संप्रार्थितः सुरगणैर्मुनिभिश्च महात्मभिः । देवकीजठरे जातः प्रावृट्काले महानिशि
saṃprārthitaḥ suragaṇairmunibhiśca mahātmabhiḥ | devakījaṭhare jātaḥ prāvṛṭkāle mahāniśi
Sanskrit only: no published translation is held for this verse.
Library·Padma Purāṇa·6·6.245
Padma Purāṇa 6.245
भयात्कंसस्य देवेशमानीयानकदुंदुभिः । तव गेहे तदा रात्रौ पुत्रं निःक्षिप्तवान्हरिम्
bhayātkaṃsasya deveśamānīyānakaduṃdubhiḥ | tava gehe tadā rātrau putraṃ niḥkṣiptavānharim
Sanskrit only: no published translation is held for this verse.
तस्मिन्नेव तु कालेऽपि यशोदा तु यशस्विनी । कन्यां मायांशसंभूतां प्रसूता तु शुभाननाम्
tasminneva tu kāle'pi yaśodā tu yaśasvinī | kanyāṃ māyāṃśasaṃbhūtāṃ prasūtā tu śubhānanām
Sanskrit only: no published translation is held for this verse.
तया संमोहितं सर्वमिदं व्रजकुलं शुभम् । मूर्च्छिताया यशोदायाः शयने यदुपुङ्गवम्
tayā saṃmohitaṃ sarvamidaṃ vrajakulaṃ śubham | mūrcchitāyā yaśodāyāḥ śayane yadupuṅgavam
Sanskrit only: no published translation is held for this verse.
कृष्णं निक्षिप्य तां कन्यामादाय स्वगृहं ययौ । तां तु निक्षिप्य देवक्याः शयने बहिरागमत्
kṛṣṇaṃ nikṣipya tāṃ kanyāmādāya svagṛhaṃ yayau | tāṃ tu nikṣipya devakyāḥ śayane bahirāgamat
Sanskrit only: no published translation is held for this verse.
सा रुरोद ततः क्षिप्र देवकीशयने स्थिता । तच्छ्रुत्वा सहसा कंसः कन्यामादाय सुव्रत २५० 6.245.250। भ्रामयित्वा शिलापृष्ठे चिक्षेपोत्पत्य वीर्यवान् । समुत्थाय च सा कन्या सायुधाष्टभुजान्विता । गगनस्था रुषा कंसं प्राह गंभीरया गिरा
sā ruroda tataḥ kṣipra devakīśayane sthitā | tacchrutvā sahasā kaṃsaḥ kanyāmādāya suvrata 250 6.245.250| bhrāmayitvā śilāpṛṣṭhe cikṣepotpatya vīryavān | samutthāya ca sā kanyā sāyudhāṣṭabhujānvitā | gaganasthā ruṣā kaṃsaṃ prāha gaṃbhīrayā girā
Sanskrit only: no published translation is held for this verse.
कन्योवाच- योऽनंतः सर्वदेवानामीश्वरः पुरुषोत्तमः । यातस्तव वधार्थाय गोव्रजे दानवाधम
kanyovāca- yo'naṃtaḥ sarvadevānāmīśvaraḥ puruṣottamaḥ | yātastava vadhārthāya govraje dānavādhama
Sanskrit only: no published translation is held for this verse.
अक्रूर उवाच- इत्युक्त्वा सा महामाया हिमवंतं समाययौ । तदाप्रभृति दुष्टात्मा भयादुद्विग्नमानसः
akrūra uvāca- ityuktvā sā mahāmāyā himavaṃtaṃ samāyayau | tadāprabhṛti duṣṭātmā bhayādudvignamānasaḥ
Sanskrit only: no published translation is held for this verse.
दानवान्प्रेषयामास निधनाय महात्मनः । बालेनैव हताः सर्वे लीलयानेन धीमता
dānavānpreṣayāmāsa nidhanāya mahātmanaḥ | bālenaiva hatāḥ sarve līlayānena dhīmatā
Sanskrit only: no published translation is held for this verse.
अत्यद्भुतानि कर्माणि कृतवान्परमेश्वरः । गोवर्द्धनादिधरणं नागराजविवासनम्
atyadbhutāni karmāṇi kṛtavānparameśvaraḥ | govarddhanādidharaṇaṃ nāgarājavivāsanam
Sanskrit only: no published translation is held for this verse.
समागमं महेंद्रस्य निधनं सर्वरक्षसाम् । श्रुत्वा देवर्षिणा ख्यातमतीव भयपीडितः
samāgamaṃ maheṃdrasya nidhanaṃ sarvarakṣasām | śrutvā devarṣiṇā khyātamatīva bhayapīḍitaḥ
Sanskrit only: no published translation is held for this verse.
इतो नीत्वा महाबाहू रामकृष्णौ दुरासदौ । मदोत्कटैर्महानागैर्मल्लैर्वा हंतुमुद्यतः
ito nītvā mahābāhū rāmakṛṣṇau durāsadau | madotkaṭairmahānāgairmallairvā haṃtumudyataḥ
Sanskrit only: no published translation is held for this verse.
कृष्णस्यानयनार्थाय प्रेरयामास मामिह । वसुदेवस्य दुष्टात्मा निग्रहं कृतवानसौ
kṛṣṇasyānayanārthāya prerayāmāsa māmiha | vasudevasya duṣṭātmā nigrahaṃ kṛtavānasau
Sanskrit only: no published translation is held for this verse.
एतत्सर्वं समाख्यातं चेष्टितं सुदुरात्मनः । उपभोक्तुं धनुर्यागं यूयं सर्वे व्रजौकसः
etatsarvaṃ samākhyātaṃ ceṣṭitaṃ sudurātmanaḥ | upabhoktuṃ dhanuryāgaṃ yūyaṃ sarve vrajaukasaḥ
Sanskrit only: no published translation is held for this verse.
