Library·Ṛgveda Saṃhitā·5·5.30
क्व स्य वीरः को अपश्यद् इन्द्रं सुखरथम् ईयमानं हरिभ्याम् । यो राया वज्री सुतसोमम् इच्छन् तद् ओको गन्ता पुरुहूत ऊती ॥
kva sya vīraḥ ko apaśyad indraṃ sukharatham īyamānaṃ haribhyām | yo rāyā vajrī sutasomam icchan tad oko gantā puruhūta ūtī ||
Where is that Hero? Who hath looked on Indra borne on light-rolling car by Tawny Coursers, Who, Thunderer, seeks with wealth the Soma-presser, and to his house goes, much-invoked, to aid him?
Translated by Ralph T. H. Griffith (1896)
अवाचचक्षम् पदम् अस्य सस्वर् उग्रं निधातुर् अन्व् आयम् इच्छन् । अपृच्छम् अन्यां उत ते म आहुर् इन्द्रं नरो बुबुधाना अशेम ॥
avācacakṣam padam asya sasvar ugraṃ nidhātur anv āyam icchan | apṛccham anyāṃ uta te ma āhur indraṃ naro bubudhānā aśema ||
I have beheld his strong and secret dwelling, longing have sought the Founder's habitation. I asked of others, and they said in answer, May we, awakened men, attain to Indra.
Translated by Ralph T. H. Griffith (1896)
प्र नु वयं सुते या ते कृतानीन्द्र ब्रवाम यानि नो जुजोषः । वेदद् अविद्वाञ् छृणवच् च विद्वान् वहते ऽयम् मघवा सर्वसेनः ॥
pra nu vayaṃ sute yā te kṛtānīndra bravāma yāni no jujoṣaḥ | vedad avidvāñ chṛṇavac ca vidvān vahate 'yam maghavā sarvasenaḥ ||
We will tell, Indra, when we pour libation, what mighty deeds thou hast performed to please us. Let him who knows not learn, who knows them listen: hither rides Maghavan with all his army.
Translated by Ralph T. H. Griffith (1896)
स्थिरम् मनश् चकृषे जात इन्द्र वेषीद् एको युधये भूयसश् चित् । अश्मानं चिच् छवसा दिद्युतो वि विदो गवाम् ऊर्वम् उस्रियाणाम् ॥
sthiram manaś cakṛṣe jāta indra veṣīd eko yudhaye bhūyasaś cit | aśmānaṃ cic chavasā didyuto vi vido gavām ūrvam usriyāṇām ||
Indra, when born, thou madest firm thy spirit: alone thou seekest war to fight with many. With might thou clavest e'en the rock asunder, and foundest out the stable of the Milch-kine.
Translated by Ralph T. H. Griffith (1896)
परो यत् त्वम् परम आजनिष्ठाः परावति श्रुत्यं नाम बिभ्रत् । अतश् चिद् इन्द्राद् अभयन्त देवा विश्वा अपो अजयद् दासपत्नीः ॥
paro yat tvam parama ājaniṣṭhāḥ parāvati śrutyaṃ nāma bibhrat | ataś cid indrād abhayanta devā viśvā apo ajayad dāsapatnīḥ ||
When thou wast born supremest at a distance, bearing a name renowned in far-off regions, Since then e'en Gods have been afraid of Indra: he conquered all the floods which served the Dasa.
Translated by Ralph T. H. Griffith (1896)
तुभ्येद् एते मरुतः सुशेवा अर्चन्त्य् अर्कं सुन्वन्त्य् अन्धः । अहिम् ओहानम् अप आशयानम् प्र मायाभिर् मायिनं सक्षद् इन्द्रः ॥
tubhyed ete marutaḥ suśevā arcanty arkaṃ sunvanty andhaḥ | ahim ohānam apa āśayānam pra māyābhir māyinaṃ sakṣad indraḥ ||
These blissful Maruts sing their psalm to praise thee, and pour to thee libation of the Soma. Indra with wondrous powers subdued the Dragon, the guileful lurker who beset the waters.
Translated by Ralph T. H. Griffith (1896)
वि षू मृधो जनुषा दानम् इन्वन्न् अहन् गवा मघवन् संचकानः । अत्रा दासस्य नमुचेः शिरो यद् अवर्तयो मनवे गातुम् इच्छन् ॥
vi ṣū mṛdho januṣā dānam invann ahan gavā maghavan saṃcakānaḥ | atrā dāsasya namuceḥ śiro yad avartayo manave gātum icchan ||
Thou, Maghavan, from the first didst scatter foemen, speeding, while joying in the milk, the Giver. There, seeking man's prosperity, thou torest away the head of Namuci the Dasa.
Translated by Ralph T. H. Griffith (1896)
युजं हि माम् अकृथा आद् इद् इन्द्र शिरो दासस्य नमुचेर् मथायन् । अश्मानं चित् स्वर्यं वर्तमानम् प्र चक्रियेव रोदसी मरुद्भ्यः ॥
yujaṃ hi mām akṛthā ād id indra śiro dāsasya namucer mathāyan | aśmānaṃ cit svaryaṃ vartamānam pra cakriyeva rodasī marudbhyaḥ ||
Pounding the head of Namuci the Dasa, me, too thou madest thine associate, Indra! Yea, and the rolling stone that is in heaven both worlds, as on a car, brought to the Maruts.
