्व एव तदा जपन् । हनूमत्करमालंब्य देव्यभ्याशं गतो हरः

pañcākṣarīṃ mahāvidyāṃ sarva eva tadā japan | hanūmatkaramālaṃbya devyabhyāśaṃ gato haraḥ

Sanskrit only: no published translation is held for this verse.

एकशय्यासमासीनौ तावुभौ देवदंपती । गायन्नास्ते स हनुमांस्तुंबुरुर्नारदस्तथा

ekaśayyāsamāsīnau tāvubhau devadaṃpatī | gāyannāste sa hanumāṃstuṃbururnāradastathā

Sanskrit only: no published translation is held for this verse.

नानाविधिविलासांश्च चकार परमेश्वरः । आहूय पार्वतीमीश इदं वाक्यमुवाच ह

nānāvidhivilāsāṃśca cakāra parameśvaraḥ | āhūya pārvatīmīśa idaṃ vākyamuvāca ha

Sanskrit only: no published translation is held for this verse.

श्रीसदाशिव उवाच- रचयिष्यामि धम्मिल्लमेहि मत्पुरतः शुभे । देव्याह न च युक्तं तद्भर्त्राशुश्रूषणं स्त्रियः

śrīsadāśiva uvāca- racayiṣyāmi dhammillamehi matpurataḥ śubhe | devyāha na ca yuktaṃ tadbhartrāśuśrūṣaṇaṃ striyaḥ

Sanskrit only: no published translation is held for this verse.

केशप्रसाधनकृतावनर्थांतरमापतेत् । केशप्रसाधने देव तत्वं सर्वं न चेप्सितम्

keśaprasādhanakṛtāvanarthāṃtaramāpatet | keśaprasādhane deva tatvaṃ sarvaṃ na cepsitam

Sanskrit only: no published translation is held for this verse.

अथ बंधे कृते पश्चादंसप्रांतप्रमार्जनम् । तनोश्चरमसंलग्न केशपुष्पादिमार्जनम्

atha baṃdhe kṛte paścādaṃsaprāṃtapramārjanam | tanoścaramasaṃlagna keśapuṣpādimārjanam

Sanskrit only: no published translation is held for this verse.

एतस्मिन्वर्तमाने तु महात्मानो यदागमन् । तदा किमुत्तरं वाच्यं तव देवादिवंदिनः

etasminvartamāne tu mahātmāno yadāgaman | tadā kimuttaraṃ vācyaṃ tava devādivaṃdinaḥ

Sanskrit only: no published translation is held for this verse.

नायांति चेदथ विभो भीतिर्नाशमुपेष्यति । एवं हि भाषमाणां तां करेणाकृष्य शंकरः

nāyāṃti cedatha vibho bhītirnāśamupeṣyati | evaṃ hi bhāṣamāṇāṃ tāṃ kareṇākṛṣya śaṃkaraḥ

Sanskrit only: no published translation is held for this verse.

स्वोर्वोस्तां स्थापयित्वैव विस्रस्य कचबंधनम् । विभज्य च कराभ्यां स प्रससार नखैरपि

svorvostāṃ sthāpayitvaiva visrasya kacabaṃdhanam | vibhajya ca karābhyāṃ sa prasasāra nakhairapi

Sanskrit only: no published translation is held for this verse.

विष्णुदत्तां पारिजातस्रजं कचगतामपि । कृत्वा धम्मिल्लमकरोदथ मालां करागताम्

viṣṇudattāṃ pārijātasrajaṃ kacagatāmapi | kṛtvā dhammillamakarodatha mālāṃ karāgatām

Sanskrit only: no published translation is held for this verse.

मल्लिकास्रजमादाय बबंध कचबंधने । कल्पप्रसूनमालां च ब्रह्मदत्तां महेश्वरः

mallikāsrajamādāya babaṃdha kacabaṃdhane | kalpaprasūnamālāṃ ca brahmadattāṃ maheśvaraḥ

Sanskrit only: no published translation is held for this verse.

पार्वतीवसने गूढगंधाढ्ये च समादधात् । अथांसपृष्ठसंलग्नमार्जनं कृतवान्विभुः

pārvatīvasane gūḍhagaṃdhāḍhye ca samādadhāt | athāṃsapṛṣṭhasaṃlagnamārjanaṃ kṛtavānvibhuḥ

Sanskrit only: no published translation is held for this verse.

श्लथनीवेरधो देव्या वस्त्रवेष्टेरधोगतः । देवः किमिदमित्युक्त्वा नीवीबंधं चकार ह

ślathanīveradho devyā vastraveṣṭeradhogataḥ | devaḥ kimidamityuktvā nīvībaṃdhaṃ cakāra ha

Sanskrit only: no published translation is held for this verse.

नासाभूषणमेतत्ते पश्यामि स मदात्ततः । इत्युक्त्वा स्वयमादाय विच्छायं मौक्तिकं सती

nāsābhūṣaṇametatte paśyāmi sa madāttataḥ | ityuktvā svayamādāya vicchāyaṃ mauktikaṃ satī

Sanskrit only: no published translation is held for this verse.

