इत्य् उक्त्वेयं सखी मे ऽग्रे उपस्थायाप्य् अदर्शयत् । व्रतसूत्रं तद् आलोक्य नत्वागृह्नान् मुदादरात्
ity uktveyaṃ sakhī me 'gre upasthāyāpy adarśayat / vratasūtraṃ tad ālokya natvāgṛhnān mudādarāt
Sanskrit only: no published translation is held for this verse.
ततश् चेयं सखि दृष्ट्वा प्रेम्ना हितार्थवांछिनी । मातेवानुनयं कृत्वा ममाग्रे एवम् अब्रवीत्
tataś ceyaṃ sakhi dṛṣṭvā premnā hitārthavāṃchinī / mātevānunayaṃ kṛtvā mamāgre evam abravīt
Sanskrit only: no published translation is held for this verse.
भवंत्य् अपि तथा श्रद्धाभक्तिमात्रेण सर्वदा । श्रीदेवीं मनसा ध्यात्वा स्मृत्वाराध्य व्रतं चर
bhavaṃty api tathā śraddhābhaktimātreṇa sarvadā / śrīdevīṃ manasā dhyātvā smṛtvārādhya vrataṃ cara
Sanskrit only: no published translation is held for this verse.
इत्य् अस्या वचनं श्रुत्वा तथाहं भक्तिमात्रतः । श्रीदेवीं मनसा ध्यात्वा स्मृत्वाराध्याचरं व्रतं
ity asyā vacanaṃ śrutvā tathāhaṃ bhaktimātrataḥ / śrīdevīṃ manasā dhyātvā smṛtvārādhyācaraṃ vrataṃ
Sanskrit only: no published translation is held for this verse.
तदैका ज्यायसी वृद्धा मातामही तवागता । इत्य् आख्याय शनैर् अत्र ममाग्रे समुपागता
tadaikā jyāyasī vṛddhā mātāmahī tavāgatā / ity ākhyāya śanair atra mamāgre samupāgatā
Sanskrit only: no published translation is held for this verse.
मयापि सादरेणात्र नत्वासने निवेशिता । ततश् च मां समालोक्य कुशलं समपृछत
mayāpi sādareṇātra natvāsane niveśitā / tataś ca māṃ samālokya kuśalaṃ samapṛchata
Sanskrit only: no published translation is held for this verse.
ततश् चासौ परिज्ञाय मयात्र व्रतसाधनं । किं व्रतं सध्यते वत्स इति मां पर्यपृछत
tataś cāsau parijñāya mayātra vratasādhanaṃ / kiṃ vrataṃ sadhyate vatsa iti māṃ paryapṛchata
Sanskrit only: no published translation is held for this verse.
ततस् तां सांजलिर् नत्वा न्यवेदयन् समादरात् । मातामहि नु मे किं चिद् अपि द्रव्यं न विद्यते
tatas tāṃ sāṃjalir natvā nyavedayan samādarāt / mātāmahi nu me kiṃ cid api dravyaṃ na vidyate
Sanskrit only: no published translation is held for this verse.
तद् अहं श्रद्धया भक्तिभावमात्रेण सादरं । श्रीदेवीं मनसा ध्यात्वा स्मृत्वाराध्य व्रतं चरे
tad ahaṃ śraddhayā bhaktibhāvamātreṇa sādaraṃ / śrīdevīṃ manasā dhyātvā smṛtvārādhya vrataṃ care
Sanskrit only: no published translation is held for this verse.
इति मयोदितं श्रुत्वा सा वृद्धा परिमोदिता । तद्व्रतविधिपुण्यानि यथा क्रमम् उपादिशत्
iti mayoditaṃ śrutvā sā vṛddhā parimoditā / tadvratavidhipuṇyāni yathā kramam upādiśat
Sanskrit only: no published translation is held for this verse.
तद् उपादिष्टम् आकर्ण्य मुदिता संप्रमोदिता । सांजलिस् तन्पदाब्जे ऽहं नत्वा तिष्ठम् अधोमुखः
tad upādiṣṭam ākarṇya muditā saṃpramoditā / sāṃjalis tanpadābje 'haṃ natvā tiṣṭham adhomukhaḥ
Sanskrit only: no published translation is held for this verse.
तदा सा तज्ज्यायसी रूपं त्यक्त्वात्र च क्षणाद् अपि । श्रीदेवीमूर्त्तिम् आधाय सगणां समदर्शयत्
tadā sā tajjyāyasī rūpaṃ tyaktvātra ca kṣaṇād api / śrīdevīmūrttim ādhāya sagaṇāṃ samadarśayat
Sanskrit only: no published translation is held for this verse.
अतो ऽहं सहसोत्थाय दृष्ट्वा तां श्रीवसुंधरां । गणवृतां समालोक्य यथाशक्ति समर्च्यं
ato 'haṃ sahasotthāya dṛṣṭvā tāṃ śrīvasuṃdharāṃ / gaṇavṛtāṃ samālokya yathāśakti samarcyaṃ
Sanskrit only: no published translation is held for this verse.
ततः सा श्रीमहदेवी मद्भक्तिपरितोषिता । सगणा मे वरं दत्वा व्यवधानम् इतो ऽव्रजत्
tataḥ sā śrīmahadevī madbhaktiparitoṣitā / sagaṇā me varaṃ datvā vyavadhānam ito 'vrajat
Sanskrit only: no published translation is held for this verse.
ततस् तस्या महालक्ष्म्या कृपादृष्टिप्रसादतः । इदं मे भवनं रम्यं प्रासादं भवते क्षणात्
tatas tasyā mahālakṣmyā kṛpādṛṣṭiprasādataḥ / idaṃ me bhavanaṃ ramyaṃ prāsādaṃ bhavate kṣaṇāt
Sanskrit only: no published translation is held for this verse.
