तदा सा श्रीमहादेवी मां दृष्ट्वैवम् अपृछत । कुतः किम् अर्थम् आयासि तद् इह कथ्यताम् इति
tadā sā śrīmahādevī māṃ dṛṣṭvaivam apṛchata / kutaḥ kim artham āyāsi tad iha kathyatām iti
Sanskrit only: no published translation is held for this verse.
Ratnamālāvadāna 38
तच् छ्रुत्वा सांजलिर् नत्वा कृत्वा चापि प्रदक्षिणां । सगणां तां महादेवीम् उपाश्रित्यैवम् अब्रुवं
tac chrutvā sāṃjalir natvā kṛtvā cāpi pradakṣiṇāṃ / sagaṇāṃ tāṃ mahādevīm upāśrityaivam abruvaṃ
Sanskrit only: no published translation is held for this verse.
सूर्योदयनरेन्द्रस्य भार्याहं महिषी प्रिया । भवत्या दर्शनं कर्त्तुं मुदात्र समुपाचरे
sūryodayanarendrasya bhāryāhaṃ mahiṣī priyā / bhavatyā darśanaṃ karttuṃ mudātra samupācare
Sanskrit only: no published translation is held for this verse.
यन् मया मंदभाविन्या व्रतं सम्यग् न धारितं । तन् महद् अपराधं मे भवता क्षंतुम् अर्हति
yan mayā maṃdabhāvinyā vrataṃ samyag na dhāritaṃ / tan mahad aparādhaṃ me bhavatā kṣaṃtum arhati
Sanskrit only: no published translation is held for this verse.
सर्वदाहं महादेवी भवत्याः शरणे स्थिता । सम्यग् व्रतं पुनर् धर्त्तुम् इछामि सांप्रतं खलु
sarvadāhaṃ mahādevī bhavatyāḥ śaraṇe sthitā / samyag vrataṃ punar dharttum ichāmi sāṃprataṃ khalu
Sanskrit only: no published translation is held for this verse.
तद् भवंती महादेवी कृत्वा मे ऽनुग्रहं पुनः । कृपया तद्व्रतालंभं कारयितुं समर्हति
tad bhavaṃtī mahādevī kṛtvā me 'nugrahaṃ punaḥ / kṛpayā tadvratālaṃbhaṃ kārayituṃ samarhati
Sanskrit only: no published translation is held for this verse.
इति मयार्थितं श्रुत्वा सा श्रीदेवी वसुंधरा । कृपादृष्ट्या समालोक्य माम् एवं समुपादिशत्
iti mayārthitaṃ śrutvā sā śrīdevī vasuṃdharā / kṛpādṛṣṭyā samālokya mām evaṃ samupādiśat
Sanskrit only: no published translation is held for this verse.
साधु वत्से ऽस्ति ते वांचा यदि मे व्रतधारणे । गत्वा त्वं स्वगृहे भर्त्रा सह व्रतं चरादरात्
sādhu vatse 'sti te vāṃcā yadi me vratadhāraṇe / gatvā tvaṃ svagṛhe bhartrā saha vrataṃ carādarāt
Sanskrit only: no published translation is held for this verse.
तदाहं स्वयम् आगत्य द्रक्ष्यामि मंदिरं तव । तत्राहं समुपाश्रित्य दास्यामि प्रार्थितं वरं
tadāhaṃ svayam āgatya drakṣyāmi maṃdiraṃ tava / tatrāhaṃ samupāśritya dāsyāmi prārthitaṃ varaṃ
Sanskrit only: no published translation is held for this verse.
इत्य् आदिष्टं महादेव्या श्रुत्वाहं परिबोधिता । तां श्रीवसुंधरां देवीम् अपृछं पुनर् आदरात्
ity ādiṣṭaṃ mahādevyā śrutvāhaṃ paribodhitā / tāṃ śrīvasuṃdharāṃ devīm apṛchaṃ punar ādarāt
Sanskrit only: no published translation is held for this verse.
देवि मार्गस्थितैर् लोकैः संदर्शितं मयोच्यते । तद् भवंती समाख्याय मां बोधयितुम् अर्हति
devi mārgasthitair lokaiḥ saṃdarśitaṃ mayocyate / tad bhavaṃtī samākhyāya māṃ bodhayitum arhati
Sanskrit only: no published translation is held for this verse.
तच् छ्रुत्वा सा महादेवी तैः सर्वैः प्रकृतं यथा । तत् तत् सर्वं तथा तेषां कर्म मे समुपादिशत्
tac chrutvā sā mahādevī taiḥ sarvaiḥ prakṛtaṃ yathā / tat tat sarvaṃ tathā teṣāṃ karma me samupādiśat
Sanskrit only: no published translation is held for this verse.
ततो ऽहं श्रद्धया भक्तिमात्रेण तं वसुंधरां । श्रीदेवीं सगणां चापि समार्चयं समादरात्
tato 'haṃ śraddhayā bhaktimātreṇa taṃ vasuṃdharāṃ / śrīdevīṃ sagaṇāṃ cāpi samārcayaṃ samādarāt
Sanskrit only: no published translation is held for this verse.
ततः प्रदक्षिणां कृत्वा कृतांजलिपुटो मुदा । अष्टांगैः श्रीमहादेव्याः पादाब्जे प्रणतापतं
tataḥ pradakṣiṇāṃ kṛtvā kṛtāṃjalipuṭo mudā / aṣṭāṃgaiḥ śrīmahādevyāḥ pādābje praṇatāpataṃ
Sanskrit only: no published translation is held for this verse.
ततः सा सगणा देवी क्षणाद् अंतर्हिताभवत् । तत उत्थाय तां देवीं नैवापश्यत् कुहापि च
tataḥ sā sagaṇā devī kṣaṇād aṃtarhitābhavat / tata utthāya tāṃ devīṃ naivāpaśyat kuhāpi ca
Sanskrit only: no published translation is held for this verse.
