दानवेन्द्राश् च ते सर्वे यथास्वम् अगमन् गृहान् । सूर्यप्रभो ऽपि स्वावासम् आजगाम दिनक्षये
dānavendrāś ca te sarve yathāsvam agaman gṛhān / sūryaprabho 'pi svāvāsam ājagāma dinakṣaye
Sanskrit only: no published translation is held for this verse.
Library·Somadeva: Kathasaritsagara·8·8.2
Somadeva: Kathasaritsagara 8.2
प्रदोषे च कलावत्या पुनर् आगतया सह । सुष्वापाभ्यन्तरे गुप्तं बहिः सुप्ताखिलानुगः
pradoṣe ca kalāvatyā punar āgatayā saha / suṣvāpābhyantare guptaṃ bahiḥ suptākhilānugaḥ
Sanskrit only: no published translation is held for this verse.
तावन् महल्लिका सापि तत्संदर्शनसोत्सुका । तत्राययौ सविस्रम्भवयस्याद्वयसंगता
tāvan mahallikā sāpi tatsaṃdarśanasotsukā / tatrāyayau savisrambhavayasyādvayasaṃgatā
Sanskrit only: no published translation is held for this verse.
अन्तः प्रवेष्टुम् इच्छन्तीं प्रज्ञाढ्याख्यो ददर्श ताम् । सूर्यप्रभस्य सचिवो निद्रया तत्क्षणोज्झितः
antaḥ praveṣṭum icchantīṃ prajñāḍhyākhyo dadarśa tām / sūryaprabhasya sacivo nidrayā tatkṣaṇojjhitaḥ
Sanskrit only: no published translation is held for this verse.
देवि तिष्ठ क्षणं यावत् प्रविश्याभ्यन्तराद् अहम् । निर्गच्छामीति स च तां परिज्ञायोत्थितो ऽभ्यधात्
devi tiṣṭha kṣaṇaṃ yāvat praviśyābhyantarād aham / nirgacchāmīti sa ca tāṃ parijñāyotthito 'bhyadhāt
Sanskrit only: no published translation is held for this verse.
रुद्धाः स्मः किं बहिः कस्माद् यूयं चेति सशङ्कया । तया पृष्टः स भूयो ऽपि प्रज्ञाढ्यो निजगाद ताम्
ruddhāḥ smaḥ kiṃ bahiḥ kasmād yūyaṃ ceti saśaṅkayā / tayā pṛṣṭaḥ sa bhūyo 'pi prajñāḍhyo nijagāda tām
Sanskrit only: no published translation is held for this verse.
स्वैरं सुप्तस्य सहसैवान्तिकं किं प्रविश्यते । सुप्तश् चास्मत्प्रभुर् असाव् एको व्रतवशाद् इति
svairaṃ suptasya sahasaivāntikaṃ kiṃ praviśyate / suptaś cāsmatprabhur asāv eko vratavaśād iti
Sanskrit only: no published translation is held for this verse.
ततस् तया विशस्व त्वम् इत्य् उक्तः सविलक्षया । प्रह्लाददैत्यसुतया प्रज्ञाढ्यो ऽन्तर् विवेश सः
tatas tayā viśasva tvam ity uktaḥ savilakṣayā / prahlādadaityasutayā prajñāḍhyo 'ntar viveśa saḥ
Sanskrit only: no published translation is held for this verse.
सुप्तां कलावतीं दृष्ट्वा तस्मै सूर्यप्रभाय सः । प्रबोध्य स्वैरम् आचख्याव् आगतां तां महल्लिकाम्
suptāṃ kalāvatīṃ dṛṣṭvā tasmai sūryaprabhāya saḥ / prabodhya svairam ācakhyāv āgatāṃ tāṃ mahallikām
Sanskrit only: no published translation is held for this verse.
सूर्यप्रभश् च बुद्ध्वा तच् छनैर् उत्थाय निर्गतः । दृष्ट्वा महल्लिकाम् आत्मतृतीयाम् अप्य् अभाषत
sūryaprabhaś ca buddhvā tac chanair utthāya nirgataḥ / dṛṣṭvā mahallikām ātmatṛtīyām apy abhāṣata
Sanskrit only: no published translation is held for this verse.
नीतः कृतार्थतां तावद् अयम् अभ्यागतो जनः । नीयतां स्थानम् अप्य् एतद् आसनं परिगृह्यताम्
nītaḥ kṛtārthatāṃ tāvad ayam abhyāgato janaḥ / nīyatāṃ sthānam apy etad āsanaṃ parigṛhyatām
Sanskrit only: no published translation is held for this verse.