Translated by Ralph T. H. Griffith (1896)
स्त्रियो हि दास आयुधानि चक्रे किम् मा करन्न् अबला अस्य सेनाः । अन्तर् ह्य् अख्यद् उभे अस्य धेने अथोप प्रैद् युधये दस्युम् इन्द्रः ॥
striyo hi dāsa āyudhāni cakre kim mā karann abalā asya senāḥ | antar hy akhyad ubhe asya dhene athopa praid yudhaye dasyum indraḥ ||
Women for weapons hath the Dasa taken, What injury can his feeble armies To me? Well he distinguished his two different voices, and Indra then advanced to fight the Dasyu.
Translated by Ralph T. H. Griffith (1896)
सम् अत्र गावो ऽभितो ऽनवन्तेहेह वत्सैर् वियुता यद् आसन् । सं ता इन्द्रो असृजद् अस्य शाकैर् यद् ईं सोमासः सुषुता अमन्दन् ॥
sam atra gāvo 'bhito 'navanteheha vatsair viyutā yad āsan | saṃ tā indro asṛjad asya śākair yad īṃ somāsaḥ suṣutā amandan ||
Divided from their calves the Cows went lowing around, on every side, hither and thither. These Indra re-united with his helpers, what time the well-pressed Soma made him joyful.
Translated by Ralph T. H. Griffith (1896)
यद् ईं सोमा बभ्रुधूता अमन्दन्न् अरोरवीद् वृषभः सादनेषु । पुरन्दरः पपिवां इन्द्रो अस्य पुनर् गवाम् अददाद् उस्रियाणाम् ॥
yad īṃ somā babhrudhūtā amandann aroravīd vṛṣabhaḥ sādaneṣu | purandaraḥ papivāṃ indro asya punar gavām adadād usriyāṇām ||
What time the Somas mixed by Babhru cheered him, loud the Steer bellowed in his habitations. So Indra drank thereof, the Fort-destroyer, and gave him guerdon, in return, of milch-kine.
Translated by Ralph T. H. Griffith (1896)
भद्रम् इदं रुशमा अग्ने अक्रन् गवां चत्वारि ददतः सहस्रा । ऋणञ्चयस्य प्रयता मघानि प्रत्य् अग्रभीष्म नृतमस्य नृणाम् ॥
bhadram idaṃ ruśamā agne akran gavāṃ catvāri dadataḥ sahasrā | ṛṇañcayasya prayatā maghāni praty agrabhīṣma nṛtamasya nṛṇām ||
This good deed have the Rusamas done, Agni! that they have granted me four thousand cattle. We have received Rnancaya's wealth, of heroes the most heroic, which was freely offered.
Translated by Ralph T. H. Griffith (1896)
सुपेशसम् माव सृजन्त्य् अस्तं गवां सहस्रै रुशमासो अग्ने । तीव्रा इन्द्रम् अममन्दुः सुतासो ऽक्तोर् व्युष्टौ परितक्म्यायाः ॥
supeśasam māva sṛjanty astaṃ gavāṃ sahasrai ruśamāso agne | tīvrā indram amamanduḥ sutāso 'ktor vyuṣṭau paritakmyāyāḥ ||
The Rusamas, O Agni, sent me homeward with fair adornment and with kine in thousands. The strong libations have made Indra joyful, when night, whose course was ending, changed to morning.
Translated by Ralph T. H. Griffith (1896)
औच्छत् सा रात्री परितक्म्या यां ऋणञ्चये राजनि रुशमानाम् । अत्यो न वाजी रघुर् अज्यमानो बभ्रुश् चत्वार्य् असनत् सहस्रा ॥
aucchat sā rātrī paritakmyā yāṃ ṛṇañcaye rājani ruśamānām | atyo na vājī raghur ajyamāno babhruś catvāry asanat sahasrā ||
Night, well-nigh ended, at Rnancaya's coming, King of the Rusamas, was changed to morning. Like a strong courser, fleet of foot, urged onward, Babhru hath gained four thousand as his guerdon.
Translated by Ralph T. H. Griffith (1896)
चतुःसहस्रं गव्यस्य पश्वः प्रत्य् अग्रभीष्म रुशमेष्व् अग्ने । घर्मश् चित् तप्तः प्रवृजे य आसीद् अयस्मयस् तम् व् आदाम विप्राः ॥
catuḥsahasraṃ gavyasya paśvaḥ praty agrabhīṣma ruśameṣv agne | gharmaś cit taptaḥ pravṛje ya āsīd ayasmayas tam v ādāma viprāḥ ||
We have received four thousand head of cattle presented by the Rusamas, O Agni. And we, the singers, have received the caldron of metal which was heated for Pravargya.
Translated by Ralph T. H. Griffith (1896)