ततो ऽहं विस्मयाक्रांतहृदया तत्र कृतांजलिः । स्मृत्वा सगणां देवीं नत्वा शनैस् ततो ऽचरं
tato 'haṃ vismayākrāṃtahṛdayā tatra kṛtāṃjaliḥ / smṛtvā sagaṇāṃ devīṃ natvā śanais tato 'caraṃ
Sanskrit only: no published translation is held for this verse.
तत्र मार्गे समासाद्य सर्वान्स् तान् पापिनः क्रमात् । महादेव्या यद् आदिष्टं तथाख्याय व्यनोदयं
tatra mārge samāsādya sarvāns tān pāpinaḥ kramāt / mahādevyā yad ādiṣṭaṃ tathākhyāya vyanodayaṃ
Sanskrit only: no published translation is held for this verse.
ततस् ते पापिनः सर्वे वचसा मे ऽनुतापिताः । श्रीदेवीशरणं कृत्वा देहं त्यक्त्वाचरन् दिवं
tatas te pāpinaḥ sarve vacasā me 'nutāpitāḥ / śrīdevīśaraṇaṃ kṛtvā dehaṃ tyaktvācaran divaṃ
Sanskrit only: no published translation is held for this verse.
एतान् सत्वान् समुद्धृत्य श्रीदेव्याः संप्रसादतः । क्षेमेणेह समायाता भवतां दर्शनं लभे
etān satvān samuddhṛtya śrīdevyāḥ saṃprasādataḥ / kṣemeṇeha samāyātā bhavatāṃ darśanaṃ labhe
Sanskrit only: no published translation is held for this verse.
इत्य् एवं सर्ववृत्तांतं चूडादेव्या निवेदितं । श्रुत्वा स नृपतिः स्वामी विस्मितश् चैवम् अब्रवीत्
ity evaṃ sarvavṛttāṃtaṃ cūḍādevyā niveditaṃ / śrutvā sa nṛpatiḥ svāmī vismitaś caivam abravīt
Sanskrit only: no published translation is held for this verse.
अहो भाग्येन संप्राप्ता श्रीदेव्या संप्रसादतः । भार्या त्वं महिषी चापि व्रतं श्रीसंपदो ऽपि मे
aho bhāgyena saṃprāptā śrīdevyā saṃprasādataḥ / bhāryā tvaṃ mahiṣī cāpi vrataṃ śrīsaṃpado 'pi me
Sanskrit only: no published translation is held for this verse.
तथा भूयो ऽप्य् अहं देव्या यथादिष्टं समादरात् । सह त्वया महिष्यात्र चराणि सर्वदा व्रतं
tathā bhūyo 'py ahaṃ devyā yathādiṣṭaṃ samādarāt / saha tvayā mahiṣyātra carāṇi sarvadā vrataṃ
Sanskrit only: no published translation is held for this verse.
किम् एतद् राज्यभोग्येन विना त्वां महिषीं मम । एतद् एव हि संसारं यत् सभार्या व्रतं चरेत्
kim etad rājyabhogyena vinā tvāṃ mahiṣīṃ mama / etad eva hi saṃsāraṃ yat sabhāryā vrataṃ caret
Sanskrit only: no published translation is held for this verse.
तद् आवां सर्वदापीह श्रीदेव्याः शरणं गतौ । श्रद्धया व्रतम् आराध्य प्रभजेव समादरात्
tad āvāṃ sarvadāpīha śrīdevyāḥ śaraṇaṃ gatau / śraddhayā vratam ārādhya prabhajeva samādarāt
Sanskrit only: no published translation is held for this verse.
इत्य् एवं समुपादिश्य नृपतिः संप्रमोदितः । ताभ्यां युतो महोत्साहैः श्रीनगरं समाययौ
ity evaṃ samupādiśya nṛpatiḥ saṃpramoditaḥ / tābhyāṃ yuto mahotsāhaiḥ śrīnagaraṃ samāyayau
Sanskrit only: no published translation is held for this verse.
तया देव्या सुभाविन्या सहाभ्यानंदितो ऽरमत् । दिनैकस्मिंश् चूडदेवी ततो गर्भन् दधौ क्रमात्
tayā devyā subhāvinyā sahābhyānaṃdito 'ramat / dinaikasmiṃś cūḍadevī tato garbhan dadhau kramāt
Sanskrit only: no published translation is held for this verse.
प्रासूत सप्तमे मासि राजलक्षणमंडितं । प्रासादिकं सुपीनांगं पुत्रं ब्राह्मे मुहुर्त्तके
prāsūta saptame māsi rājalakṣaṇamaṃḍitaṃ / prāsādikaṃ supīnāṃgaṃ putraṃ brāhme muhurttake
Sanskrit only: no published translation is held for this verse.
ततः पिता समाहूय सर्वान् अमात्यमंत्रिणः । श्रीसेनगुप्तम् आचार्यं पप्रछ जन्मकारणं
tataḥ pitā samāhūya sarvān amātyamaṃtriṇaḥ / śrīsenaguptam ācāryaṃ papracha janmakāraṇaṃ
Sanskrit only: no published translation is held for this verse.
सेनगुप्तो विचार्यैवं बोधयन् नृपम् अब्रवीत्
senagupto vicāryaivaṃ bodhayan nṛpam abravīt
Sanskrit only: no published translation is held for this verse.
मा विषीदात्र राजेन्द्र युतो यद् राजलक्षणैः । योगो ऽयं सार्वभौमः स्यात् सप्तमासफलं शृणु
mā viṣīdātra rājendra yuto yad rājalakṣaṇaiḥ / yogo 'yaṃ sārvabhaumaḥ syāt saptamāsaphalaṃ śṛṇu
Sanskrit only: no published translation is held for this verse.