उद्यानं च मनोरम्यं नानापुष्पफलद्रुमैः । पद्मोत्पलादि पुष्पाढ्याः पुष्करिण्यो चोद्भवाः
udyānaṃ ca manoramyaṃ nānāpuṣpaphaladrumaiḥ / padmotpalādi puṣpāḍhyāḥ puṣkariṇyo codbhavāḥ
Sanskrit only: no published translation is held for this verse.
सधातुरत्नजातादि सर्वद्रव्याभिपूरितं । कोष्ठागारं समुद्भूतं सवस्त्रालंकारपूरितं
sadhāturatnajātādi sarvadravyābhipūritaṃ / koṣṭhāgāraṃ samudbhūtaṃ savastrālaṃkārapūritaṃ
Sanskrit only: no published translation is held for this verse.
सर्वव्रीहिसमापूर्णम् षड्ररद्रव्यपूरितं । घृतदधिमधुक्षीरमोदकादिप्रपूरितं
sarvavrīhisamāpūrṇam ṣaḍraradravyapūritaṃ / ghṛtadadhimadhukṣīramodakādiprapūritaṃ
Sanskrit only: no published translation is held for this verse.
विविधपानभोज्यानि पट्टपुष्पासनानि च । फलपुष्पादि भोग्यानि संजायंते क्षणाद् इह
vividhapānabhojyāni paṭṭapuṣpāsanāni ca / phalapuṣpādi bhogyāni saṃjāyaṃte kṣaṇād iha
Sanskrit only: no published translation is held for this verse.
ईदृशी महती संपत् समुद्भूता मम क्षणात् । तत् सर्वं श्रीमहादेव्याः प्रसादाद् अपि नान्यथा
īdṛśī mahatī saṃpat samudbhūtā mama kṣaṇāt / tat sarvaṃ śrīmahādevyāḥ prasādād api nānyathā
Sanskrit only: no published translation is held for this verse.
इति विज्ञाय राजेन्द्र तस्या देव्याः सदा मुदा । श्रद्धया शरणं गत्वा व्रतं चरितुम् अर्हति
iti vijñāya rājendra tasyā devyāḥ sadā mudā / śraddhayā śaraṇaṃ gatvā vrataṃ caritum arhati
Sanskrit only: no published translation is held for this verse.
एतत्पुण्यानुभावेन सर्वदा सद्गतीं व्रजेः । यावद्भवं व्रजेर् नैव दुर्गतीं च कदा चन
etatpuṇyānubhāvena sarvadā sadgatīṃ vrajeḥ / yāvadbhavaṃ vrajer naiva durgatīṃ ca kadā cana
Sanskrit only: no published translation is held for this verse.
सद्गतौ सत्सुखान्य् एव लब्धो सदा शुभे चरन् । त्रिरत्नभजनं कृत्वा बोधिचर्यां चरेत् क्रमात्
sadgatau satsukhāny eva labdho sadā śubhe caran / triratnabhajanaṃ kṛtvā bodhicaryāṃ caret kramāt
Sanskrit only: no published translation is held for this verse.
ततः पारमिताः सर्वाः पूरयित्वा यथाक्रमात् । स्वयं चरं परां चापि बोधिमार्गे नियोजयेत्
tataḥ pāramitāḥ sarvāḥ pūrayitvā yathākramāt / svayaṃ caraṃ parāṃ cāpi bodhimārge niyojayet
Sanskrit only: no published translation is held for this verse.
ततो मारगणान् सर्वां जित्वा शुद्धत्रिमंडलः । अर्हन् संबोधिम् आसाद्य संबुद्धपदम् आप्नुयात्
tato māragaṇān sarvāṃ jitvā śuddhatrimaṃḍalaḥ / arhan saṃbodhim āsādya saṃbuddhapadam āpnuyāt
Sanskrit only: no published translation is held for this verse.
इति तया महादेव्याः समुपादिष्टम् अत्र मे । तच् छ्रुत्वा सर्वदा स्वामि मनो ऽतिरोचते व्रतं
iti tayā mahādevyāḥ samupādiṣṭam atra me / tac chrutvā sarvadā svāmi mano 'tirocate vrataṃ
Sanskrit only: no published translation is held for this verse.
तद् अहं सर्वदा तस्याः श्रीदेव्याः शरणं गता । श्रद्धया भक्तिभावेन चरिष्यामि व्रतं प्रभो
tad ahaṃ sarvadā tasyāḥ śrīdevyāḥ śaraṇaṃ gatā / śraddhayā bhaktibhāvena cariṣyāmi vrataṃ prabho
Sanskrit only: no published translation is held for this verse.
तथा भवान् अपि स्वमिञ् छ्रीदेव्याः शरणं गतः । श्रद्धाभक्तिप्रसन्नात्मा व्रतं चरितुम् अर्हति
tathā bhavān api svamiñ chrīdevyāḥ śaraṇaṃ gataḥ / śraddhābhaktiprasannātmā vrataṃ caritum arhati
Sanskrit only: no published translation is held for this verse.
इति भार्योदितं श्रुत्वा स राजाभ्यनुमोदितः । तथा सदा महादेव्या व्रतं चरितुम् ऐछत
iti bhāryoditaṃ śrutvā sa rājābhyanumoditaḥ / tathā sadā mahādevyā vrataṃ caritum aichata
Sanskrit only: no published translation is held for this verse.
तत्रैवं स महीपालो निम्वदेव्या तया सह । यथाकामं सुखं भुक्त्वा तस्थौ क्रीडन् यथेछया
tatraivaṃ sa mahīpālo nimvadevyā tayā saha / yathākāmaṃ sukhaṃ bhuktvā tasthau krīḍan yathechayā
Sanskrit only: no published translation is held for this verse.