हरिद्रायाः समायोगे मुक्ताफलमदीप्तिमत् । इदं हि ध्रियतां मुक्ताफलं मम तव प्रियम्

haridrāyāḥ samāyoge muktāphalamadīptimat | idaṃ hi dhriyatāṃ muktāphalaṃ mama tava priyam

Sanskrit only: no published translation is held for this verse.

पार्वत्युवाच- अहो त्वन्मंदिरं शंभो सर्ववस्तुसमृद्धिमत् । पूर्वमेव मया सर्वं वस्तुज्ञातं विभूषणैः

pārvatyuvāca- aho tvanmaṃdiraṃ śaṃbho sarvavastusamṛddhimat | pūrvameva mayā sarvaṃ vastujñātaṃ vibhūṣaṇaiḥ

Sanskrit only: no published translation is held for this verse.

अहो द्रविणसंपत्तिर्भूषणैरवगम्यते । शिरोविभूषितं देव ब्रह्मशीर्षस्य मालया

aho draviṇasaṃpattirbhūṣaṇairavagamyate | śirovibhūṣitaṃ deva brahmaśīrṣasya mālayā

Sanskrit only: no published translation is held for this verse.

नरकस्य तथा माला वक्षःस्थलविभूषणम् । शेषश्च वासुकिश्चैव सविषौ तव कंकणे

narakasya tathā mālā vakṣaḥsthalavibhūṣaṇam | śeṣaśca vāsukiścaiva saviṣau tava kaṃkaṇe

Sanskrit only: no published translation is held for this verse.

दिशोंऽबरे जटा केशा भसितं चांगरागकम् । महोक्षो वाहनं गोत्रं कुलं चाज्ञातमेव च

diśoṃ'bare jaṭā keśā bhasitaṃ cāṃgarāgakam | mahokṣo vāhanaṃ gotraṃ kulaṃ cājñātameva ca

Sanskrit only: no published translation is held for this verse.

ज्ञायेते पितरौ नैव विरूपाक्षं तथा वपुः । एवं वदंतीं गिरिजां विष्णुः प्राहाति कोपनः

jñāyete pitarau naiva virūpākṣaṃ tathā vapuḥ | evaṃ vadaṃtīṃ girijāṃ viṣṇuḥ prāhāti kopanaḥ

Sanskrit only: no published translation is held for this verse.

किमर्थं निंदसे देवि देवदेवं जगत्पतिम् । त्यक्ष्ये प्राणान्प्रियान्भद्रे तव नूनमसंयमम्

kimarthaṃ niṃdase devi devadevaṃ jagatpatim | tyakṣye prāṇānpriyānbhadre tava nūnamasaṃyamam

Sanskrit only: no published translation is held for this verse.

यत्रेशनिंदनं भद्रे तत्र नो मरणं व्रतम् । इत्युक्त्वाथ नखाभ्यां हि हरिश्छेत्तुं शिरोगतः

yatreśaniṃdanaṃ bhadre tatra no maraṇaṃ vratam | ityuktvātha nakhābhyāṃ hi hariśchettuṃ śirogataḥ

Sanskrit only: no published translation is held for this verse.

महेशस्तु करं गृह्य प्राह मा साहसं कृथाः । पार्वतीवचनं सर्वं प्रियं मम तवाप्रियम्

maheśastu karaṃ gṛhya prāha mā sāhasaṃ kṛthāḥ | pārvatīvacanaṃ sarvaṃ priyaṃ mama tavāpriyam

Sanskrit only: no published translation is held for this verse.

ममाप्रियं हृषीकेश कर्तुं यत्किंचिदिष्यते । ओमित्युक्त्वाथ भगवांस्तूष्णींभूतोऽभवद्धरिः

mamāpriyaṃ hṛṣīkeśa kartuṃ yatkiṃcidiṣyate | omityuktvātha bhagavāṃstūṣṇīṃbhūto'bhavaddhariḥ

Sanskrit only: no published translation is held for this verse.

हनुमानथ देवाय व्यज्ञापयदिदं वचः । अर्थयामि विनिष्कामं मम पूजाव्रतं तथा

hanumānatha devāya vyajñāpayadidaṃ vacaḥ | arthayāmi viniṣkāmaṃ mama pūjāvrataṃ tathā

Sanskrit only: no published translation is held for this verse.

पूजार्थमप्यहं गच्छे ममानुज्ञातुमर्हसि । शंकर उवाच- कस्य पूजा क्व वा पूजा किं पुष्पं किं दलं वद

pūjārthamapyahaṃ gacche mamānujñātumarhasi | śaṃkara uvāca- kasya pūjā kva vā pūjā kiṃ puṣpaṃ kiṃ dalaṃ vada

Sanskrit only: no published translation is held for this verse.

को गुरुः कश्च मंत्रस्ते कीदृशं पूजनं तथा । एवं वदति देवेशे हनूमानतिकंपितः

ko guruḥ kaśca maṃtraste kīdṛśaṃ pūjanaṃ tathā | evaṃ vadati deveśe hanūmānatikaṃpitaḥ

Sanskrit only: no published translation is held for this verse.

