तदा तत्र गृहे ते ऽहं स्वयम् आगत्य संस्थिता । करिष्यामि सदा भद्रं सर्वत्र निरुपद्रवं
tadā tatra gṛhe te 'haṃ svayam āgatya saṃsthitā / kariṣyāmi sadā bhadraṃ sarvatra nirupadravaṃ
Sanskrit only: no published translation is held for this verse.
Ratnamālāvadāna 38
तदा ते सर्वदा गेहे देहे च मंगलं भवेत् । ततः सर्वार्थसंपत्तिः परिवृद्धाः सुसंस्थिता
tadā te sarvadā gehe dehe ca maṃgalaṃ bhavet / tataḥ sarvārthasaṃpattiḥ parivṛddhāḥ susaṃsthitā
Sanskrit only: no published translation is held for this verse.
ततस् तद् अर्थम् आदाय देहे ऽर्थिभ्यो यथेप्सितं । त्रिरत्नभजनं कृत्वा चरस्व सर्वदा शुभे
tatas tad artham ādāya dehe 'rthibhyo yathepsitaṃ / triratnabhajanaṃ kṛtvā carasva sarvadā śubhe
Sanskrit only: no published translation is held for this verse.
तथा संपारपूर्य त्वं सर्वाः पारमिताः क्रमात् । त्रिविधां बोधिम् आसाद्य संबुद्धपदम् आप्स्यसि
tathā saṃpārapūrya tvaṃ sarvāḥ pāramitāḥ kramāt / trividhāṃ bodhim āsādya saṃbuddhapadam āpsyasi
Sanskrit only: no published translation is held for this verse.
एतद् देव्या समादिष्टं चूडदेवी निशम्य सा । तथेत्य् अभ्यनुमोदंती प्रत्यश्रोषीत् प्रणामिता
etad devyā samādiṣṭaṃ cūḍadevī niśamya sā / tathety abhyanumodaṃtī pratyaśroṣīt praṇāmitā
Sanskrit only: no published translation is held for this verse.
ततः सा चूडदेवी च तां श्रीदेवीं वसुंधरां । सुप्रसन्ना समानम्य समीक्ष्यैवं न्यवेदयत्
tataḥ sā cūḍadevī ca tāṃ śrīdevīṃ vasuṃdharāṃ / suprasannā samānamya samīkṣyaivaṃ nyavedayat
Sanskrit only: no published translation is held for this verse.
यन् मार्गस्थितैर् लोकैः संदर्शितं वचो ऽस्ति मे । ददेहं प्रष्टुम् इछामि भगवति समादिश
yan mārgasthitair lokaiḥ saṃdarśitaṃ vaco 'sti me / dadehaṃ praṣṭum ichāmi bhagavati samādiśa
Sanskrit only: no published translation is held for this verse.
मार्गे ऽहं सरसी दृष्ट्वा जलं पातुम् उपाचरं । तदा ते सरसी युद्धं प्राकुर्वतां परस्परं
mārge 'haṃ sarasī dṛṣṭvā jalaṃ pātum upācaraṃ / tadā te sarasī yuddhaṃ prākurvatāṃ parasparaṃ
Sanskrit only: no published translation is held for this verse.
ततस् ते विग्रहांते मां दृष्ट्वैवं पर्यपृछतां । कुत्र गंतुम् इहायासि तत् सत्यं कथ्यताम् इति
tatas te vigrahāṃte māṃ dṛṣṭvaivaṃ paryapṛchatāṃ / kutra gaṃtum ihāyāsi tat satyaṃ kathyatām iti
Sanskrit only: no published translation is held for this verse.
तच् छ्रुत्वा विस्मयाक्रांतहृदयाहं विलोक्य ते । श्रीदेवीदर्शनं गंतुम् इहैमीत्य् अवदम् अपि
tac chrutvā vismayākrāṃtahṛdayāhaṃ vilokya te / śrīdevīdarśanaṃ gaṃtum ihaimīty avadam api
Sanskrit only: no published translation is held for this verse.
एवं मयोदितं श्रुत्वा सरसी त उभे ऽपि च । मां स कृतांजलिर् नत्वा समीक्ष्यैवम् अभाषतां
evaṃ mayoditaṃ śrutvā sarasī ta ubhe 'pi ca / māṃ sa kṛtāṃjalir natvā samīkṣyaivam abhāṣatāṃ
Sanskrit only: no published translation is held for this verse.
यद् आवां विग्रहं नित्यं कृत्वा तिष्ठावहे मिथः । तन् नो पापेन केनेति श्रीदेवीं परिपृछतु
yad āvāṃ vigrahaṃ nityaṃ kṛtvā tiṣṭhāvahe mithaḥ / tan no pāpena keneti śrīdevīṃ paripṛchatu
Sanskrit only: no published translation is held for this verse.
किं ताभ्यां प्रकृतं पापं यद् एवं विग्रहं मिथः । कृत्वा ते तिष्ठतो देवि तत् समादेष्टुम् अर्हति
kiṃ tābhyāṃ prakṛtaṃ pāpaṃ yad evaṃ vigrahaṃ mithaḥ / kṛtvā te tiṣṭhato devi tat samādeṣṭum arhati
Sanskrit only: no published translation is held for this verse.
इति तयोदितं श्रुत्वा सा श्रीदेवी वसुंधरा । समीक्ष्य चूडदेवीं तां समामंत्र्यैवम् आदिशत्
iti tayoditaṃ śrutvā sā śrīdevī vasuṃdharā / samīkṣya cūḍadevīṃ tāṃ samāmaṃtryaivam ādiśat
Sanskrit only: no published translation is held for this verse.
भगिन्यौ तौ पुराभूतं भोजने समये सदा । आक्रुष्य विग्रहं कृत्वा प्रतिक्षेपं प्रचक्रतुः
bhaginyau tau purābhūtaṃ bhojane samaye sadā / ākruṣya vigrahaṃ kṛtvā pratikṣepaṃ pracakratuḥ
Sanskrit only: no published translation is held for this verse.