एवं क्रीडन् स राजेन्द्रो निम्वदेव्या सहारतः । तत्रानंदसुखोत्साहैर् न्युवास राज्यनिस्पृतः
evaṃ krīḍan sa rājendro nimvadevyā sahārataḥ / tatrānaṃdasukhotsāhair nyuvāsa rājyanispṛtaḥ
Sanskrit only: no published translation is held for this verse.
तत्रैवं तं महीपालं निम्वदेव्या सह स्थितं । चूडदेवी समाकर्ण्य चुकोपातिप्ररोषिता
tatraivaṃ taṃ mahīpālaṃ nimvadevyā saha sthitaṃ / cūḍadevī samākarṇya cukopātipraroṣitā
Sanskrit only: no published translation is held for this verse.
ततः सा चूडदेवी तं स्वामिनं तत्र संस्थितं । स्वयं गत्वा समाक्रम्य संमानयितुम् ऐछत
tataḥ sā cūḍadevī taṃ svāminaṃ tatra saṃsthitaṃ / svayaṃ gatvā samākramya saṃmānayitum aichata
Sanskrit only: no published translation is held for this verse.
ततः सा क्रोधिता चण्डी चूडदेवी प्रधाविता । व्रजंती सहसा तत्र निम्ववन उपासरत्
tataḥ sā krodhitā caṇḍī cūḍadevī pradhāvitā / vrajaṃtī sahasā tatra nimvavana upāsarat
Sanskrit only: no published translation is held for this verse.
तत्र तद्व्रतनिर्माल्यप्रक्षिप्तः पुष्पसंकुलं । स्थानं सातिप्रकोपांधा लंघित्वा सहसाचरत्
tatra tadvratanirmālyaprakṣiptaḥ puṣpasaṃkulaṃ / sthānaṃ sātiprakopāṃdhā laṃghitvā sahasācarat
Sanskrit only: no published translation is held for this verse.
तल्लंघितातिपापेन सा देवी तत्क्षणाद् अपि । कोलमुखी महाघोररूपाविछंदिता भवत्
tallaṃghitātipāpena sā devī tatkṣaṇād api / kolamukhī mahāghorarūpāvichaṃditā bhavat
Sanskrit only: no published translation is held for this verse.
तत्र तां सहसायातां लोकान् दृष्ट्वा भयोत्थिताः । कोलमुखी प्रविष्टेति शब्दं कृत्वा विचेरिरे
tatra tāṃ sahasāyātāṃ lokān dṛṣṭvā bhayotthitāḥ / kolamukhī praviṣṭeti śabdaṃ kṛtvā vicerire
Sanskrit only: no published translation is held for this verse.
तद् विरावं जनाः सर्वे श्रुत्वा तत्र समुत्थिताः । कोलाहलमहाशब्दं प्रकुर्वन्त उपाद्रुवन्
tad virāvaṃ janāḥ sarve śrutvā tatra samutthitāḥ / kolāhalamahāśabdaṃ prakurvanta upādruvan
Sanskrit only: no published translation is held for this verse.
तत् कोलाहलं शब्दं श्रुत्वा संत्रसिताशया । परायित्वा ततो ऽन्यत्र प्रदुद्राव वनांतरे
tat kolāhalaṃ śabdaṃ śrutvā saṃtrasitāśayā / parāyitvā tato 'nyatra pradudrāva vanāṃtare
Sanskrit only: no published translation is held for this verse.
तत्रैका विभ्रमंती सा दैवसंप्रेरिता वने । निर्जने दुर्गमे ऽरण्ये परिखिन्नाप्य् अधावत
tatraikā vibhramaṃtī sā daivasaṃpreritā vane / nirjane durgame 'raṇye parikhinnāpy adhāvata
Sanskrit only: no published translation is held for this verse.
तथा सा दूरतो गत्वा प्राद्राक्षीत् सरसी द्वयं । दृष्ट्वा सा तत्र तृष्णार्त्ता जलं पातुम् उपाचरत्
tathā sā dūrato gatvā prādrākṣīt sarasī dvayaṃ / dṛṣṭvā sā tatra tṛṣṇārttā jalaṃ pātum upācarat
Sanskrit only: no published translation is held for this verse.
तदा ते सरसी युद्धं परस्परं प्रचक्रतुः । दृष्ट्वा सा विस्मिता ऽपीत्वा जलं तस्थौ सविस्मया
tadā te sarasī yuddhaṃ parasparaṃ pracakratuḥ / dṛṣṭvā sā vismitā 'pītvā jalaṃ tasthau savismayā
Sanskrit only: no published translation is held for this verse.
तत्र ते सरसी दृष्ट्वा तां कोलवदनां स्त्रियं । कुत्र गंतुम् इहैषि त्वम् इत्य् एवं पर्यपृछतां
tatra te sarasī dṛṣṭvā tāṃ kolavadanāṃ striyaṃ / kutra gaṃtum ihaiṣi tvam ity evaṃ paryapṛchatāṃ
Sanskrit only: no published translation is held for this verse.
तत् पृष्टं सा समाकर्ण्य सा शंकविस्मयाहता । किम् एतद् इति संचिंत्य क्षणं तस्थौ विमोहिता
tat pṛṣṭaṃ sā samākarṇya sā śaṃkavismayāhatā / kim etad iti saṃciṃtya kṣaṇaṃ tasthau vimohitā
Sanskrit only: no published translation is held for this verse.
तत्र सा दैवयोगेन प्रतिलभ्य सुचेतनां । किं मयात्रापि वक्तव्यम् इति ध्यात्वा व्यचिंतयत्
tatra sā daivayogena pratilabhya sucetanāṃ / kiṃ mayātrāpi vaktavyam iti dhyātvā vyaciṃtayat
Sanskrit only: no published translation is held for this verse.
