Sāmavidhāna Brāhmaṇa 2

अथातः काम्यानाम्

athātaḥ kāmyānām

Sanskrit only: no published translation is held for this verse.

अनादेशे त्रिरात्रम् उपवासः पुष्येणारम्भः

anādeśe trirātram upavāsaḥ puṣyeṇārambhaḥ

Sanskrit only: no published translation is held for this verse.

आयुष्याण्य् एव प्रथमम्

āyuṣyāṇy eva prathamam

Sanskrit only: no published translation is held for this verse.

अबोध्य् अग्निर् महि त्रीणाम् इति द्वे त्वावत इन्द्रं नरो ग्रामे गेयम् आयुर् इति चास्य निधनं कुर्यात् त्यम् ऊ षु द्वे त्रातारम् इन्द्रं हविर् इत्य् एतस्य स्थाने स्वस्ति न इति सोमः पुनात्य् अंससुप्रथमं विश्वतोदावन्न् इति पूर्वं रहस्य उद् उत्तमं वरुणपाशम् इत्य् एषो ऽरिष्टवर्ग एतेषाम् एकम् अनेकं वा सर्वाणि वा प्रयुञ्जानः शतं वर्षाणि जीवति जरयैव विस्रंसते

abodhy agnir mahi trīṇām iti dve tvāvata indraṃ naro grāme geyam āyur iti cāsya nidhanaṃ kuryāt tyam ū ṣu dve trātāram indraṃ havir ity etasya sthāne svasti na iti somaḥ punāty aṃsasuprathamaṃ viśvatodāvann iti pūrvaṃ rahasya ud uttamaṃ varuṇapāśam ity eṣo 'riṣṭavarga eteṣām ekam anekaṃ vā sarvāṇi vā prayuñjānaḥ śataṃ varṣāṇi jīvati jarayaiva visraṃsate

Sanskrit only: no published translation is held for this verse.

भ्राजाभ्राजे शुक्रचन्द्रे राजनरौहिणके शुक्रियाद्ये हा ऊस्वरतादीनि चत्वारि सेतुषाम चैष पवित्रवर्ग एतेषाम् एकम् अनेकं वा सर्वाणि वा प्रयुञ्जानः पूतो भवति

bhrājābhrāje śukracandre rājanarauhiṇake śukriyādye hā ūsvaratādīni catvāri setuṣāma caiṣa pavitravarga eteṣām ekam anekaṃ vā sarvāṇi vā prayuñjānaḥ pūto bhavati

Sanskrit only: no published translation is held for this verse.

बहु प्रतिगृह्य याजयित्वा वासन्नम् आत्मानं मन्यमानो गौषूक्ताश्वसूक्ते शुद्धाशुद्धीये तरत् स मन्दीत्य् एतानि प्रयुञ्जानः पूतो भवति

bahu pratigṛhya yājayitvā vāsannam ātmānaṃ manyamāno gauṣūktāśvasūkte śuddhāśuddhīye tarat sa mandīty etāni prayuñjānaḥ pūto bhavati

Sanskrit only: no published translation is held for this verse.

तवश्रवीयं प्रयुञ्जानः शुचिः पूतो ब्रह्मलोकम् अभिसंपद्यते न च पुनर् आवर्तते

tavaśravīyaṃ prayuñjānaḥ śuciḥ pūto brahmalokam abhisaṃpadyate na ca punar āvartate

Sanskrit only: no published translation is held for this verse.

उद् उत्तमं वरुणपाशम् इत्य् एतत् सदा प्रयुञ्जानः संबाधं न निगच्छति निगतश् च प्रमुच्यते

ud uttamaṃ varuṇapāśam ity etat sadā prayuñjānaḥ saṃbādhaṃ na nigacchati nigataś ca pramucyate

Sanskrit only: no published translation is held for this verse.

गौरान्त् सर्षपांस् तुचे तुनाय तत् सु न इत्य् एतेन प्राश्नीयात् दीर्घायुर् भवति

gaurānt sarṣapāṃs tuce tunāya tat su na ity etena prāśnīyāt dīrghāyur bhavati

Sanskrit only: no published translation is held for this verse.

