Ratnamālāvadāna 38

सुगंधसुमनो धूपदीपनैवेद्यचंदनं । प्रयोजयेद् अर्चनायाम् उपचारास् तु षोडशः

sugaṃdhasumano dhūpadīpanaivedyacaṃdanaṃ / prayojayed arcanāyām upacārās tu ṣoḍaśaḥ

Sanskrit only: no published translation is held for this verse.

ततो देव्याः स्वहृत्मंत्रं तथा उपहृदयं जपेत् । सर्वासाम् अपि मंत्राणि यावच् छतसहस्रधा

tato devyāḥ svahṛtmaṃtraṃ tathā upahṛdayaṃ japet / sarvāsām api maṃtrāṇi yāvac chatasahasradhā

Sanskrit only: no published translation is held for this verse.

ततः स्तोत्रादिभि स्तुत्वा कृतांजलिपुटो मुदा । कृत्वा प्रदक्षिणान्य् एवं अष्टांगैः प्रणयेत् पुनः

tataḥ stotrādibhi stutvā kṛtāṃjalipuṭo mudā / kṛtvā pradakṣiṇāny evaṃ aṣṭāṃgaiḥ praṇayet punaḥ

Sanskrit only: no published translation is held for this verse.

ततश् च सांजलिः स्थित्वा प्रकुर्यात् पापदेशनां । पुण्यानुमोदनां चपि संस्थितियाचनाम् अपि

tataś ca sāṃjaliḥ sthitvā prakuryāt pāpadeśanāṃ / puṇyānumodanāṃ capi saṃsthitiyācanām api

Sanskrit only: no published translation is held for this verse.

ततः क्षीरोदनैः शुद्धरसैः पंचामृतैर् युतं । बलिं गाथाः पठन् दद्यात् सर्वभूता हि तुष्टये

tataḥ kṣīrodanaiḥ śuddharasaiḥ paṃcāmṛtair yutaṃ / baliṃ gāthāḥ paṭhan dadyāt sarvabhūtā hi tuṣṭaye

Sanskrit only: no published translation is held for this verse.

तथा ते व्रतिनः सर्वे सर्वं धृत्वा समाहिताः । यथा शास्त्रा समादिष्टम् अनुकुर्यु व्रतं क्रमात्

tathā te vratinaḥ sarve sarvaṃ dhṛtvā samāhitāḥ / yathā śāstrā samādiṣṭam anukuryu vrataṃ kramāt

Sanskrit only: no published translation is held for this verse.

ततस् ते व्रतिनः सर्वे दानं दद्युः स दक्षिणं । गुरवे देवताभ्यो ऽपि प्रणमेयुश् च सादरं

tatas te vratinaḥ sarve dānaṃ dadyuḥ sa dakṣiṇaṃ / gurave devatābhyo 'pi praṇameyuś ca sādaraṃ

Sanskrit only: no published translation is held for this verse.

ततः क्षमार्थनं कृत्वा सूत्रं षोडशभेदितं । षोडशग्रंथितं पीतं व्रतिभ्यो गुरुर् अर्पयेत्

tataḥ kṣamārthanaṃ kṛtvā sūtraṃ ṣoḍaśabheditaṃ / ṣoḍaśagraṃthitaṃ pītaṃ vratibhyo gurur arpayet

Sanskrit only: no published translation is held for this verse.

तत् सूत्रं ते समादाय सर्वे ऽपि व्रतिनो मुदा । रक्षार्थं स्वकरे वध्वा दध्युर् व्रतसमाप्तितः

tat sūtraṃ te samādāya sarve 'pi vratino mudā / rakṣārthaṃ svakare vadhvā dadhyur vratasamāptitaḥ

Sanskrit only: no published translation is held for this verse.

ततस् ते व्रतिनः सर्वे धृत्वा संपत्तिप्रार्थनां । नत्वा क्षमार्थनां चापि कृत्वा चरेयुर् उत्थिताः

tatas te vratinaḥ sarve dhṛtvā saṃpattiprārthanāṃ / natvā kṣamārthanāṃ cāpi kṛtvā careyur utthitāḥ

Sanskrit only: no published translation is held for this verse.

ततो दिनत्रियामाग्रे यवगोधूमपिष्टकं । सह पंचामृतैः सर्वैः कुर्युस् तद्व्रतपालनां

tato dinatriyāmāgre yavagodhūmapiṣṭakaṃ / saha paṃcāmṛtaiḥ sarvaiḥ kuryus tadvratapālanāṃ

Sanskrit only: no published translation is held for this verse.

ततस् तेव्रतिनः सर्वे स्नात्वा चापि समाहिताः । दीपमालाः समुज्वाल्य तिष्ठेयु निशि जाग्रिताः

tatas tevratinaḥ sarve snātvā cāpi samāhitāḥ / dīpamālāḥ samujvālya tiṣṭheyu niśi jāgritāḥ

Sanskrit only: no published translation is held for this verse.

तां देवीं सगणां स्मृत्वा पठन्तो धारणीम् अपि । जपस्तोत्रादिकं कृत्वा तोषयेयुर् उपस्थिताः

tāṃ devīṃ sagaṇāṃ smṛtvā paṭhanto dhāraṇīm api / japastotrādikaṃ kṛtvā toṣayeyur upasthitāḥ

Sanskrit only: no published translation is held for this verse.

प्रातः सुगंधिभिस् तीर्थे स्नात्व शुद्धाम्वरावृताः

prātaḥ sugaṃdhibhis tīrthe snātva śuddhāmvarāvṛtāḥ

Sanskrit only: no published translation is held for this verse.

तां देवीं सगणां ध्यात्वा समावाह्य यथाक्रमं । सर्वपूजोपहारैश् च प्रार्चयेयुस् तथादरात्

tāṃ devīṃ sagaṇāṃ dhyātvā samāvāhya yathākramaṃ / sarvapūjopahāraiś ca prārcayeyus tathādarāt

Sanskrit only: no published translation is held for this verse.