हा कथम् इह प्राप्ताहं भ्रमामि निर्जने वने । किं मया प्रकृतं पापं येन भ्रष्टा चराम्य् अहं
hā katham iha prāptāhaṃ bhramāmi nirjane vane / kiṃ mayā prakṛtaṃ pāpaṃ yena bhraṣṭā carāmy ahaṃ
Sanskrit only: no published translation is held for this verse.
हा किं कुर्यां क्व गछेयं सहायैकापि मे ऽस्ति न । सर्वथात्र विनष्टास्मि को मां रक्षेद् इहा ऽधुना
hā kiṃ kuryāṃ kva gacheyaṃ sahāyaikāpi me 'sti na / sarvathātra vinaṣṭāsmi ko māṃ rakṣed ihā 'dhunā
Sanskrit only: no published translation is held for this verse.
इति चिंताविषण्णा सा तस्थौ तत्र निराशिता । ततः सा दैवयोगेन सस्मार श्रीवसुंधरां
iti ciṃtāviṣaṇṇā sā tasthau tatra nirāśitā / tataḥ sā daivayogena sasmāra śrīvasuṃdharāṃ
Sanskrit only: no published translation is held for this verse.
तद् देवीस्मृतिपुण्येन सा कर्मभाविनी सुधीः । यत् स्वयं प्रकृतं कर्म तत् सर्वं पर्य्यबुध्यतां
tad devīsmṛtipuṇyena sā karmabhāvinī sudhīḥ / yat svayaṃ prakṛtaṃ karma tat sarvaṃ paryyabudhyatāṃ
Sanskrit only: no published translation is held for this verse.
हा मया दुर्धिया तत्र सम्यन् न धारितं व्रतं । एतत्पापेन नूनं मे जाते ऽयम् ईदृशी विपत्
hā mayā durdhiyā tatra samyan na dhāritaṃ vrataṃ / etatpāpena nūnaṃ me jāte 'yam īdṛśī vipat
Sanskrit only: no published translation is held for this verse.
तद् अत्र किं करिष्यामि कोलमुखी यतो ऽस्म्य् अहं । तत् तत्र कथं एवं हि प्रतियायं नृपालयं
tad atra kiṃ kariṣyāmi kolamukhī yato 'smy ahaṃ / tat tatra kathaṃ evaṃ hi pratiyāyaṃ nṛpālayaṃ
Sanskrit only: no published translation is held for this verse.
यच् चाहं दुर्मतिर् दुष्टा स्वकृतपापभागिनी । तद् दैवप्रेषिता ह्य् अत्र भ्रमामि निर्जने वने
yac cāhaṃ durmatir duṣṭā svakṛtapāpabhāginī / tad daivapreṣitā hy atra bhramāmi nirjane vane
Sanskrit only: no published translation is held for this verse.
तद् अत्र किं चरेयाहं जीविते ऽपि न मे रुचिः । सर्वेषाम् अपि जंतूनां सर्वत्र मरणं ध्रुवं
tad atra kiṃ careyāhaṃ jīvite 'pi na me ruciḥ / sarveṣām api jaṃtūnāṃ sarvatra maraṇaṃ dhruvaṃ
Sanskrit only: no published translation is held for this verse.
इति मत्वाहम् अत्रापि निरपेक्षः स्वजीविते । श्रीदेव्या दर्शनं कर्त्तुं स्मृत्वा गछेय सांप्रतं
iti matvāham atrāpi nirapekṣaḥ svajīvite / śrīdevyā darśanaṃ karttuṃ smṛtvā gacheya sāṃprataṃ
Sanskrit only: no published translation is held for this verse.
इति निश्चित्य सा राज्ञी चूडदेवी समुद्यता । श्रीदेव्या दर्शनं कर्तुं स्मृत्वा चरितुम् ऐछत
iti niścitya sā rājñī cūḍadevī samudyatā / śrīdevyā darśanaṃ kartuṃ smṛtvā caritum aichata
Sanskrit only: no published translation is held for this verse.
उपेत्य तज् जलं पीत्वा तीरे स्थित्वैवम् अब्रवीत्
upetya taj jalaṃ pītvā tīre sthitvaivam abravīt
Sanskrit only: no published translation is held for this verse.
सरसी यद् अहं मूढा दुर्मती मंदभागिनी । तच् छ्रीवसुंधरां देवीं द्रष्टुम् इहाव्रजामि हि
sarasī yad ahaṃ mūḍhā durmatī maṃdabhāginī / tac chrīvasuṃdharāṃ devīṃ draṣṭum ihāvrajāmi hi
Sanskrit only: no published translation is held for this verse.
इति तयोदितं श्रुत्वा पुष्करिण्याव् उभे ऽपि ते । तां राज्ञीं समुपामंत्र्य नृगिरैवम् अभाषतां
iti tayoditaṃ śrutvā puṣkariṇyāv ubhe 'pi te / tāṃ rājñīṃ samupāmaṃtrya nṛgiraivam abhāṣatāṃ
Sanskrit only: no published translation is held for this verse.
साधु साधु महाभागे व्रजास्तु मंगलं तव । पुन नौ वचसा देवीम् एवं पृछ त्वम् आदरात्
sādhu sādhu mahābhāge vrajāstu maṃgalaṃ tava / puna nau vacasā devīm evaṃ pṛcha tvam ādarāt
Sanskrit only: no published translation is held for this verse.
केनावां हेतुना युद्धं कृत्वा तिष्ठावहे सदा
kenāvāṃ hetunā yuddhaṃ kṛtvā tiṣṭhāvahe sadā
Sanskrit only: no published translation is held for this verse.