प्रथमे कललं विद्याद् द्वितीये घनम् एव च । तृतीयमास्यं क्रूरं च चतुर्थे ऽस्थिसमुच्चयः
prathame kalalaṃ vidyād dvitīye ghanam eva ca / tṛtīyamāsyaṃ krūraṃ ca caturthe 'sthisamuccayaḥ
Sanskrit only: no published translation is held for this verse.
पंचमे चर्मसंछन्नः षष्ठे ऽंगजसमुद्भवः । सप्तमे चेतनावाप्तिर् इति गर्भस्थलक्षणं
paṃcame carmasaṃchannaḥ ṣaṣṭhe 'ṃgajasamudbhavaḥ / saptame cetanāvāptir iti garbhasthalakṣaṇaṃ
Sanskrit only: no published translation is held for this verse.
यो बालः सप्तमे मासि जायते स तु भाग्यभाक् । सार्वभौम नृपो भूत्वा महीं शास्ति सुनीतितः
yo bālaḥ saptame māsi jāyate sa tu bhāgyabhāk / sārvabhauma nṛpo bhūtvā mahīṃ śāsti sunītitaḥ
Sanskrit only: no published translation is held for this verse.
तस्मान् नृपेंद्र तं बालं रक्षणीयः प्रयत्नतः । इत्य् आचार्यवचः श्रुत्वा स राजा परिमोदितः । जातकर्मादिकं कर्म महोत्सवैर् अकारयत्
tasmān nṛpeṃdra taṃ bālaṃ rakṣaṇīyaḥ prayatnataḥ / ity ācāryavacaḥ śrutvā sa rājā parimoditaḥ / jātakarmādikaṃ karma mahotsavair akārayat
Sanskrit only: no published translation is held for this verse.
तदाचार्यः सेनगुप्तो व्रतमंगलकारकं । इति मत्वा नाम चक्रे मंगलोदय इत्य् अपि
tadācāryaḥ senagupto vratamaṃgalakārakaṃ / iti matvā nāma cakre maṃgalodaya ity api
Sanskrit only: no published translation is held for this verse.
ततो बालः शुक्लपक्षे चंद्र इव दिने दिने । पुपोष वृद्धिं सहसा तेजोबलसमन्वितः
tato bālaḥ śuklapakṣe caṃdra iva dine dine / pupoṣa vṛddhiṃ sahasā tejobalasamanvitaḥ
Sanskrit only: no published translation is held for this verse.
ततो राजकुले राजा भार्यापुत्रसमन्वितः । वसुंधराव्रतोत्साही मुदितः समुपस्थितः
tato rājakule rājā bhāryāputrasamanvitaḥ / vasuṃdharāvratotsāhī muditaḥ samupasthitaḥ
Sanskrit only: no published translation is held for this verse.
ततो व्रतदिनप्राप्ते भार्यया सह संमतं । कृत्वा स भूपती राजा व्रतं चरितुम् ऐछत
tato vratadinaprāpte bhāryayā saha saṃmataṃ / kṛtvā sa bhūpatī rājā vrataṃ caritum aichata
Sanskrit only: no published translation is held for this verse.
ततस् तद् व्रतसामग्रीं साधयित्वा यथाविधि । आचार्येण यथादिष्टं तथा सर्वं समाचरत्
tatas tad vratasāmagrīṃ sādhayitvā yathāvidhi / ācāryeṇa yathādiṣṭaṃ tathā sarvaṃ samācarat
Sanskrit only: no published translation is held for this verse.
श्रीदेव्या व्रतम् आराध्य समहिषी स भूपतिः । यथाविधि सुसंपूर्ण प्रचचार समादरात्
śrīdevyā vratam ārādhya samahiṣī sa bhūpatiḥ / yathāvidhi susaṃpūrṇa pracacāra samādarāt
Sanskrit only: no published translation is held for this verse.
तस्मिन्न् अवसरे तत्र सा श्रीदेवी वसुंधरा । सगणा स्वयम् आगत्य भासयंती समाश्रयत्
tasminn avasare tatra sā śrīdevī vasuṃdharā / sagaṇā svayam āgatya bhāsayaṃtī samāśrayat
Sanskrit only: no published translation is held for this verse.
तां श्रीवसुंधरां देवीं सगणां समुपाश्रितां । साक्षाद् आलोक्य राजा स सभार्यः समुपस्थितः
tāṃ śrīvasuṃdharāṃ devīṃ sagaṇāṃ samupāśritāṃ / sākṣād ālokya rājā sa sabhāryaḥ samupasthitaḥ
Sanskrit only: no published translation is held for this verse.
पादार्घं सहसा दत्वा पूजांगैश् च समर्चयत् । कृत्वा प्रदक्षिणां नत्वा सांजलिर् न्यपतत् पुरः
pādārghaṃ sahasā datvā pūjāṃgaiś ca samarcayat / kṛtvā pradakṣiṇāṃ natvā sāṃjalir nyapatat puraḥ
Sanskrit only: no published translation is held for this verse.
ततः सा श्रीमहादेवी वसुलक्ष्मी विलोक्य तं । सभार्यं नृपम् उत्थाय समालोक्यैवम् आदिशत्
tataḥ sā śrīmahādevī vasulakṣmī vilokya taṃ / sabhāryaṃ nṛpam utthāya samālokyaivam ādiśat
Sanskrit only: no published translation is held for this verse.
शृणु राजन् महाभाग यथा ते यत् समीप्सितं । सर्वं ते ऽहं प्रवक्ष्यामि सत्यम् एतद् वचो मम
śṛṇu rājan mahābhāga yathā te yat samīpsitaṃ / sarvaṃ te 'haṃ pravakṣyāmi satyam etad vaco mama
Sanskrit only: no published translation is held for this verse.
इत्य् आदिष्टे महालक्ष्म्या सभार्यः स नृपो मुदा । तां देवीं सांजलिर् नत्वा प्रार्थयद् एवम् आदरात्
ity ādiṣṭe mahālakṣmyā sabhāryaḥ sa nṛpo mudā / tāṃ devīṃ sāṃjalir natvā prārthayad evam ādarāt
Sanskrit only: no published translation is held for this verse.