तच् छ्रुत्वोपविवेशाथ सहान्याभ्यां महल्लिका । सूर्यप्रभो ऽप्य् उपाविक्षत् स प्रज्ञाढ्ययुतस् ततः
tac chrutvopaviveśātha sahānyābhyāṃ mahallikā / sūryaprabho 'py upāvikṣat sa prajñāḍhyayutas tataḥ
Sanskrit only: no published translation is held for this verse.
उपविश्य स चोवाच तन्वि यद्य् अपि मे कृता । त्वयावज्ञा सदस्य् अन्या प्रेक्ष्यान्ते वर्धमानया
upaviśya sa covāca tanvi yady api me kṛtā / tvayāvajñā sadasy anyā prekṣyānte vardhamānayā
Sanskrit only: no published translation is held for this verse.
तथापि तावल् लोलाक्षि दृष्टमात्रेण मे तव । सौन्दर्येणेव नृत्तेन लोचने सफलीकृते
tathāpi tāval lolākṣi dṛṣṭamātreṇa me tava / saundaryeṇeva nṛttena locane saphalīkṛte
Sanskrit only: no published translation is held for this verse.
इति सूर्यप्रभेणोक्ता सा प्रह्लादसुताब्रवीत् । नार्यपुत्रापराधो ऽसौ मम सो ऽत्रापराध्यति
iti sūryaprabheṇoktā sā prahlādasutābravīt / nāryaputrāparādho 'sau mama so 'trāparādhyati
Sanskrit only: no published translation is held for this verse.
येनाहं संसदि कृता भग्नाभिनयलज्जिता । एतच् छ्रुत्वा जितो ऽस्मीति हसन् सूर्यप्रभो ऽब्रवीत्
yenāhaṃ saṃsadi kṛtā bhagnābhinayalajjitā / etac chrutvā jito 'smīti hasan sūryaprabho 'bravīt
Sanskrit only: no published translation is held for this verse.
जग्राह च करेणास्याः करं राजसुतो ऽथ सः । बलात्कारग्रहाद् भीतम् इव सस्वेदवेपथुम्
jagrāha ca kareṇāsyāḥ karaṃ rājasuto 'tha saḥ / balātkāragrahād bhītam iva sasvedavepathum
Sanskrit only: no published translation is held for this verse.
मुञ्चार्यपुत्र कन्याहं पितृवश्येति वादिनीम् । ततो ऽसुरेन्द्रतनयां प्रज्ञाढ्यस् ताम् उवाच सः
muñcāryaputra kanyāhaṃ pitṛvaśyeti vādinīm / tato 'surendratanayāṃ prajñāḍhyas tām uvāca saḥ
Sanskrit only: no published translation is held for this verse.
कन्यानां किं च गान्धर्वो विवाहो देवि विद्यते । न च प्रदास्यत्य् अन्यस्मै पिता त्वां लक्षिताशयः
kanyānāṃ kiṃ ca gāndharvo vivāho devi vidyate / na ca pradāsyaty anyasmai pitā tvāṃ lakṣitāśayaḥ
Sanskrit only: no published translation is held for this verse.
एतस्य चात्र संमानं निश्चितं स करिष्यति । तद् अलं साध्वसेनेदृग् वृथा मा भूत् समागमः
etasya cātra saṃmānaṃ niścitaṃ sa kariṣyati / tad alaṃ sādhvasenedṛg vṛthā mā bhūt samāgamaḥ
Sanskrit only: no published translation is held for this verse.
एवं महल्लिकां यावत् प्रज्ञाढ्यस् तां ब्रवीति सः । तावत् साभ्यन्तरे तत्र प्रबुद्धाभूत् कलावती
evaṃ mahallikāṃ yāvat prajñāḍhyas tāṃ bravīti saḥ / tāvat sābhyantare tatra prabuddhābhūt kalāvatī
Sanskrit only: no published translation is held for this verse.
अपश्यन्ती च तं सूर्यप्रभं सा शयनीयके । प्रतीक्ष्य किंचिद् उद्विग्नशङ्किता निरगाद् बहिः
apaśyantī ca taṃ sūryaprabhaṃ sā śayanīyake / pratīkṣya kiṃcid udvignaśaṅkitā niragād bahiḥ
Sanskrit only: no published translation is held for this verse.
दृष्ट्वा महल्लिकोपेतं तं चात्र निजवल्लभम् । सकोपा च सलज्जा च सभया च बभूव सा
dṛṣṭvā mahallikopetaṃ taṃ cātra nijavallabham / sakopā ca salajjā ca sabhayā ca babhūva sā
Sanskrit only: no published translation is held for this verse.