त्रीन् वोदकाञ्जलीन् सदाचामेत् पिबा सोमम् इन्द्र मन्दतु त्वेत्य् एताभ्यां दीर्घायुर् भवति दीर्घायुर् भवति

trīn vodakāñjalīn sadācāmet pibā somam indra mandatu tvety etābhyāṃ dīrghāyur bhavati dīrghāyur bhavati

Sanskrit only: no published translation is held for this verse.

अथैकमनुष्याणाम् आवर्तनं स्त्रियो वा पुंसो वा

athaikamanuṣyāṇām āvartanaṃ striyo vā puṃso vā

Sanskrit only: no published translation is held for this verse.

श्रवणेन व्रतम् उपेत्य

śravaṇena vratam upetya

Sanskrit only: no published translation is held for this verse.

पूर्वैः प्रोष्ठपदैः पांसुभिः प्रतिकृतिं कृत्वा प्राक्शिरसं पूर्वाह्णे दक्षिणशिरसं मध्याह्ने प्रत्यक्शिरसम् अपराह्णे ऽर्धरात्र उदक्शिरसं तस्या हृदयदेशम् अधिष्ठायायं त इन्द्र सोम इति ब्राह्मणस्येदं त एकम् इति क्षत्रियस्यैष प्र कोश इति वैश्यस्य विभोष् ट इन्द्र राधस इति शूद्रस्योद् वयं तमसस् परीति वा सर्वेषां सौवर्णीं प्रतिकृतिं कुर्याद् ब्राह्मणस्य राजतीं क्षत्रियस्यौदुम्बरीं वैश्यस्यायसीं शूद्रस्यौदुम्बरीं वा सर्वेषाम् अयम् असाव् इति प्राक्शिरसम् अग्नौ प्रतिष्ठाप्यौदुम्बरेण स्रुवेणाज्येनाभिजुहुयाच्छाव इति निधनेन गुणी हास्य भवति

pūrvaiḥ proṣṭhapadaiḥ pāṃsubhiḥ pratikṛtiṃ kṛtvā prākśirasaṃ pūrvāhṇe dakṣiṇaśirasaṃ madhyāhne pratyakśirasam aparāhṇe 'rdharātra udakśirasaṃ tasyā hṛdayadeśam adhiṣṭhāyāyaṃ ta indra soma iti brāhmaṇasyedaṃ ta ekam iti kṣatriyasyaiṣa pra kośa iti vaiśyasya vibhoṣ ṭa indra rādhasa iti śūdrasyod vayaṃ tamasas parīti vā sarveṣāṃ sauvarṇīṃ pratikṛtiṃ kuryād brāhmaṇasya rājatīṃ kṣatriyasyaudumbarīṃ vaiśyasyāyasīṃ śūdrasyaudumbarīṃ vā sarveṣām ayam asāv iti prākśirasam agnau pratiṣṭhāpyaudumbareṇa sruveṇājyenābhijuhuyācchāva iti nidhanena guṇī hāsya bhavati

Sanskrit only: no published translation is held for this verse.

कृष्णव्रीहीणां नखनिर्भिन्नानां पिष्टमयीं प्रतिकृतिं कृत्वा पिष्टस्वेदं स्वेदयित्वा सर्षपतैलेनाभ्यज्य तस्याः क्षुरेणाङ्गान्य् अवदायाग्नौ जुहुयात् प्र मन्दिन इत्य् एतेन शेषं स्वयं प्राश्नीयाद् इतरथाभावे म्रियेत

kṛṣṇavrīhīṇāṃ nakhanirbhinnānāṃ piṣṭamayīṃ pratikṛtiṃ kṛtvā piṣṭasvedaṃ svedayitvā sarṣapatailenābhyajya tasyāḥ kṣureṇāṅgāny avadāyāgnau juhuyāt pra mandina ity etena śeṣaṃ svayaṃ prāśnīyād itarathābhāve mriyeta

Sanskrit only: no published translation is held for this verse.