वेपमानसमस्तांगः स्तोतुमेव प्रचक्रमे । हनूमानुवाच- नमो देवाय महते शंकरायामितात्मने

vepamānasamastāṃgaḥ stotumeva pracakrame | hanūmānuvāca- namo devāya mahate śaṃkarāyāmitātmane

Sanskrit only: no published translation is held for this verse.

योगिने योगधात्रे च योगिनां गुरवे नमः । योगिगम्याय देवाय ज्ञानिनां पतये नमः

yogine yogadhātre ca yogināṃ gurave namaḥ | yogigamyāya devāya jñānināṃ pataye namaḥ

Sanskrit only: no published translation is held for this verse.

वेदानां पतये तुभ्यं देवानां पतये नमः । ध्यानायध्यनगम्याय धातॄणां गुरवे नमः

vedānāṃ pataye tubhyaṃ devānāṃ pataye namaḥ | dhyānāyadhyanagamyāya dhātṝṇāṃ gurave namaḥ

Sanskrit only: no published translation is held for this verse.

शिष्टायशिष्टगम्याय भूम्यादि पतये नमः । नमस्तेत्यादिना वेदवाक्यानां निधये नमः

śiṣṭāyaśiṣṭagamyāya bhūmyādi pataye namaḥ | namastetyādinā vedavākyānāṃ nidhaye namaḥ

Sanskrit only: no published translation is held for this verse.

आतनुष्वेतिवाक्यैश्च प्रतिपाद्याय ते नमः । अष्टमूर्ते नमस्तुभ्यं पशूनांपतये नमः

ātanuṣvetivākyaiśca pratipādyāya te namaḥ | aṣṭamūrte namastubhyaṃ paśūnāṃpataye namaḥ

Sanskrit only: no published translation is held for this verse.

त्र्यंबकाय त्रिनेत्राय सोमसूर्याग्निलोचन । सुभृंगराजधत्तूरद्रोणपुष्पप्रियाय ते

tryaṃbakāya trinetrāya somasūryāgnilocana | subhṛṃgarājadhattūradroṇapuṣpapriyāya te

Sanskrit only: no published translation is held for this verse.

बृहतीपूगपुंनाग चंपकादिप्रियाय च । नमस्तेस्तु नमस्तेस्तु भूय एव नमोनमः

bṛhatīpūgapuṃnāga caṃpakādipriyāya ca | namastestu namastestu bhūya eva namonamaḥ

Sanskrit only: no published translation is held for this verse.

शिवो हरिमथ प्राह मा भैषीर्वद मेऽखिलम् । हनुमानुवाच- शिवलिगार्चनं कार्यं भस्मोद्धूलितदेहिना

śivo harimatha prāha mā bhaiṣīrvada me'khilam | hanumānuvāca- śivaligārcanaṃ kāryaṃ bhasmoddhūlitadehinā

Sanskrit only: no published translation is held for this verse.

दिवासंपादितैस्तोयैः पुष्पाद्यैरपि तादृशैः । देव विज्ञापयिष्यामि शिवपूजाविधिं शुभम्

divāsaṃpāditaistoyaiḥ puṣpādyairapi tādṛśaiḥ | deva vijñāpayiṣyāmi śivapūjāvidhiṃ śubham

Sanskrit only: no published translation is held for this verse.

सायंकाले तु संप्राप्ते अशिरः स्नानमाचरेत् । क्षालितं वसनं शुष्कं धृत्वाचम्य द्विरग्रधीः

sāyaṃkāle tu saṃprāpte aśiraḥ snānamācaret | kṣālitaṃ vasanaṃ śuṣkaṃ dhṛtvācamya dviragradhīḥ

Sanskrit only: no published translation is held for this verse.

अथ भस्म समादाय आग्नेयं स्नानमाचरेत् । प्रणवेन समामंत्र्याप्यष्टवारमथापि वा

atha bhasma samādāya āgneyaṃ snānamācaret | praṇavena samāmaṃtryāpyaṣṭavāramathāpi vā

Sanskrit only: no published translation is held for this verse.

पंचाक्षरेण मंत्रेण नाम्ना वा येनकेनचित् । सप्ताभिमंत्रितं भस्म दर्भपाणिः समाहरेत्

paṃcākṣareṇa maṃtreṇa nāmnā vā yenakenacit | saptābhimaṃtritaṃ bhasma darbhapāṇiḥ samāharet

Sanskrit only: no published translation is held for this verse.

ईशानः सर्वविद्यानामुक्त्वा शिरसि पातयेत् । तत्पुरुषाय विद्महे मुखे भस्म प्रसेचयेत्

īśānaḥ sarvavidyānāmuktvā śirasi pātayet | tatpuruṣāya vidmahe mukhe bhasma prasecayet

Sanskrit only: no published translation is held for this verse.

अघोरेभ्योऽथ घोरेभ्यो भस्म वक्षसि निक्षिपेत् । वामदेवाय नम इति गुह्यस्थाने विनिक्षिपेत्

aghorebhyo'tha ghorebhyo bhasma vakṣasi nikṣipet | vāmadevāya nama iti guhyasthāne vinikṣipet

Sanskrit only: no published translation is held for this verse.