जपस्तोत्रादिकं कृत्वा रत्वा सांजलयो मुदा । कृत्वा प्रदक्षिणां चापि कुर्युर् अष्टाङ्गप्राणतिं

japastotrādikaṃ kṛtvā ratvā sāṃjalayo mudā / kṛtvā pradakṣiṇāṃ cāpi kuryur aṣṭāṅgaprāṇatiṃ

Sanskrit only: no published translation is held for this verse.

ततश् च पुरतः स्थित्वा प्रकुर्युः पापदेशनां । पुण्यानुमोदनां चापि प्रार्थयेयुः सुसंस्थितिं

tataś ca purataḥ sthitvā prakuryuḥ pāpadeśanāṃ / puṇyānumodanāṃ cāpi prārthayeyuḥ susaṃsthitiṃ

Sanskrit only: no published translation is held for this verse.

ततः संबोधिचर्यार्थं सर्वसत्वहितार्थतः । सर्वद्रव्यसुसंपत्तिः प्रार्थयेयुर् यथेछया

tataḥ saṃbodhicaryārthaṃ sarvasatvahitārthataḥ / sarvadravyasusaṃpattiḥ prārthayeyur yathechayā

Sanskrit only: no published translation is held for this verse.

ततो गुरुं समभ्यर्च्य दत्वा दानं सदक्षिणं । श्रद्धया प्रणतिं कृत्वा तोषयेयुः समादरात्

tato guruṃ samabhyarcya datvā dānaṃ sadakṣiṇaṃ / śraddhayā praṇatiṃ kṛtvā toṣayeyuḥ samādarāt

Sanskrit only: no published translation is held for this verse.

ततो भूतवलिं दत्वा प्रार्थयित्वा यथेप्सितं । कृत्वा क्षमार्थनां चापि विसर्जयेद् यथाविधि

tato bhūtavaliṃ datvā prārthayitvā yathepsitaṃ / kṛtvā kṣamārthanāṃ cāpi visarjayed yathāvidhi

Sanskrit only: no published translation is held for this verse.

ततः शास्ता स आचार्यः कृत्वा चापि क्षमार्थनां । संपूर्णं तद् व्रतं कृत्वा व्रतसूत्रं समाहरेत्

tataḥ śāstā sa ācāryaḥ kṛtvā cāpi kṣamārthanāṃ / saṃpūrṇaṃ tad vrataṃ kṛtvā vratasūtraṃ samāharet

Sanskrit only: no published translation is held for this verse.

ततो ऽभिषेकम् आदाय व्रतिनाप्य् अभिषिंचयेत् । शुभाशिषं प्रदत्वा च तन् मण्डलं विसर्जयेत्

tato 'bhiṣekam ādāya vratināpy abhiṣiṃcayet / śubhāśiṣaṃ pradatvā ca tan maṇḍalaṃ visarjayet

Sanskrit only: no published translation is held for this verse.

ततस् तद् रजम् आदाय कोष्ठागारे सुगुप्तिते । निक्षिप्य प्रतिसंस्थाप्य नित्यं नमेत् सदादरात्

tatas tad rajam ādāya koṣṭhāgāre suguptite / nikṣipya pratisaṃsthāpya nityaṃ namet sadādarāt

Sanskrit only: no published translation is held for this verse.

अपरं पुष्पादिकं सर्वं निर्माल्यं सविद् अम्भसि । नागान् अभ्यर्च्य तत् सर्वं समर्प्पित्वा प्रवाहयेत्

aparaṃ puṣpādikaṃ sarvaṃ nirmālyaṃ savid ambhasi / nāgān abhyarcya tat sarvaṃ samarppitvā pravāhayet

Sanskrit only: no published translation is held for this verse.

तन् नदीजलम् आदाय गृहे ततः समाचरेत् । तत्र सर्वत्र गेहेषु तज्जलैर् अभिषिंचयेत्

tan nadījalam ādāya gṛhe tataḥ samācaret / tatra sarvatra geheṣu tajjalair abhiṣiṃcayet

Sanskrit only: no published translation is held for this verse.

ततस् तन् मण्डले स्थाने समावाह्य यथाविधि । श्रीकुमारीं महादेवीं समभ्यर्च्य हि तोषयेत्

tatas tan maṇḍale sthāne samāvāhya yathāvidhi / śrīkumārīṃ mahādevīṃ samabhyarcya hi toṣayet

Sanskrit only: no published translation is held for this verse.

तत्प्रसादं समादाय गणचक्रं यथाविधि । समभ्यर्च्य यथार्हेण भोजनेनपि तोषयेत्

tatprasādaṃ samādāya gaṇacakraṃ yathāvidhi / samabhyarcya yathārheṇa bhojanenapi toṣayet

Sanskrit only: no published translation is held for this verse.

एवं तद् व्रतसंपूर्णं कृत्वा सर्वे प्रमोदिताः । श्रिवसुधां महादेवीं स्मृत्वा चरेयुर् आभवं

evaṃ tad vratasaṃpūrṇaṃ kṛtvā sarve pramoditāḥ / śrivasudhāṃ mahādevīṃ smṛtvā careyur ābhavaṃ

Sanskrit only: no published translation is held for this verse.

एवम् एतद् विधानेन श्रीदेव्याः शरणं गतः । यथाविधि समाधाय व्रतं चरेत् समादरात्

evam etad vidhānena śrīdevyāḥ śaraṇaṃ gataḥ / yathāvidhi samādhāya vrataṃ caret samādarāt

Sanskrit only: no published translation is held for this verse.

तस्य गृहे तद् आरभ्य श्रीदेवी श्रीवसुन्धरा । स्वयम् आगत्य सर्वत्र क्षेमं कृत्वा वसेत् सदा

tasya gṛhe tad ārabhya śrīdevī śrīvasundharā / svayam āgatya sarvatra kṣemaṃ kṛtvā vaset sadā

Sanskrit only: no published translation is held for this verse.