दध्याज्यादिगृहीत्वा वै श्वोभूते गंतुमर्हथ । सहिता रामकृष्णाभ्यां गोपाः सर्वे तदंतिकम्
dadhyājyādigṛhītvā vai śvobhūte gaṃtumarhatha | sahitā rāmakṛṣṇābhyāṃ gopāḥ sarve tadaṃtikam
Sanskrit only: no published translation is held for this verse.
कृष्णेन निहतः कंसो भविष्यति न संशयः । परित्यज्य भयं तस्माद्गमिष्यध्वं नृपाज्ञया
kṛṣṇena nihataḥ kaṃso bhaviṣyati na saṃśayaḥ | parityajya bhayaṃ tasmādgamiṣyadhvaṃ nṛpājñayā
Sanskrit only: no published translation is held for this verse.
ईश्वर उवाच- इत्युक्त्वा स तदाक्रूरस्तूष्णीमासीत्सुबुद्धिमान् । तस्य तद्वचनं श्रुत्वा दारुणं रोमहर्षणम्
īśvara uvāca- ityuktvā sa tadākrūrastūṣṇīmāsītsubuddhimān | tasya tadvacanaṃ śrutvā dāruṇaṃ romaharṣaṇam
Sanskrit only: no published translation is held for this verse.
नंदगोपमुखाः सर्वे गोपवृद्धा भयातुराः । अभाषिरे महादुःखसागरे शोकमोहिताः
naṃdagopamukhāḥ sarve gopavṛddhā bhayāturāḥ | abhāṣire mahāduḥkhasāgare śokamohitāḥ
Sanskrit only: no published translation is held for this verse.
तानाश्वास्य हरिस्तत्र दृष्ट्वा कमललोचनः । न भीः कार्येति संप्राह राक्षसं प्रति वीर्यवान्
tānāśvāsya haristatra dṛṣṭvā kamalalocanaḥ | na bhīḥ kāryeti saṃprāha rākṣasaṃ prati vīryavān
Sanskrit only: no published translation is held for this verse.
विनाशाय प्रयास्यामि कंसस्यास्य दुरात्मनः । मथुरां सह रामेण भवद्भिः सह संगतः
vināśāya prayāsyāmi kaṃsasyāsya durātmanaḥ | mathurāṃ saha rāmeṇa bhavadbhiḥ saha saṃgataḥ
Sanskrit only: no published translation is held for this verse.
तत्र हत्वा दुरात्मानं कंसं दानवपुंगवम् । सर्वांश्च राक्षसान्हत्वा पालयिष्यामि मेदिनीम्
tatra hatvā durātmānaṃ kaṃsaṃ dānavapuṃgavam | sarvāṃśca rākṣasānhatvā pālayiṣyāmi medinīm
Sanskrit only: no published translation is held for this verse.
तस्माच्छोकं परित्यज्य गच्छध्वं मथुरां पुरीम् । एवमुक्तास्तु हरिणा गोपानंदपुरोगमाः
tasmācchokaṃ parityajya gacchadhvaṃ mathurāṃ purīm | evamuktāstu hariṇā gopānaṃdapurogamāḥ
Sanskrit only: no published translation is held for this verse.
मुहुर्मुहुः परिष्वज्य मूर्द्धघ्राणं प्रचक्रिरे । अप्रमेयानि कर्माणि विचार्य सुमहात्मनः
muhurmuhuḥ pariṣvajya mūrddhaghrāṇaṃ pracakrire | aprameyāni karmāṇi vicārya sumahātmanaḥ
Sanskrit only: no published translation is held for this verse.
अक्रूरवचनाच्चैव गोपाः सर्वे गतव्यथाः । दुग्धदध्याज्ययुक्तानि शुचीनि विविधानि च
akrūravacanāccaiva gopāḥ sarve gatavyathāḥ | dugdhadadhyājyayuktāni śucīni vividhāni ca
Sanskrit only: no published translation is held for this verse.
पक्वान्नानि सुहृद्यानि स्वादूनि मधुराणि च । अक्रूराय ददौ सौम्यं यशोदा भोजनं बहु
pakvānnāni suhṛdyāni svādūni madhurāṇi ca | akrūrāya dadau saumyaṃ yaśodā bhojanaṃ bahu
Sanskrit only: no published translation is held for this verse.
सहितो रामकृष्णाभ्यां नंदाद्यैर्गोपसत्तमैः । सुहृद्भिर्बालवृद्धैश्च भवने समलंकृते
sahito rāmakṛṣṇābhyāṃ naṃdādyairgopasattamaiḥ | suhṛdbhirbālavṛddhaiśca bhavane samalaṃkṛte
Sanskrit only: no published translation is held for this verse.
दत्तं यशोदया सौम्यं भोजनं कलुषापहम् । बुभुजे यादवश्रेष्ठो ह्यन्नं रोगापहं शुभम्
dattaṃ yaśodayā saumyaṃ bhojanaṃ kaluṣāpaham | bubhuje yādavaśreṣṭho hyannaṃ rogāpahaṃ śubham
Sanskrit only: no published translation is held for this verse.
भोजयित्वा यथान्यायं दत्त्वा च मनमंभसा । सकर्पूरं सतांबूलं ददौ तस्मै दृढव्रता
bhojayitvā yathānyāyaṃ dattvā ca manamaṃbhasā | sakarpūraṃ satāṃbūlaṃ dadau tasmai dṛḍhavratā
Sanskrit only: no published translation is held for this verse.
अस्तंयाते दिनकरे संध्यामन्वास्य यादवः । सहितो रामकृष्णाभ्यां भुक्त्वा क्षीरान्नमुत्तमम्
astaṃyāte dinakare saṃdhyāmanvāsya yādavaḥ | sahito rāmakṛṣṇābhyāṃ bhuktvā kṣīrānnamuttamam
Sanskrit only: no published translation is held for this verse.