सद्योजातं प्रपद्यामि निक्षिपेदथ पादयोः । उद्धूलयेत्समस्तांगे प्रणवेन विचक्षणः

sadyojātaṃ prapadyāmi nikṣipedatha pādayoḥ | uddhūlayetsamastāṃge praṇavena vicakṣaṇaḥ

Sanskrit only: no published translation is held for this verse.

त्रैवर्णिकानामुदितः स्नानादिविधिरुत्तमः । शूद्रादीनां प्रवक्ष्यामि यदुक्तं गुरुणा तथा

traivarṇikānāmuditaḥ snānādividhiruttamaḥ | śūdrādīnāṃ pravakṣyāmi yaduktaṃ guruṇā tathā

Sanskrit only: no published translation is held for this verse.

शिवेति पदमुच्चार्य भस्मसंमंत्रयेत्सुधीः । सप्तवारमथादाय शिवायेति शिरः क्षिपेत्

śiveti padamuccārya bhasmasaṃmaṃtrayetsudhīḥ | saptavāramathādāya śivāyeti śiraḥ kṣipet

Sanskrit only: no published translation is held for this verse.

उच्चार्य पादयोः क्षिप्त्वा भस्मशुद्धमतः परम् । नमः शिवायेत्युच्चार्य सर्वांगोद्धूलनं स्मृतम्

uccārya pādayoḥ kṣiptvā bhasmaśuddhamataḥ param | namaḥ śivāyetyuccārya sarvāṃgoddhūlanaṃ smṛtam

Sanskrit only: no published translation is held for this verse.

शंकराय मुखे प्रोक्तं सर्वज्ञाय हृदि क्षिपेत् । स्थाणवे नम इत्युक्त्वा गुह्ये चापि स्वयंभुवे

śaṃkarāya mukhe proktaṃ sarvajñāya hṛdi kṣipet | sthāṇave nama ityuktvā guhye cāpi svayaṃbhuve

Sanskrit only: no published translation is held for this verse.

तदभावे तु दूर्वाः स्युस्तदभावे तु राजतम् । संध्योपास्तिं जपं देव्याः कृत्वा देवगृहं व्रजेत्

tadabhāve tu dūrvāḥ syustadabhāve tu rājatam | saṃdhyopāstiṃ japaṃ devyāḥ kṛtvā devagṛhaṃ vrajet

Sanskrit only: no published translation is held for this verse.

देववेदिमथो वापि कल्पितं स्थंडिलं तु वा । मृण्मयं कल्पितं शुद्धं पद्मादिरचनायुतम्

devavedimatho vāpi kalpitaṃ sthaṃḍilaṃ tu vā | mṛṇmayaṃ kalpitaṃ śuddhaṃ padmādiracanāyutam

Sanskrit only: no published translation is held for this verse.

चातुर्वर्णक रंगैश्च श्वेतेनैकेन वा पुनः । विचित्राणि च पद्मानि स्वस्तिकादि तथैव च

cāturvarṇaka raṃgaiśca śvetenaikena vā punaḥ | vicitrāṇi ca padmāni svastikādi tathaiva ca

Sanskrit only: no published translation is held for this verse.

उत्पलादि गदा शंख त्रिशूलं डमरुं तथा । सरोक्तपंचप्रासादं शिवलिंगमथैव च

utpalādi gadā śaṃkha triśūlaṃ ḍamaruṃ tathā | saroktapaṃcaprāsādaṃ śivaliṃgamathaiva ca

Sanskrit only: no published translation is held for this verse.

सर्वकामफलं वृक्षं कुलकं कोलकं तथा । षट्कोणंचत्रिकोणंचनवकोणमथापिवा

sarvakāmaphalaṃ vṛkṣaṃ kulakaṃ kolakaṃ tathā | ṣaṭkoṇaṃcatrikoṇaṃcanavakoṇamathāpivā

Sanskrit only: no published translation is held for this verse.

कोणद्वादशकांदोलां पादुकाव्यजनानि च । चामरच्छत्रयुगलं विष्णुब्रह्मादिकं तथा

koṇadvādaśakāṃdolāṃ pādukāvyajanāni ca | cāmaracchatrayugalaṃ viṣṇubrahmādikaṃ tathā

Sanskrit only: no published translation is held for this verse.

चूर्णैर्विरचयेद्वेद्यां धीमान्देवालयेऽपि वा । यत्रापि देवपूजा स्यात्तत्रैवं कल्पयेद्बुधः

cūrṇairviracayedvedyāṃ dhīmāndevālaye'pi vā | yatrāpi devapūjā syāttatraivaṃ kalpayedbudhaḥ

Sanskrit only: no published translation is held for this verse.

स्वहस्तरचितं मुख्यं क्रीतं चैव तु मध्यमम् । याचितं तु कनिष्ठं स्याद्बलात्कारमथाधमम्

svahastaracitaṃ mukhyaṃ krītaṃ caiva tu madhyamam | yācitaṃ tu kaniṣṭhaṃ syādbalātkāramathādhamam

Sanskrit only: no published translation is held for this verse.