तद् आराभ्य सदा तस्य गृहे सर्वत्र मंगलं । निरुपद्रवम् आनंदं सर्वदापि भवेद् ध्रुवं

tad ārābhya sadā tasya gṛhe sarvatra maṃgalaṃ / nirupadravam ānaṃdaṃ sarvadāpi bhaved dhruvaṃ

Sanskrit only: no published translation is held for this verse.

ततस् तस्य गृहे संपद् दिने दिने प्रवर्द्धिता । सर्वद्रव्याभिसंपूर्णा श्रीदस्येव समुद्भवेत्

tatas tasya gṛhe saṃpad dine dine pravarddhitā / sarvadravyābhisaṃpūrṇā śrīdasyeva samudbhavet

Sanskrit only: no published translation is held for this verse.

अथ चापि तथा शक्तौ यः श्राद्धः पुरुषः सुधीः । स्नात्वा शुद्धाम्वरो गेहे शोधयित्वा समंततः

atha cāpi tathā śaktau yaḥ śrāddhaḥ puruṣaḥ sudhīḥ / snātvā śuddhāmvaro gehe śodhayitvā samaṃtataḥ

Sanskrit only: no published translation is held for this verse.

श्रीदेव्याः प्रतिमायैवं पटं वापि प्रसार्य च । यथाशक्ति समभ्यर्च्य धारणीं सर्वदा पठेत्

śrīdevyāḥ pratimāyaivaṃ paṭaṃ vāpi prasārya ca / yathāśakti samabhyarcya dhāraṇīṃ sarvadā paṭhet

Sanskrit only: no published translation is held for this verse.

तस्यापि च गृहे तिष्ठेच् छ्रीदेवी सगणान्विता । तथा तत्र भवेद् एवं मंगलं निरुपद्रवं

tasyāpi ca gṛhe tiṣṭhec chrīdevī sagaṇānvitā / tathā tatra bhaved evaṃ maṃgalaṃ nirupadravaṃ

Sanskrit only: no published translation is held for this verse.

तदा तस्य गृहे संपद् दिने दिने हि वर्द्धते । सर्वद्रव्याभिसंपूर्णा भवेन् न क्षिणुयात् क्वचित्

tadā tasya gṛhe saṃpad dine dine hi varddhate / sarvadravyābhisaṃpūrṇā bhaven na kṣiṇuyāt kvacit

Sanskrit only: no published translation is held for this verse.

अथ वा प्राक्तने पीतरजसा मंडलं तथा । वर्त्तयित्वात्र तद् रात्रीं नियमेनातिनामयेत्

atha vā prāktane pītarajasā maṃḍalaṃ tathā / varttayitvātra tad rātrīṃ niyamenātināmayet

Sanskrit only: no published translation is held for this verse.

प्रातः स्नात्वा सुगंधेन शुद्धपीताम्वरावृतः । ब्रह्मचारी विशुद्धात्मा त्रिरत्नशरणं गतः

prātaḥ snātvā sugaṃdhena śuddhapītāmvarāvṛtaḥ / brahmacārī viśuddhātmā triratnaśaraṇaṃ gataḥ

Sanskrit only: no published translation is held for this verse.

तां श्रीवसुंधरां देवीं ध्यात्वाह्य समाहितः । यथाशक्ति समभ्यर्च्य धारणीं श्रद्धया पठेत्

tāṃ śrīvasuṃdharāṃ devīṃ dhyātvāhya samāhitaḥ / yathāśakti samabhyarcya dhāraṇīṃ śraddhayā paṭhet

Sanskrit only: no published translation is held for this verse.

तस्यापि च गृहे भद्रं कृत्वा देवी वसेत् सदा । ततस् तथा क्रमात् संपत् परिवृद्धा भवेद् ध्रुवं

tasyāpi ca gṛhe bhadraṃ kṛtvā devī vaset sadā / tatas tathā kramāt saṃpat parivṛddhā bhaved dhruvaṃ

Sanskrit only: no published translation is held for this verse.

अथ प्रातस् तथा स्नात्वा शुद्धवस्त्रावृतः सुधीः । ब्रह्मचारी समाधाय त्रिरत्नशरणं गतः

atha prātas tathā snātvā śuddhavastrāvṛtaḥ sudhīḥ / brahmacārī samādhāya triratnaśaraṇaṃ gataḥ

Sanskrit only: no published translation is held for this verse.

शुभे स्थाने पटं चापि देव्या मूर्त्तिं प्रसार्य च । याथाशक्ति समभ्यर्च्य त्रिवारान् धारणीं पठेत्

śubhe sthāne paṭaṃ cāpi devyā mūrttiṃ prasārya ca / yāthāśakti samabhyarcya trivārān dhāraṇīṃ paṭhet

Sanskrit only: no published translation is held for this verse.

तस्यापि च गृहे भद्रं कृत्वा देवी सदा वसेत् । तथा तत्र महासंपद् अभिवृद्धा भवेद् ध्रुवं

tasyāpi ca gṛhe bhadraṃ kṛtvā devī sadā vaset / tathā tatra mahāsaṃpad abhivṛddhā bhaved dhruvaṃ

Sanskrit only: no published translation is held for this verse.

अथ वा च तथा स्नात्वा शुद्धवस्त्रावृतः सुधीः । ब्रह्मचारी विशुद्धात्मा त्रिरत्नशरणं गतः

atha vā ca tathā snātvā śuddhavastrāvṛtaḥ sudhīḥ / brahmacārī viśuddhātmā triratnaśaraṇaṃ gataḥ

Sanskrit only: no published translation is held for this verse.