तेन पापेन तौ द्वे ऽपि सरसी भूत्वा परस्परं । सर्वदा विग्रहं कृत्वा तिष्ठतः सांप्रतं तथा
tena pāpena tau dve 'pi sarasī bhūtvā parasparaṃ / sarvadā vigrahaṃ kṛtvā tiṣṭhataḥ sāṃprataṃ tathā
Sanskrit only: no published translation is held for this verse.
एवं तयोः पुरः प्रोक्त्वा चित्ते त्वं परिबोधय । एतच् छ्रुत्वैव ते वाक्यं पापान् मुक्त्वै च्यतो दिवं
evaṃ tayoḥ puraḥ proktvā citte tvaṃ paribodhaya / etac chrutvaiva te vākyaṃ pāpān muktvai cyato divaṃ
Sanskrit only: no published translation is held for this verse.
ततो ऽसौ चूडदेवी च नत्वा तां श्रीवसुंधरां । सांजलिः सुप्रसन्नात्मा समीक्ष्येवं न्यवेदयत्
tato 'sau cūḍadevī ca natvā tāṃ śrīvasuṃdharāṃ / sāṃjaliḥ suprasannātmā samīkṣyevaṃ nyavedayat
Sanskrit only: no published translation is held for this verse.
भूयो ऽपि श्रीमहादेवि शूकरो दृश्यते पथि । सो ऽपि मां समुपायातं दृष्ट्वैवं पर्यपृछत
bhūyo 'pi śrīmahādevi śūkaro dṛśyate pathi / so 'pi māṃ samupāyātaṃ dṛṣṭvaivaṃ paryapṛchata
Sanskrit only: no published translation is held for this verse.
कुत्र गंतुम् इहायासि वदस्वेति निशम्य तत् । श्रीदेवीदर्शने गंतुम् इहैमीत्य् अवदम् अहं
kutra gaṃtum ihāyāsi vadasveti niśamya tat / śrīdevīdarśane gaṃtum ihaimīty avadam ahaṃ
Sanskrit only: no published translation is held for this verse.
ततः स शूकरश् चाहं प्ररुदत् पुरातो मम । किं मया प्रकृतं पापम् इति देव्य् अभिपृछ्यतां
tataḥ sa śūkaraś cāhaṃ prarudat purāto mama / kiṃ mayā prakṛtaṃ pāpam iti devy abhipṛchyatāṃ
Sanskrit only: no published translation is held for this verse.
किं तेन प्रकृतं पापं पुरा कुत्र कदा कथं । तत् सर्वं समुपादिश्य प्रबोधयतु मे मनः
kiṃ tena prakṛtaṃ pāpaṃ purā kutra kadā kathaṃ / tat sarvaṃ samupādiśya prabodhayatu me manaḥ
Sanskrit only: no published translation is held for this verse.
इति तत् पृछितं श्रुत्वा सा श्रीदेवी वसुंधरा । समीक्ष्य चूडदेवीं तां समामंत्र्यैवम् अब्रवीत्
iti tat pṛchitaṃ śrutvā sā śrīdevī vasuṃdharā / samīkṣya cūḍadevīṃ tāṃ samāmaṃtryaivam abravīt
Sanskrit only: no published translation is held for this verse.
भण्डागारी पुराभूत् स विश्वासघातकः कुधीः । जनेभ्यो भोजनं किं चिद् दत्वा सर्वं गृहे ऽनयत्
bhaṇḍāgārī purābhūt sa viśvāsaghātakaḥ kudhīḥ / janebhyo bhojanaṃ kiṃ cid datvā sarvaṃ gṛhe 'nayat
Sanskrit only: no published translation is held for this verse.
एतत्पापविपाकेन भवति शूकरो ऽधुना । एतत् मया यथाख्यातं तथा तस्य पुरो वद
etatpāpavipākena bhavati śūkaro 'dhunā / etat mayā yathākhyātaṃ tathā tasya puro vada
Sanskrit only: no published translation is held for this verse.
स त्वत्कथितम् आकर्ण्य पापमुक्तो दिवं व्रजेत्
sa tvatkathitam ākarṇya pāpamukto divaṃ vrajet
Sanskrit only: no published translation is held for this verse.
इति देव्या समादिष्टं चूडदेवी निशम्य सा । तथेति प्रतिविज्ञप्य पुनर् एवं न्यवेदयत्
iti devyā samādiṣṭaṃ cūḍadevī niśamya sā / tatheti prativijñapya punar evaṃ nyavedayat
Sanskrit only: no published translation is held for this verse.
पुनर् मार्गे मया दृष्टः प्रेतः सूचीमुखो महान् । किं तेन प्रकृतं पापं तव देवि समादिश
punar mārge mayā dṛṣṭaḥ pretaḥ sūcīmukho mahān / kiṃ tena prakṛtaṃ pāpaṃ tava devi samādiśa
Sanskrit only: no published translation is held for this verse.
इति तत् कथितं श्रुत्वा सा श्रीदेवी महेश्वरी । समीक्ष्य चूडदेवीं तां समामंत्र्यैवम् अब्रवीत्
iti tat kathitaṃ śrutvā sā śrīdevī maheśvarī / samīkṣya cūḍadevīṃ tāṃ samāmaṃtryaivam abravīt
Sanskrit only: no published translation is held for this verse.
पुरा स ब्राह्मणो विद्वान् वेदविद् वादसंरतः । सिद्धांतवादिनो बौद्धान् प्रतिक्षिप्याभिनिंदयन्
purā sa brāhmaṇo vidvān vedavid vādasaṃrataḥ / siddhāṃtavādino bauddhān pratikṣipyābhiniṃdayan
Sanskrit only: no published translation is held for this verse.