अर्हेषु यत्त्वनर्हेषु बलात्कारात्तु निष्फलम् । रक्तशालि जपा स्थाण कलमासित रक्तकैः

arheṣu yattvanarheṣu balātkārāttu niṣphalam | raktaśāli japā sthāṇa kalamāsita raktakaiḥ

Sanskrit only: no published translation is held for this verse.

तंदुलैर्व्रीहिमात्रोत्थैः कर्णैश्चैव यथाक्रमम् । उत्तमैर्मध्यमैश्चैव कथितैरधमैस्तथा

taṃdulairvrīhimātrotthaiḥ karṇaiścaiva yathākramam | uttamairmadhyamaiścaiva kathitairadhamaistathā

Sanskrit only: no published translation is held for this verse.

पद्मादिस्थापनैरेव तत्सम्यग्यागमाचरेत् । प्रागुत्तरमुखो वापि यदि वा प्राङ्मुखो भवेत्

padmādisthāpanaireva tatsamyagyāgamācaret | prāguttaramukho vāpi yadi vā prāṅmukho bhavet

Sanskrit only: no published translation is held for this verse.

आसनं च प्रवक्ष्यामि यथादृष्टं यथाश्रुतम् । कौशं चार्म्मं चैलतुल्यं दारवं ताडपत्रकम्

āsanaṃ ca pravakṣyāmi yathādṛṣṭaṃ yathāśrutam | kauśaṃ cārmmaṃ cailatulyaṃ dāravaṃ tāḍapatrakam

Sanskrit only: no published translation is held for this verse.

कांबलं कांचनं चैव राजतं ताम्रमेव च । गोकरीषार्कजैर्वापि आसनं परिकल्पयेत्

kāṃbalaṃ kāṃcanaṃ caiva rājataṃ tāmrameva ca | gokarīṣārkajairvāpi āsanaṃ parikalpayet

Sanskrit only: no published translation is held for this verse.

वैयाघ्रं रौरवं चैव हारिणं मार्गमेव च । चार्मं चतुर्विधं ज्ञेयमथ बंधुकमेव च

vaiyāghraṃ rauravaṃ caiva hāriṇaṃ mārgameva ca | cārmaṃ caturvidhaṃ jñeyamatha baṃdhukameva ca

Sanskrit only: no published translation is held for this verse.

यथासंभवमेतेषु ह्यासनं परिकल्पयेत् । कृतपद्मासनो वापि स्वास्तिकासन एव च

yathāsaṃbhavameteṣu hyāsanaṃ parikalpayet | kṛtapadmāsano vāpi svāstikāsana eva ca

Sanskrit only: no published translation is held for this verse.

दर्भभस्मसमासीनः प्राणानायम्य वाग्यतः । तावत्स देवतारूपो ध्यानं चान्तः समाचरेत्

darbhabhasmasamāsīnaḥ prāṇānāyamya vāgyataḥ | tāvatsa devatārūpo dhyānaṃ cāntaḥ samācaret

Sanskrit only: no published translation is held for this verse.

शिखांते द्वादशांगुल्ये स्थितं सूक्ष्मतनुं शिवम् । अंतश्चरंतं भूतेषु गुहायां विश्वमूर्तिषु

śikhāṃte dvādaśāṃgulye sthitaṃ sūkṣmatanuṃ śivam | aṃtaścaraṃtaṃ bhūteṣu guhāyāṃ viśvamūrtiṣu

Sanskrit only: no published translation is held for this verse.

सर्वाभरणसंयुक्तमणिमादि गुणान्वितम् । ध्यात्वा तं धारयेच्चित्ते तद्व्याप्त्या पूरयेत्तनूम्

sarvābharaṇasaṃyuktamaṇimādi guṇānvitam | dhyātvā taṃ dhārayeccitte tadvyāptyā pūrayettanūm

Sanskrit only: no published translation is held for this verse.

तया दीप्त्या शरीरस्थं पापं नाशमुपागतम् । स्वर्णं पारदसंपर्काद्रक्तं श्वेतं यथा भवेत्

tayā dīptyā śarīrasthaṃ pāpaṃ nāśamupāgatam | svarṇaṃ pāradasaṃparkādraktaṃ śvetaṃ yathā bhavet

Sanskrit only: no published translation is held for this verse.

तद्द्वादशदलावृत्तमष्टपंचत्रिरेव वा । परिकल्प्यासनं शुद्धं तत्र लिंगं निधाय च

taddvādaśadalāvṛttamaṣṭapaṃcatrireva vā | parikalpyāsanaṃ śuddhaṃ tatra liṃgaṃ nidhāya ca

Sanskrit only: no published translation is held for this verse.

गुहास्थितं महेशानं लिंगे संचिंतयेत्तथा । शोधिते कलशे तोयं शोधितं गंधवासितम्

guhāsthitaṃ maheśānaṃ liṃge saṃciṃtayettathā | śodhite kalaśe toyaṃ śodhitaṃ gaṃdhavāsitam

Sanskrit only: no published translation is held for this verse.

सुगंधपुष्पं निक्षिप्य प्रणवेनाभिमंत्रितम् । प्राणायामश्च प्रणवः शूद्रेषु न विधीयते

sugaṃdhapuṣpaṃ nikṣipya praṇavenābhimaṃtritam | prāṇāyāmaśca praṇavaḥ śūdreṣu na vidhīyate

Sanskrit only: no published translation is held for this verse.

