Library·Ṛgveda Saṃhitā·5·5.73
यद् अद्य स्थः परावति यद् अर्वावत्य् अश्विना । यद् वा पुरू पुरुभुजा यद् अन्तरिक्ष आ गतम् ॥
yad adya sthaḥ parāvati yad arvāvaty aśvinā | yad vā purū purubhujā yad antarikṣa ā gatam ||
Whether, O Asvins, ye this day be far remote or near at hand, In many spots or in mid-air, come hither, Lords of ample wealth.
Translated by Ralph T. H. Griffith (1896)
इह त्या पुरुभूतमा पुरू दंसांसि बिभ्रता । वरस्या याम्य् अध्रिगू हुवे तुविष्टमा भुजे ॥
iha tyā purubhūtamā purū daṃsāṃsi bibhratā | varasyā yāmy adhrigū huve tuviṣṭamā bhuje ||
These here, who show o'er widest space, bringing full many a wondrous act, Resistless, lovingly I seek, I call the Mightiest to enjoy.
Translated by Ralph T. H. Griffith (1896)
ईर्मान्यद् वपुषे वपुश् चक्रं रथस्य येमथुः । पर्य् अन्या नाहुषा युगा मह्ना रजांसि दीयथः ॥
īrmānyad vapuṣe vapuś cakraṃ rathasya yemathuḥ | pary anyā nāhuṣā yugā mahnā rajāṃsi dīyathaḥ ||
Another beauteous wheel have ye fixed there to decorate your car. With others through the realms ye roam in might unto the neighbouring tribes.
Translated by Ralph T. H. Griffith (1896)
तद् ऊ षु वाम् एना कृतं विश्वा यद् वाम् अनु ष्टवे । नाना जाताव् अरेपसा सम् अस्मे बन्धुम् एयथुः ॥
tad ū ṣu vām enā kṛtaṃ viśvā yad vām anu ṣṭave | nānā jātāv arepasā sam asme bandhum eyathuḥ ||
That deed of yours that is extolled, Visvas! hath all been done with this. Born otherwise, and spotless, ye have entered kinship's bonds with us.
Translated by Ralph T. H. Griffith (1896)
आ यद् वां सूर्या रथं तिष्ठद् रघुष्यदं सदा । परि वाम् अरुषा वयो घृणा वरन्त आतपः ॥
ā yad vāṃ sūryā rathaṃ tiṣṭhad raghuṣyadaṃ sadā | pari vām aruṣā vayo ghṛṇā varanta ātapaḥ ||
When Surya mounted on your car that rolls for ever rapidly, Birds of red hue were round about and burning splendours compassed you.
Translated by Ralph T. H. Griffith (1896)
युवोर् अत्रिश् चिकेतति नरा सुम्नेन चेतसा । घर्मं यद् वाम् अरेपसं नासत्यास्ना भुरण्यति ॥
yuvor atriś ciketati narā sumnena cetasā | gharmaṃ yad vām arepasaṃ nāsatyāsnā bhuraṇyati ||
Atri bethinks himself of you, O Heroes, with a friendly mind, What time, Nasatyas, with his mouth he stirs the spotless flame for you.
Translated by Ralph T. H. Griffith (1896)
उग्रो वां ककुहो ययिः शृण्वे यामेषु संतनिः । यद् वां दंसोभिर् अश्विनात्रिर् नराववर्तति ॥
ugro vāṃ kakuho yayiḥ śṛṇve yāmeṣu saṃtaniḥ | yad vāṃ daṃsobhir aśvinātrir narāvavartati ||
Strong is your swiftly moving steed, famed his exertion in the course When by your great deeds, Asvins, Chiefs, Atri is brought to us again.
Translated by Ralph T. H. Griffith (1896)
मध्व ऊ षु मधूयुवा रुद्रा सिषक्ति पिप्युषी । यत् समुद्राति पर्षथः पक्वाः पृक्षो भरन्त वाम् ॥
madhva ū ṣu madhūyuvā rudrā siṣakti pipyuṣī | yat samudrāti parṣathaḥ pakvāḥ pṛkṣo bharanta vām ||
Lovers of sweetness, Rudras, she who streams with sweetness waits on you. When ye have travelled through the seas men bring you gifts of well-dressed food.
Translated by Ralph T. H. Griffith (1896)
सत्यम् इद् वा उ अश्विना युवाम् आहुर् मयोभुवा । ता यामन् यामहूतमा यामन्न् आ मृळयत्तमा ॥
satyam id vā u aśvinā yuvām āhur mayobhuvā | tā yāman yāmahūtamā yāmann ā mṛḷayattamā ||
Asvins, with truth they call you Twain bestowers of felicity; At sacrifice most prompt to hear, most gracious ye at sacrifice.
Translated by Ralph T. H. Griffith (1896)
इमा ब्रह्माणि वर्धनाश्विभ्यां सन्तु शन्तमा । या तक्षाम रथां इवावोचाम बृहन् नमः ॥
imā brahmāṇi vardhanāśvibhyāṃ santu śantamā | yā takṣāma rathāṃ ivāvocāma bṛhan namaḥ ||
Most pleasing to the Asvins be these prayers which magnify their might, Which we have fashioned, even as cars high reverence have we spoken forth.
Translated by Ralph T. H. Griffith (1896)