नमस् ते श्रीमहादेवी प्रसीद परमेश्वश्री । यथा ते ईहितं कार्यं तद् एव देहि मे वरं
namas te śrīmahādevī prasīda parameśvaśrī / yathā te īhitaṃ kāryaṃ tad eva dehi me varaṃ
Sanskrit only: no published translation is held for this verse.
एतत् संप्रार्थितं राज्ञा श्रुत्वा सा श्रीमहेश्वरी । सभार्यं तं महीपालं समालोक्यैवम् आदिशत्
etat saṃprārthitaṃ rājñā śrutvā sā śrīmaheśvarī / sabhāryaṃ taṃ mahīpālaṃ samālokyaivam ādiśat
Sanskrit only: no published translation is held for this verse.
साधु राजन् स्वयं धृत्वा व्रतं सर्वत्र चारय । कृत्वैतन् मे महत्कार्यं ततः प्रैहि ममालयं
sādhu rājan svayaṃ dhṛtvā vrataṃ sarvatra cāraya / kṛtvaitan me mahatkāryaṃ tataḥ praihi mamālayaṃ
Sanskrit only: no published translation is held for this verse.
इत्य् आदिश्य ततः सा श्रीमहादेवी वसुंधरा । सगणा तत् क्षणाद् अंतर्हिता स्वं भुवनं ययौ
ity ādiśya tataḥ sā śrīmahādevī vasuṃdharā / sagaṇā tat kṣaṇād aṃtarhitā svaṃ bhuvanaṃ yayau
Sanskrit only: no published translation is held for this verse.
ततः स सप्रियो राजा तां देवीं सगणाम् अपि । सर्वाम् अन्तर्हितां दृष्ट्वा क्षणं तस्थौ सविस्मयः
tataḥ sa sapriyo rājā tāṃ devīṃ sagaṇām api / sarvām antarhitāṃ dṛṣṭvā kṣaṇaṃ tasthau savismayaḥ
Sanskrit only: no published translation is held for this verse.
ततस् तथा स भूमीन्द्रो भार्यया सह सर्वदा । श्रीदेव्याः शरणं गत्वा व्रतं धृत्वा समाचरत्
tatas tathā sa bhūmīndro bhāryayā saha sarvadā / śrīdevyāḥ śaraṇaṃ gatvā vrataṃ dhṛtvā samācarat
Sanskrit only: no published translation is held for this verse.
तथा सर्वत्र लोकेषु श्रीदेव्या व्रतम् आदिशत् । बोधयित्वा प्रयत्नेन प्राचारयत् समंततः
tathā sarvatra lokeṣu śrīdevyā vratam ādiśat / bodhayitvā prayatnena prācārayat samaṃtataḥ
Sanskrit only: no published translation is held for this verse.
सर्वेषाम् अपि सत्वानां मंगलं सर्वदाकरोत्
sarveṣām api satvānāṃ maṃgalaṃ sarvadākarot
Sanskrit only: no published translation is held for this verse.
एतत्पुण्यविपाकेन स राजा श्रीसमन्वितः । दिव्यातिरिक्तसौख्यानि लब्ध्वा सदा शुभे ऽचरत्
etatpuṇyavipākena sa rājā śrīsamanvitaḥ / divyātiriktasaukhyāni labdhvā sadā śubhe 'carat
Sanskrit only: no published translation is held for this verse.
ततः स नृपती राजा सर्वार्थिभ्यो यथेप्सितं । संबोधिप्रणिधानेन दत्वा व्रतं सदाचरत्
tataḥ sa nṛpatī rājā sarvārthibhyo yathepsitaṃ / saṃbodhipraṇidhānena datvā vrataṃ sadācarat
Sanskrit only: no published translation is held for this verse.
तथा स भूपती राजा भार्यया सह मोदितः । श्रीदेव्याः प्रदधे भक्त्या व्रतं साष्टोत्तरं शतं
tathā sa bhūpatī rājā bhāryayā saha moditaḥ / śrīdevyāḥ pradadhe bhaktyā vrataṃ sāṣṭottaraṃ śataṃ
Sanskrit only: no published translation is held for this verse.
ततः स भार्यया सार्द्धम् अभिषिंच्यात्मजं सुतं । स्वपदे लोकधर्मार्थं कृत्वान्ते तुषिते ययौ
tataḥ sa bhāryayā sārddham abhiṣiṃcyātmajaṃ sutaṃ / svapade lokadharmārthaṃ kṛtvānte tuṣite yayau
Sanskrit only: no published translation is held for this verse.
ततः स सप्रियस् तत्र श्रीदेव्याः समुपस्थितः । सर्वदा भजनं कृत्वा श्रीमान्स् तस्थौ शुभे चरन्
tataḥ sa sapriyas tatra śrīdevyāḥ samupasthitaḥ / sarvadā bhajanaṃ kṛtvā śrīmāns tasthau śubhe caran
Sanskrit only: no published translation is held for this verse.
तत्र स सर्वदा सत्वहितं कृत्वा सुखान्वितः । सर्वाः पारमिताः पूर्य संबुद्धपदम् आप्स्यति
tatra sa sarvadā satvahitaṃ kṛtvā sukhānvitaḥ / sarvāḥ pāramitāḥ pūrya saṃbuddhapadam āpsyati
Sanskrit only: no published translation is held for this verse.
तदारभ्य सदा सर्वलोकेषु सततं शुभं । त्रिरत्नभजनोत्साहं प्रवर्त्तते कृताव् इव
tadārabhya sadā sarvalokeṣu satataṃ śubhaṃ / triratnabhajanotsāhaṃ pravarttate kṛtāv iva
Sanskrit only: no published translation is held for this verse.