प्राणायामपदे ध्यानं शिवेत्योङ्कारमंत्रणम् । गंधपुष्पाक्षतादीनि पूजाद्रव्याणि यानि च

prāṇāyāmapade dhyānaṃ śivetyoṅkāramaṃtraṇam | gaṃdhapuṣpākṣatādīni pūjādravyāṇi yāni ca

Sanskrit only: no published translation is held for this verse.

तानि स्थाप्य समीपे तु ततः संकल्पयिष्यते । शिवपूजां करिष्यामि शिवतुष्ट्यर्थमेव च

tāni sthāpya samīpe tu tataḥ saṃkalpayiṣyate | śivapūjāṃ kariṣyāmi śivatuṣṭyarthameva ca

Sanskrit only: no published translation is held for this verse.

इति संकल्पयित्वा तु तत आवाहनादिकम् । कृत्वा तु स्नानपर्यंतं ततः स्नानं प्रकल्पयेत्

iti saṃkalpayitvā tu tata āvāhanādikam | kṛtvā tu snānaparyaṃtaṃ tataḥ snānaṃ prakalpayet

Sanskrit only: no published translation is held for this verse.

नमस्तेत्यादिमंत्रेण शतरुद्रियविधानतः । अविच्छिन्ना तु या धारा मुक्तिधारेति कीर्तिता

namastetyādimaṃtreṇa śatarudriyavidhānataḥ | avicchinnā tu yā dhārā muktidhāreti kīrtitā

Sanskrit only: no published translation is held for this verse.

तया यः स्नापयेन्मासं जपन्रुद्रमुपांशु वा । एकवारं त्रिवारं च पंच सप्त नवापि वा

tayā yaḥ snāpayenmāsaṃ japanrudramupāṃśu vā | ekavāraṃ trivāraṃ ca paṃca sapta navāpi vā

Sanskrit only: no published translation is held for this verse.

एकादशमथो वारमथैकादशचान्वितम् । मुक्तिस्नानमिदं ज्ञेयं मासं मोक्षप्रदायकम्

ekādaśamatho vāramathaikādaśacānvitam | muktisnānamidaṃ jñeyaṃ māsaṃ mokṣapradāyakam

Sanskrit only: no published translation is held for this verse.

शैवया विद्यया स्नानं केवलं प्रणवेन च । मृण्मयैर्नालिकेरस्य शकलैश्चोर्मिभिस्तथा

śaivayā vidyayā snānaṃ kevalaṃ praṇavena ca | mṛṇmayairnālikerasya śakalaiścormibhistathā

Sanskrit only: no published translation is held for this verse.

कांस्येन मुक्ता भुक्त्या च पुष्पादिक सरेणवा । स्नापयेद्देवदेवेशं यथासंभवमीरितैः

kāṃsyena muktā bhuktyā ca puṣpādika sareṇavā | snāpayeddevadeveśaṃ yathāsaṃbhavamīritaiḥ

Sanskrit only: no published translation is held for this verse.

शृंगस्य च विधिं वक्ष्ये स्नानयोग्यं यथा भवेत् । पूर्वमंतस्तु संशोध्य बहिरंतस्तु शोधयेत्

śṛṃgasya ca vidhiṃ vakṣye snānayogyaṃ yathā bhavet | pūrvamaṃtastu saṃśodhya bahiraṃtastu śodhayet

Sanskrit only: no published translation is held for this verse.

सुस्निग्धं लघुकृत्वाथ नागं छिंद्यात्कथंचन । नीचैकदेशविन्यस्तद्वारद्रोण्या सुवृत्तयोः

susnigdhaṃ laghukṛtvātha nāgaṃ chiṃdyātkathaṃcana | nīcaikadeśavinyastadvāradroṇyā suvṛttayoḥ

Sanskrit only: no published translation is held for this verse.

कुशानुयुतया स्नानं देवाय परिकल्पयेत् । एवं गवयशृंगस्य जलमूर्तिरथोच्यते

kuśānuyutayā snānaṃ devāya parikalpayet | evaṃ gavayaśṛṃgasya jalamūrtirathocyate

Sanskrit only: no published translation is held for this verse.

द्वारे निषिद्धलोहार्द्धं संधिद्वारा समन्विते । योगवक्त्रं नागदंडं नागाकारं प्रकल्पयेत्

dvāre niṣiddhalohārddhaṃ saṃdhidvārā samanvite | yogavaktraṃ nāgadaṃḍaṃ nāgākāraṃ prakalpayet

Sanskrit only: no published translation is held for this verse.

फलस्थाने तु चषकं दंडेन समरंध्रकम् । तत्रैव पातयेत्तोयमूर्द्ध्वयंत्रघटे स्थितम्

phalasthāne tu caṣakaṃ daṃḍena samaraṃdhrakam | tatraiva pātayettoyamūrddhvayaṃtraghaṭe sthitam

Sanskrit only: no published translation is held for this verse.

