Library·Ṛgveda Saṃhitā·10·10.173
आ त्वाहार्षम् अन्तर् एधि ध्रुवस् तिष्ठाविचाचलिः । विशस् त्वा सर्वा वाञ्छन्तु मा त्वद् राष्ट्रम् अधि भ्रशत् ॥
ā tvāhārṣam antar edhi dhruvas tiṣṭhāvicācaliḥ | viśas tvā sarvā vāñchantu mā tvad rāṣṭram adhi bhraśat ||
Be with us; I have chosen thee: stand steadfast and immovable. Let all the people wish for thee let not thy kingship fall away.
Translated by Ralph T. H. Griffith (1896)
इहैवैधि माप च्योष्ठाः पर्वत इवाविचाचलिः । इन्द्र इवेह ध्रुवस् तिष्ठेह राष्ट्रम् उ धारय ॥
ihaivaidhi māpa cyoṣṭhāḥ parvata ivāvicācaliḥ | indra iveha dhruvas tiṣṭheha rāṣṭram u dhāraya ||
Be even here; fall not away be like a mountain unremoved. Stand steadfast here like Indra's self, and hold the kingship in the grasp.
Translated by Ralph T. H. Griffith (1896)
इमम् इन्द्रो अदीधरद् ध्रुवं ध्रुवेण हविषा । तस्मै सोमो अधि ब्रवत् तस्मा उ ब्रह्मणस् पतिः ॥
imam indro adīdharad dhruvaṃ dhruveṇa haviṣā | tasmai somo adhi bravat tasmā u brahmaṇas patiḥ ||
This man hath Indra stablished, made secure by strong oblation's power. May Soma speak a benison, and Brahmanaspati, on him.
Translated by Ralph T. H. Griffith (1896)
ध्रुवा द्यौर् ध्रुवा पृथिवी ध्रुवासः पर्वता इमे । ध्रुवं विश्वम् इदं जगद् ध्रुवो राजा विशाम् अयम् ॥
dhruvā dyaur dhruvā pṛthivī dhruvāsaḥ parvatā ime | dhruvaṃ viśvam idaṃ jagad dhruvo rājā viśām ayam ||
Firm is the sky and firm the earth, and steadfast also are these hills. Steadfast is all this living world, and steadfast is this King of men.
Translated by Ralph T. H. Griffith (1896)
ध्रुवं ते राजा वरुणो ध्रुवं देवो बृहस्पतिः । ध्रुवं त इन्द्रश् चाग्निश् च राष्ट्रं धारयतां ध्रुवम् ॥
dhruvaṃ te rājā varuṇo dhruvaṃ devo bṛhaspatiḥ | dhruvaṃ ta indraś cāgniś ca rāṣṭraṃ dhārayatāṃ dhruvam ||
Steadfast, may Varuna the King, steadfast, the God Brhaspati, Steadfast, may Indra, steadfast too, may Agni keep thy steadfast reign.
Translated by Ralph T. H. Griffith (1896)
ध्रुवं ध्रुवेण हविषाभि सोमम् मृशामसि । अथो त इन्द्रः केवलीर् विशो बलिहृतस् करत् ॥
dhruvaṃ dhruveṇa haviṣābhi somam mṛśāmasi | atho ta indraḥ kevalīr viśo balihṛtas karat ||
On constant Soma let us think with constant sacrificial gift And then may Indra make the clans bring tribute unto thee alone.
Translated by Ralph T. H. Griffith (1896)