इत्य् एतत् कथितं ताभ्यां श्रुत्वा राज्ञी तथेति सा । प्रतिज्ञाय तत्रान्यत्र स्वदैवप्रेषिताचरत्
ity etat kathitaṃ tābhyāṃ śrutvā rājñī tatheti sā / pratijñāya tatrānyatra svadaivapreṣitācarat
Sanskrit only: no published translation is held for this verse.
तत्रारण्ये भ्रमंती सा किं चिद् दूरं गता ततः । महांतं शूकरं घोरं ददर्श भीषणाकृतिं
tatrāraṇye bhramaṃtī sā kiṃ cid dūraṃ gatā tataḥ / mahāṃtaṃ śūkaraṃ ghoraṃ dadarśa bhīṣaṇākṛtiṃ
Sanskrit only: no published translation is held for this verse.
तत्र सा दूरतः स्थित्वा पश्यंस् तं भीमशूकरं । मात्रा तिष्ठ व्रजान्यत्र सहसेति तम् अब्रवीत्
tatra sā dūrataḥ sthitvā paśyaṃs taṃ bhīmaśūkaraṃ / mātrā tiṣṭha vrajānyatra sahaseti tam abravīt
Sanskrit only: no published translation is held for this verse.
इति तेनोदितं श्रुत्वा स शूकरः समुत्थितः । सहसोपेत्य तां राज्ञीं समालोक्यैवम् अब्रवीत्
iti tenoditaṃ śrutvā sa śūkaraḥ samutthitaḥ / sahasopetya tāṃ rājñīṃ samālokyaivam abravīt
Sanskrit only: no published translation is held for this verse.
का त्वं कुत इहायासि कुत्र गंतुं प्रधावसि । एकाकिनी कथं भ्रांतो वन एतद् वदस्व मे
kā tvaṃ kuta ihāyāsi kutra gaṃtuṃ pradhāvasi / ekākinī kathaṃ bhrāṃto vana etad vadasva me
Sanskrit only: no published translation is held for this verse.
इति तेनोदितं श्रुत्वा सा देवी प्रतिचित्रिता । शनैर् उपेत्य तं प्रेतं संपश्यन्न् एवम् अब्रवीत्
iti tenoditaṃ śrutvā sā devī praticitritā / śanair upetya taṃ pretaṃ saṃpaśyann evam abravīt
Sanskrit only: no published translation is held for this verse.
सूर्योदयनरेन्द्रस्य भार्याहं महिषी प्रिया । श्रीदेव्या दर्शनं कर्तुं वांछंतीह समाव्रजे
sūryodayanarendrasya bhāryāhaṃ mahiṣī priyā / śrīdevyā darśanaṃ kartuṃ vāṃchaṃtīha samāvraje
Sanskrit only: no published translation is held for this verse.
इति तद् गदितं श्रुत्वा शूकरः सो ऽतिविस्मितः । तां देवीं समुपाश्रित्य पश्यन्न् एवम् अभाषत
iti tad gaditaṃ śrutvā śūkaraḥ so 'tivismitaḥ / tāṃ devīṃ samupāśritya paśyann evam abhāṣata
Sanskrit only: no published translation is held for this verse.
साधु साध्वि महाभागे व्रजास्तु ते सुमंगलं । तां श्रीभगवतीदेवीं मन्नाम्ना प्रणमादरात्
sādhu sādhvi mahābhāge vrajāstu te sumaṃgalaṃ / tāṃ śrībhagavatīdevīṃ mannāmnā praṇamādarāt
Sanskrit only: no published translation is held for this verse.
भूयो मे वचसा साध्वी तां देवीं परिपृछतां । केनाहं शूकरीभूतस् तिष्ठामीति भवंत्य् अपि
bhūyo me vacasā sādhvī tāṃ devīṃ paripṛchatāṃ / kenāhaṃ śūkarībhūtas tiṣṭhāmīti bhavaṃty api
Sanskrit only: no published translation is held for this verse.
एतत् तत् कथितं श्रुत्वा चूडदेवी तथेति सा । प्रतिज्ञाय ततो ऽन्यत्र व्रजंती सहसाचरत्
etat tat kathitaṃ śrutvā cūḍadevī tatheti sā / pratijñāya tato 'nyatra vrajaṃtī sahasācarat
Sanskrit only: no published translation is held for this verse.
तत्र सूचीमुखप्रेतम् अस्थिकायं महोदरं । स्वकेशरोमसंछन्नम् अपश्यद् दूरतो वने
tatra sūcīmukhapretam asthikāyaṃ mahodaraṃ / svakeśaromasaṃchannam apaśyad dūrato vane
Sanskrit only: no published translation is held for this verse.
तत्र स प्रेत आलोक्य तां देवीं समुपागतां । सहसोपेत्य संपश्यन् पुरस्थ एवम् अब्रवीत्
tatra sa preta ālokya tāṃ devīṃ samupāgatāṃ / sahasopetya saṃpaśyan purastha evam abravīt
Sanskrit only: no published translation is held for this verse.
को त्वं कुत इहायासि कुत्र गंतुम् इहागता । निःसहाया कथं भ्रांता चरते तद् वदस्व मे
ko tvaṃ kuta ihāyāsi kutra gaṃtum ihāgatā / niḥsahāyā kathaṃ bhrāṃtā carate tad vadasva me
Sanskrit only: no published translation is held for this verse.
इति तत् कथितं श्रुत्वा सा देवी विस्मयान्विता । शनैर् उपेत्य तं प्रेतं पश्यंत्य् एवम् अवोचत
iti tat kathitaṃ śrutvā sā devī vismayānvitā / śanair upetya taṃ pretaṃ paśyaṃty evam avocata
Sanskrit only: no published translation is held for this verse.