पातयेदथ चान्येन वामेनैव करेण वा । मुक्तिधाराकृता तेन पवित्रं पापनाशनम्

pātayedatha cānyena vāmenaiva kareṇa vā | muktidhārākṛtā tena pavitraṃ pāpanāśanam

Sanskrit only: no published translation is held for this verse.

एवं संस्थाप्य देवेशं पंचगव्यैस्तथैव च । पंचामृतैरथ स्नाप्य मधुरत्रितयेन च

evaṃ saṃsthāpya deveśaṃ paṃcagavyaistathaiva ca | paṃcāmṛtairatha snāpya madhuratritayena ca

Sanskrit only: no published translation is held for this verse.

विभूष्य भूषकैर्देवं पुनः स्नाप्य महेश्वरम् । शीतोपचारं कृत्वाथ तत आचमनादिकम्

vibhūṣya bhūṣakairdevaṃ punaḥ snāpya maheśvaram | śītopacāraṃ kṛtvātha tata ācamanādikam

Sanskrit only: no published translation is held for this verse.

वस्त्रं तथोपवीतं च पंचगंधकमेव च । कर्पूरमरुवं चापि पाटीरमथ वा भवेत्

vastraṃ tathopavītaṃ ca paṃcagaṃdhakameva ca | karpūramaruvaṃ cāpi pāṭīramatha vā bhavet

Sanskrit only: no published translation is held for this verse.

उभयं मिश्रितं वापि शिवलिंगं प्रपूजयेत् । कृत्स्नपीठं गंधपूर्णं यद्वा विभवसारतः

ubhayaṃ miśritaṃ vāpi śivaliṃgaṃ prapūjayet | kṛtsnapīṭhaṃ gaṃdhapūrṇaṃ yadvā vibhavasārataḥ

Sanskrit only: no published translation is held for this verse.

तूष्णीमथोपचारं वा कालियं पुष्पमर्पयेत् । श्रीपत्रमरुचित्याजं यथाशक्त्याखिलं यथा

tūṣṇīmathopacāraṃ vā kāliyaṃ puṣpamarpayet | śrīpatramarucityājaṃ yathāśaktyākhilaṃ yathā

Sanskrit only: no published translation is held for this verse.

अनेकद्रव्यधूपं च गुग्गुलं केवलं तथा । कपिलाघृतसंयुक्तं सर्वधूपाय शस्यते

anekadravyadhūpaṃ ca guggulaṃ kevalaṃ tathā | kapilāghṛtasaṃyuktaṃ sarvadhūpāya śasyate

Sanskrit only: no published translation is held for this verse.

धूपं दत्वा यथाशक्ति कपिलाघृतदीपकान् । अथवाप्याज्यमात्रेण दीपान्दत्वोपहारकम्

dhūpaṃ datvā yathāśakti kapilāghṛtadīpakān | athavāpyājyamātreṇa dīpāndatvopahārakam

Sanskrit only: no published translation is held for this verse.

यथाशक्त्युपपन्नं च दत्वा पुष्पसमन्वितम् । मुखशुद्धिं ततो दत्वा दत्वा तांबूलमादरात्

yathāśaktyupapannaṃ ca datvā puṣpasamanvitam | mukhaśuddhiṃ tato datvā datvā tāṃbūlamādarāt

Sanskrit only: no published translation is held for this verse.

प्रदक्षिणनमस्कारौ पूजैवं हि समाप्यते । गीतांगपंचकं पश्चात्तानि विज्ञापयामि ते

pradakṣiṇanamaskārau pūjaivaṃ hi samāpyate | gītāṃgapaṃcakaṃ paścāttāni vijñāpayāmi te

Sanskrit only: no published translation is held for this verse.

गीतं वाद्यं पुराणं च नृत्यं हासोक्तिरेव च । नीराजनं च पुष्पाणामंजलिश्चाखिलार्पणम्

gītaṃ vādyaṃ purāṇaṃ ca nṛtyaṃ hāsoktireva ca | nīrājanaṃ ca puṣpāṇāmaṃjaliścākhilārpaṇam

Sanskrit only: no published translation is held for this verse.

क्षमा चोद्वासनं चैव कीर्तितं चोपचारकम् । भूषणं च तथा छत्रं चामरं व्यजनं तथा

kṣamā codvāsanaṃ caiva kīrtitaṃ copacārakam | bhūṣaṇaṃ ca tathā chatraṃ cāmaraṃ vyajanaṃ tathā

Sanskrit only: no published translation is held for this verse.

शिवोपवीतं कैङ्कर्यं षडीशानोपचारकम् । द्वात्रिंशदुपचारैस्तु यः समाराधयेच्छिवम्

śivopavītaṃ kaiṅkaryaṃ ṣaḍīśānopacārakam | dvātriṃśadupacāraistu yaḥ samārādhayecchivam

Sanskrit only: no published translation is held for this verse.

एकेनाह्ना समस्तानां पापानां नाशनं ध्रुवम् । द्वात्रिंशदुपचारं स्यात्पूजनं तूत्तमोत्तमम्

ekenāhnā samastānāṃ pāpānāṃ nāśanaṃ dhruvam | dvātriṃśadupacāraṃ syātpūjanaṃ tūttamottamam

Sanskrit only: no published translation is held for this verse.