महल्लिकापि दृष्ट्वैव ताम् आसीद् भीतलज्जिता । सूर्यप्रभश् च निःस्पन्दस् तस्थाव् आलिखितो यथा
mahallikāpi dṛṣṭvaiva tām āsīd bhītalajjitā / sūryaprabhaś ca niḥspandas tasthāv ālikhito yathā
Sanskrit only: no published translation is held for this verse.
दृष्टा कथं पलाये ऽहं जिह्रेमीर्ष्यामि वा यदि । इति तत्पार्श्वम् एवागात् कलावत्य् अपि सा ततः
dṛṣṭā kathaṃ palāye 'haṃ jihremīrṣyāmi vā yadi / iti tatpārśvam evāgāt kalāvaty api sā tataḥ
Sanskrit only: no published translation is held for this verse.
कुशलं सखि कुत्र त्वम् आगतैवम् इतो निशि । एवं महल्लिकां तां च साभ्यसूयम् उवाच सा
kuśalaṃ sakhi kutra tvam āgataivam ito niśi / evaṃ mahallikāṃ tāṃ ca sābhyasūyam uvāca sā
Sanskrit only: no published translation is held for this verse.
ततो महल्लिकावोचन् ममैतद् गृहम् अत्र तु । त्वम् अन्यपातालगृहात् प्राप्ता प्राघुणिकाद्य मे
tato mahallikāvocan mamaitad gṛham atra tu / tvam anyapātālagṛhāt prāptā prāghuṇikādya me
Sanskrit only: no published translation is held for this verse.
तच् छ्रुत्वा सा विहस्यैतां कलावत्य् एवम् अब्रवीत् । सत्यं दृश्यत एवेदं यत् त्वं सर्वस्य कस्यचित्
tac chrutvā sā vihasyaitāṃ kalāvaty evam abravīt / satyaṃ dṛśyata evedaṃ yat tvaṃ sarvasya kasyacit
Sanskrit only: no published translation is held for this verse.
करोषीहागतस्यैव प्राघुणातिथ्यसत्क्रियाम् । एवम् उक्ते कलावत्या सा जगाद महल्लिका
karoṣīhāgatasyaiva prāghuṇātithyasatkriyām / evam ukte kalāvatyā sā jagāda mahallikā
Sanskrit only: no published translation is held for this verse.
यदि प्रीत्या मयोक्ता त्वं तत् किं सद्वेषनिष्ठुरम् । एवं वदसि निर्लज्जे किम् अहं सदृशी तव
yadi prītyā mayoktā tvaṃ tat kiṃ sadveṣaniṣṭhuram / evaṃ vadasi nirlajje kim ahaṃ sadṛśī tava
Sanskrit only: no published translation is held for this verse.
किम् अहं बान्धवादत्ता दूराद् एत्य परस्थले । परस्य शयने सुप्ता रहस्य् एकाकिनी निशि
kim ahaṃ bāndhavādattā dūrād etya parasthale / parasya śayane suptā rahasy ekākinī niśi
Sanskrit only: no published translation is held for this verse.
अहं पितुः प्राघुणिकं स्वस्थाने द्रष्टुम् आगता । आतिथ्येनाधुनैवैषा सखीद्वितयसंगता
ahaṃ pituḥ prāghuṇikaṃ svasthāne draṣṭum āgatā / ātithyenādhunaivaiṣā sakhīdvitayasaṃgatā
Sanskrit only: no published translation is held for this verse.
यदास्मान् विप्रलभ्यादाव् असौ मन्त्री प्रविष्टवान् । तदैवैतन् मया ज्ञातं त्वया व्यक्तीकृतं स्वतः
yadāsmān vipralabhyādāv asau mantrī praviṣṭavān / tadaivaitan mayā jñātaṃ tvayā vyaktīkṛtaṃ svataḥ
Sanskrit only: no published translation is held for this verse.
एवं महल्लिकोक्ता सा कलावत्य् अगमत् ततः । तिर्यक् कोपकषायेण पश्यन्ती चक्षुषा प्रियम्
evaṃ mahallikoktā sā kalāvaty agamat tataḥ / tiryak kopakaṣāyeṇa paśyantī cakṣuṣā priyam
Sanskrit only: no published translation is held for this verse.