लोभेर्ष्यामदमात्सर्यपरीतात्मा हि मानिकः । आगृहीतपरिष्कारः स्वार्थातिलालसः कुधीः
lobherṣyāmadamātsaryaparītātmā hi mānikaḥ / āgṛhītapariṣkāraḥ svārthātilālasaḥ kudhīḥ
Sanskrit only: no published translation is held for this verse.
परेभ्यो दत्तम् आलोक्य लोभातिकलुषाशयः । स छिद्रवचसाक्रुष्य बौद्धे दानं न्यवारयत्
parebhyo dattam ālokya lobhātikaluṣāśayaḥ / sa chidravacasākruṣya bauddhe dānaṃ nyavārayat
Sanskrit only: no published translation is held for this verse.
सद्धर्मश्रावकान् सर्वान् दृष्ट्वा स दुरिताशयः । प्रदुष्टवचसाक्षिप्य निंदयन् प्रत्यवारयत्
saddharmaśrāvakān sarvān dṛṣṭvā sa duritāśayaḥ / praduṣṭavacasākṣipya niṃdayan pratyavārayat
Sanskrit only: no published translation is held for this verse.
किं तेन न कृतं पापं सद्धर्मविघ्नकारिणा । त्रिरत्नभजनोत्साहविघाताभ्यनुरागिना
kiṃ tena na kṛtaṃ pāpaṃ saddharmavighnakāriṇā / triratnabhajanotsāhavighātābhyanurāginā
Sanskrit only: no published translation is held for this verse.
एतत्पापविपाकेन ब्राह्मणः स दुराशयः । सूचीमुखो महाकायः प्रेतो भवति सांप्रतं
etatpāpavipākena brāhmaṇaḥ sa durāśayaḥ / sūcīmukho mahākāyaḥ preto bhavati sāṃprataṃ
Sanskrit only: no published translation is held for this verse.
एतन् मया यथाख्यातं तथा तस्य पुरो वद । एतत् ते कथितं श्रुत्वा स्मृतिमान् स सुधीर् भवेत्
etan mayā yathākhyātaṃ tathā tasya puro vada / etat te kathitaṃ śrutvā smṛtimān sa sudhīr bhavet
Sanskrit only: no published translation is held for this verse.
ततः स स्वकृतं पापं सर्वं स्मृत्वादिशन् स्वयं । त्रिरत्नस्मरणं कृत्वा समिछेच् चरितुं शुभे
tataḥ sa svakṛtaṃ pāpaṃ sarvaṃ smṛtvādiśan svayaṃ / triratnasmaraṇaṃ kṛtvā samichec carituṃ śubhe
Sanskrit only: no published translation is held for this verse.
ततो विमुक्तपापः स परिशुद्धाशयः सुधीः । नमो बुद्धाय धर्माय संघायेति वदन् भजेत्
tato vimuktapāpaḥ sa pariśuddhāśayaḥ sudhīḥ / namo buddhāya dharmāya saṃghāyeti vadan bhajet
Sanskrit only: no published translation is held for this verse.
ततस् तत् प्रेतलोकात् स समुत्थाय विकल्पकः । प्रेताशयं परित्यज्य ततो ऽपि हि दिवं व्रजेत्
tatas tat pretalokāt sa samutthāya vikalpakaḥ / pretāśayaṃ parityajya tato 'pi hi divaṃ vrajet
Sanskrit only: no published translation is held for this verse.
इति तस्या महादेव्या समादिष्टं निशम्य सा । चूडदेवी प्रसन्नास्या पुनर् एवं न्यवेदयत्
iti tasyā mahādevyā samādiṣṭaṃ niśamya sā / cūḍadevī prasannāsyā punar evaṃ nyavedayat
Sanskrit only: no published translation is held for this verse.
भूयो ऽपि पथि भो देवि दृश्यते दुःखिता मया । किं किं तैः प्रकृतं पापं तत् सर्वं समुपादिश
bhūyo 'pi pathi bho devi dṛśyate duḥkhitā mayā / kiṃ kiṃ taiḥ prakṛtaṃ pāpaṃ tat sarvaṃ samupādiśa
Sanskrit only: no published translation is held for this verse.
इति संप्रार्थिते राज्ञ्या सा श्रीदेवी वसुंधरा । निशम्य चूडदेवीं तां समीक्ष्यैवम् उपादिशत्
iti saṃprārthite rājñyā sā śrīdevī vasuṃdharā / niśamya cūḍadevīṃ tāṃ samīkṣyaivam upādiśat
Sanskrit only: no published translation is held for this verse.
ते सर्वे पापिनो दुष्टा दशाकुशलचारिणः । अद्यापि दुःखसंतप्ता भ्रमंति भवसागरे
te sarve pāpino duṣṭā daśākuśalacāriṇaḥ / adyāpi duḥkhasaṃtaptā bhramaṃti bhavasāgare
Sanskrit only: no published translation is held for this verse.
यो हत्वा प्राणिनो भुंक्त सो ऽल्पायुष्को भवे भ्रमन् । अद्यापि तद्विपाकेन तिष्ठत्य् एवं सुदुःखितः
yo hatvā prāṇino bhuṃkta so 'lpāyuṣko bhave bhraman / adyāpi tadvipākena tiṣṭhaty evaṃ suduḥkhitaḥ
Sanskrit only: no published translation is held for this verse.
यो ऽदत्तं द्रव्यम् आदाय प्राभुंक्त मिथ्ययाहरन् । स दरिद्रो महादुष्टो भवत्य् अद्यापि दुःखभाक्
yo 'dattaṃ dravyam ādāya prābhuṃkta mithyayāharan / sa daridro mahāduṣṭo bhavaty adyāpi duḥkhabhāk
Sanskrit only: no published translation is held for this verse.