सूर्योदयमहीभर्त्तु भार्याहं महिषी सती । श्रीदेव्या दर्शने गंतुं पथानेनाव्रजामि हि
sūryodayamahībharttu bhāryāhaṃ mahiṣī satī / śrīdevyā darśane gaṃtuṃ pathānenāvrajāmi hi
Sanskrit only: no published translation is held for this verse.
इति तद् उदितं श्रुत्वा स प्रेतो ऽतिविचित्रितः । तां देवीं सांजलिर् नत्वा पुर एवम् अवोचत
iti tad uditaṃ śrutvā sa preto 'tivicitritaḥ / tāṃ devīṃ sāṃjalir natvā pura evam avocata
Sanskrit only: no published translation is held for this verse.
साधु साध्वि महाभागे चरास्तु ते सुभद्रकं । तां श्रीभगवतीलक्ष्मीं मन्नाम्ना प्रणमादरात्
sādhu sādhvi mahābhāge carāstu te subhadrakaṃ / tāṃ śrībhagavatīlakṣmīṃ mannāmnā praṇamādarāt
Sanskrit only: no published translation is held for this verse.
केनाहं पापकेनैवं तिष्ठामि दुःखभागिनी
kenāhaṃ pāpakenaivaṃ tiṣṭhāmi duḥkhabhāginī
Sanskrit only: no published translation is held for this verse.
एतत् तत् कथितं श्रुत्वा चूडदेवी तथेति सा । प्रतिश्रुत्य गतान्यत्र प्राद्राक्षीद् दशपापिनः
etat tat kathitaṃ śrutvā cūḍadevī tatheti sā / pratiśrutya gatānyatra prādrākṣīd daśapāpinaḥ
Sanskrit only: no published translation is held for this verse.
ते ऽपि तां समुपायातां दृष्ट्वोपेत्येवम् अब्रुवन् । का त्वं कुत इहायासि कुत्र गंतुं च तद् वद
te 'pi tāṃ samupāyātāṃ dṛṣṭvopetyevam abruvan / kā tvaṃ kuta ihāyāsi kutra gaṃtuṃ ca tad vada
Sanskrit only: no published translation is held for this verse.
इति तैर् गदितं श्रुत्वा सा देवी समुपास्थिता । तान् सर्वान् पापिनो दृष्ट्वा पुर एवम् अभाषत
iti tair gaditaṃ śrutvā sā devī samupāsthitā / tān sarvān pāpino dṛṣṭvā pura evam abhāṣata
Sanskrit only: no published translation is held for this verse.
सूर्योदयनरेन्द्रस्य भार्याहं महिषी प्रिया । श्रीदेव्या दर्शने गंतुं पथानेनाव्रजाम्य् अहं
sūryodayanarendrasya bhāryāhaṃ mahiṣī priyā / śrīdevyā darśane gaṃtuṃ pathānenāvrajāmy ahaṃ
Sanskrit only: no published translation is held for this verse.
इति तद् गदितं श्रुत्वा सर्वे ते दशपापिनः । कृतांजलिपुटा नत्वा तां देवीम् एवम् अब्रुवन्
iti tad gaditaṃ śrutvā sarve te daśapāpinaḥ / kṛtāṃjalipuṭā natvā tāṃ devīm evam abruvan
Sanskrit only: no published translation is held for this verse.
साधु देवी महाभागे प्रव्रजास्तु जयं तव । अस्माकं प्रकृतं पापं तां देवीं परिपृछतु
sādhu devī mahābhāge pravrajāstu jayaṃ tava / asmākaṃ prakṛtaṃ pāpaṃ tāṃ devīṃ paripṛchatu
Sanskrit only: no published translation is held for this verse.
इति तद् देशितं श्रुत्वा चूडदेवी तथेति सा । ततो ऽन्यत्र व्रजंत्य् एवं ददर्श कृष्णपंनगं
iti tad deśitaṃ śrutvā cūḍadevī tatheti sā / tato 'nyatra vrajaṃty evaṃ dadarśa kṛṣṇapaṃnagaṃ
Sanskrit only: no published translation is held for this verse.
तत्र स कृष्णसर्पस् ताम् आलोक्य समुपागतां । सहसा समुपाक्रम्य विषाग्निनात्यतापयत्
tatra sa kṛṣṇasarpas tām ālokya samupāgatāṃ / sahasā samupākramya viṣāgninātyatāpayat
Sanskrit only: no published translation is held for this verse.
ततः सा मूर्छिता देवी चिरात् स्वयं समुत्थिता । तां श्रीवसुंधरां स्मृत्वा तत्र तस्थौ क्षणं तथा
tataḥ sā mūrchitā devī cirāt svayaṃ samutthitā / tāṃ śrīvasuṃdharāṃ smṛtvā tatra tasthau kṣaṇaṃ tathā
Sanskrit only: no published translation is held for this verse.
ततः सा सुंदरीरूपा त्यक्तकोलमुखाभवत् । कालसर्पः स ताम् आह का त्वं कुतः समागता
tataḥ sā suṃdarīrūpā tyaktakolamukhābhavat / kālasarpaḥ sa tām āha kā tvaṃ kutaḥ samāgatā
Sanskrit only: no published translation is held for this verse.
चूडदेवी ततः प्राह सूर्योदयप्रियास्म्य् अहं । श्रीदेवीदर्शनार्थं तु आगता मान्यथ फणि
cūḍadevī tataḥ prāha sūryodayapriyāsmy ahaṃ / śrīdevīdarśanārthaṃ tu āgatā mānyatha phaṇi
Sanskrit only: no published translation is held for this verse.