अथ यः कामयेतावर्तयेयम् इत्य् एकरात्रं क्षुरसंयुक्तस् तिष्ठेत् सुतासो मधुमत्तमा इति वर्ग एतेषाम् एकम् अनेकं वा सर्वाणि वा प्रयुञ्जान एकरात्रेण कुटुम्बिनम् आवर्तयति

atha yaḥ kāmayetāvartayeyam ity ekarātraṃ kṣurasaṃyuktas tiṣṭhet sutāso madhumattamā iti varga eteṣām ekam anekaṃ vā sarvāṇi vā prayuñjāna ekarātreṇa kuṭumbinam āvartayati

Sanskrit only: no published translation is held for this verse.

द्विरात्रेण राजोपजीविनं त्रिरात्रेण राजानं चतूरात्रेण ग्रामं पञ्चरात्रेण नगरं षड्रात्रेण जनपदं सप्तरात्रेणासुररक्षांस्य् अष्टरात्रेण पितृपिशाचान् नवरात्रेण यक्षान् दशरात्रेण गन्धर्वाप्सरसो ऽर्धमासेन वैश्रवणं मासेनेन्द्रं चतुर्भिः प्रजापतिं संवत्सरेण यत् किं च जगत् सर्वं हास्य गुणीभवति

dvirātreṇa rājopajīvinaṃ trirātreṇa rājānaṃ catūrātreṇa grāmaṃ pañcarātreṇa nagaraṃ ṣaḍrātreṇa janapadaṃ saptarātreṇāsurarakṣāṃsy aṣṭarātreṇa pitṛpiśācān navarātreṇa yakṣān daśarātreṇa gandharvāpsaraso 'rdhamāsena vaiśravaṇaṃ māsenendraṃ caturbhiḥ prajāpatiṃ saṃvatsareṇa yat kiṃ ca jagat sarvaṃ hāsya guṇībhavati

Sanskrit only: no published translation is held for this verse.

अथातः सौभाग्यानाम्

athātaḥ saubhāgyānām

Sanskrit only: no published translation is held for this verse.

यद् इन्द्रो अनयद् उच्चा ते जातम् अन्धस इति नवमदशमे एतेषाम् एकम् अनेकं वा सर्वाणि वा प्रयुञ्जानः सुभगो भवति

yad indro anayad uccā te jātam andhasa iti navamadaśame eteṣām ekam anekaṃ vā sarvāṇi vā prayuñjānaḥ subhago bhavati

Sanskrit only: no published translation is held for this verse.

द्वन्द्वाद्यायाः सप्तमाष्टमाभ्याम् इन्द्राणीं सदा तर्पयन् सुभगो भवति

dvandvādyāyāḥ saptamāṣṭamābhyām indrāṇīṃ sadā tarpayan subhago bhavati

Sanskrit only: no published translation is held for this verse.

अपामार्गं दन्तपावनं घृतमधुलिप्तं भद्रो नो अग्निर् आहुत इत्य् एतेनानिष्ठीवन् संवत्सरं भक्षयन् सुभगो भवति

apāmārgaṃ dantapāvanaṃ ghṛtamadhuliptaṃ bhadro no agnir āhuta ity etenāniṣṭhīvan saṃvatsaraṃ bhakṣayan subhago bhavati

Sanskrit only: no published translation is held for this verse.

भगो न चित्र इत्य् एताभ्याम् अञ्जयन् सुभगो भवति

bhago na citra ity etābhyām añjayan subhago bhavati

Sanskrit only: no published translation is held for this verse.

इमम् इन्द्रेति वर्गं प्रयुञ्जानः सर्वजनस्य प्रियो भवति

imam indreti vargaṃ prayuñjānaḥ sarvajanasya priyo bhavati

Sanskrit only: no published translation is held for this verse.

परि प्रिया दिवः कविर् इत्य् एते यां कामयेत् तां श्रावयेत् कामयते हैनम्

pari priyā divaḥ kavir ity ete yāṃ kāmayet tāṃ śrāvayet kāmayate hainam

Sanskrit only: no published translation is held for this verse.

अथ यास्य न गुणी स्यात् तां ब्रूयाद् आचामेतीन्द्रो विश्वस्य राजतीत्य् एताभ्याम् आचामेत्

atha yāsya na guṇī syāt tāṃ brūyād ācāmetīndro viśvasya rājatīty etābhyām ācāmet

Sanskrit only: no published translation is held for this verse.