यो मिथ्याकामरागांधो ऽगम्या अपि प्रभुक्तवान् । स स्वेष्टसुजनैस् त्यक्तो भवत्य् अरिवशे स्थितः
yo mithyākāmarāgāṃdho 'gamyā api prabhuktavān / sa sveṣṭasujanais tyakto bhavaty arivaśe sthitaḥ
Sanskrit only: no published translation is held for this verse.
मृषावादेन यो लोकञ् जयन्न् अभ्यवंचयत् । स कुष्ठरोगवान् पूतिगंधवहो भवत्य् अपि
mṛṣāvādena yo lokañ jayann abhyavaṃcayat / sa kuṣṭharogavān pūtigaṃdhavaho bhavaty api
Sanskrit only: no published translation is held for this verse.
पिशुनवचनै यो सन्मित्रभेदं भवे ऽकरोत् । सो पुण्यकलहोन्मादी सर्वशत्रुर् भवत्य् अपि
piśunavacanai yo sanmitrabhedaṃ bhave 'karot / so puṇyakalahonmādī sarvaśatrur bhavaty api
Sanskrit only: no published translation is held for this verse.
यो ऽसौ विभ्रत्सितो लोकैर् दुराकृतिर् दुराशयः । स पारुष्यवचसा लोकात् पुराक्रुय्यत्य् अभंदयत्
yo 'sau vibhratsito lokair durākṛtir durāśayaḥ / sa pāruṣyavacasā lokāt purākruyyaty abhaṃdayat
Sanskrit only: no published translation is held for this verse.
सर्वभिन्नेव वा यो ऽसौ निघ्नितो नाद्रितः कुधीः । स पुरा भिन्नवादेन लोकं भिन्नाशयं व्यधात्
sarvabhinneva vā yo 'sau nighnito nādritaḥ kudhīḥ / sa purā bhinnavādena lokaṃ bhinnāśayaṃ vyadhāt
Sanskrit only: no published translation is held for this verse.
यो ऽसौ विमोहितो मूर्खा विपन्नबुद्धिर् उन्मनाः । साभिध्यायतसा लोके संपत्तीश् छद्मनाहतत्
yo 'sau vimohito mūrkhā vipannabuddhir unmanāḥ / sābhidhyāyatasā loke saṃpattīś chadmanāhatat
Sanskrit only: no published translation is held for this verse.
विद्वेषी दुर्मता मोही यो ऽसौ सज्जनगर्हितः । स व्यापादखिलचित्तेन सत्वापकार उद्यतः
vidveṣī durmatā mohī yo 'sau sajjanagarhitaḥ / sa vyāpādakhilacittena satvāpakāra udyataḥ
Sanskrit only: no published translation is held for this verse.
यो ऽसौ नीचा विषण्णात्मा हीनेंद्रियो दुराशयः । मिथ्यादृष्टि स सद्धर्मम् अधिक्षिप्त्वाभ्यनिंदयत्
yo 'sau nīcā viṣaṇṇātmā hīneṃdriyo durāśayaḥ / mithyādṛṣṭi sa saddharmam adhikṣiptvābhyaniṃdayat
Sanskrit only: no published translation is held for this verse.
इति ये दशा पापानि प्रकुर्वन्तो चरेन् मुदा । सर्वे ते पापिनो दुष्टा भवंति दुःखिनो ऽधुना
iti ye daśā pāpāni prakurvanto caren mudā / sarve te pāpino duṣṭā bhavaṃti duḥkhino 'dhunā
Sanskrit only: no published translation is held for this verse.
एवं मया यथाख्यातं तथा तेषां पुरो वद । एतत् त्वदुक्तम् आकर्ण्य स्मरेयुस् ते पुराकृतं
evaṃ mayā yathākhyātaṃ tathā teṣāṃ puro vada / etat tvaduktam ākarṇya smareyus te purākṛtaṃ
Sanskrit only: no published translation is held for this verse.
ततस् ते दुर्गते भीताः सद्गतीतमनोत्सुकाः । सद्धर्मसाधनं कर्त्तुं समिछेयुः समादरात्
tatas te durgate bhītāḥ sadgatītamanotsukāḥ / saddharmasādhanaṃ karttuṃ samicheyuḥ samādarāt
Sanskrit only: no published translation is held for this verse.
तदा तां पुर आमंत्र्य सर्वान् एवं वदादरात् । यदि चास्ति शुभे वांछा त्रिरत्नं सेव्यताम् इति
tadā tāṃ pura āmaṃtrya sarvān evaṃ vadādarāt / yadi cāsti śubhe vāṃchā triratnaṃ sevyatām iti
Sanskrit only: no published translation is held for this verse.
ततः सर्वे इमे यूयं निर्मुक्तपातका ध्रुवं । सहसा सद्गतौ सौख्यं लभेध्वम् इति चाब्रुहि
tataḥ sarve ime yūyaṃ nirmuktapātakā dhruvaṃ / sahasā sadgatau saukhyaṃ labhedhvam iti cābruhi
Sanskrit only: no published translation is held for this verse.
ततस् ते ते वचः श्रुत्वा सर्वे सत्सौख्य आलसाः । त्रिरत्नशरणं कृत्वा संप्रयायुः सुरालयं
tatas te te vacaḥ śrutvā sarve satsaukhya ālasāḥ / triratnaśaraṇaṃ kṛtvā saṃprayāyuḥ surālayaṃ
Sanskrit only: no published translation is held for this verse.
ये बुद्धे शरणं यांति न ते गंछंति दुर्गतीं । क्रमात् पारमिताः पूर्य संबुद्धपदम् आप्नुयुः
ye buddhe śaraṇaṃ yāṃti na te gaṃchaṃti durgatīṃ / kramāt pāramitāḥ pūrya saṃbuddhapadam āpnuyuḥ
Sanskrit only: no published translation is held for this verse.