तदा भुवि तथा देव्या स्वयं व्रतं प्रचारितं । इत्य् एतन् मुनिभिः सर्वैः ख्यातम् इति श्रुतं मया
tadā bhuvi tathā devyā svayaṃ vrataṃ pracāritaṃ / ity etan munibhiḥ sarvaiḥ khyātam iti śrutaṃ mayā
Sanskrit only: no published translation is held for this verse.
एतन् मे गुरुणाख्यातं श्रुतं मय तथोच्यते । त्वं चाप्य् एवं महाराज श्रीदेव्याश् चर तद् व्रतं
etan me guruṇākhyātaṃ śrutaṃ maya tathocyate / tvaṃ cāpy evaṃ mahārāja śrīdevyāś cara tad vrataṃ
Sanskrit only: no published translation is held for this verse.
तथा ते सर्वदा क्षेमं सर्वत्रापि भवेद् ध्रुवं । श्रीदस्येव महासंपद् अक्षीणा संभवेत् खलु
tathā te sarvadā kṣemaṃ sarvatrāpi bhaved dhruvaṃ / śrīdasyeva mahāsaṃpad akṣīṇā saṃbhavet khalu
Sanskrit only: no published translation is held for this verse.
ततस् त्वं श्रीसमाधारा दत्वार्थिभ्यो यथेप्सितं । त्रिरत्नभजनं कृत्वा संबुद्धपदम् आप्नुयाः
tatas tvaṃ śrīsamādhārā datvārthibhyo yathepsitaṃ / triratnabhajanaṃ kṛtvā saṃbuddhapadam āpnuyāḥ
Sanskrit only: no published translation is held for this verse.
एवं मत्वा महाराज प्रजाश् चापि प्रबोधयन् । श्रीदेव्याः शरणे स्थाप्य सदा व्रतं प्रचारय
evaṃ matvā mahārāja prajāś cāpi prabodhayan / śrīdevyāḥ śaraṇe sthāpya sadā vrataṃ pracāraya
Sanskrit only: no published translation is held for this verse.
तथा सत्वहितं कर्तुं संबोधिरत्नलब्धये । श्रीदेव्या धारणीविद्या प्रधातव्या सदादरात्
tathā satvahitaṃ kartuṃ saṃbodhiratnalabdhaye / śrīdevyā dhāraṇīvidyā pradhātavyā sadādarāt
Sanskrit only: no published translation is held for this verse.
एतत्पुण्यानुभावेन सर्वत्र सर्वदा भवे । भवेतं मंगलोत्साहं सततं निरुपद्रवं
etatpuṇyānubhāvena sarvatra sarvadā bhave / bhavetaṃ maṃgalotsāhaṃ satataṃ nirupadravaṃ
Sanskrit only: no published translation is held for this verse.
अतीतैर् अपि संबुद्धैः सर्वैर् अपि मुनीश्वरं । श्रीदेव्या धारणीविद्यारत्नैर् लोकहितं कृतं
atītair api saṃbuddhaiḥ sarvair api munīśvaraṃ / śrīdevyā dhāraṇīvidyāratnair lokahitaṃ kṛtaṃ
Sanskrit only: no published translation is held for this verse.
तथाधुनापि सर्वैश् च वर्त्तमानैर् मुनीश्वरं । त्रिदेव्या धारणीविद्यारत्नैः सत्वशुभं कृतं
tathādhunāpi sarvaiś ca varttamānair munīśvaraṃ / tridevyā dhāraṇīvidyāratnaiḥ satvaśubhaṃ kṛtaṃ
Sanskrit only: no published translation is held for this verse.
तथा चानागतैः सर्वै मुनीन्द्रैर् अपि सर्वतः । श्रीदेव्या धारणीविद्यारत्नैः करिष्यते शिवं
tathā cānāgataiḥ sarvai munīndrair api sarvataḥ / śrīdevyā dhāraṇīvidyāratnaiḥ kariṣyate śivaṃ
Sanskrit only: no published translation is held for this verse.
सर्वे ऽपि सुगता नाथा बोधिसत्वाः कृपालवः । श्रीदेवीसंप्रसादेन चरन्तो भद्रचारिकां
sarve 'pi sugatā nāthā bodhisatvāḥ kṛpālavaḥ / śrīdevīsaṃprasādena caranto bhadracārikāṃ
Sanskrit only: no published translation is held for this verse.
आर्य्यसद्धर्मम् आदिश्य प्रकुर्वते जगद्धितं । एवं जगद्धितं कर्त्तुं संबोधिरत्नम् ईप्सुभिः । श्रीदेव्या धारणीं धृत्वा चरितव्यं जगद्धिते
āryyasaddharmam ādiśya prakurvate jagaddhitaṃ / evaṃ jagaddhitaṃ karttuṃ saṃbodhiratnam īpsubhiḥ / śrīdevyā dhāraṇīṃ dhṛtvā caritavyaṃ jagaddhite
Sanskrit only: no published translation is held for this verse.
ये चापि श्रीमहादेव्या धारणीं श्रद्धयादरात् । भक्त्या पठंति शृण्वंति पाठयन्त्य् अपि सर्वदा
ye cāpi śrīmahādevyā dhāraṇīṃ śraddhayādarāt / bhaktyā paṭhaṃti śṛṇvaṃti pāṭhayanty api sarvadā
Sanskrit only: no published translation is held for this verse.
सत्कृत्य श्रद्धयाभ्यर्च्य धृत्वांजलिं नमंति ये
satkṛtya śraddhayābhyarcya dhṛtvāṃjaliṃ namaṃti ye
Sanskrit only: no published translation is held for this verse.
तथा भुर्जे लिखित्वा च वाहौ कण्ठे च मस्तके । श्रीदेव्या धारणीविद्यारत्नं दधति ये सदा
tathā bhurje likhitvā ca vāhau kaṇṭhe ca mastake / śrīdevyā dhāraṇīvidyāratnaṃ dadhati ye sadā
Sanskrit only: no published translation is held for this verse.
