कार्यकारण विरोधमूलत्वादिह कथनम् । प्रपञ्चाय व्याचष्टे - इह नियतेति । एतद्रूपापगमः पौर्वापर्ये नियमभङ्गः । द्वौविध्यमाह-एतद्रूपेति । पश्यत्सूद्गतेति । राजसुविस्मेरेषु पश्यत्सु तव खङ्गे युगपत्कीर्त्या निर्गमेन श्रिया प्रवेशेन चेन्द्रजालं कृतम् । अत्र श्रीप्रवेशे कीर्ति निर्गमहेतौ समकालोपनिबन्धः । पथि पथीति । आभा प्रभा । लासकी नर्तकः । नरि नरि पुंसि पुंसि । अत्र सायककिरणकार्यभूता माननिवृत्तिः प्राक् सिद्धत्वेनोक्ता । उभयत्र योजयति-पूर्वत्रेत्यादि । प्रौढोक्तिनिर्मित मिन्द्रजालात्मकं व्यङ्गयम् । विशेषमाह-कार्यस्य चेति । कार्यकारणयोर्यौ तु कालसाम्यविपर्ययौ । अन्या त्वतिशयोक्तिःसा विरोधांसोपजीवनात् ॥ असङ्गत्यै सूत्रम्- तयोर्विभिन्नदेशत्वे ऽसङ्गतिः
kāryakāraṇa virodhamūlatvādiha kathanam / prapañcāya vyācaṣṭe - iha niyateti / etadrūpāpagamaḥ paurvāparye niyamabhaṅgaḥ / dvauvidhyamāha-etadrūpeti / paśyatsūdgateti / rājasuvismereṣu paśyatsu tava khaṅge yugapatkīrtyā nirgamena śriyā praveśena cendrajālaṃ kṛtam / atra śrīpraveśe kīrti nirgamahetau samakālopanibandhaḥ / pathi pathīti / ābhā prabhā / lāsakī nartakaḥ / nari nari puṃsi puṃsi / atra sāyakakiraṇakāryabhūtā mānanivṛttiḥ prāk siddhatvenoktā / ubhayatra yojayati-pūrvatretyādi / prauḍhoktinirmita mindrajālātmakaṃ vyaṅgayam / viśeṣamāha-kāryasya ceti / kāryakāraṇayoryau tu kālasāmyaviparyayau / anyā tvatiśayoktiḥsā virodhāṃsopajīvanāt // asaṅgatyai sūtram- tayorvibhinnadeśatve 'saṅgatiḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.