शृण्वंति ये च सद्धर्मं न ते गछंति दुर्गतीं । सर्वदा सद्गतिं याताः प्रचरेयुः शुभे मुदा
śṛṇvaṃti ye ca saddharmaṃ na te gachaṃti durgatīṃ / sarvadā sadgatiṃ yātāḥ pracareyuḥ śubhe mudā
Sanskrit only: no published translation is held for this verse.
ये भजंति मुदा संघे ते ऽपि न यांति दुर्गतीं । सदा लोकशुभं कृत्वा संप्रयायुः सुखावतीं
ye bhajaṃti mudā saṃghe te 'pi na yāṃti durgatīṃ / sadā lokaśubhaṃ kṛtvā saṃprayāyuḥ sukhāvatīṃ
Sanskrit only: no published translation is held for this verse.
कालसर्प्पो मया दृष्टो भूयो मार्गे महेश्वरि । किं तेन प्रकृतं पापं तद् वदस्व वसुंधरे
kālasarppo mayā dṛṣṭo bhūyo mārge maheśvari / kiṃ tena prakṛtaṃ pāpaṃ tad vadasva vasuṃdhare
Sanskrit only: no published translation is held for this verse.
देव्य् उवाच पुरा आढ्यो गृहस्थो ऽभूद् विस्तीर्णपरिवारकः । संपदाम् उदयैर् नित्यं दानदस्येव संयुतः
devy uvāca purā āḍhyo gṛhastho 'bhūd vistīrṇaparivārakaḥ / saṃpadām udayair nityaṃ dānadasyeva saṃyutaḥ
Sanskrit only: no published translation is held for this verse.
कस्मै चिद् अपि किंचिद् वा ह्य् अदत्वा बुभुजे स्वयं । सर्वधनस्वकोद्याने स्थापयाम् आस दुर्मतिः
kasmai cid api kiṃcid vā hy adatvā bubhuje svayaṃ / sarvadhanasvakodyāne sthāpayām āsa durmatiḥ
Sanskrit only: no published translation is held for this verse.
पातकेना ऽधुना तेन कृष्णसर्प्पो भवत्य् असौ । तस्यापि पुरतः सर्वं मदादिष्टं तथा वद
pātakenā 'dhunā tena kṛṣṇasarppo bhavaty asau / tasyāpi purataḥ sarvaṃ madādiṣṭaṃ tathā vada
Sanskrit only: no published translation is held for this verse.
सो ऽपि निर्मुक्तपापश् च मृतः स्वर्गं व्रजेद् ध्रुवं
so 'pi nirmuktapāpaś ca mṛtaḥ svargaṃ vrajed dhruvaṃ
Sanskrit only: no published translation is held for this verse.
येनैव यत् कृतं कर्म तेनैव परिभुज्यते । अभुक्तं क्षीयते नैव कर्म क्वापि कदा चन
yenaiva yat kṛtaṃ karma tenaiva paribhujyate / abhuktaṃ kṣīyate naiva karma kvāpi kadā cana
Sanskrit only: no published translation is held for this verse.
इत्य् एतद् एवम् आख्यतं श्रुत्वा त्वं च समादरात् । त्रिरत्नभजनं कृत्वा चर मे व्रतम् उत्तमं
ity etad evam ākhyataṃ śrutvā tvaṃ ca samādarāt / triratnabhajanaṃ kṛtvā cara me vratam uttamaṃ
Sanskrit only: no published translation is held for this verse.
तथा लोकेषु सर्वत्र प्रचारय मम व्रतं । एतत्पुण्यविपाकेन सर्वदा ते भवेच् छुभं
tathā lokeṣu sarvatra pracāraya mama vrataṃ / etatpuṇyavipākena sarvadā te bhavec chubhaṃ
Sanskrit only: no published translation is held for this verse.
ततो बोधिमतिं प्राप्तः पुरायित्वा यथाक्रमं । सर्वाः पारमिता होधिं प्राप्य बुद्धपदं व्रजेः
tato bodhimatiṃ prāptaḥ purāyitvā yathākramaṃ / sarvāḥ pāramitā hodhiṃ prāpya buddhapadaṃ vrajeḥ
Sanskrit only: no published translation is held for this verse.
इति विज्ञाय कल्याणि गत्वा तं स्वपुरे पुनः । श्रद्धया स्वामिना सार्द्धं व्रतं चर समादरात्
iti vijñāya kalyāṇi gatvā taṃ svapure punaḥ / śraddhayā svāminā sārddhaṃ vrataṃ cara samādarāt
Sanskrit only: no published translation is held for this verse.
इत्य् उक्त्वा सा महादेवी सगणा श्रीवसुंधरा । ततश् चांतर्हिता स्वर्गे स्वालयम् आगमद् द्रुतं
ity uktvā sā mahādevī sagaṇā śrīvasuṃdharā / tataś cāṃtarhitā svarge svālayam āgamad drutaṃ
Sanskrit only: no published translation is held for this verse.
तत्र सा चूडदेवी तां सगणां श्रीवसुंधरां । अंतर्धानगतां दृष्ट्वा क्षणं तस्थौ सविस्मया
tatra sā cūḍadevī tāṃ sagaṇāṃ śrīvasuṃdharāṃ / aṃtardhānagatāṃ dṛṣṭvā kṣaṇaṃ tasthau savismayā
Sanskrit only: no published translation is held for this verse.
ततः सा चूडदेवी ताम् सगणां श्रीवसुंधरां । स्मृत्वा कृतांजलिर् नत्वा ततः प्रत्याययौ मुदा
tataḥ sā cūḍadevī tām sagaṇāṃ śrīvasuṃdharāṃ / smṛtvā kṛtāṃjalir natvā tataḥ pratyāyayau mudā
Sanskrit only: no published translation is held for this verse.