ताभ्यामेव तदाक्रूरः शयनं समुपाविशत् । तस्मिंस्तु भवने श्रेष्ठे रम्ये दीपविराजिते
tābhyāmeva tadākrūraḥ śayanaṃ samupāviśat | tasmiṃstu bhavane śreṣṭhe ramye dīpavirājite
Sanskrit only: no published translation is held for this verse.
श्लक्ष्णे विचित्रपर्यंके नानापुष्पविराजिते । तस्मिन्शेते हरिः कृष्णः शेषे नारायणो यथा
ślakṣṇe vicitraparyaṃke nānāpuṣpavirājite | tasminśete hariḥ kṛṣṇaḥ śeṣe nārāyaṇo yathā
Sanskrit only: no published translation is held for this verse.
तं दृष्ट्वा सहसाऽक्रूरो हर्षाश्रुपुलकांकितः । विहाय तामसीं निद्रां सुश्रेयः समुदीक्ष्य वै
taṃ dṛṣṭvā sahasā'krūro harṣāśrupulakāṃkitaḥ | vihāya tāmasīṃ nidrāṃ suśreyaḥ samudīkṣya vai
Sanskrit only: no published translation is held for this verse.
पादसंवाहनं विष्णोश्चक्रे भागवतोत्तमः । एतावता मे साफल्यं जीवितं च सुजीवितम्
pādasaṃvāhanaṃ viṣṇoścakre bhāgavatottamaḥ | etāvatā me sāphalyaṃ jīvitaṃ ca sujīvitam
Sanskrit only: no published translation is held for this verse.
इदं त्रैलोक्यमैश्वर्यमिदं वै सुखमुत्तमम् । इदं राज्यमिदं धर्म्यमिदं मोक्षसुखं परम्
idaṃ trailokyamaiśvaryamidaṃ vai sukhamuttamam | idaṃ rājyamidaṃ dharmyamidaṃ mokṣasukhaṃ param
Sanskrit only: no published translation is held for this verse.
न शक्यं मनसा स्मर्तुं शिवब्रह्मादिदैवतैः । सनकाद्यैर्मुनींद्रैस्तु वसिष्ठाद्यैर्महर्षिभिः
na śakyaṃ manasā smartuṃ śivabrahmādidaivataiḥ | sanakādyairmunīṃdraistu vasiṣṭhādyairmaharṣibhiḥ
Sanskrit only: no published translation is held for this verse.
तच्छ्रीशस्य पदद्वंद्वं शरदंबुरुहोज्ज्वलम् । संस्पृष्टमिंदिरा लक्ष्म्या कराभ्यां सुसुखं परम्
tacchrīśasya padadvaṃdvaṃ śaradaṃburuhojjvalam | saṃspṛṣṭamiṃdirā lakṣmyā karābhyāṃ susukhaṃ param
Sanskrit only: no published translation is held for this verse.
दिष्ट्या लब्धं मया विष्णोः श्रीपादाब्जयुगं शुभम् । व्यतीता सा क्षणाद्रात्रिस्तब्रह्मानंदगौरवात्
diṣṭyā labdhaṃ mayā viṣṇoḥ śrīpādābjayugaṃ śubham | vyatītā sā kṣaṇādrātristabrahmānaṃdagauravāt
Sanskrit only: no published translation is held for this verse.
ततः प्रभाते विमले दिवि देवगणोत्तमैः । संस्तूयमानो बुबुधे तस्मात्तु शयनाद्धरिः
tataḥ prabhāte vimale divi devagaṇottamaiḥ | saṃstūyamāno bubudhe tasmāttu śayanāddhariḥ
Sanskrit only: no published translation is held for this verse.
उपस्पृश्य यथान्यायं सह रामेण धीमता । पपात पादयोर्मातुः प्रयाणं चाभ्यरोचयत्
upaspṛśya yathānyāyaṃ saha rāmeṇa dhīmatā | papāta pādayormātuḥ prayāṇaṃ cābhyarocayat
Sanskrit only: no published translation is held for this verse.
समुत्थाप्य यशोदा तु दुःखहर्षसमन्विता । अश्रुपूर्णमुखी पुत्रौ प्रेम्णा संपरिषस्वजे
samutthāpya yaśodā tu duḥkhaharṣasamanvitā | aśrupūrṇamukhī putrau premṇā saṃpariṣasvaje
Sanskrit only: no published translation is held for this verse.
आशिषं प्रददौ देवी तनयाभ्यां दृढव्रता । विससर्ज महावीरौ समालिङ्ग्य मुहुर्मुहुः
āśiṣaṃ pradadau devī tanayābhyāṃ dṛḍhavratā | visasarja mahāvīrau samāliṅgya muhurmuhuḥ
Sanskrit only: no published translation is held for this verse.
अक्रूरोऽपि यशोदायै प्रणम्य प्राह सांजलि
akrūro'pi yaśodāyai praṇamya prāha sāṃjali
Sanskrit only: no published translation is held for this verse.
अक्रूर उवाच- प्रयास्यामि महाभागे प्रसादं कुरु मेऽनघे । एष कृष्णो महाबाहुः कंसं हत्वा महाबलम्
akrūra uvāca- prayāsyāmi mahābhāge prasādaṃ kuru me'naghe | eṣa kṛṣṇo mahābāhuḥ kaṃsaṃ hatvā mahābalam
Sanskrit only: no published translation is held for this verse.
सर्वस्य जगतो राजा भविष्यति न संशयः । तस्माच्छोकं परित्यज्य सुखी भव वरानने
sarvasya jagato rājā bhaviṣyati na saṃśayaḥ | tasmācchokaṃ parityajya sukhī bhava varānane
Sanskrit only: no published translation is held for this verse.
ईश्वर उवाच- इत्युक्तया तयाऽक्रूरो विसृष्टो यदुसत्तमः । सहितो रामकृष्णाभ्यामारुरोह रथोत्तमम्
īśvara uvāca- ityuktayā tayā'krūro visṛṣṭo yadusattamaḥ | sahito rāmakṛṣṇābhyāmāruroha rathottamam
Sanskrit only: no published translation is held for this verse.