सदाशिव उवाच- एवमेतत्कपिश्रेष्ठ तव पूजां वदाम्यहम् । मत्पादयुगलं पूज्य सर्वपूजाकरो भव

sadāśiva uvāca- evametatkapiśreṣṭha tava pūjāṃ vadāmyaham | matpādayugalaṃ pūjya sarvapūjākaro bhava

Sanskrit only: no published translation is held for this verse.

आराध्येत्थं यथालिंगे तन्ममाराधनं कुरु । हनूमानुवाच- गुरुणा लिंगपूजैव नियता कल्पिता मम

ārādhyetthaṃ yathāliṃge tanmamārādhanaṃ kuru | hanūmānuvāca- guruṇā liṃgapūjaiva niyatā kalpitā mama

Sanskrit only: no published translation is held for this verse.

तां करोमि पुरा देव पश्चात्त्वत्पादपूजनम् । इत्युक्त्वैव नमस्येशं शिवलिगार्चनेऽभवत्

tāṃ karomi purā deva paścāttvatpādapūjanam | ityuktvaiva namasyeśaṃ śivaligārcane'bhavat

Sanskrit only: no published translation is held for this verse.

सरस्तीरमथो गत्वा कृत्वा सैकतवेदिकाम् । तालपत्रैर्विरचितमासनं परिकल्पयेत्

sarastīramatho gatvā kṛtvā saikatavedikām | tālapatrairviracitamāsanaṃ parikalpayet

Sanskrit only: no published translation is held for this verse.

प्रक्षाल्य पादहस्तौ तु समाचम्य समाहितः । भस्मस्नानमथो चक्रे पुनराचम्य वाग्यतः

prakṣālya pādahastau tu samācamya samāhitaḥ | bhasmasnānamatho cakre punarācamya vāgyataḥ

Sanskrit only: no published translation is held for this verse.

देववेद्यामथो चक्रे पद्मानि सुमनोहरम् । अनंतरं तालपत्रं पद्मासनगतः कपिः

devavedyāmatho cakre padmāni sumanoharam | anaṃtaraṃ tālapatraṃ padmāsanagataḥ kapiḥ

Sanskrit only: no published translation is held for this verse.

प्राणानायम्य सन्यासं शुक्लध्यानसमन्वितः । प्रणम्य गुरुमीशानं जपन्नासीदतः परम्

prāṇānāyamya sanyāsaṃ śukladhyānasamanvitaḥ | praṇamya gurumīśānaṃ japannāsīdataḥ param

Sanskrit only: no published translation is held for this verse.

अथ देवार्चनं कर्तुं यत्नमास्थितवानपि । पलाशपत्रपुटकद्वयानीत जलं शुचि

atha devārcanaṃ kartuṃ yatnamāsthitavānapi | palāśapatrapuṭakadvayānīta jalaṃ śuci

Sanskrit only: no published translation is held for this verse.

शिरःकमंडलुगतं निधायाग्निं त्रिमंत्रितम् । आवाहनादि कृत्वाथ स्नानपर्यन्तमेव च

śiraḥkamaṃḍalugataṃ nidhāyāgniṃ trimaṃtritam | āvāhanādi kṛtvātha snānaparyantameva ca

Sanskrit only: no published translation is held for this verse.

अथ स्नापयितुं देवमादाय करसंपुटे । कृत्वा निरीक्षणं देवं पीठं नो दृष्टवान्कपिः

atha snāpayituṃ devamādāya karasaṃpuṭe | kṛtvā nirīkṣaṇaṃ devaṃ pīṭhaṃ no dṛṣṭavānkapiḥ

Sanskrit only: no published translation is held for this verse.

लिंगमात्रं करगतं दृष्ट्वा भीतिसमन्वितः । इदमाह महायोगी किं वा पापं मया कृतम्

liṃgamātraṃ karagataṃ dṛṣṭvā bhītisamanvitaḥ | idamāha mahāyogī kiṃ vā pāpaṃ mayā kṛtam

Sanskrit only: no published translation is held for this verse.

यदेतत्पीठरहितं शिवलिंगं करस्थितम् । ममाद्य मरणं सिद्धं पीठं चेन्नागमिष्यति

yadetatpīṭharahitaṃ śivaliṃgaṃ karasthitam | mamādya maraṇaṃ siddhaṃ pīṭhaṃ cennāgamiṣyati

Sanskrit only: no published translation is held for this verse.

अथ रुद्रं जपिष्यामि तदायाति महेश्वरः । इति निश्चित्य मनसा जजाप शतरुद्रियम्

atha rudraṃ japiṣyāmi tadāyāti maheśvaraḥ | iti niścitya manasā jajāpa śatarudriyam

Sanskrit only: no published translation is held for this verse.

अथापि न समायातो महेशोऽथ कपीश्वरः । रुद्रं न्यपातयद्भूम्यां वीरभद्रः समागतः

athāpi na samāyāto maheśo'tha kapīśvaraḥ | rudraṃ nyapātayadbhūmyāṃ vīrabhadraḥ samāgataḥ

Sanskrit only: no published translation is held for this verse.