शुभे स्थाने गृहे देव्याश् चन्दनेनापि मंडलं । वर्त्तयित्वा तथा देवीं ध्यत्वावाह्य समर्चयेत्

śubhe sthāne gṛhe devyāś candanenāpi maṃḍalaṃ / varttayitvā tathā devīṃ dhyatvāvāhya samarcayet

Sanskrit only: no published translation is held for this verse.

संपठेद् धारणीं चैवं कुर्याज् जपस्तवादिकं । कृत्वा प्रदक्षिणान्य् एवं नत्वा संप्रार्थयेन् निधिं

saṃpaṭhed dhāraṇīṃ caivaṃ kuryāj japastavādikaṃ / kṛtvā pradakṣiṇāny evaṃ natvā saṃprārthayen nidhiṃ

Sanskrit only: no published translation is held for this verse.

तस्यापि च गृहे देवी मंगलं निरुपद्रवं । कृत्वा स्वयं समाश्रित्य निवसेत् सर्वदा ध्रुवं

tasyāpi ca gṛhe devī maṃgalaṃ nirupadravaṃ / kṛtvā svayaṃ samāśritya nivaset sarvadā dhruvaṃ

Sanskrit only: no published translation is held for this verse.

ततस् तत्र गृहे संपत्सर्वद्रव्यसमन्विता । अभिवृद्ध्य भवेन् नूनं निधिश् चापि समुद्भवेत्

tatas tatra gṛhe saṃpatsarvadravyasamanvitā / abhivṛddhya bhaven nūnaṃ nidhiś cāpi samudbhavet

Sanskrit only: no published translation is held for this verse.

अथ वा स्वगृहे शुद्धे कोशकोष्ठालये ऽपि च । तथा परगृहे वापि मनोरम्ये ऽभिशोधिते

atha vā svagṛhe śuddhe kośakoṣṭhālaye 'pi ca / tathā paragṛhe vāpi manoramye 'bhiśodhite

Sanskrit only: no published translation is held for this verse.

अथ तथागतस्यापि लोकेशस्यापि चाग्रतः । तथान्यबोधिसत्वानां देवतानां तथाग्रतः

atha tathāgatasyāpi lokeśasyāpi cāgrataḥ / tathānyabodhisatvānāṃ devatānāṃ tathāgrataḥ

Sanskrit only: no published translation is held for this verse.

चन्दनेनापि कृत्वैवं श्रीदेव्या मण्डलं तथा । विधिवन् मनसा ध्यात्वा समावाह्य समर्चयेत्

candanenāpi kṛtvaivaṃ śrīdevyā maṇḍalaṃ tathā / vidhivan manasā dhyātvā samāvāhya samarcayet

Sanskrit only: no published translation is held for this verse.

तथा तथागतानं च त्रैलोकाधिपतेर् अपि । तथान्यबोधिसत्वानां यथाशक्ति समर्चयेत्

tathā tathāgatānaṃ ca trailokādhipater api / tathānyabodhisatvānāṃ yathāśakti samarcayet

Sanskrit only: no published translation is held for this verse.

ततस् तां सगणां देवीं ध्यात्वा जपेत् समाहितः । संपठेद् धारणीं चापि श्रद्धया भक्तिमानसः

tatas tāṃ sagaṇāṃ devīṃ dhyātvā japet samāhitaḥ / saṃpaṭhed dhāraṇīṃ cāpi śraddhayā bhaktimānasaḥ

Sanskrit only: no published translation is held for this verse.

तथ चैकम् अहोरात्रम् अविछिन्नं पंथेन् मुदा । यावत् त्रिपंचसप्ताहोरात्राणि च पठेत् तथा

tatha caikam ahorātram avichinnaṃ paṃthen mudā / yāvat tripaṃcasaptāhorātrāṇi ca paṭhet tathā

Sanskrit only: no published translation is held for this verse.

आचार्यश् च तथा रात्रौ स्त्रिः कृत्वा दिवसस्य च । स लोकपालभूतेभ्यो बलिं दद्याद् यथाविधि

ācāryaś ca tathā rātrau striḥ kṛtvā divasasya ca / sa lokapālabhūtebhyo baliṃ dadyād yathāvidhi

Sanskrit only: no published translation is held for this verse.

ततो दानपतिः शास्त्रे सर्वोपकरणादिकं । दाने सदक्षिणं दद्याद् अन्येभ्यो ऽपि तथादरात्

tato dānapatiḥ śāstre sarvopakaraṇādikaṃ / dāne sadakṣiṇaṃ dadyād anyebhyo 'pi tathādarāt

Sanskrit only: no published translation is held for this verse.

ततश् च सांजलिर् नत्वा प्रार्थयित्वा क्षमाम् अपि । संबोधिसाधनीं द्रव्यसंपत्तिं प्रार्थयेन् मुदा

tataś ca sāṃjalir natvā prārthayitvā kṣamām api / saṃbodhisādhanīṃ dravyasaṃpattiṃ prārthayen mudā

Sanskrit only: no published translation is held for this verse.

ततः सर्वं समाप्यैवैः कृत्वापि तद् विसर्जनं । यथार्हभोजनैः सर्वाञ् छास्त्रादीन् समतोषयेत्

tataḥ sarvaṃ samāpyaivaiḥ kṛtvāpi tad visarjanaṃ / yathārhabhojanaiḥ sarvāñ chāstrādīn samatoṣayet

Sanskrit only: no published translation is held for this verse.

तन् मण्डले रजः सर्वं समादाय सपुष्पकं । कोष्ठकोष्ठालयागारे निक्षिप्य स्थापयेत् सदा

tan maṇḍale rajaḥ sarvaṃ samādāya sapuṣpakaṃ / koṣṭhakoṣṭhālayāgāre nikṣipya sthāpayet sadā

Sanskrit only: no published translation is held for this verse.