प्रययौ मथुरां शीघ्रं स्तूयमानोऽप्सरोगणैः । नंदगोपमुखाः सर्वे गोपवृद्धास्तमन्वयुः
prayayau mathurāṃ śīghraṃ stūyamāno'psarogaṇaiḥ | naṃdagopamukhāḥ sarve gopavṛddhāstamanvayuḥ
Sanskrit only: no published translation is held for this verse.
पुनर्गृहीत्वा दध्याज्यं फलानि विविधानि च । तं प्रयांतं हरिं दृष्ट्वा गोकुलाद्गोपयोषितः
punargṛhītvā dadhyājyaṃ phalāni vividhāni ca | taṃ prayāṃtaṃ hariṃ dṛṣṭvā gokulādgopayoṣitaḥ
Sanskrit only: no published translation is held for this verse.
अनुजग्मुर्विनिष्क्रांतं रथस्थं मधुसूदनम् । निवर्त्तयामास हरिस्ताः सर्वा गोपयोषितः
anujagmurviniṣkrāṃtaṃ rathasthaṃ madhusūdanam | nivarttayāmāsa haristāḥ sarvā gopayoṣitaḥ
Sanskrit only: no published translation is held for this verse.
शोकसंतप्तहृदया विलेपुः कमलेक्षणम् । हा कृष्ण कृष्ण कृष्णेति गोविंदेत्यरुदन्मुहुः
śokasaṃtaptahṛdayā vilepuḥ kamalekṣaṇam | hā kṛṣṇa kṛṣṇa kṛṣṇeti goviṃdetyarudanmuhuḥ
Sanskrit only: no published translation is held for this verse.
अश्रुपूर्णेक्षणादीना रुदंत्यस्तत्र संस्थिताः । अथाक्रूरो रथं दिव्यं चोदयामास गोव्रजात्
aśrupūrṇekṣaṇādīnā rudaṃtyastatra saṃsthitāḥ | athākrūro rathaṃ divyaṃ codayāmāsa govrajāt
Sanskrit only: no published translation is held for this verse.
सहितो रामकृष्णाभ्यां मथुरां प्रति यादवः । उत्तीर्य यमुनां शीघ्रं कूले स्थाप्य रथोत्तमम्
sahito rāmakṛṣṇābhyāṃ mathurāṃ prati yādavaḥ | uttīrya yamunāṃ śīghraṃ kūle sthāpya rathottamam
Sanskrit only: no published translation is held for this verse.
अवरुह्य रथात्तस्मात्स्नातुं तत्रोपचक्रमे । तथा चावश्यकं कर्तुं निमज्ज्याथ जले शुभे
avaruhya rathāttasmātsnātuṃ tatropacakrame | tathā cāvaśyakaṃ kartuṃ nimajjyātha jale śubhe
Sanskrit only: no published translation is held for this verse.
तत्राघमर्षणं सम्यग्जपन्भागवतोत्तमः । ददर्श तौ जले तत्र रामकृष्णौ शुभान्वितौ
tatrāghamarṣaṇaṃ samyagjapanbhāgavatottamaḥ | dadarśa tau jale tatra rāmakṛṣṇau śubhānvitau
Sanskrit only: no published translation is held for this verse.
शरत्कोटींदुसंकाशं नीलांबरधरं प्रभुम् । दिव्यचंदनदिग्धांगं मौक्तिकाभरणच्छविम्
śaratkoṭīṃdusaṃkāśaṃ nīlāṃbaradharaṃ prabhum | divyacaṃdanadigdhāṃgaṃ mauktikābharaṇacchavim
Sanskrit only: no published translation is held for this verse.
रक्तारविंदनयनं पुडंरीकावतंसकम् । रामं ददर्श कृष्णं च नीलनीरदसन्निभम् ३०० 6.245.300। दिव्यपीतांबरधरं पुंडरीकायतेक्षणम् । हरिचंदनलिप्तांगं नानारत्नविभूषितम्
raktāraviṃdanayanaṃ puḍaṃrīkāvataṃsakam | rāmaṃ dadarśa kṛṣṇaṃ ca nīlanīradasannibham 300 6.245.300| divyapītāṃbaradharaṃ puṃḍarīkāyatekṣaṇam | haricaṃdanaliptāṃgaṃ nānāratnavibhūṣitam
Sanskrit only: no published translation is held for this verse.
दृष्ट्वा तत्र यदुश्रेष्ठो विस्मयं परमंगतः । उत्थाय स्यंदने तत्र तौ ददर्श महाबलौ
dṛṣṭvā tatra yaduśreṣṭho vismayaṃ paramaṃgataḥ | utthāya syaṃdane tatra tau dadarśa mahābalau
Sanskrit only: no published translation is held for this verse.
पुनरप्यत्र निर्मज्ज्य जपन्मंत्रद्वयं हरिम् । सुधाब्धौ शेषपर्यंके रमया सहितं हरिम्
punarapyatra nirmajjya japanmaṃtradvayaṃ harim | sudhābdhau śeṣaparyaṃke ramayā sahitaṃ harim
Sanskrit only: no published translation is held for this verse.
सनकाद्यैस्तूयमानं सर्वैर्देवैरुपासितम् । दृष्ट्वा तस्मिन्जले देवं विस्मयं परमं ययौ । तुष्टावाथ यदुश्रेष्ठो हरिं सर्वगमीश्वरम्
sanakādyaistūyamānaṃ sarvairdevairupāsitam | dṛṣṭvā tasminjale devaṃ vismayaṃ paramaṃ yayau | tuṣṭāvātha yaduśreṣṭho hariṃ sarvagamīśvaram
Sanskrit only: no published translation is held for this verse.
अक्रूर उवाच- कालात्मने नमस्तुभ्यमनादिनिधनाय च । अव्यक्ताय नमस्तुभ्यमविकाराय ते नमः
akrūra uvāca- kālātmane namastubhyamanādinidhanāya ca | avyaktāya namastubhyamavikārāya te namaḥ
Sanskrit only: no published translation is held for this verse.