पदपांसून्वास्या अग्नौ जुहुयाद् एते पन्था अधो दिव इति

padapāṃsūnvāsyā agnau juhuyād ete panthā adho diva iti

Sanskrit only: no published translation is held for this verse.

तैलं वैनां याचित्वा पाणी परिमृद्नन्न् अग्नौ प्रतापयेद् अग्न आयाहि वीतय इति द्वितीयेन नानागतायां विरमेत्

tailaṃ vaināṃ yācitvā pāṇī parimṛdnann agnau pratāpayed agna āyāhi vītaya iti dvitīyena nānāgatāyāṃ viramet

Sanskrit only: no published translation is held for this verse.

गोजरायुकम् अहस्तस्पृष्टं शोषयित्वा प्रियङ्गुकां सहां सहदेवामध्यण्डां भूमिपाशकां सचाङ्काचपुष्पीम् इत्य् एता उत्थाप्य तद् अहश् चूर्णानि कारयेद् आ नो विश्वासु हव्यम् इत्य् एतेन त्रिः संपातांश्चूर्णेषु कृत्वाग्न आयाहि वीतय इति रहस्येन अद्भिः संयूय तानि नाशुचिः पश्येद् वोपस्पृशेद् वा तद् अनुलेपनम् तेनानुलिप्तो यां याम् उपस्पृशते सा सैनं कामयते

gojarāyukam ahastaspṛṣṭaṃ śoṣayitvā priyaṅgukāṃ sahāṃ sahadevāmadhyaṇḍāṃ bhūmipāśakāṃ sacāṅkācapuṣpīm ity etā utthāpya tad ahaś cūrṇāni kārayed ā no viśvāsu havyam ity etena triḥ saṃpātāṃścūrṇeṣu kṛtvāgna āyāhi vītaya iti rahasyena adbhiḥ saṃyūya tāni nāśuciḥ paśyed vopaspṛśed vā tad anulepanam tenānulipto yāṃ yām upaspṛśate sā sainaṃ kāmayate

Sanskrit only: no published translation is held for this verse.

गम्यां नास्नात उपस्पृशेत्

gamyāṃ nāsnāta upaspṛśet

Sanskrit only: no published translation is held for this verse.

उत्पले बुद्धे प्रियङ्गुका आवपेत् यदा पर्णानि संहरेद् अथैनम् उत्थाप्य चतुरङ्गुलम् उभयतः परिच्छिद्य मध्यम् उद्धरेत् तद् अनुलेपनम् तेनानुलिम्पेद् अवांशं च नि त्वा नक्ष्य विश्पत इत्य् एतेनास्य वेशस्थाः प्रव्रजिताश् च वश्या भवन्ति

utpale buddhe priyaṅgukā āvapet yadā parṇāni saṃhared athainam utthāpya caturaṅgulam ubhayataḥ paricchidya madhyam uddharet tad anulepanam tenānulimped avāṃśaṃ ca ni tvā nakṣya viśpata ity etenāsya veśasthāḥ pravrajitāś ca vaśyā bhavanti

Sanskrit only: no published translation is held for this verse.

कन्याप्रवहण एकरात्रोपोषितो ऽमावास्यायां निशि चतुष्पथ एह्य् ऊ षु ब्रवाणि त इत्य् एतेनाभिषिञ्चेत् त्रिर् अभिषिक्ता प्रदीयते

kanyāpravahaṇa ekarātropoṣito 'māvāsyāyāṃ niśi catuṣpatha ehy ū ṣu bravāṇi ta ity etenābhiṣiñcet trir abhiṣiktā pradīyate

Sanskrit only: no published translation is held for this verse.

आ ते वत्सा इति पुंसः

ā te vatsā iti puṃsaḥ

Sanskrit only: no published translation is held for this verse.