तद् रजो यत्र निक्षिप्तं तत्र संपत् प्रवर्द्धितः । सर्वद्रव्याभिसंपूर्णा भवेन् न क्षिणुयात् क्वचित्

tad rajo yatra nikṣiptaṃ tatra saṃpat pravarddhitaḥ / sarvadravyābhisaṃpūrṇā bhaven na kṣiṇuyāt kvacit

Sanskrit only: no published translation is held for this verse.

निर्माल्यम् अपरं सर्वं सनैवेद्यध्वजादिकं । नद्यां नागान् समभ्यर्य संप्रक्षिप्य प्रवाहयेत्

nirmālyam aparaṃ sarvaṃ sanaivedyadhvajādikaṃ / nadyāṃ nāgān samabhyarya saṃprakṣipya pravāhayet

Sanskrit only: no published translation is held for this verse.

ततस् तद् धारणीविद्या भवेत् पठितसिद्धिता । यत्रापि पठ्यते तत्र संपत् प्रवर्द्धिता भवेत्

tatas tad dhāraṇīvidyā bhavet paṭhitasiddhitā / yatrāpi paṭhyate tatra saṃpat pravarddhitā bhavet

Sanskrit only: no published translation is held for this verse.

एवं सत्यं समाख्यातं सर्वैर् अपि मुनीश्वरं । श्रीदेव्याः साधनं कल्यं मत्वैवं चर तद् व्रतं

evaṃ satyaṃ samākhyātaṃ sarvair api munīśvaraṃ / śrīdevyāḥ sādhanaṃ kalyaṃ matvaivaṃ cara tad vrataṃ

Sanskrit only: no published translation is held for this verse.

य एवं श्रीमहादेव्याः श्रद्धया शरणं गतः । यथाविधि समाधाय चरते व्रतम् आदरात्

ya evaṃ śrīmahādevyāḥ śraddhayā śaraṇaṃ gataḥ / yathāvidhi samādhāya carate vratam ādarāt

Sanskrit only: no published translation is held for this verse.

तस्य मारगणाः सर्वे सत्वोपद्रवकारकाः । विहेठनां सदा क्वापि कर्त्तु मैवाभिशक्नुयुः

tasya māragaṇāḥ sarve satvopadravakārakāḥ / viheṭhanāṃ sadā kvāpi karttu maivābhiśaknuyuḥ

Sanskrit only: no published translation is held for this verse.

सर्वशक्रादयो देवाः सर्वदैत्याधिपा अपि । ग्रहास् ताराश् च सिद्धाश् च साध्या विद्याधरा अपि

sarvaśakrādayo devāḥ sarvadaityādhipā api / grahās tārāś ca siddhāś ca sādhyā vidyādharā api

Sanskrit only: no published translation is held for this verse.

लोकपालाश् च सर्वे ऽपि गंधर्वाः किंनरा अपि । यक्षाश् च राक्षसाः सर्वे नागाश् च गरुडा अपि

lokapālāś ca sarve 'pi gaṃdharvāḥ kiṃnarā api / yakṣāś ca rākṣasāḥ sarve nāgāś ca garuḍā api

Sanskrit only: no published translation is held for this verse.

मातृका भैरवाः सर्वे सकुमारविनायकाः । महाकालाश् च डाकिन्यः शाकिन्यो ऽपि तथापराः

mātṛkā bhairavāḥ sarve sakumāravināyakāḥ / mahākālāś ca ḍākinyaḥ śākinyo 'pi tathāparāḥ

Sanskrit only: no published translation is held for this verse.

योगिन्यो ऽपि तथा सर्वे वीरा यमान्तकादयः । रक्षन्ति सर्वदा नित्यं श्रीदेव्याः शरणाश्रितं

yoginyo 'pi tathā sarve vīrā yamāntakādayaḥ / rakṣanti sarvadā nityaṃ śrīdevyāḥ śaraṇāśritaṃ

Sanskrit only: no published translation is held for this verse.

धारणीपाठकं यो ऽपि साधकं व्रतचारिणं । तथा भूतगणाः सर्वे पिशाचाश् च दुराशयाः

dhāraṇīpāṭhakaṃ yo 'pi sādhakaṃ vratacāriṇaṃ / tathā bhūtagaṇāḥ sarve piśācāś ca durāśayāḥ

Sanskrit only: no published translation is held for this verse.

सर्वे ज्वरादयो रोगा अपस्मारादयो ऽपि च

sarve jvarādayo rogā apasmārādayo 'pi ca

Sanskrit only: no published translation is held for this verse.

उन्मादा पिटकाश् चापि सर्वे कुष्ठाश् च कछवः । श्रीदेवीव्रतिनो देहे न स्पृशंति कदाचन

unmādā piṭakāś cāpi sarve kuṣṭhāś ca kachavaḥ / śrīdevīvratino dehe na spṛśaṃti kadācana

Sanskrit only: no published translation is held for this verse.

ईतयश् च तथा सर्वा महोपद्रवकारकाः । तस्य देशे गृहे देहे न विशन्ति कदा चन

ītayaś ca tathā sarvā mahopadravakārakāḥ / tasya deśe gṛhe dehe na viśanti kadā cana

Sanskrit only: no published translation is held for this verse.

वसुंधर्या व्रते यत्र धारणी च प्रवर्त्तते । तत्र मारगणा दुष्टा उपसर्गा विशन्ति न

vasuṃdharyā vrate yatra dhāraṇī ca pravarttate / tatra māragaṇā duṣṭā upasargā viśanti na

Sanskrit only: no published translation is held for this verse.

नृपाग्न्युदका चौरादि दुष्टाः शठाश् च वंचकाः । श्रीदेवीव्रतिनः किंचिद् अपकर्तुं न शक्नुयुः

nṛpāgnyudakā caurādi duṣṭāḥ śaṭhāś ca vaṃcakāḥ / śrīdevīvratinaḥ kiṃcid apakartuṃ na śaknuyuḥ

Sanskrit only: no published translation is held for this verse.