भूतभर्त्रे नमस्तुभ्यं भूतव्याघ्र नमो नमः । नमस्ते सर्वभूतानां नियन्त्रे परमात्मने
bhūtabhartre namastubhyaṃ bhūtavyāghra namo namaḥ | namaste sarvabhūtānāṃ niyantre paramātmane
Sanskrit only: no published translation is held for this verse.
विकारायाविकाराय प्रत्यक्षपुरुषाय च । गुणभर्त्रे नमस्तुभ्यं नियमाय नमो नमः
vikārāyāvikārāya pratyakṣapuruṣāya ca | guṇabhartre namastubhyaṃ niyamāya namo namaḥ
Sanskrit only: no published translation is held for this verse.
देशकालादिनिर्भेदरहिताय परात्मने । अनंताय नमस्तुभ्यमच्युताय नमो नमः
deśakālādinirbhedarahitāya parātmane | anaṃtāya namastubhyamacyutāya namo namaḥ
Sanskrit only: no published translation is held for this verse.
गोविंदाय नमस्तुभ्यं त्रयीनाथाय शार्ङ्गिणे । नारायणाय विश्वाय वासुदेवाय ते नमः
goviṃdāya namastubhyaṃ trayīnāthāya śārṅgiṇe | nārāyaṇāya viśvāya vāsudevāya te namaḥ
Sanskrit only: no published translation is held for this verse.
विष्णवे पुरुरूपाय शाश्वताय नमो नमः । पद्मनेत्राय नित्याय शंखचक्रधराय च
viṣṇave pururūpāya śāśvatāya namo namaḥ | padmanetrāya nityāya śaṃkhacakradharāya ca
Sanskrit only: no published translation is held for this verse.
उद्यत्कोटिरविप्रख्य भूषणांचित वर्चसे । हरये सर्वलोकानामीश्वराय नमो नमः
udyatkoṭiraviprakhya bhūṣaṇāṃcita varcase | haraye sarvalokānāmīśvarāya namo namaḥ
Sanskrit only: no published translation is held for this verse.
सवित्रे सर्वजगतां बीजाय परमात्मने । संकर्षणाय कृष्णाय प्रद्युम्नाय नमो नमः
savitre sarvajagatāṃ bījāya paramātmane | saṃkarṣaṇāya kṛṣṇāya pradyumnāya namo namaḥ
Sanskrit only: no published translation is held for this verse.
अनिरुद्धाय धात्रे च विधात्रे विश्वयोनये । सहस्रमूर्त्तये तुभ्यं बहुमूर्द्धांघ्रिबाहवे
aniruddhāya dhātre ca vidhātre viśvayonaye | sahasramūrttaye tubhyaṃ bahumūrddhāṃghribāhave
Sanskrit only: no published translation is held for this verse.
सहस्रनाम्ने नित्याय पुरुषाय नमो नमः । नमस्ते नागपर्यंकशायिने सौम्यरूपिणे
sahasranāmne nityāya puruṣāya namo namaḥ | namaste nāgaparyaṃkaśāyine saumyarūpiṇe
Sanskrit only: no published translation is held for this verse.
केशवाय नमस्तुभ्यं पीतवस्त्रधराय च । लक्ष्मीघनकुचाश्लेष विमर्दोज्ज्वलवर्चसे । श्रीधराय नमस्तुभ्यं श्रीशायानंतरूपिणे
keśavāya namastubhyaṃ pītavastradharāya ca | lakṣmīghanakucāśleṣa vimardojjvalavarcase | śrīdharāya namastubhyaṃ śrīśāyānaṃtarūpiṇe
Sanskrit only: no published translation is held for this verse.
ईश्वर उवाच- स्नानकाले पठेद्यस्तु देवं ध्यायन्सनातनम् । इमं स्तवं नरो भक्त्या महद्भिर्मुच्यते ह्यघैः
īśvara uvāca- snānakāle paṭhedyastu devaṃ dhyāyansanātanam | imaṃ stavaṃ naro bhaktyā mahadbhirmucyate hyaghaiḥ
Sanskrit only: no published translation is held for this verse.
सर्वतीर्थफलं प्राप्य विष्णुसायुज्यमाप्नुयात् । एवमंतर्जले देवं स्तुत्वा भागवतोत्तमः
sarvatīrthaphalaṃ prāpya viṣṇusāyujyamāpnuyāt | evamaṃtarjale devaṃ stutvā bhāgavatottamaḥ
Sanskrit only: no published translation is held for this verse.
अर्चयामास स जलैः कुसुमैश्च सुगंधिभिः । कृतकृत्यस्तदाक्रूरो निर्गत्य यमुनाजलात्
arcayāmāsa sa jalaiḥ kusumaiśca sugaṃdhibhiḥ | kṛtakṛtyastadākrūro nirgatya yamunājalāt
Sanskrit only: no published translation is held for this verse.
समेत्य रामकृष्णौ तु प्रणनाम शुभान्वितः । तं दृष्ट्वा प्राह गोविंदो विनीतं विस्मितं हरिः
sametya rāmakṛṣṇau tu praṇanāma śubhānvitaḥ | taṃ dṛṣṭvā prāha goviṃdo vinītaṃ vismitaṃ hariḥ
Sanskrit only: no published translation is held for this verse.
श्रीकृष्ण उवाच- किमाश्चर्यं जले तस्मिन्दृष्टवानसि यादव । ईश्वर उवाच- अक्रूरस्तु यदुश्रेष्ठं प्राह कृष्णं सुतेजसम्
śrīkṛṣṇa uvāca- kimāścaryaṃ jale tasmindṛṣṭavānasi yādava | īśvara uvāca- akrūrastu yaduśreṣṭhaṃ prāha kṛṣṇaṃ sutejasam
Sanskrit only: no published translation is held for this verse.