त्रिरात्रोपोषितः कृष्णाचतुर्दश्यां शवाद् अङ्गारम् आहृत्य चतुष्पथे बाधकम् इध्मम् उपसमाधाय मत्स्यं कृकरम् इत्य् एतौ जुहुयात् अग्ने मृड महाꣳ असीति पूर्वेणाग्निर् वृत्रेति द्वितीयाम् ते आहुती कोशे कृत्वा हरितालेन गोहृदयशोणितेन चोत्तरेण संनयेद् यं द्विष्यात् प्रमंहिष्ठीयेनास्य शय्याम् अवकिरेत् अगारं च भस्मना नैकग्रामे वसति

trirātropoṣitaḥ kṛṣṇācaturdaśyāṃ śavād aṅgāram āhṛtya catuṣpathe bādhakam idhmam upasamādhāya matsyaṃ kṛkaram ity etau juhuyāt agne mṛḍa mahāṁ asīti pūrveṇāgnir vṛtreti dvitīyām te āhutī kośe kṛtvā haritālena gohṛdayaśoṇitena cottareṇa saṃnayed yaṃ dviṣyāt pramaṃhiṣṭhīyenāsya śayyām avakiret agāraṃ ca bhasmanā naikagrāme vasati

Sanskrit only: no published translation is held for this verse.

अथातो यशस्यानां त्वम् इन्द्रयशा असि पवते हर्यतो हरिर् इत्य् एतेषाम् एकम् अनेकं वा सर्वाणि वा प्रयुञ्जानो यशस्वी भवति

athāto yaśasyānāṃ tvam indrayaśā asi pavate haryato harir ity eteṣām ekam anekaṃ vā sarvāṇi vā prayuñjāno yaśasvī bhavati

Sanskrit only: no published translation is held for this verse.

प्रियङ्गुका वा पुष्येणाभिजुहुयात् यशो मेति तद् अनुलेपनम् तेनानुलिम्पेत् संवत्सरम् यशस्वी भवति यशस्वी भवति

priyaṅgukā vā puṣyeṇābhijuhuyāt yaśo meti tad anulepanam tenānulimpet saṃvatsaram yaśasvī bhavati yaśasvī bhavati

Sanskrit only: no published translation is held for this verse.

अथातो ब्रह्मवर्चस्यानाम् रथन्तरं वामदेव्यं श्यैतं महानाम्न्यो यज्ञायज्ञीयम् इत्य् एतेषाम् एकम् अनेकं वा सर्वाणि वा प्रयुञ्जानो ब्रह्मवर्चस्वी भवति

athāto brahmavarcasyānām rathantaraṃ vāmadevyaṃ śyaitaṃ mahānāmnyo yajñāyajñīyam ity eteṣām ekam anekaṃ vā sarvāṇi vā prayuñjāno brahmavarcasvī bhavati

Sanskrit only: no published translation is held for this verse.

कस् तम् इन्द्रेति द्विकं प्रयुञ्जानो ब्रह्मवर्चस्वी भवति श्रद्धा चास्य भवति

kas tam indreti dvikaṃ prayuñjāno brahmavarcasvī bhavati śraddhā cāsya bhavati

Sanskrit only: no published translation is held for this verse.

जगृह्मा त इति षड्वर्गं प्रयुञ्जानो ब्रह्मवर्चस्वी भवति

jagṛhmā ta iti ṣaḍvargaṃ prayuñjāno brahmavarcasvī bhavati

Sanskrit only: no published translation is held for this verse.

अष्टरात्रोपोषितो ब्राह्मीम् उत्थाप्य प्रजापतेर् हृदयेनाभिगीय सहस्रकृत्वः प्राश्नीयाच्छ्रुतिनिगादी भवति

aṣṭarātropoṣito brāhmīm utthāpya prajāpater hṛdayenābhigīya sahasrakṛtvaḥ prāśnīyācchrutinigādī bhavati

Sanskrit only: no published translation is held for this verse.

पुष्पाणि वास्या उदकेन संवत्सरं यण्वेन प्राश्नीयाच्छ्रुतिनिगादी भवति

puṣpāṇi vāsyā udakena saṃvatsaraṃ yaṇvena prāśnīyācchrutinigādī bhavati

Sanskrit only: no published translation is held for this verse.

मासं सोमभक्षः स्यात् सदसस्पतिम् अद्भुतम् इत्य् एतेन श्रुतिनिगादी भवति

māsaṃ somabhakṣaḥ syāt sadasaspatim adbhutam ity etena śrutinigādī bhavati

Sanskrit only: no published translation is held for this verse.