यश् च श्रीवसुधाराया भक्तिमाञ् छरणं गतः । सर्वदा स्मरणं कृत्वा भजते संचरद् व्रतं

yaś ca śrīvasudhārāyā bhaktimāñ charaṇaṃ gataḥ / sarvadā smaraṇaṃ kṛtvā bhajate saṃcarad vrataṃ

Sanskrit only: no published translation is held for this verse.

यश् च तस्या महादेव्या धारणीं मुदितः स्मरन् । पठते सर्वदाप्य् एवं परेभ्यो ऽपि समादिशेत्

yaś ca tasyā mahādevyā dhāraṇīṃ muditaḥ smaran / paṭhate sarvadāpy evaṃ parebhyo 'pi samādiśet

Sanskrit only: no published translation is held for this verse.

यश् चैतद् धारणीं सम्यग् ऽलिखेल् लिखाययेद् अपि । लिखितां समादाय संस्थाप्य भजते गृहे

yaś caitad dhāraṇīṃ samyag 'likhel likhāyayed api / likhitāṃ samādāya saṃsthāpya bhajate gṛhe

Sanskrit only: no published translation is held for this verse.

मूर्द्ध्नि कण्ठे भुजे वाहौ दधाति नित्यम् आदरात्

mūrddhni kaṇṭhe bhuje vāhau dadhāti nityam ādarāt

Sanskrit only: no published translation is held for this verse.

तेषाम् अपि च सर्वेषां मारविघ्नोपसर्गिकाः । सर्वे ऽपि सर्वदा क्वापि ह्य् अपकर्त्तुं न शक्नुयुः

teṣām api ca sarveṣāṃ māravighnopasargikāḥ / sarve 'pi sarvadā kvāpi hy apakarttuṃ na śaknuyuḥ

Sanskrit only: no published translation is held for this verse.

सर्वे ऽपि बोधिसत्वास् ते त्रैधातुकनिवासिनः । एतद्विद्यानुभावेन दानपारमिताश्रिताः

sarve 'pi bodhisatvās te traidhātukanivāsinaḥ / etadvidyānubhāvena dānapāramitāśritāḥ

Sanskrit only: no published translation is held for this verse.

सर्वोपकरणैः सर्वान् सत्वान् संतर्प्पयन्त्य् अपि । तथा दानं सदा कृत्वा बोधिमार्गे चरन्ति ये

sarvopakaraṇaiḥ sarvān satvān saṃtarppayanty api / tathā dānaṃ sadā kṛtvā bodhimārge caranti ye

Sanskrit only: no published translation is held for this verse.

ते सर्वे क्रमेणैवं पूर्य पारमिता दशः । सर्वान् मारगाणां जित्वा प्राप्नुयु बोधिसंपदं

te sarve krameṇaivaṃ pūrya pāramitā daśaḥ / sarvān māragāṇāṃ jitvā prāpnuyu bodhisaṃpadaṃ

Sanskrit only: no published translation is held for this verse.

सर्वभूपाश् च राजानश् चक्रवर्त्त्यादयो नृपाः । पालयन्ति प्रजा लोकान् धर्मैर् लक्ष्मीव्रतोद्भवैः

sarvabhūpāś ca rājānaś cakravarttyādayo nṛpāḥ / pālayanti prajā lokān dharmair lakṣmīvratodbhavaiḥ

Sanskrit only: no published translation is held for this verse.

एवम् अन्ये ऽपि लोकाश् च ये ये संपत्समृद्धिताः । महाधना महाभोगाः सर्वद्रव्यसमन्विताः

evam anye 'pi lokāś ca ye ye saṃpatsamṛddhitāḥ / mahādhanā mahābhogāḥ sarvadravyasamanvitāḥ

Sanskrit only: no published translation is held for this verse.

दत्वा दानं सुखं भुक्त्वा यावज्जीवं शुभे सदा । प्रचरन्त्य् अपि सर्वे ते ज्ञेया लक्ष्मीप्रसादतः

datvā dānaṃ sukhaṃ bhuktvā yāvajjīvaṃ śubhe sadā / pracaranty api sarve te jñeyā lakṣmīprasādataḥ

Sanskrit only: no published translation is held for this verse.

ये श्रीदेव्या व्रतं धृत्वा सर्वार्थिभ्यो यथेप्सितं । ददाति ते महासत्वाः श्रीमन्तः सद्गुणान्विताः

ye śrīdevyā vrataṃ dhṛtvā sarvārthibhyo yathepsitaṃ / dadāti te mahāsatvāḥ śrīmantaḥ sadguṇānvitāḥ

Sanskrit only: no published translation is held for this verse.

यशःसंपत्समापन्नाः सर्वविद्याकलास्पदाः । धर्मात्मानो महेशाख्यः सुधियः सत्यवादिनः

yaśaḥsaṃpatsamāpannāḥ sarvavidyākalāspadāḥ / dharmātmāno maheśākhyaḥ sudhiyaḥ satyavādinaḥ

Sanskrit only: no published translation is held for this verse.

सुशीलाः सुभगा भद्राः क्षान्तिसौरभ्यवासिनः । सौम्येन्द्रिया विशुद्धांगाः करुणार्द्रशुभाशयाः

suśīlāḥ subhagā bhadrāḥ kṣāntisaurabhyavāsinaḥ / saumyendriyā viśuddhāṃgāḥ karuṇārdraśubhāśayāḥ

Sanskrit only: no published translation is held for this verse.

बलवीर्यमहोत्साहा निःक्लेशाः सुसमाहिताः । जितेन्द्रिया महाधीराः प्रज्ञावन्तो विचक्षणाः

balavīryamahotsāhā niḥkleśāḥ susamāhitāḥ / jitendriyā mahādhīrāḥ prajñāvanto vicakṣaṇāḥ

Sanskrit only: no published translation is held for this verse.

