Library·Ṛgveda Saṃhitā·9·9.92
परि सुवानो हरिर् अंशुः पवित्रे रथो न सर्जि सनये हियानः । आपच् छ्लोकम् इन्द्रियम् पूयमानः प्रति देवां अजुषत प्रयोभिः ॥
pari suvāno harir aṃśuḥ pavitre ratho na sarji sanaye hiyānaḥ | āpac chlokam indriyam pūyamānaḥ prati devāṃ ajuṣata prayobhiḥ ||
The gold-hued juice, poured out upon the filter, is started like a car sent forth to conquer. He hath gained song and vigour while they cleansed him, and hath rejoiced the Gods with entertainments.
Translated by Ralph T. H. Griffith (1896)
अच्छा नृचक्षा असरत् पवित्रे नाम दधानः कविर् अस्य योनौ । सीदन् होतेव सदने चमूषूपेम् अग्मन्न् ऋषयः सप्त विप्राः ॥
acchā nṛcakṣā asarat pavitre nāma dadhānaḥ kavir asya yonau | sīdan hoteva sadane camūṣūpem agmann ṛṣayaḥ sapta viprāḥ ||
He who beholdeth man hath reached the filter: bearing his name, the Sage hath sought his dwelling. The Rsis came to him, seven holy singers, when in the bowls he settled as Invoker.
Translated by Ralph T. H. Griffith (1896)
प्र सुमेधा गातुविद् विश्वदेवः सोमः पुनानः सद एति नित्यम् । भुवद् विश्वेषु काव्येषु रन्तानु जनान् यतते पञ्च धीरः ॥
pra sumedhā gātuvid viśvadevaḥ somaḥ punānaḥ sada eti nityam | bhuvad viśveṣu kāvyeṣu rantānu janān yatate pañca dhīraḥ ||
Shared by all Gods, most wise, propitious, Soma goes, while they cleanse him, to his constant station. Let him rejoice in all his lofty wisdom to the Five Tribes the Sage attains with labour.
Translated by Ralph T. H. Griffith (1896)
तव त्ये सोम पवमान निण्ये विश्वे देवास् त्रय एकादशासः । दश स्वधाभिर् अधि सानो अव्ये मृजन्ति त्वा नद्यः सप्त यह्वीः ॥
tava tye soma pavamāna niṇye viśve devās traya ekādaśāsaḥ | daśa svadhābhir adhi sāno avye mṛjanti tvā nadyaḥ sapta yahvīḥ ||
In thy mysterious place, O Pavamana Soma, are all the Gods, the Thrice-Eleven. Ten on the fleecy height, themselves, self-prompted, and seven fresh rivers, brighten and adorn thee.
Translated by Ralph T. H. Griffith (1896)
तन् नु सत्यम् पवमानस्यास्तु यत्र विश्वे कारवः संनसन्त । ज्योतिर् यद् अह्ने अकृणोद् उ लोकम् प्रावन् मनुं दस्यवे कर् अभीकम् ॥
tan nu satyam pavamānasyāstu yatra viśve kāravaḥ saṃnasanta | jyotir yad ahne akṛṇod u lokam prāvan manuṃ dasyave kar abhīkam ||
Now let this be the truth of Pavamana, there where all singers gather them together, That he hath given us room and made the daylight, hath holpen Manu and repelled the Dasyu.
Translated by Ralph T. H. Griffith (1896)
परि सद्मेव पशुमान्ति होता राजा न सत्यः समितीर् इयानः । सोमः पुनानः कलशां अयासीत् सीदन् मृगो न महिषो वनेषु ॥
pari sadmeva paśumānti hotā rājā na satyaḥ samitīr iyānaḥ | somaḥ punānaḥ kalaśāṃ ayāsīt sīdan mṛgo na mahiṣo vaneṣu ||
As the priest seeks the station rich in cattle, like a true King who goes to great assemblies, Soma hath sought the beakers while they cleansed him, and like a wild bull, in the wood hath settled.
Translated by Ralph T. H. Griffith (1896)