सदा वैतत् प्रयुञ्जीत श्रुतिनिगादी भवति

sadā vaitat prayuñjīta śrutinigādī bhavati

Sanskrit only: no published translation is held for this verse.

भारद्वाजिकाया जिह्वाम् उत्थाप्य तद् अहश् चूर्णं कारयित्वा मधुसर्पिर्भ्यां संयूय प्राग् अन्नप्राशनात् कुमारं प्राशयेद् इन्द्रम् इद् गाथिनो बृहद् इत्य् एतेन श्रुतिनिगादी भवति

bhāradvājikāyā jihvām utthāpya tad ahaś cūrṇaṃ kārayitvā madhusarpirbhyāṃ saṃyūya prāg annaprāśanāt kumāraṃ prāśayed indram id gāthino bṛhad ity etena śrutinigādī bhavati

Sanskrit only: no published translation is held for this verse.

हरिद्रायास् तुलावरार्द्धं चूर्णयित्वैतेनैव कल्पेन संवत्सरं यण्वेन प्राश्नीयाच्छ्रुतिनिगादी भवति

haridrāyās tulāvarārddhaṃ cūrṇayitvaitenaiva kalpena saṃvatsaraṃ yaṇvena prāśnīyācchrutinigādī bhavati

Sanskrit only: no published translation is held for this verse.

वचाम् एतेन कल्पेन वाचो व्रतेन पूर्वेण प्राश्नीयाच्छ्रुतिनिगादी भवति

vacām etena kalpena vāco vratena pūrveṇa prāśnīyācchrutinigādī bhavati

Sanskrit only: no published translation is held for this verse.

मत्स्याक्षकशङ्खपुष्पीवचाकेरडीघृतानि बार्हद्गिरेणाभिजुहुयात् सहस्रकृत्वः शतावरम् एतेनैव प्राश्नीयात् श्रुतिनिगादी भवति

matsyākṣakaśaṅkhapuṣpīvacākeraḍīghṛtāni bārhadgireṇābhijuhuyāt sahasrakṛtvaḥ śatāvaram etenaiva prāśnīyāt śrutinigādī bhavati

Sanskrit only: no published translation is held for this verse.

वचायास् त्रिवृतं कारयेन् मणिम् अग्निं प्रतिष्ठाप्यावृता हुत्वा मणिं निधाय वाचो व्रतेनोत्तरेणाभिजुहुयात् सहस्रकृत्वः शतावरम् तं मणिं कण्ठेन शिरसा वा धारयन् कथासु श्रेयान् भवति

vacāyās trivṛtaṃ kārayen maṇim agniṃ pratiṣṭhāpyāvṛtā hutvā maṇiṃ nidhāya vāco vratenottareṇābhijuhuyāt sahasrakṛtvaḥ śatāvaram taṃ maṇiṃ kaṇṭhena śirasā vā dhārayan kathāsu śreyān bhavati

Sanskrit only: no published translation is held for this verse.

वचां मधुकम् इत्य् एते आस्ये ऽवधायापां फेनेनेत्य् एतन् मनसानुद्रुत्यान्ते स्वाहाकारेण निगीर्य राजन्वान् अहम् अराजकस् त्वम् असीत्य् उक्त्वा विवदेत् पर्षदि राजनि चोत्तरवादी भवत्य् उत्तरवादी भवति

vacāṃ madhukam ity ete āsye 'vadhāyāpāṃ phenenety etan manasānudrutyānte svāhākāreṇa nigīrya rājanvān aham arājakas tvam asīty uktvā vivadet parṣadi rājani cottaravādī bhavaty uttaravādī bhavati

Sanskrit only: no published translation is held for this verse.

अथातः पुत्रियाणाम्

athātaḥ putriyāṇām

Sanskrit only: no published translation is held for this verse.