उपायविधिविज्ञाश् च सर्वसत्वहितार्थिनः । सुप्रणिधिसमाधाना बलिनो ब्रह्मचारिणः

upāyavidhivijñāś ca sarvasatvahitārthinaḥ / supraṇidhisamādhānā balino brahmacāriṇaḥ

Sanskrit only: no published translation is held for this verse.

ज्ञानविज्ञानविद्वान्सः सर्वसत्वशुभंकराः । बोधिसत्वा जगन्नाथा बुद्धात्मजा भवंत्य् अपि

jñānavijñānavidvānsaḥ sarvasatvaśubhaṃkarāḥ / bodhisatvā jagannāthā buddhātmajā bhavaṃty api

Sanskrit only: no published translation is held for this verse.

यतिभिर् ना अतीतास् ते वर्त्तमाना अनागताः । ते ऽपि सर्वे महादेव्या व्रतपुण्यानुभावतः

yatibhir nā atītās te varttamānā anāgatāḥ / te 'pi sarve mahādevyā vratapuṇyānubhāvataḥ

Sanskrit only: no published translation is held for this verse.

क्रमात् पारमिताः सर्वाः परिपूर्य समाहिताः । बोधिलब्धा भवंत्य् एवं लप्स्यंति नान्यथा खलु

kramāt pāramitāḥ sarvāḥ paripūrya samāhitāḥ / bodhilabdhā bhavaṃty evaṃ lapsyaṃti nānyathā khalu

Sanskrit only: no published translation is held for this verse.

एवं मत्वा महाविद्यं श्रीदेवीं धारणीं परां । समाधाय पठन् नित्यं व्रतं चर समादरात्

evaṃ matvā mahāvidyaṃ śrīdevīṃ dhāraṇīṃ parāṃ / samādhāya paṭhan nityaṃ vrataṃ cara samādarāt

Sanskrit only: no published translation is held for this verse.

एषा महैश्वरी देवी बोधिलक्ष्मीर् जिनेश्वश्री । जननी सर्वबुद्धानां धात्री मातानुपालिनी

eṣā mahaiśvarī devī bodhilakṣmīr jineśvaśrī / jananī sarvabuddhānāṃ dhātrī mātānupālinī

Sanskrit only: no published translation is held for this verse.

अधृष्या सर्वदुष्टानां सर्वविघ्नविनाशिनी । महाविद्येश्वरी भद्रा सर्वारिष्ठनिसूदनी

adhṛṣyā sarvaduṣṭānāṃ sarvavighnavināśinī / mahāvidyeśvarī bhadrā sarvāriṣṭhanisūdanī

Sanskrit only: no published translation is held for this verse.

यस्याः शरणमात्रेण व्रतं चरंति मानवाः । दारिद्र्यदुःखशोकाग्नौ न पतंति कदापि ते

yasyāḥ śaraṇamātreṇa vrataṃ caraṃti mānavāḥ / dāridryaduḥkhaśokāgnau na pataṃti kadāpi te

Sanskrit only: no published translation is held for this verse.

अचिन्तितानि रत्नादि धनद्रव्यगुणानि च । यशोधर्मार्थकामादि सुखानि समवाप्नुयुः

acintitāni ratnādi dhanadravyaguṇāni ca / yaśodharmārthakāmādi sukhāni samavāpnuyuḥ

Sanskrit only: no published translation is held for this verse.

एतत्पुण्यम् असंख्येयम् अप्रमेयं महत्तरं । सर्वैर् अपि मुनीन्द्रैर् हि संख्यातुं नापि शक्यते

etatpuṇyam asaṃkhyeyam aprameyaṃ mahattaraṃ / sarvair api munīndrair hi saṃkhyātuṃ nāpi śakyate

Sanskrit only: no published translation is held for this verse.

सर्वे व्रतजपुण्यानानि संख्यातुम् अभिशक्यते । तद् एतद्व्रतपुण्यानां संख्यातुं केन शक्यते

sarve vratajapuṇyānāni saṃkhyātum abhiśakyate / tad etadvratapuṇyānāṃ saṃkhyātuṃ kena śakyate

Sanskrit only: no published translation is held for this verse.

यद् एतद्व्रतसादृश्यं कुत्रापि नो हि विद्यते । तद् अधिकं कुतो लोके सर्वत्रापि न दृश्यते

yad etadvratasādṛśyaṃ kutrāpi no hi vidyate / tad adhikaṃ kuto loke sarvatrāpi na dṛśyate

Sanskrit only: no published translation is held for this verse.

ईदृक् पुण्यमहारत्नं त्रैलोक्येष्व् अपि दुर्ल्लभं । त्रिरत्नभजनाद् एव लभ्यते भुवि मानवं

īdṛk puṇyamahāratnaṃ trailokyeṣv api durllabhaṃ / triratnabhajanād eva labhyate bhuvi mānavaṃ

Sanskrit only: no published translation is held for this verse.

तद् एवं त्वं परिज्ञाय त्रिरत्नशरणं गतः । श्रीदेवीं विधिनावाह्य व्रतं चर समाहितः

tad evaṃ tvaṃ parijñāya triratnaśaraṇaṃ gataḥ / śrīdevīṃ vidhināvāhya vrataṃ cara samāhitaḥ

Sanskrit only: no published translation is held for this verse.

एतत्पुण्यानुभावेन सर्वदा सद्गतीं गतः । श्रीसंपत्तिसमापन्नः प्रदाता सुखभृद् भवेत्

etatpuṇyānubhāvena sarvadā sadgatīṃ gataḥ / śrīsaṃpattisamāpannaḥ pradātā sukhabhṛd bhavet

Sanskrit only: no published translation is held for this verse.