एतेषाम् अपि सर्वेषां गृहेषु विषयेष्व् अपि । सर्वत्र मंगलं नित्यं निर्विघ्नं सर्वदा भवेत्
eteṣām api sarveṣāṃ gṛheṣu viṣayeṣv api / sarvatra maṃgalaṃ nityaṃ nirvighnaṃ sarvadā bhavet
Sanskrit only: no published translation is held for this verse.
ईतय उपसर्गाश् च महोत्पाता उपद्रवाः । न तेषां विषये क्वापि प्रचरेयुः कदा चन
ītaya upasargāś ca mahotpātā upadravāḥ / na teṣāṃ viṣaye kvāpi pracareyuḥ kadā cana
Sanskrit only: no published translation is held for this verse.
ज्वराश् च विविधा रोगाः सर्वसंहारकारकाः । तेसां कायेषु सर्वत्र न स्पृशेयुः कदा चन
jvarāś ca vividhā rogāḥ sarvasaṃhārakārakāḥ / tesāṃ kāyeṣu sarvatra na spṛśeyuḥ kadā cana
Sanskrit only: no published translation is held for this verse.
अपथ्यम् अपि पथ्यं स्याद् विषो ऽपि चामृतं भवेत् । तेषां देहेषु सर्वत्र हितायते ऽहितो ऽपि च
apathyam api pathyaṃ syād viṣo 'pi cāmṛtaṃ bhavet / teṣāṃ deheṣu sarvatra hitāyate 'hito 'pi ca
Sanskrit only: no published translation is held for this verse.
ब्रह्मशक्रादयो देवा ये दुष्टा वह्नयो ऽपि च । यमस्य किंकराश् चापि राक्षसा गरुडा अपि
brahmaśakrādayo devā ye duṣṭā vahnayo 'pi ca / yamasya kiṃkarāś cāpi rākṣasā garuḍā api
Sanskrit only: no published translation is held for this verse.
नागाश् च वायवश् चापि यक्षगंधर्वकिंनराः । भूतप्रेतपिशाचाश् च कुम्भाण्डाः कटपूतनाः
nāgāś ca vāyavaś cāpi yakṣagaṃdharvakiṃnarāḥ / bhūtapretapiśācāś ca kumbhāṇḍāḥ kaṭapūtanāḥ
Sanskrit only: no published translation is held for this verse.
एवम् अन्ये ऽपि ये दुष्टाः सर्वसत्वभयंकराः । सर्वे ते विषये तेषां विघ्नं कर्त्तुं न शक्नुयुः
evam anye 'pi ye duṣṭāḥ sarvasatvabhayaṃkarāḥ / sarve te viṣaye teṣāṃ vighnaṃ karttuṃ na śaknuyuḥ
Sanskrit only: no published translation is held for this verse.
सर्वे देवादयो ऽप्य् एते त्रिधातुभुवनस्थिताः । तेषां देवीप्रभावेन रक्षेयुश् च प्रसादिताः
sarve devādayo 'py ete tridhātubhuvanasthitāḥ / teṣāṃ devīprabhāvena rakṣeyuś ca prasāditāḥ
Sanskrit only: no published translation is held for this verse.
तेषां कार्याणि सर्वाणि संसिद्ध्येयुर् अविघ्नतः । तेषां सर्वत्र कायेषु किंचिद् विघ्नं भवेन् न हि
teṣāṃ kāryāṇi sarvāṇi saṃsiddhyeyur avighnataḥ / teṣāṃ sarvatra kāyeṣu kiṃcid vighnaṃ bhaven na hi
Sanskrit only: no published translation is held for this verse.
सर्वत्र गछतां तेषां सलाभसिद्धिमंगलं । भवेद् एव सदा नैव विघ्नता स्यात् कदा चन
sarvatra gachatāṃ teṣāṃ salābhasiddhimaṃgalaṃ / bhaved eva sadā naiva vighnatā syāt kadā cana
Sanskrit only: no published translation is held for this verse.
श्रीदेवीकृपादृष्टिप्रभावेन समंततः । सर्वार्थसाधने सिद्धिर् भवेन् न तु विघातता
śrīdevīkṛpādṛṣṭiprabhāvena samaṃtataḥ / sarvārthasādhane siddhir bhaven na tu vighātatā
Sanskrit only: no published translation is held for this verse.
सर्वे ऽपि लोकपालाश् च देवादयो महर्द्धिकाः । यतयो योगिनः सिद्धा ऋषयो ब्रह्मचारिणः
sarve 'pi lokapālāś ca devādayo maharddhikāḥ / yatayo yoginaḥ siddhā ṛṣayo brahmacāriṇaḥ
Sanskrit only: no published translation is held for this verse.
ग्रहास् तारागणाः सर्वा योगिन्यो भैरवा अपि । डाकिन्यो मातृकाष्टाश् च महाकालगणा अपि
grahās tārāgaṇāḥ sarvā yoginyo bhairavā api / ḍākinyo mātṛkāṣṭāś ca mahākālagaṇā api
Sanskrit only: no published translation is held for this verse.
एवम् अन्ये ऽपि वीरेशाः सर्वदुष्टप्रमर्दकाः । सृष्टिसंस्थितिसंहारकारका भीमरूपिणः
evam anye 'pi vīreśāḥ sarvaduṣṭapramardakāḥ / sṛṣṭisaṃsthitisaṃhārakārakā bhīmarūpiṇaḥ
Sanskrit only: no published translation is held for this verse.
ते ऽपि सर्वे समालोक्य श्रीदेवीसेवकान् मुदा । कृपार्द्दाः समुपाश्रित्य रक्षेयुः सर्वदानुगाः
te 'pi sarve samālokya śrīdevīsevakān mudā / kṛpārddāḥ samupāśritya rakṣeyuḥ sarvadānugāḥ
Sanskrit only: no published translation is held for this verse.
