Library·Ṛgveda Saṃhitā·10·10.80
अग्निः सप्तिं वाजम्भरं ददात्य् अग्निर् वीरं श्रुत्यं कर्मनिष्ठाम् । अग्नी रोदसी वि चरत् समञ्जन्न् अग्निर् नारीं वीरकुक्षिम् पुरन्धिम् ॥
agniḥ saptiṃ vājambharaṃ dadāty agnir vīraṃ śrutyaṃ karmaniṣṭhām | agnī rodasī vi carat samañjann agnir nārīṃ vīrakukṣim purandhim ||
Agni bestows the fleet prize-winning courser: Agni, the hero famed and firm in duty. Agni pervades and decks the earth and heaven, and fills the fruitful dame who teems with heroes.
Translated by Ralph T. H. Griffith (1896)
अग्नेर् अप्नसः समिद् अस्तु भद्राग्निर् मही रोदसी आ विवेश । अग्निर् एकं चोदयत् समत्स्व् अग्निर् वृत्राणि दयते पुरूणि ॥
agner apnasaḥ samid astu bhadrāgnir mahī rodasī ā viveśa | agnir ekaṃ codayat samatsv agnir vṛtrāṇi dayate purūṇi ||
Blest be the wood that feeds the active Agni: within the two great worlds hath Agni entered. Agni impels a single man to battle, and with him rends in pieces many a foeman.
Translated by Ralph T. H. Griffith (1896)
अग्निर् ह त्यं जरतः कर्णम् आवाग्निर् अद्भ्यो निर् अदहज् जरूथम् । अग्निर् अत्रिं घर्म उरुष्यद् अन्तर् अग्निर् नृमेधम् प्रजयासृजत् सम् ॥
agnir ha tyaṃ jarataḥ karṇam āvāgnir adbhyo nir adahaj jarūtham | agnir atriṃ gharma uruṣyad antar agnir nṛmedham prajayāsṛjat sam ||
Agni rejoiced the car of him who praised him, and from the waters burnt away Jarutha. Agni saved Atri in the fiery cave, and made Nrmedha rich with troops of children.
Translated by Ralph T. H. Griffith (1896)
अग्निर् दाद् द्रविणं वीरपेशा अग्निर् ऋषिं यः सहस्रा सनोति । अग्निर् दिवि हव्यम् आ ततानाग्नेर् धामानि विभृता पुरुत्रा ॥
agnir dād draviṇaṃ vīrapeśā agnir ṛṣiṃ yaḥ sahasrā sanoti | agnir divi havyam ā tatānāgner dhāmāni vibhṛtā purutrā ||
Agni hath granted wealth that decks the hero, and sent the sage who wins a thousand cattle. Agni hath made oblations rise to heaven: to every place are Agni's laws extended.
Translated by Ralph T. H. Griffith (1896)
अग्निम् उक्थैर् ऋषयो वि ह्वयन्ते ऽग्निं नरो यामनि बाधितासः । अग्निं वयो अन्तरिक्षे पतन्तो ऽग्निः सहस्रा परि याति गोनाम् ॥
agnim ukthair ṛṣayo vi hvayante 'gniṃ naro yāmani bādhitāsaḥ | agniṃ vayo antarikṣe patanto 'gniḥ sahasrā pari yāti gonām ||
With songs of praise the Rsis call on Agni; on Agni, heroes worsted in the foray. Birds flying in the region call on Agni around a thousand cattle Agni wanders.
Translated by Ralph T. H. Griffith (1896)
अग्निं विश ईळते मानुषीर् या अग्निम् मनुषो नहुषो वि जाताः । अग्निर् गान्धर्वीम् पथ्याम् ऋतस्याग्नेर् गव्यूतिर् घृत आ निषत्ता ॥
agniṃ viśa īḷate mānuṣīr yā agnim manuṣo nahuṣo vi jātāḥ | agnir gāndharvīm pathyām ṛtasyāgner gavyūtir ghṛta ā niṣattā ||
Races of human birth pay Agni worship, men who have sprung from Nahus' line adore him. Stablished in holy oil is Agni's pasture, on the Gandharva path of Law and Order.
Translated by Ralph T. H. Griffith (1896)
अग्नये ब्रह्म ऋभवस् ततक्षुर् अग्निम् महाम् अवोचामा सुवृक्तिम् । अग्ने प्राव जरितारं यविष्ठाग्ने महि द्रविणम् आ यजस्व ॥
agnaye brahma ṛbhavas tatakṣur agnim mahām avocāmā suvṛktim | agne prāva jaritāraṃ yaviṣṭhāgne mahi draviṇam ā yajasva ||
The Rbhus fabricated prayer for Agni, and we with mighty hymns have called on Agni. Agni, Most Youthful God, protect the singer: win us by worship, Agni, great possessions.
Translated by Ralph T. H. Griffith (1896)