ततः सा चूडदेवी तां सगणां श्रीवसुंधरां । मनसानुस्मरन्त्य् एव प्रचरंति न्यवर्त्ततः
tataḥ sā cūḍadevī tāṃ sagaṇāṃ śrīvasuṃdharāṃ / manasānusmaranty eva pracaraṃti nyavarttataḥ
Sanskrit only: no published translation is held for this verse.
तं कृष्णसर्पम् आलोक्य चूडदेवी ब्रवीति सा । देव्या यथा चोपदिष्टं तथा तेन पुराकृतं
taṃ kṛṣṇasarpam ālokya cūḍadevī bravīti sā / devyā yathā copadiṣṭaṃ tathā tena purākṛtaṃ
Sanskrit only: no published translation is held for this verse.
तन्नामस्मरणात् सो हित्यक्त्वा देहं दिवं ययौ । तत्र मार्गे समेत्यासौ चूडदेवी यथाक्रमं । तां दशपापिनः सर्वान् समीक्ष्य समुपाचरत्
tannāmasmaraṇāt so hityaktvā dehaṃ divaṃ yayau / tatra mārge sametyāsau cūḍadevī yathākramaṃ / tāṃ daśapāpinaḥ sarvān samīkṣya samupācarat
Sanskrit only: no published translation is held for this verse.
तत्र सा चूडदेवी तान् दशाकुशलचारिणः । पृष्ट्वा देव्या यथादिष्टं तथा सर्वम् उपादिशत्
tatra sā cūḍadevī tān daśākuśalacāriṇaḥ / pṛṣṭvā devyā yathādiṣṭaṃ tathā sarvam upādiśat
Sanskrit only: no published translation is held for this verse.
तच् छ्रुत्वानुस्मृतिं प्राप्ताः सर्वे ते विस्मयान्विताः । सत्यम् इति प्रभाषंतः श्रीदेवीशरणं ययुः
tac chrutvānusmṛtiṃ prāptāḥ sarve te vismayānvitāḥ / satyam iti prabhāṣaṃtaḥ śrīdevīśaraṇaṃ yayuḥ
Sanskrit only: no published translation is held for this verse.
ततस् ते पापिनः सर्वे श्रीदेवीदृक्प्रभान्विताः । त्रिमण्डलविशुद्धाश् च शुभे चरितुम् ईछिरे
tatas te pāpinaḥ sarve śrīdevīdṛkprabhānvitāḥ / trimaṇḍalaviśuddhāś ca śubhe caritum īchire
Sanskrit only: no published translation is held for this verse.
ततस् ते श्रद्धया नित्यं त्रिरत्नशरणं गताः । तां श्रीवसुंधरां देवीं ध्यात्व व्रतं समाचरन्
tatas te śraddhayā nityaṃ triratnaśaraṇaṃ gatāḥ / tāṃ śrīvasuṃdharāṃ devīṃ dhyātva vrataṃ samācaran
Sanskrit only: no published translation is held for this verse.
ततस् ते शुद्धितात्मानः सर्वे ऽपि निर्मलाशयाः । तत्रैवं तां महादेवीं ध्यात्वा मृता दिवं ययुः
tatas te śuddhitātmānaḥ sarve 'pi nirmalāśayāḥ / tatraivaṃ tāṃ mahādevīṃ dhyātvā mṛtā divaṃ yayuḥ
Sanskrit only: no published translation is held for this verse.
ततश् च चूडदेवी सा प्रचरंती समागता । सूचीमुखं तम् आलोक्य दूरतः समुपाचरत्
tataś ca cūḍadevī sā pracaraṃtī samāgatā / sūcīmukhaṃ tam ālokya dūrataḥ samupācarat
Sanskrit only: no published translation is held for this verse.
तत्र सा सहसा तस्य प्रेतस्य पुरतो गता । श्रीदेव्याः समुपादिष्टं तथा सर्वम् अभाषत
tatra sā sahasā tasya pretasya purato gatā / śrīdevyāḥ samupādiṣṭaṃ tathā sarvam abhāṣata
Sanskrit only: no published translation is held for this verse.
तच् छ्रुत्वा स पुरावृत्तम् अनुस्मृत्वा निचिंतयत् । पश्चात्तापाग्निसंतप्तः क्षणं तस्थौ विनिःश्वसन्
tac chrutvā sa purāvṛttam anusmṛtvā niciṃtayat / paścāttāpāgnisaṃtaptaḥ kṣaṇaṃ tasthau viniḥśvasan
Sanskrit only: no published translation is held for this verse.
स्मरन्ती सांजलिर् नत्वा दिदेश सर्वपातकं
smarantī sāṃjalir natvā dideśa sarvapātakaṃ
Sanskrit only: no published translation is held for this verse.
ततः स परिशुद्धात्मा निमुक्तपातकः सुधीः । श्रीदेवीशरणं गत्वा देहं त्यक्त्वा दिवं ययौ
tataḥ sa pariśuddhātmā nimuktapātakaḥ sudhīḥ / śrīdevīśaraṇaṃ gatvā dehaṃ tyaktvā divaṃ yayau
Sanskrit only: no published translation is held for this verse.
ततश् च चूडदेवी सा प्रचरम्टी समागता । शूकरं तं समालोक्य दूरतः समुपाचरत्
tataś ca cūḍadevī sā pracaramṭī samāgatā / śūkaraṃ taṃ samālokya dūrataḥ samupācarat
Sanskrit only: no published translation is held for this verse.
ततः सोपस्थिता तस्य शूकरस्य पुराकृतं । यथादिष्टं महादिव्या तथा सर्वम् उपादिशत्
tataḥ sopasthitā tasya śūkarasya purākṛtaṃ / yathādiṣṭaṃ mahādivyā tathā sarvam upādiśat
Sanskrit only: no published translation is held for this verse.