अक्रूर उवाच- तव सर्वगतस्येश महिम्नो जगतः प्रभो । किमाश्चर्यं हृषीकेश जगत्सर्वं त्वमेव हि
akrūra uvāca- tava sarvagatasyeśa mahimno jagataḥ prabho | kimāścaryaṃ hṛṣīkeśa jagatsarvaṃ tvameva hi
Sanskrit only: no published translation is held for this verse.
त्वमापस्त्वं नभो वह्निस्त्वं भूमिरनिलस्तथा । चतुर्विधमिमं सर्वं जगत्स्थावरजंगमम्
tvamāpastvaṃ nabho vahnistvaṃ bhūmiranilastathā | caturvidhamimaṃ sarvaṃ jagatsthāvarajaṃgamam
Sanskrit only: no published translation is held for this verse.
त्वत्तो नान्यद्वासुदेव जीमूतादमृतं यथा । त्वं यज्ञस्त्वं वषट्कारस्त्वमोंकारो हविस्तथा
tvatto nānyadvāsudeva jīmūtādamṛtaṃ yathā | tvaṃ yajñastvaṃ vaṣaṭkārastvamoṃkāro havistathā
Sanskrit only: no published translation is held for this verse.
त्वमेव सर्वदेवानामीश्वरः शाश्वतोऽव्ययः । नाकारणात्कारणाद्वा करणाकारणात्परः
tvameva sarvadevānāmīśvaraḥ śāśvato'vyayaḥ | nākāraṇātkāraṇādvā karaṇākāraṇātparaḥ
Sanskrit only: no published translation is held for this verse.
धर्मत्राणाय देवेश शरीरग्रहणं तव । मत्स्यकूर्मवराहादि वैभवत्वमुपागतः
dharmatrāṇāya deveśa śarīragrahaṇaṃ tava | matsyakūrmavarāhādi vaibhavatvamupāgataḥ
Sanskrit only: no published translation is held for this verse.
पासि सर्वमिमं लोकं त्वमेव त्वन्मयं विभो
pāsi sarvamimaṃ lokaṃ tvameva tvanmayaṃ vibho
Sanskrit only: no published translation is held for this verse.
ईश्वर उवाच- इति संस्तुत्य गोविंदं प्रणम्य जगतां पतिम् । आरुरोह रथं दिव्यं ताभ्यां सह यदूत्तमः
īśvara uvāca- iti saṃstutya goviṃdaṃ praṇamya jagatāṃ patim | āruroha rathaṃ divyaṃ tābhyāṃ saha yadūttamaḥ
Sanskrit only: no published translation is held for this verse.
ततस्तूर्णं समासाद्य मथुरां देवनिर्मिताम् । रामकृष्णौ पुरद्वारि निवेश्यांतःपुरं ययौ
tatastūrṇaṃ samāsādya mathurāṃ devanirmitām | rāmakṛṣṇau puradvāri niveśyāṃtaḥpuraṃ yayau
Sanskrit only: no published translation is held for this verse.
तयोरागमनं तस्य निवेद्य नृपतेस्तदा । राज्ञा संपूजितस्तेन ततः स्वगृहमाविशत्
tayorāgamanaṃ tasya nivedya nṛpatestadā | rājñā saṃpūjitastena tataḥ svagṛhamāviśat
Sanskrit only: no published translation is held for this verse.
अथ सायाह्नसमये रामकृष्णौ महाबलौ । परस्परं करौ गृह्य मथुरायां समागतौ
atha sāyāhnasamaye rāmakṛṣṇau mahābalau | parasparaṃ karau gṛhya mathurāyāṃ samāgatau
Sanskrit only: no published translation is held for this verse.
गछन्तौ च महावीर्यौ राजमार्गे यदूत्तमौ । ददृशतुर्महात्मानौ रजकं वस्त्ररंजकम्
gachantau ca mahāvīryau rājamārge yadūttamau | dadṛśaturmahātmānau rajakaṃ vastraraṃjakam
Sanskrit only: no published translation is held for this verse.
दिव्यवस्त्रवृतं राजगेहमायांतमच्युतः । ययाचे तानि वस्त्राणि सह रामेण वीर्यवान्
divyavastravṛtaṃ rājagehamāyāṃtamacyutaḥ | yayāce tāni vastrāṇi saha rāmeṇa vīryavān
Sanskrit only: no published translation is held for this verse.
न दत्तवांस्तदा तस्मै रुषा वै वस्त्ररंजकः । बहूनि कटुवाक्यानि प्राह तत्राध्वनि स्थितः
na dattavāṃstadā tasmai ruṣā vai vastraraṃjakaḥ | bahūni kaṭuvākyāni prāha tatrādhvani sthitaḥ
Sanskrit only: no published translation is held for this verse.
ताडयामास तं कृष्णस्तलेनैव महाबलः । तत्रैव निहतो मार्गे वमन्वै रुधिरं बहु
tāḍayāmāsa taṃ kṛṣṇastalenaiva mahābalaḥ | tatraiva nihato mārge vamanvai rudhiraṃ bahu
Sanskrit only: no published translation is held for this verse.
तानि वस्त्राणि रम्याणि गोपालैः सह बांधवैः । धारयामासतुर्वीरौ यथाहं रामकेशवौ
tāni vastrāṇi ramyāṇi gopālaiḥ saha bāṃdhavaiḥ | dhārayāmāsaturvīrau yathāhaṃ rāmakeśavau
Sanskrit only: no published translation is held for this verse.
मालाकारगृहं प्राप्य तेन दृष्टौ नमस्कृतौ । सुगंधिभिर्दिव्यपुष्पैः पूज्यमानौ मुदान्वितौ
mālākāragṛhaṃ prāpya tena dṛṣṭau namaskṛtau | sugaṃdhibhirdivyapuṣpaiḥ pūjyamānau mudānvitau
Sanskrit only: no published translation is held for this verse.