न त्वा नक्ष्य नि त्वाम् अग्ने प्र यो राये ऽयम् अग्निः सुवीर्यस्य जातः परेण न हि वश् चरमं च न सोमः पवते जनिता मतीनाम् इति सर्वाण्य् अप त्यं नित्यवत्सा रथन्तरं व्याहृतिवर्गो ऽरूरुचद् इति द्वे एतेषाम् एकम् अनेकं वा सर्वाणि वा प्रयुञ्जानः सुरूपान् दीर्घायुषः पुत्रांल् लभते

na tvā nakṣya ni tvām agne pra yo rāye 'yam agniḥ suvīryasya jātaḥ pareṇa na hi vaś caramaṃ ca na somaḥ pavate janitā matīnām iti sarvāṇy apa tyaṃ nityavatsā rathantaraṃ vyāhṛtivargo 'rūrucad iti dve eteṣām ekam anekaṃ vā sarvāṇi vā prayuñjānaḥ surūpān dīrghāyuṣaḥ putrāṃl labhate

Sanskrit only: no published translation is held for this verse.

रोहिण्यां वा रोहिण्या गोः सरूपवत्सायाः पयसि रक्तशालीनां स्थालीपाकं श्रपयित्वा परमेष्ठिनः प्राजापत्यस्य व्रतेनाभिजुहुयात् सहस्रकृत्वः शतावरम् एतेनैवाभिगीयोद्धृत्य सभार्यः प्राश्नीयात् सुरूपान् दीर्घायुषः पुत्रांल् लभते

rohiṇyāṃ vā rohiṇyā goḥ sarūpavatsāyāḥ payasi raktaśālīnāṃ sthālīpākaṃ śrapayitvā parameṣṭhinaḥ prājāpatyasya vratenābhijuhuyāt sahasrakṛtvaḥ śatāvaram etenaivābhigīyoddhṛtya sabhāryaḥ prāśnīyāt surūpān dīrghāyuṣaḥ putrāṃl labhate

Sanskrit only: no published translation is held for this verse.

कृष्णाया गोः सरूपवत्सायाः पयसि कृष्णषष्टिकानां स्थालीपाकं श्रपयित्वा कृष्णपञ्चम्याम् उदिते सोमे त्वम् इमा ओषधीर् इत्य् एतेनाभिजुहुयात् सहस्रकृत्वः शतावरम् एतेनैवाभिगीयोद्धृत्य सभार्यः प्राश्नीयात् सुरूपान् दीर्घायुषः पुत्रांल् लभते

kṛṣṇāyā goḥ sarūpavatsāyāḥ payasi kṛṣṇaṣaṣṭikānāṃ sthālīpākaṃ śrapayitvā kṛṣṇapañcamyām udite some tvam imā oṣadhīr ity etenābhijuhuyāt sahasrakṛtvaḥ śatāvaram etenaivābhigīyoddhṛtya sabhāryaḥ prāśnīyāt surūpān dīrghāyuṣaḥ putrāṃl labhate

Sanskrit only: no published translation is held for this verse.

कौम्भ्यं घृतं पुरुषव्रतेनाभिजुहुयाद् अनुगानशः उत्तरेण सदा प्राश्नीयात् सुरूपान् दीर्घायुषः पुत्रांल्लभते

kaumbhyaṃ ghṛtaṃ puruṣavratenābhijuhuyād anugānaśaḥ uttareṇa sadā prāśnīyāt surūpān dīrghāyuṣaḥ putrāṃllabhate

Sanskrit only: no published translation is held for this verse.

उडङ्गवानां यो ऽग्रे गच्छेत् तं गृहीत्वा तद् अहस् त्रिवृतं कारयेन् मणिम् अग्निं प्रतिष्ठाप्यावृता हुत्वा मणिं निधायोच्चा ते जातम् अन्धस इति तृतीयेनाभिजुहुयात् सहस्रकृत्वः शतावरम् तं मणिं कण्ठेन शिरसा वा धारयञ्छतानुचरो भवति शतानुचरो भवति

uḍaṅgavānāṃ yo 'gre gacchet taṃ gṛhītvā tad ahas trivṛtaṃ kārayen maṇim agniṃ pratiṣṭhāpyāvṛtā hutvā maṇiṃ nidhāyoccā te jātam andhasa iti tṛtīyenābhijuhuyāt sahasrakṛtvaḥ śatāvaram taṃ maṇiṃ kaṇṭhena śirasā vā dhārayañchatānucaro bhavati śatānucaro bhavati

Sanskrit only: no published translation is held for this verse.