तच् छ्रुत्वा शूकरः सो ऽपि समनुस्मृतिम् आप्तवान् । तत्रानुतापसंतप्तः क्षणं तस्थौ विचिंतयन्
tac chrutvā śūkaraḥ so 'pi samanusmṛtim āptavān / tatrānutāpasaṃtaptaḥ kṣaṇaṃ tasthau viciṃtayan
Sanskrit only: no published translation is held for this verse.
ततः स मनसा ध्यात्वा तां श्रीदेवीं वसुंधरां । संस्मृत्वा सांजलिर् नत्वा दिदेश सर्वपातकं
tataḥ sa manasā dhyātvā tāṃ śrīdevīṃ vasuṃdharāṃ / saṃsmṛtvā sāṃjalir natvā dideśa sarvapātakaṃ
Sanskrit only: no published translation is held for this verse.
ततो निर्मुक्तपापो ऽसौ परिशुद्धाशयः सुधीः । श्रीदेवीशरणं गत्वा देहं त्यक्त्वा दिवं ययौ
tato nirmuktapāpo 'sau pariśuddhāśayaḥ sudhīḥ / śrīdevīśaraṇaṃ gatvā dehaṃ tyaktvā divaṃ yayau
Sanskrit only: no published translation is held for this verse.
ततश् च चूडदेवी सा प्रचरंती समागता । दुरात् ते सरसी दृष्ट्वा सहसा समुपासरत्
tataś ca cūḍadevī sā pracaraṃtī samāgatā / durāt te sarasī dṛṣṭvā sahasā samupāsarat
Sanskrit only: no published translation is held for this verse.
तत्र सा समुपासृत्य पुष्करिण्योस् तयोः पुरः । महादेव्या यथादिष्टं तथा सर्वम् उपादिशत्
tatra sā samupāsṛtya puṣkariṇyos tayoḥ puraḥ / mahādevyā yathādiṣṭaṃ tathā sarvam upādiśat
Sanskrit only: no published translation is held for this verse.
तच् छ्रुत्वा पुष्करिण्यौ तौ समनुस्मृतिम् आप्तुः । तत्रानुतापतप्ता तौ निधाय तष्ठतुः क्षणं
tac chrutvā puṣkariṇyau tau samanusmṛtim āptuḥ / tatrānutāpataptā tau nidhāya taṣṭhatuḥ kṣaṇaṃ
Sanskrit only: no published translation is held for this verse.
ततस् ते मनसा ध्यात्वा तं श्रीदेवीवसुंधरां । संस्मृत्वा सांजलिर् नत्वा दिदेशतुः स्वपापकं
tatas te manasā dhyātvā taṃ śrīdevīvasuṃdharāṃ / saṃsmṛtvā sāṃjalir natvā dideśatuḥ svapāpakaṃ
Sanskrit only: no published translation is held for this verse.
ततो विमुक्तपापौ तौ परिशुद्धाशयो द्रुतं । पुष्करिण्याश्रयं त्यक्त्वा प्रययतुः सुरालयं
tato vimuktapāpau tau pariśuddhāśayo drutaṃ / puṣkariṇyāśrayaṃ tyaktvā prayayatuḥ surālayaṃ
Sanskrit only: no published translation is held for this verse.
तत्र सर्वे ऽपि ते स्वर्गे गतास् तत् स्मृतिभाविनः । ध्यात्वा तां श्रीमहादेवीं स्मृत्वा नित्यं प्रभेजिरे
tatra sarve 'pi te svarge gatās tat smṛtibhāvinaḥ / dhyātvā tāṃ śrīmahādevīṃ smṛtvā nityaṃ prabhejire
Sanskrit only: no published translation is held for this verse.
तत्र तेषां महादेव्याः प्रसादाच् छ्री प्रवर्द्धिताः । तच् छ्रीसंपन्महत्सौख्यं भुक्त्वा सर्वे ते ऽरमन्
tatra teṣāṃ mahādevyāḥ prasādāc chrī pravarddhitāḥ / tac chrīsaṃpanmahatsaukhyaṃ bhuktvā sarve te 'raman
Sanskrit only: no published translation is held for this verse.
ततः सा चूडदेवी तान् सर्वान् कृत्वा विमुक्तितान् । स्वदेश्याभिमुखायाता स्व पुरांतिकम् आययौ
tataḥ sā cūḍadevī tān sarvān kṛtvā vimuktitān / svadeśyābhimukhāyātā sva purāṃtikam āyayau
Sanskrit only: no published translation is held for this verse.
तत्र तां समुपायातां दृष्ट्वा लोकाः प्रमोदिताः । सहसा नृपतेर् अग्रे गत्वैवं संन्यवेदयत्
tatra tāṃ samupāyātāṃ dṛṣṭvā lokāḥ pramoditāḥ / sahasā nṛpater agre gatvaivaṃ saṃnyavedayat
Sanskrit only: no published translation is held for this verse.
जय देव महाराज चूडदेवी निवर्त्तिता । तद् भवान् सहसोपेत्य तां समानेतुम् अर्हति
jaya deva mahārāja cūḍadevī nivarttitā / tad bhavān sahasopetya tāṃ samānetum arhati
Sanskrit only: no published translation is held for this verse.
इति निवेदितं तैः स राजा श्रुत्वा प्रमोदितः । सहसा मंत्रिणो ऽमात्यान् समामंत्र्यैवम् आदिशत्
iti niveditaṃ taiḥ sa rājā śrutvā pramoditaḥ / sahasā maṃtriṇo 'mātyān samāmaṃtryaivam ādiśat
Sanskrit only: no published translation is held for this verse.
चूडदेवी समायाता तद् यूयं सहसादरात् । प्रत्युद्गम्य महोत्साहैर् इहानयत तां प्रियां
cūḍadevī samāyātā tad yūyaṃ sahasādarāt / pratyudgamya mahotsāhair ihānayata tāṃ priyāṃ
Sanskrit only: no published translation is held for this verse.