ततः पातकमुक्ता सा प्रचरंती बुभुक्षिता । बीजपूरकम् आलोक्य तद् आदातुम् उपाचरत्
tataḥ pātakamuktā sā pracaraṃtī bubhukṣitā / bījapūrakam ālokya tad ādātum upācarat
Sanskrit only: no published translation is held for this verse.
तत्र तत् फलम् आलोक्य हस्ताभ्यां सहसाग्रहीत् । तस्य हि दैवयोगेन तत्फलं न व्यमुंच्यत
tatra tat phalam ālokya hastābhyāṃ sahasāgrahīt / tasya hi daivayogena tatphalaṃ na vyamuṃcyata
Sanskrit only: no published translation is held for this verse.
तत्र सा तत्फले लग्नहस्ता तस्थौ तथा क्षणं । ततः सा त्रसिता दृष्ट्वा न गृह्नामीति चावदत्
tatra sā tatphale lagnahastā tasthau tathā kṣaṇaṃ / tataḥ sā trasitā dṛṣṭvā na gṛhnāmīti cāvadat
Sanskrit only: no published translation is held for this verse.
एतद् उक्ते भुजौ तस्यास् तत् फलं सहसात्यजत् । ततः सा विस्मितान्य्र भ्रमंती दूरतो ऽव्रजत्
etad ukte bhujau tasyās tat phalaṃ sahasātyajat / tataḥ sā vismitānyra bhramaṃtī dūrato 'vrajat
Sanskrit only: no published translation is held for this verse.
ततः सा दूरतो नद्याः शब्दं श्रुत्वा प्रधाविता । स्वदैवप्रेषिता तत्र तीरम् अवापतत् क्षणात्
tataḥ sā dūrato nadyāḥ śabdaṃ śrutvā pradhāvitā / svadaivapreṣitā tatra tīram avāpatat kṣaṇāt
Sanskrit only: no published translation is held for this verse.
तत्र सा तज् जलं पातुं सहसा समुपाचरत् । तत्र सा तज् जलं पीत्वा स्नात्वा चैव समाश्रयत्
tatra sā taj jalaṃ pātuṃ sahasā samupācarat / tatra sā taj jalaṃ pītvā snātvā caiva samāśrayat
Sanskrit only: no published translation is held for this verse.
तत्र सा दूरतः पूर्णहेमघटशिरोवहाः । सुरांगणाः सुभद्रांगा ददर्श समुपागताः
tatra sā dūrataḥ pūrṇahemaghaṭaśirovahāḥ / surāṃgaṇāḥ subhadrāṃgā dadarśa samupāgatāḥ
Sanskrit only: no published translation is held for this verse.
तत्र सा ताः समालोक्य सहसोपेत्य सांजलिः । प्रणत्वा समुपासीना समीक्ष्यैवम् अपृछत
tatra sā tāḥ samālokya sahasopetya sāṃjaliḥ / praṇatvā samupāsīnā samīkṣyaivam apṛchata
Sanskrit only: no published translation is held for this verse.
अहो भाग्यं मया लब्धं यद् भवत्यात्र दर्शिता । तद् दृष्ट्वा कृपया सर्वा स्नातुम् अर्हन्ति सर्वथा
aho bhāgyaṃ mayā labdhaṃ yad bhavatyātra darśitā / tad dṛṣṭvā kṛpayā sarvā snātum arhanti sarvathā
Sanskrit only: no published translation is held for this verse.
भवंत्यो ऽमृतसंपूर्णहैमघटशिरोवहाः । कुत्र गंतुं चरंत्य् अत्र सत्यम् एतद् वदंतु मे
bhavaṃtyo 'mṛtasaṃpūrṇahaimaghaṭaśirovahāḥ / kutra gaṃtuṃ caraṃty atra satyam etad vadaṃtu me
Sanskrit only: no published translation is held for this verse.
इति तयोदितं श्रुत्वा तासाम् एका प्रधानिका । सालोक्य चूडदेवीं तां समामंत्र्यैवम् अब्रवीत्
iti tayoditaṃ śrutvā tāsām ekā pradhānikā / sālokya cūḍadevīṃ tāṃ samāmaṃtryaivam abravīt
Sanskrit only: no published translation is held for this verse.
भद्रे त्वं न जानासि या श्रीदेवी वसुंधराः । तस्या इमे ऽमृता पूर्णा नीयंते स्नपने घटाः
bhadre tvaṃ na jānāsi yā śrīdevī vasuṃdharāḥ / tasyā ime 'mṛtā pūrṇā nīyaṃte snapane ghaṭāḥ
Sanskrit only: no published translation is held for this verse.
देवीस्नानोदकैः सर्वैर् एषा नदी वहत्य् अपि । एतन् नद्यमृतेनात्र नेत्रे प्रक्षाल्य दृश्यतां
devīsnānodakaiḥ sarvair eṣā nadī vahaty api / etan nadyamṛtenātra netre prakṣālya dṛśyatāṃ
Sanskrit only: no published translation is held for this verse.
एवं देव्या तयादिष्टं चूडदेवी निशम्य सा । तथेत्य् अभ्यनुमोदंती तथा कर्तुं समैछत
evaṃ devyā tayādiṣṭaṃ cūḍadevī niśamya sā / tathety abhyanumodaṃtī tathā kartuṃ samaichata
Sanskrit only: no published translation is held for this verse.
ततः सा तन् नदीतीरे स्थित्वामृतेन चक्षुषी । संप्रक्षाल्य ततः सस्ने पपौ तद् अमृतं मुदा
tataḥ sā tan nadītīre sthitvāmṛtena cakṣuṣī / saṃprakṣālya tataḥ sasne papau tad amṛtaṃ mudā
Sanskrit only: no published translation is held for this verse.