सर्वे ऽपि भिक्षवो बुद्धा अर्हन्तो ब्रह्मचारिणः । श्रीदेवी भाविनो दृष्ट्वा संरक्षेयुः प्रसादिताः
sarve 'pi bhikṣavo buddhā arhanto brahmacāriṇaḥ / śrīdevī bhāvino dṛṣṭvā saṃrakṣeyuḥ prasāditāḥ
Sanskrit only: no published translation is held for this verse.
सर्वे प्रत्येकबुद्धाश् च ताञ् छ्रीदेव्या उपाश्रिकान् । दूरतः सुदृशालोक्य संरक्षेयुः प्रसादिताः
sarve pratyekabuddhāś ca tāñ chrīdevyā upāśrikān / dūrataḥ sudṛśālokya saṃrakṣeyuḥ prasāditāḥ
Sanskrit only: no published translation is held for this verse.
बोधिसत्वाश् च सर्वे ऽपि तांच् छ्रीदेव्या उपासकान् । यथेप्सितं वरं दत्वा पालयेयुः कृपान्विताः
bodhisatvāś ca sarve 'pi tāṃc chrīdevyā upāsakān / yathepsitaṃ varaṃ datvā pālayeyuḥ kṛpānvitāḥ
Sanskrit only: no published translation is held for this verse.
सर्वे ऽपि सुगता बुद्धाः श्रीदेव्याः शरणे स्थितान् । सुदृशा सर्वदालोक्य स भवेयुर् दयान्विताः
sarve 'pi sugatā buddhāḥ śrīdevyāḥ śaraṇe sthitān / sudṛśā sarvadālokya sa bhaveyur dayānvitāḥ
Sanskrit only: no published translation is held for this verse.
एवं सर्वे ऽपि लोकेशा ब्रह्मा विष्णुशिवादयः । श्रीदेवीधारणीविद्याधरां रक्षेयुर् आदरात्
evaṃ sarve 'pi lokeśā brahmā viṣṇuśivādayaḥ / śrīdevīdhāraṇīvidyādharāṃ rakṣeyur ādarāt
Sanskrit only: no published translation is held for this verse.
इति मे गुरुणादिष्टं श्रुतं मया तथोच्यते
iti me guruṇādiṣṭaṃ śrutaṃ mayā tathocyate
Sanskrit only: no published translation is held for this verse.
श्रुत्वा राजंस् त्वम् अप्य् एवं तच् छ्रीदेवीव्रतं चर । ततस् ते श्रीमहादेवीव्रतपुण्यानुभावतः
śrutvā rājaṃs tvam apy evaṃ tac chrīdevīvrataṃ cara / tatas te śrīmahādevīvratapuṇyānubhāvataḥ
Sanskrit only: no published translation is held for this verse.
महासंपत् प्रवृद्धा स्याद् अक्षीणा सर्वदा स्थिरा
mahāsaṃpat pravṛddhā syād akṣīṇā sarvadā sthirā
Sanskrit only: no published translation is held for this verse.
ततस् त्वं तद् द्रव्यम् आदाय सर्वार्थिभ्यो यथेप्सितं । दत्वा चरच् छुभे सौख्यं भुंक्ष्व संपालयन् प्रजाः
tatas tvaṃ tad dravyam ādāya sarvārthibhyo yathepsitaṃ / datvā carac chubhe saukhyaṃ bhuṃkṣva saṃpālayan prajāḥ
Sanskrit only: no published translation is held for this verse.
एतत्पुण्यविपाकेन दुर्गतीं न व्रजेः क्वचित् । सर्वदा सद्गतीं याता धर्मे चरन् सुखं वसेः
etatpuṇyavipākena durgatīṃ na vrajeḥ kvacit / sarvadā sadgatīṃ yātā dharme caran sukhaṃ vaseḥ
Sanskrit only: no published translation is held for this verse.
इति मत्वा महाराज श्रीदेव्याः शरणं गतः । सद्धर्मं स्वयम् आकर्ण्य लोकाश् च श्रावय प्रभो
iti matvā mahārāja śrīdevyāḥ śaraṇaṃ gataḥ / saddharmaṃ svayam ākarṇya lokāś ca śrāvaya prabho
Sanskrit only: no published translation is held for this verse.
सर्वेषाम् अपि संसारे धर्म एव सुहृत् सखा । तस्माद् अत्र प्रयत्नेन धर्म एव समर्ज्यां । धर्मं तु सर्वधर्माणां प्रश्रेष्ठं सौगतं वरं
sarveṣām api saṃsāre dharma eva suhṛt sakhā / tasmād atra prayatnena dharma eva samarjyāṃ / dharmaṃ tu sarvadharmāṇāṃ praśreṣṭhaṃ saugataṃ varaṃ
Sanskrit only: no published translation is held for this verse.
यतः सर्वत्र लोकेषु संसारे भद्रता सदा । तस्मात् सर्वत्र संसारे सदा भद्रं समीप्सुभिः । सत्कृत्य सौगतं धर्मं श्रोतव्यं श्रद्धयादरात्
yataḥ sarvatra lokeṣu saṃsāre bhadratā sadā / tasmāt sarvatra saṃsāre sadā bhadraṃ samīpsubhiḥ / satkṛtya saugataṃ dharmaṃ śrotavyaṃ śraddhayādarāt
Sanskrit only: no published translation is held for this verse.
ये ऽप्य् अत्र सौगतं धर्मं शृण्वंति श्रद्धयादरात् । दुर्गतीं ते न गछंति संयांति सद्गतीं सदा
ye 'py atra saugataṃ dharmaṃ śṛṇvaṃti śraddhayādarāt / durgatīṃ te na gachaṃti saṃyāṃti sadgatīṃ sadā
Sanskrit only: no published translation is held for this verse.