त्रिविधां बोधिम् आसाद्य संबुद्धपदम् आप्नुयुः ॥ र्म् ३८।३४८ ४७! ॥ इति हेतोर् महादेव्याः स्वयं त्वं शरणं गतः । व्रतं चरंस् तथा लोके प्रचारय समंततः

trividhāṃ bodhim āsādya saṃbuddhapadam āpnuyuḥ // Rm 38.348 47! // iti hetor mahādevyāḥ svayaṃ tvaṃ śaraṇaṃ gataḥ / vrataṃ caraṃs tathā loke pracāraya samaṃtataḥ

Sanskrit only: no published translation is held for this verse.

इति तया महादेव्याः समादिष्टं निशम्य सः । सेनः कृतांजलिर् नत्वा तां देवीम् एवम् अब्रवीत्

iti tayā mahādevyāḥ samādiṣṭaṃ niśamya saḥ / senaḥ kṛtāṃjalir natvā tāṃ devīm evam abravīt

Sanskrit only: no published translation is held for this verse.

एवं देवि करिष्यामि भवत्याज्ञां शिरो वहन् । तत् प्रसीद महादेव्या धारणीं संप्रदेहि मे

evaṃ devi kariṣyāmi bhavatyājñāṃ śiro vahan / tat prasīda mahādevyā dhāraṇīṃ saṃpradehi me

Sanskrit only: no published translation is held for this verse.

इति संप्रार्थितं तेन श्रुत्वा सा संप्रसादिता । देवी तं सेनम् आलोक्य समामंत्र्यैवम् आदिशत्

iti saṃprārthitaṃ tena śrutvā sā saṃprasāditā / devī taṃ senam ālokya samāmaṃtryaivam ādiśat

Sanskrit only: no published translation is held for this verse.

साधु सेन गृहाण त्वं देव्याया धारणीं वरां । स्वयं पठं परेभ्यो ऽपि देशयस्व यथाविधि

sādhu sena gṛhāṇa tvaṃ devyāyā dhāraṇīṃ varāṃ / svayaṃ paṭhaṃ parebhyo 'pi deśayasva yathāvidhi

Sanskrit only: no published translation is held for this verse.

इत्य् आदिश्याप्सरोरूपा सा श्रीदेवी वसुंधरा । तस्मै सेनासु तां देव्या धारणीं संपठन् ददौ

ity ādiśyāpsarorūpā sā śrīdevī vasuṃdharā / tasmai senāsu tāṃ devyā dhāraṇīṃ saṃpaṭhan dadau

Sanskrit only: no published translation is held for this verse.

स सेनस् तां महादेवीं प्रणत्वा सांजलिर् मुदा । श्रीदेव्या धारणीं विद्यां प्रणत्वा श्रद्धयाददे

sa senas tāṃ mahādevīṃ praṇatvā sāṃjalir mudā / śrīdevyā dhāraṇīṃ vidyāṃ praṇatvā śraddhayādade

Sanskrit only: no published translation is held for this verse.

ततः सा चाप्सरो देवी तस्मै सेनाय सादरं । स पंचामृतगोधूमै पिष्टकं पालने ददौ

tataḥ sā cāpsaro devī tasmai senāya sādaraṃ / sa paṃcāmṛtagodhūmai piṣṭakaṃ pālane dadau

Sanskrit only: no published translation is held for this verse.

तद् दत्तं पिष्टतं तं स सेनो दृष्ट्वा प्रमोदितः । प्रणत्वादाय तं भूपं स्मृत्वा न बुभुजे स्वयं

tad dattaṃ piṣṭataṃ taṃ sa seno dṛṣṭvā pramoditaḥ / praṇatvādāya taṃ bhūpaṃ smṛtvā na bubhuje svayaṃ

Sanskrit only: no published translation is held for this verse.

तदा दिव्यप्सरोरूपं त्यक्त्वा साक्षात् त्रिमूर्त्तिधृक् । चंद्रमण्डलमध्यस्थभद्रघटोपरिस्थिता

tadā divyapsarorūpaṃ tyaktvā sākṣāt trimūrttidhṛk / caṃdramaṇḍalamadhyasthabhadraghaṭoparisthitā

Sanskrit only: no published translation is held for this verse.

दर्शयाम् आस रूपं स्वं प्रभामण्डलवर्त्तितं । अन्या देव्यो ऽपि रूपं स्वं धृत्वा देवीं वसुंधरां

darśayām āsa rūpaṃ svaṃ prabhāmaṇḍalavarttitaṃ / anyā devyo 'pi rūpaṃ svaṃ dhṛtvā devīṃ vasuṃdharāṃ

Sanskrit only: no published translation is held for this verse.

परिवृत्य पुरो धाय पताकाध्वजचामरैः । वीजयंत्यः सर्वदिक्षु तस्थु संप्रोक्तरूपवत्

parivṛtya puro dhāya patākādhvajacāmaraiḥ / vījayaṃtyaḥ sarvadikṣu tasthu saṃproktarūpavat

Sanskrit only: no published translation is held for this verse.

ततः स सेन उत्थाय तां देवीं सगणां मुदा । मुहुर्मुहुर् वद्धगल अष्टाङ्गैः प्रणतिं व्यधात्

tataḥ sa sena utthāya tāṃ devīṃ sagaṇāṃ mudā / muhurmuhur vaddhagala aṣṭāṅgaiḥ praṇatiṃ vyadhāt

Sanskrit only: no published translation is held for this verse.

ततः स सेन आधाय सपंचामृतपिष्टकं । तं जलं च समाधाय सहसा नृपांतिके ययौ

tataḥ sa sena ādhāya sapaṃcāmṛtapiṣṭakaṃ / taṃ jalaṃ ca samādhāya sahasā nṛpāṃtike yayau

Sanskrit only: no published translation is held for this verse.

तत्र स सेन आलोक्य नृपं दुराद् उपागतं । तद् अमृतादिकं सर्वम् उपस्थाप्याप्य् अधौकयत्

tatra sa sena ālokya nṛpaṃ durād upāgataṃ / tad amṛtādikaṃ sarvam upasthāpyāpy adhaukayat

Sanskrit only: no published translation is held for this verse.