ददतुस्तौ वरं तस्मै वांछितं यदुपुंगवौ । समागतौ पुनर्वीथ्यामायांतीं च शुभाननाम्
dadatustau varaṃ tasmai vāṃchitaṃ yadupuṃgavau | samāgatau punarvīthyāmāyāṃtīṃ ca śubhānanām
Sanskrit only: no published translation is held for this verse.
कुब्जां स्त्रियं महाभागौ धृतचंदनभाजनाम् । वक्रांगपृष्ठां वनितां दृष्ट्वा गंधमयाचतम्
kubjāṃ striyaṃ mahābhāgau dhṛtacaṃdanabhājanām | vakrāṃgapṛṣṭhāṃ vanitāṃ dṛṣṭvā gaṃdhamayācatam
Sanskrit only: no published translation is held for this verse.
प्रहसंती तदा ताभ्यां ददौ चंदनमुत्तमम् । आदाय चंदनं दिव्यमुपलिप्य यथेच्छया
prahasaṃtī tadā tābhyāṃ dadau caṃdanamuttamam | ādāya caṃdanaṃ divyamupalipya yathecchayā
Sanskrit only: no published translation is held for this verse.
तस्यैकांततरं रूपं दत्त्वाऽध्वनि समागतौ । निरीक्ष्यमाणौ योषिद्भिः सुकुमारौ शुभाननौ
tasyaikāṃtataraṃ rūpaṃ dattvā'dhvani samāgatau | nirīkṣyamāṇau yoṣidbhiḥ sukumārau śubhānanau
Sanskrit only: no published translation is held for this verse.
विवेशतुर्महात्मानौ यज्ञशालां सहानुगैः । दृष्ट्वा समर्चितं दिव्यं कार्मुकं तत्र केशवः
viveśaturmahātmānau yajñaśālāṃ sahānugaiḥ | dṛṣṭvā samarcitaṃ divyaṃ kārmukaṃ tatra keśavaḥ
Sanskrit only: no published translation is held for this verse.
लीलयैव गृहीत्वाऽथ बभंज मधुसूदनः । बिभज्यमानं तच्चापं श्रुत्वा कंसः सुविह्वलः
līlayaiva gṛhītvā'tha babhaṃja madhusūdanaḥ | bibhajyamānaṃ taccāpaṃ śrutvā kaṃsaḥ suvihvalaḥ
Sanskrit only: no published translation is held for this verse.
आहूय मल्लान्सूतांस्तु प्रमुखान्दैत्यपुंगवान् । विमृश्य मंत्रिभिः प्राह चाणूरं दैत्यपुंगवः
āhūya mallānsūtāṃstu pramukhāndaityapuṃgavān | vimṛśya maṃtribhiḥ prāha cāṇūraṃ daityapuṃgavaḥ
Sanskrit only: no published translation is held for this verse.
कंस उवाच- रामकृष्णौ समायातौ सर्व दैत्यविनाशकौ । प्रभाते मल्लयुद्धेन हन्यतामविशंकया
kaṃsa uvāca- rāmakṛṣṇau samāyātau sarva daityavināśakau | prabhāte mallayuddhena hanyatāmaviśaṃkayā
Sanskrit only: no published translation is held for this verse.
येनकेनाप्युपायेन हंतव्यौ बलदर्पितौ । मदोत्कटैर्गजैर्वापि मल्लमुख्यैश्च यत्नतः
yenakenāpyupāyena haṃtavyau baladarpitau | madotkaṭairgajairvāpi mallamukhyaiśca yatnataḥ
Sanskrit only: no published translation is held for this verse.
ईश्वर उवाच- इत्यादिश्य ततो राजा सानुजः सचिवैः सह । आरुरोह भयात्तूर्णं दिव्यप्रासादमूर्द्धनि
īśvara uvāca- ityādiśya tato rājā sānujaḥ sacivaiḥ saha | āruroha bhayāttūrṇaṃ divyaprāsādamūrddhani
Sanskrit only: no published translation is held for this verse.
द्वारेषु सर्वमार्गेषु गजान्मत्तानयोजयत् । मल्लान्मदोत्कटान्नागान्स्थापयामास सर्वतः
dvāreṣu sarvamārgeṣu gajānmattānayojayat | mallānmadotkaṭānnāgānsthāpayāmāsa sarvataḥ
Sanskrit only: no published translation is held for this verse.
ज्ञात्वा कृष्णोऽपि तत्सर्वं सह रामेण धीमता । उवास रजनीं तत्र यज्ञगेहे सहानुगैः
jñātvā kṛṣṇo'pi tatsarvaṃ saha rāmeṇa dhīmatā | uvāsa rajanīṃ tatra yajñagehe sahānugaiḥ
Sanskrit only: no published translation is held for this verse.
ततो रजन्यां व्युष्टायां प्रभाते विमले सति । शयनादुत्थितौ वीरौ रामकृष्णौ कृतोदकौ
tato rajanyāṃ vyuṣṭāyāṃ prabhāte vimale sati | śayanādutthitau vīrau rāmakṛṣṇau kṛtodakau
Sanskrit only: no published translation is held for this verse.
स्वलंकृतौ च तौ भुक्त्वा संग्रामाभिमुखोत्सुकौ । विनिर्गतौ गृहात्तस्मात्सिंहाविव महागुहात् ३५० 6.245.350। राजद्वारि स्थितं नागं हिमाद्रिशिखरोपमम् । नाम्ना कुवलयापीडं कंसस्य जयवर्द्धनम्
svalaṃkṛtau ca tau bhuktvā saṃgrāmābhimukhotsukau | vinirgatau gṛhāttasmātsiṃhāviva mahāguhāt 350 6.245.350| rājadvāri sthitaṃ nāgaṃ himādriśikharopamam | nāmnā kuvalayāpīḍaṃ kaṃsasya jayavarddhanam
Sanskrit only: no published translation is held for this verse.
देवकुंजरदर्पघ्नं महाकायं मदोत्कटम् । दृष्ट्वा तं च महानागं पंचास्य इव केशवः
devakuṃjaradarpaghnaṃ mahākāyaṃ madotkaṭam | dṛṣṭvā taṃ ca mahānāgaṃ paṃcāsya iva keśavaḥ
Sanskrit only: no published translation is held for this verse.