इति राज्ञा समादिष्टं श्रुत्वा ते मंत्रिणो जनाः । अमात्याः सहसा सर्वे तथेत्य् उक्त्वा मुदाचरन्
iti rājñā samādiṣṭaṃ śrutvā te maṃtriṇo janāḥ / amātyāḥ sahasā sarve tathety uktvā mudācaran
Sanskrit only: no published translation is held for this verse.
ततस् ते मंत्रिणो ऽमात्याः सजनाः पौरिका अपि । सर्वे प्रत्युद्गता तत्र चूडदेवी समाययुः
tatas te maṃtriṇo 'mātyāḥ sajanāḥ paurikā api / sarve pratyudgatā tatra cūḍadevī samāyayuḥ
Sanskrit only: no published translation is held for this verse.
तत्र सर्वे ऽपि ते लोका दृष्ट्वा तां सहसादरात् । प्रणत्वा यात आरोप्य महोत्साहैः पुरे ऽनयत्
tatra sarve 'pi te lokā dṛṣṭvā tāṃ sahasādarāt / praṇatvā yāta āropya mahotsāhaiḥ pure 'nayat
Sanskrit only: no published translation is held for this verse.
प्रविश्य मंदिरे राज्ञः स्वामिनः समुपाचरत्
praviśya maṃdire rājñaḥ svāminaḥ samupācarat
Sanskrit only: no published translation is held for this verse.
तत्र सा स्वामिनं दृष्ट्वा सहसोपेत्य सांजलिः । प्रणत्वा स्वामिना तेन सहासने समाश्रयत्
tatra sā svāminaṃ dṛṣṭvā sahasopetya sāṃjaliḥ / praṇatvā svāminā tena sahāsane samāśrayat
Sanskrit only: no published translation is held for this verse.
तत्र स नृपतिः स्वामि तां देवीं सुप्रियां मुदा । संपश्यन् कौशलं पृष्ट्वा पुन एवम् अपृछत
tatra sa nṛpatiḥ svāmi tāṃ devīṃ supriyāṃ mudā / saṃpaśyan kauśalaṃ pṛṣṭvā puna evam apṛchata
Sanskrit only: no published translation is held for this verse.
केन त्वं हेतुना कुत्र गता कुतो ऽधुनागता । एतत् सर्वं समाख्याय मनो मे परिबोधय
kena tvaṃ hetunā kutra gatā kuto 'dhunāgatā / etat sarvaṃ samākhyāya mano me paribodhaya
Sanskrit only: no published translation is held for this verse.
इत्य् एतत् स्वामिना तेनादिष्टं चूडदेवी निशम्य सा । स्वप्रवृत्तांतम् आख्याय मार्गवृत्तिं न्यवेदयत्
ity etat svāminā tenādiṣṭaṃ cūḍadevī niśamya sā / svapravṛttāṃtam ākhyāya mārgavṛttiṃ nyavedayat
Sanskrit only: no published translation is held for this verse.
ततो ऽहं सहसा याता द्रष्टुं देवीं वसुंधरां । तत्र दूरान् नदीशब्दं श्रुत्वाहं समुपाचरं
tato 'haṃ sahasā yātā draṣṭuṃ devīṃ vasuṃdharāṃ / tatra dūrān nadīśabdaṃ śrutvāhaṃ samupācaraṃ
Sanskrit only: no published translation is held for this verse.
तत्र तीरे मया दृष्टा देव्या जलघटावहाः । भवंत्यः कुत आयाता इति पृष्टे ऽवदं च ताः
tatra tīre mayā dṛṣṭā devyā jalaghaṭāvahāḥ / bhavaṃtyaḥ kuta āyātā iti pṛṣṭe 'vadaṃ ca tāḥ
Sanskrit only: no published translation is held for this verse.
वसुधारामहादेव्याः स्नानार्थम् इमे घटाः । नीयंते ऽमृतसंपूर्णा अस्माभिर् इति मन्यतां
vasudhārāmahādevyāḥ snānārtham ime ghaṭāḥ / nīyaṃte 'mṛtasaṃpūrṇā asmābhir iti manyatāṃ
Sanskrit only: no published translation is held for this verse.
एषा नदी महादेवीस्नानामृतप्रवाहिता । तद् एतद् अमृते नात्र मुखं प्रक्षाल्य दृश्यतां
eṣā nadī mahādevīsnānāmṛtapravāhitā / tad etad amṛte nātra mukhaṃ prakṣālya dṛśyatāṃ
Sanskrit only: no published translation is held for this verse.
इति ताभिः समादिष्टं श्रुत्वा तथेति बोधिता । तन् नद्या अमृतेनास्यं प्रक्षाल्य क्षम् अहं तथा
iti tābhiḥ samādiṣṭaṃ śrutvā tatheti bodhitā / tan nadyā amṛtenāsyaṃ prakṣālya kṣam ahaṃ tathā
Sanskrit only: no published translation is held for this verse.
तदा तत्र सभासीनां सगणां श्रिवसुंधरां । अपश्यं तां नदीम् आशु लंघित्वा समुपाचरं
tadā tatra sabhāsīnāṃ sagaṇāṃ śrivasuṃdharāṃ / apaśyaṃ tāṃ nadīm āśu laṃghitvā samupācaraṃ
Sanskrit only: no published translation is held for this verse.
तत्राहं समुपाश्रित्य तान् देवीं श्रीवसुंधरां । सगणां सांजलिर् नत्वा तत्रैकांते उपाश्रयं
tatrāhaṃ samupāśritya tān devīṃ śrīvasuṃdharāṃ / sagaṇāṃ sāṃjalir natvā tatraikāṃte upāśrayaṃ
Sanskrit only: no published translation is held for this verse.