इदमेवास्या ज्ञापकमिति कैयटादयः। कंसेस्तु न, कंसो ऽनभिधानात्।"प्रत्ययस्य लुक्"इत्यादौ भाष्ये स्पष्टा।"ण्वुल्तृचौ"इत्यादौ भाष्ये व्युत्पन्नानीत्यपि। इदं शाकटायनरीत्या। पाणिनेस्त्वव्युत्पत्तिपक्ष एवेति शब्देन्दु शेखरे निरूपितम्।"आयनेयी"इति सूत्रे भाष्ये स्पुटमेतत्॥ ननु ऽदेवदत्तच्चिकीर्षतिऽ इत्यादौ देवादेः सन्नन्तत्वप्रयुक्तधातुत्वाद्यापत्तिरत आह :- प्रत्ययग्रहणे यस्मात्स विहितस्तदादेस्तदन्तस्य ग्रहणम्
idamevāsyā jñāpakamiti kaiyaṭādayaḥ/ kaṃsestu na, kaṃso 'nabhidhānāt/"pratyayasya luk"ityādau bhāṣye spaṣṭā/"ṇvultṛcau"ityādau bhāṣye vyutpannānītyapi/ idaṃ śākaṭāyanarītyā/ pāṇinestvavyutpattipakṣa eveti śabdendu śekhare nirūpitam/"āyaneyī"iti sūtre bhāṣye spuṭametat// nanu 'devadattaccikīrṣati' ityādau devādeḥ sannantatvaprayuktadhātutvādyāpattirata āha :- pratyayagrahaṇe yasmātsa vihitastadādestadantasya grahaṇam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.