करेणैव करं गृह्य सम्यगुत्प्लुत्य लीलया । भ्रामयित्वाथ चिक्षेप धरण्यां धरणीधरः
kareṇaiva karaṃ gṛhya samyagutplutya līlayā | bhrāmayitvātha cikṣepa dharaṇyāṃ dharaṇīdharaḥ
Sanskrit only: no published translation is held for this verse.
स तु चूर्णितसर्वांगो निनदन्भैरवं स्वनम् । पपात सहसा भूमौ ममार च महागजः
sa tu cūrṇitasarvāṃgo ninadanbhairavaṃ svanam | papāta sahasā bhūmau mamāra ca mahāgajaḥ
Sanskrit only: no published translation is held for this verse.
हत्वा दंतौ समुत्पाट्य गृहीत्वा रामकेशवौ । मल्लैरायोधनं कर्तुं रंगं विविशतुस्तदा
hatvā daṃtau samutpāṭya gṛhītvā rāmakeśavau | mallairāyodhanaṃ kartuṃ raṃgaṃ viviśatustadā
Sanskrit only: no published translation is held for this verse.
तत्रस्था दानवा दृष्ट्वा गोविंदस्य पराक्रमम् । भीताः प्रविद्रुताःसर्वे राज्ञोंतःपुरमाययुः
tatrasthā dānavā dṛṣṭvā goviṃdasya parākramam | bhītāḥ pravidrutāḥsarve rājñoṃtaḥpuramāyayuḥ
Sanskrit only: no published translation is held for this verse.
कपाटौ सुदृढौ बध्वा तत्र तस्थुः सहस्रशः । दृढबंधकपाटांस्तु दृष्ट्वा कृष्णस्तु लीलया
kapāṭau sudṛḍhau badhvā tatra tasthuḥ sahasraśaḥ | dṛḍhabaṃdhakapāṭāṃstu dṛṣṭvā kṛṣṇastu līlayā
Sanskrit only: no published translation is held for this verse.
ताडयित्वा पदेनैव पातयामास वीर्यवान् । तौ भग्नौ पातितौ तत्र सेनानीके व्यवस्थिते
tāḍayitvā padenaiva pātayāmāsa vīryavān | tau bhagnau pātitau tatra senānīke vyavasthite
Sanskrit only: no published translation is held for this verse.
तत्रस्था निहताः सर्वे चूर्णितांगशिरोधराः । ततः प्रविश्य भवनं कंसस्यास्य महाबलौ
tatrasthā nihatāḥ sarve cūrṇitāṃgaśirodharāḥ | tataḥ praviśya bhavanaṃ kaṃsasyāsya mahābalau
Sanskrit only: no published translation is held for this verse.
भ्रामयंतौ महाभाग शृंगौ पीनौ रणोत्सुकौ । ददृशाते महात्मानौ मल्लौ चाणूरमुष्टिकौ
bhrāmayaṃtau mahābhāga śṛṃgau pīnau raṇotsukau | dadṛśāte mahātmānau mallau cāṇūramuṣṭikau
Sanskrit only: no published translation is held for this verse.
कंसोऽपि दृष्ट्वा गोविंदं रामं च सुमहाबलम् । भयमाविश्य चाणूरं प्राह मल्लवरं तदा
kaṃso'pi dṛṣṭvā goviṃdaṃ rāmaṃ ca sumahābalam | bhayamāviśya cāṇūraṃ prāha mallavaraṃ tadā
Sanskrit only: no published translation is held for this verse.
कंस उवाच- अस्मिन्नवसरे मल्ल जहि गोपालबालकौ । विभज्य तव राज्यार्द्धमहं दास्याम्ययत्नतः
kaṃsa uvāca- asminnavasare malla jahi gopālabālakau | vibhajya tava rājyārddhamahaṃ dāsyāmyayatnataḥ
Sanskrit only: no published translation is held for this verse.
ईश्वर उवाच- तस्मिन्नवसरे कृष्णो मल्लाभ्यां दृश्यते महान् । मध्ये वने च संग्रामे महामेरुरिवापरः
īśvara uvāca- tasminnavasare kṛṣṇo mallābhyāṃ dṛśyate mahān | madhye vane ca saṃgrāme mahāmerurivāparaḥ
Sanskrit only: no published translation is held for this verse.
कंसस्य दृष्टिविषये संवर्त्ताग्निरिवाच्युतः । स्त्रीणां च साक्षान्मदनः पित्रोः शिशुरिवापरः
kaṃsasya dṛṣṭiviṣaye saṃvarttāgnirivācyutaḥ | strīṇāṃ ca sākṣānmadanaḥ pitroḥ śiśurivāparaḥ
Sanskrit only: no published translation is held for this verse.
त्रिदशानां हरिरिव गोपालानां सखा यथा । बहुरूपेण ददृशुस्तत्र सर्वगतं हरिम्
tridaśānāṃ haririva gopālānāṃ sakhā yathā | bahurūpeṇa dadṛśustatra sarvagataṃ harim
Sanskrit only: no published translation is held for this verse.
वसुदेवस्तथाऽक्रूरो नंदगोपो महामतिः । अन्यं प्रासादमारुह्य ददृशुः कदनं महत्
vasudevastathā'krūro naṃdagopo mahāmatiḥ | anyaṃ prāsādamāruhya dadṛśuḥ kadanaṃ mahat
Sanskrit only: no published translation is held for this verse.
स्त्रीभिरंतःपुरस्थाभिर्देवकी तत्र संस्थिता । मुखं पुत्रस्य ददृशे साश्रुपूर्णेक्षणा शुभा
strībhiraṃtaḥpurasthābhirdevakī tatra saṃsthitā | mukhaṃ putrasya dadṛśe sāśrupūrṇekṣaṇā śubhā
Sanskrit only: no published translation is held for this verse.