अथ खलु कुसुमध्वजस् तथागतस् तस्यां वेलायाम् अस्य धर्मपर्यायस्य गुणानुशंसप्ररूपणार्थम् एवम् आह । सर्वक्षेत्र संप्रपूर्य कांचनेन तायिषु प्रपूजनाय नायकेषु संसृजेद् य एव तद् । इदं तु यः प्रधानसूत्रम् उत्तमं हि धारयेत् स पुण्यम् अप्रमेयम् एवम् आप्नुयाद् विशारदः
atha khalu kusumadhvajas tathāgatas tasyāṃ velāyām asya dharmaparyāyasya guṇānuśaṃsaprarūpaṇārtham evam āha / sarvakṣetra saṃprapūrya kāṃcanena tāyiṣu prapūjanāya nāyakeṣu saṃsṛjed ya eva tad / idaṃ tu yaḥ pradhānasūtram uttamaṃ hi dhārayet sa puṇyam aprameyam evam āpnuyād viśāradaḥ
Sanskrit only: no published translation is held for this verse.
अथ खलु रत्नच्छत्रश्रीस् तथागतो ऽप्य् एवम् आह । दत्वा स्वर्णनिष्कां गंगानदीसिकतोपमां मुनिवृषभेभ्यः प्राप्नोति पुण्यम् एवं यथा समुद्दिश्य सूत्रम् इदम् ॥ अथ खलु गिरिकूटस् तथागतो ऽप्य् एवम् आह । आकाशं छादयित्वा वरकुसुमचयच्छत्रसंघातमेघैर् बुद्धेभ्यः संप्रदद्यात् प्रमुदितसुमनाः पूजनार्थं हि कश्चित् । यः पश्चात् क्षीणकाले प्रतिभयरभसे धारयेत् सूत्रम् एतत् पुण्यस्यास्य प्रमाणं न खलु कथयितुं सर्वसत्त्वो ऽपि शक्तः
atha khalu ratnacchatraśrīs tathāgato 'py evam āha / datvā svarṇaniṣkāṃ gaṃgānadīsikatopamāṃ munivṛṣabhebhyaḥ prāpnoti puṇyam evaṃ yathā samuddiśya sūtram idam // atha khalu girikūṭas tathāgato 'py evam āha / ākāśaṃ chādayitvā varakusumacayacchatrasaṃghātameghair buddhebhyaḥ saṃpradadyāt pramuditasumanāḥ pūjanārthaṃ hi kaścit / yaḥ paścāt kṣīṇakāle pratibhayarabhase dhārayet sūtram etat puṇyasyāsya pramāṇaṃ na khalu kathayituṃ sarvasattvo 'pi śaktaḥ
Sanskrit only: no published translation is held for this verse.
अथ खलु भगवान् अपि शाक्यमुनिस् तथागत एवम् आह । वर्तिं मेरुप्रमाणां पुरत इह मुने गन्धतैलावसिक्तां दीपस्योज्ज्वाल्य भक्त्या विकसितवदनो धारयेत् कल्पकोट्यः । यः कश्चित् पुण्यकामो निवरणतनुतां प्रार्थयन् यस् त्व् इहान्यः सूत्रं प्रक्षीणकालेषु सदसि कथयेत् पुण्यम् अस्माद् विशिष्टम्
atha khalu bhagavān api śākyamunis tathāgata evam āha / vartiṃ merupramāṇāṃ purata iha mune gandhatailāvasiktāṃ dīpasyojjvālya bhaktyā vikasitavadano dhārayet kalpakoṭyaḥ / yaḥ kaścit puṇyakāmo nivaraṇatanutāṃ prārthayan yas tv ihānyaḥ sūtraṃ prakṣīṇakāleṣu sadasi kathayet puṇyam asmād viśiṣṭam
Sanskrit only: no published translation is held for this verse.
क्षीणे यस् त्व् इह धारयेत् कलियुगे सद्धर्ममुद्राम् इमाम् एषा क्षान्तिर् इदं च वीर्यम् असमं प्रज्ञा च तस्यातुला
kṣīṇe yas tv iha dhārayet kaliyuge saddharmamudrām imām eṣā kṣāntir idaṃ ca vīryam asamaṃ prajñā ca tasyātulā
Sanskrit only: no published translation is held for this verse.
अथ खलु विरजबलविक्रामी तथागतो ऽप्य् एवम् आह । एतत् सूत्रं प्रकाश्येह धारयित्वाभिलिख्य च । ग्राहयित्वा परान् युक्त्या वाचयित्वा पुनः सदा
atha khalu virajabalavikrāmī tathāgato 'py evam āha / etat sūtraṃ prakāśyeha dhārayitvābhilikhya ca / grāhayitvā parān yuktyā vācayitvā punaḥ sadā
Sanskrit only: no published translation is held for this verse.
पूजयित्वाथ धूपैश् च पुष्पमाल्याग्रचीवरैः । यत् पुण्यं समवाप्नोति न तच् छक्यं प्रकीर्तितुम्
pūjayitvātha dhūpaiś ca puṣpamālyāgracīvaraiḥ / yat puṇyaṃ samavāpnoti na tac chakyaṃ prakīrtitum
Sanskrit only: no published translation is held for this verse.