ततो निर्मुक्तपापा सा चूडदेवी पवित्रिता । सुदृष्टिर् अभवत् तत्र समंताप्रतिहतेक्षणः
tato nirmuktapāpā sā cūḍadevī pavitritā / sudṛṣṭir abhavat tatra samaṃtāpratihatekṣaṇaḥ
Sanskrit only: no published translation is held for this verse.
तत्रस्था चूडदेवी सा प्राद्राक्षीत् तत् क्षणाद् अपि । श्रीवसुधां महादेवीं सगणां मण्डलास्थितां
tatrasthā cūḍadevī sā prādrākṣīt tat kṣaṇād api / śrīvasudhāṃ mahādevīṃ sagaṇāṃ maṇḍalāsthitāṃ
Sanskrit only: no published translation is held for this verse.
तत्र तां श्रीमहादेवीं दृष्ट्वा सा प्रतिमंडिता । सहसा सांजलिर् नत्वा पश्यंती समुपाचरत्
tatra tāṃ śrīmahādevīṃ dṛṣṭvā sā pratimaṃḍitā / sahasā sāṃjalir natvā paśyaṃtī samupācarat
Sanskrit only: no published translation is held for this verse.
तत्र सा समुपेत्याशु कृत्वा प्रदक्षिणां मुदा । सगणां स महादेवीं प्रणनाम कृतांजलिः
tatra sā samupetyāśu kṛtvā pradakṣiṇāṃ mudā / sagaṇāṃ sa mahādevīṃ praṇanāma kṛtāṃjaliḥ
Sanskrit only: no published translation is held for this verse.
ततः सा श्रीमहादेवी चूडदेवीं समीक्स्य तां । स्वागतासि समेहि त्वम् इत्य् एवं समभाषत
tataḥ sā śrīmahādevī cūḍadevīṃ samīksya tāṃ / svāgatāsi samehi tvam ity evaṃ samabhāṣata
Sanskrit only: no published translation is held for this verse.
एवं देव्या तयादिष्टं चूडदेवी निशम्य सा । सांजलिर् अश्रु मोचंती देव्याः पादाम्बुजे ऽपतत्
evaṃ devyā tayādiṣṭaṃ cūḍadevī niśamya sā / sāṃjalir aśru mocaṃtī devyāḥ pādāmbuje 'patat
Sanskrit only: no published translation is held for this verse.
ततः सा श्रीवसुंधारा महादेवी विलोक्य तां । पादाब्जे पतितां धृत्वा समाश्वास्यैवम् आदिशत्
tataḥ sā śrīvasuṃdhārā mahādevī vilokya tāṃ / pādābje patitāṃ dhṛtvā samāśvāsyaivam ādiśat
Sanskrit only: no published translation is held for this verse.
भागिनि भद्र उत्तिष्ठ धैर्यम् आलंव्य पश्यतां । मा विषीद प्रसीदात्र पूरयामि तवैहितं
bhāgini bhadra uttiṣṭha dhairyam ālaṃvya paśyatāṃ / mā viṣīda prasīdātra pūrayāmi tavaihitaṃ
Sanskrit only: no published translation is held for this verse.
एतत् तया महादेव्या समादिष्टं निशम्य सा । चूडदेवी प्रसन्नास्या प्रणत्वैवं न्यवेदयत्
etat tayā mahādevyā samādiṣṭaṃ niśamya sā / cūḍadevī prasannāsyā praṇatvaivaṃ nyavedayat
Sanskrit only: no published translation is held for this verse.
भगवति जगद्भर्त्ति वसुधारे महेश्वरि । भवत्याः शरणं यामि क्षमस्व मे ऽपराधतां
bhagavati jagadbhartti vasudhāre maheśvari / bhavatyāḥ śaraṇaṃ yāmi kṣamasva me 'parādhatāṃ
Sanskrit only: no published translation is held for this verse.
प्रसीद मे महादेवि कृपानुग्रहतां कुरु । यन् मया प्रकृतं पापं तत् सर्वं क्षंतुम् अर्हति
prasīda me mahādevi kṛpānugrahatāṃ kuru / yan mayā prakṛtaṃ pāpaṃ tat sarvaṃ kṣaṃtum arhati
Sanskrit only: no published translation is held for this verse.
यद् एतद् दूरतो चाहं समायातास्म्य् अविघ्नतः । तद् भवत्याः प्रसादेन नान्यथेति हि मन्यते
yad etad dūrato cāhaṃ samāyātāsmy avighnataḥ / tad bhavatyāḥ prasādena nānyatheti hi manyate
Sanskrit only: no published translation is held for this verse.
तद् इह ते महादेव्या श्रद्धया शरणास्थिता । व्रतं चरितुम् इछामि तत् प्रसीद कृपानिधे
tad iha te mahādevyā śraddhayā śaraṇāsthitā / vrataṃ caritum ichāmi tat prasīda kṛpānidhe
Sanskrit only: no published translation is held for this verse.
इति तयार्थितं श्रुत्वा सा श्रीदेवी वसुंधरा । तां श्रद्धाभिसंशुद्धां समालोक्यैवम् आदिशत्
iti tayārthitaṃ śrutvā sā śrīdevī vasuṃdharā / tāṃ śraddhābhisaṃśuddhāṃ samālokyaivam ādiśat
Sanskrit only: no published translation is held for this verse.
साधु वत्से पुनर् गत्वा स्वपुरे स्वामिना सह । आचार्येण यथादिष्टं व्रतं कुरु समाहित
sādhu vatse punar gatvā svapure svāminā saha / ācāryeṇa yathādiṣṭaṃ vrataṃ kuru samāhita
Sanskrit only: no published translation is held for this verse.