ये चापि सौगतं धर्मं श्रावयंति परान् अपि । ते ऽपि न दुर्गतीं यांति यांति सद्गतिम् एव हि
ye cāpi saugataṃ dharmaṃ śrāvayaṃti parān api / te 'pi na durgatīṃ yāṃti yāṃti sadgatim eva hi
Sanskrit only: no published translation is held for this verse.
यश् चापि सौगतं धर्मं प्रभाषति प्रबेधयन् । सो ऽपि न दुर्गतिं याति संप्रयायात् सुखावतीं
yaś cāpi saugataṃ dharmaṃ prabhāṣati prabedhayan / so 'pi na durgatiṃ yāti saṃprayāyāt sukhāvatīṃ
Sanskrit only: no published translation is held for this verse.
यस्यापि स्यात् कलौ पंचकषायक्लेशसंकुले । दुर्लभं सौगतं धर्मं वक्ता श्रोता च दुर्लभः
yasyāpi syāt kalau paṃcakaṣāyakleśasaṃkule / durlabhaṃ saugataṃ dharmaṃ vaktā śrotā ca durlabhaḥ
Sanskrit only: no published translation is held for this verse.
तदा तान् क्लेशिताल् लोकान् दृष्ट्वा घृणादयाहतः । स्वकायजीवितस्नेहं त्यक्त्वा यो धर्मम् आदिशेत्
tadā tān kleśitāl lokān dṛṣṭvā ghṛṇādayāhataḥ / svakāyajīvitasnehaṃ tyaktvā yo dharmam ādiśet
Sanskrit only: no published translation is held for this verse.
स एव हि महाभिज्ञो धीरः सुधीर् विचक्षणः । सर्वक्लेशविजेता च मारजित् स्याज् जिनात्मजः
sa eva hi mahābhijño dhīraḥ sudhīr vicakṣaṇaḥ / sarvakleśavijetā ca mārajit syāj jinātmajaḥ
Sanskrit only: no published translation is held for this verse.
यश् चापि च तदा क्लेशसंघसमाकुले तथा । त्यक्तः स्वप्राणकायो यः सद्धर्मं शृणुयान् मुदा
yaś cāpi ca tadā kleśasaṃghasamākule tathā / tyaktaḥ svaprāṇakāyo yaḥ saddharmaṃ śṛṇuyān mudā
Sanskrit only: no published translation is held for this verse.
सापि धीरो महावीरः सर्वक्लेशाभिमर्दकः । संबोधिमार्गसंप्राप्तो ज्ञातव्यो हि जिनप्रियः
sāpi dhīro mahāvīraḥ sarvakleśābhimardakaḥ / saṃbodhimārgasaṃprāpto jñātavyo hi jinapriyaḥ
Sanskrit only: no published translation is held for this verse.
यश् चाप्य् एव कलौ काले सद्धर्मान्तर्हिते तथा । निस्नेहस्वासुकायो यः सद्धर्मं श्रावयेत् परान्
yaś cāpy eva kalau kāle saddharmāntarhite tathā / nisnehasvāsukāyo yaḥ saddharmaṃ śrāvayet parān
Sanskrit only: no published translation is held for this verse.
स ऽपि स्यात् सुगतपुत्रो महाधीरो विशारदः । सर्वसर्वहिताकांक्षी बोधिसत्वः सुधीः कृती
sa 'pi syāt sugataputro mahādhīro viśāradaḥ / sarvasarvahitākāṃkṣī bodhisatvaḥ sudhīḥ kṛtī
Sanskrit only: no published translation is held for this verse.
यश् चापि परतः श्रुत्वा सद्धर्मं सौगतोदितं । अनुमोदेत् प्रसन्नात्मा सो ऽपि स्यात् सुगतात्मजः
yaś cāpi parataḥ śrutvā saddharmaṃ saugatoditaṃ / anumodet prasannātmā so 'pi syāt sugatātmajaḥ
Sanskrit only: no published translation is held for this verse.
सर्वतीर्थाभिषेके यत् पुण्यं तत् सर्वम् आप्नुयुः । सर्वत्र सज्जना नूनं कर्त्तव्यं नात्र संशयं
sarvatīrthābhiṣeke yat puṇyaṃ tat sarvam āpnuyuḥ / sarvatra sajjanā nūnaṃ karttavyaṃ nātra saṃśayaṃ
Sanskrit only: no published translation is held for this verse.
यावंतः प्राणिनः सत्वास् तान् सर्वान् यो हि पालयेत् । तस्य यावन् महत्पुण्यं तत् सर्वं ते समाप्नुयुः
yāvaṃtaḥ prāṇinaḥ satvās tān sarvān yo hi pālayet / tasya yāvan mahatpuṇyaṃ tat sarvaṃ te samāpnuyuḥ
Sanskrit only: no published translation is held for this verse.
यावंतो भिक्षवो ऽर्हन्तस् तान् सर्वान् यः समर्चयेत् । तस्य पुण्यफलं यावत् तत् सर्वं ते ह्य् अवापुयुः
yāvaṃto bhikṣavo 'rhantas tān sarvān yaḥ samarcayet / tasya puṇyaphalaṃ yāvat tat sarvaṃ te hy avāpuyuḥ
Sanskrit only: no published translation is held for this verse.
यावत् प्रत्येकबुद्धाश् च तान् सर्वान् यो भजेन् मुदा । यावत् पुण्यफलं तस्य लभेयुस् ते ततो ऽर्थिकं
yāvat pratyekabuddhāś ca tān sarvān yo bhajen mudā / yāvat puṇyaphalaṃ tasya labheyus te tato 'rthikaṃ
Sanskrit only: no published translation is held for this verse.
यावंतः सुगताश् चापि तान् सर्वान् यः सदा भजेत् । यावत् पुण्यं महत् तस्य लभेयुस् ते ततो ऽधिकं
yāvaṃtaḥ sugatāś cāpi tān sarvān yaḥ sadā bhajet / yāvat puṇyaṃ mahat tasya labheyus te tato 'dhikaṃ
Sanskrit only: no published translation is held for this verse.