ततो महल्लिका सापि बहुवल्लभ याम्य् अहम् । संप्रतीति रुषा सूर्यप्रभम् उक्त्वा ततो ययौ
tato mahallikā sāpi bahuvallabha yāmy aham / saṃpratīti ruṣā sūryaprabham uktvā tato yayau
Sanskrit only: no published translation is held for this verse.
सूर्यप्रभश् च विमना युक्तं यद् अभवत् तदा । कान्ताभ्यां हि समं तस्य तदासक्तं मनो गतम्
sūryaprabhaś ca vimanā yuktaṃ yad abhavat tadā / kāntābhyāṃ hi samaṃ tasya tadāsaktaṃ mano gatam
Sanskrit only: no published translation is held for this verse.
अथ ज्ञातुं कलावत्याः कलहान्तरचेष्टितम् । प्राहिणोद् द्रुतम् उत्थाप्य प्रभासं स स्वमन्त्रिणम्
atha jñātuṃ kalāvatyāḥ kalahāntaraceṣṭitam / prāhiṇod drutam utthāpya prabhāsaṃ sa svamantriṇam
Sanskrit only: no published translation is held for this verse.
महल्लिकायास् तद्वच् च प्रहस्तं स विसृष्टवान् । स्वयं च तत्प्रतीक्षः सन्न् आसीत् प्रज्ञाढ्यसंयुतः
mahallikāyās tadvac ca prahastaṃ sa visṛṣṭavān / svayaṃ ca tatpratīkṣaḥ sann āsīt prajñāḍhyasaṃyutaḥ
Sanskrit only: no published translation is held for this verse.
अथान्विष्य कलावत्याश् चेष्टितं स समाययौ । प्रभासो निकटं तस्य पृष्टश् चैवम् उवाच तम्
athānviṣya kalāvatyāś ceṣṭitaṃ sa samāyayau / prabhāso nikaṭaṃ tasya pṛṣṭaś caivam uvāca tam
Sanskrit only: no published translation is held for this verse.
इतो द्वितीयपातालवर्ति तद् गतवान् अहम् । वासवेश्म कलावत्याः स्वविद्याच्छादितात्मकः
ito dvitīyapātālavarti tad gatavān aham / vāsaveśma kalāvatyāḥ svavidyācchāditātmakaḥ
Sanskrit only: no published translation is held for this verse.
बहिस् तत्र द्वयोश् चेट्योर् आलापश् च श्रुतो मया । एकाब्रवीत् सखि किम् अद्योद्विग्नास्ते कलावती
bahis tatra dvayoś ceṭyor ālāpaś ca śruto mayā / ekābravīt sakhi kim adyodvignāste kalāvatī
Sanskrit only: no published translation is held for this verse.
ततो द्वितीयाप्य् अवदत् सखि शृण्व् अत्र कारणम् । सुमुण्डीकावतारो हि चतुर्थे ऽद्य रसातले
tato dvitīyāpy avadat sakhi śṛṇv atra kāraṇam / sumuṇḍīkāvatāro hi caturthe 'dya rasātale
Sanskrit only: no published translation is held for this verse.
स्थितः सूर्यप्रभो नाम रूपेण जितमन्मथः । तस्मै गत्वा स्वयं गुप्तम् आत्मा दत्तः किलैतया
sthitaḥ sūryaprabho nāma rūpeṇa jitamanmathaḥ / tasmai gatvā svayaṃ guptam ātmā dattaḥ kilaitayā
Sanskrit only: no published translation is held for this verse.
गतायाम् अद्य चैतस्यां तत्सकाशं निशागमे । प्रह्लाददुहिताप्य् आगात् स्वयं तत्र महल्लिका
gatāyām adya caitasyāṃ tatsakāśaṃ niśāgame / prahlādaduhitāpy āgāt svayaṃ tatra mahallikā
Sanskrit only: no published translation is held for this verse.
तया सहेर्ष्याकलहं कृत्वा सत्य् आत्मघातने । उद्यतैषा सुखावत्या स्वस्रा दृष्ट्वैव रक्षिता
tayā saherṣyākalahaṃ kṛtvā saty ātmaghātane / udyataiṣā sukhāvatyā svasrā dṛṣṭvaiva rakṣitā
Sanskrit only: no published translation is held for this verse.
ततश् चान्तः प्रविश्यैव निपत्य शयनीयके । स्थिता तया सह स्वस्रा पृष्टवृत्तान्तविग्नया
tataś cāntaḥ praviśyaiva nipatya śayanīyake / sthitā tayā saha svasrā pṛṣṭavṛttāntavignayā
Sanskrit only: no published translation is held for this verse.
एवं चेट्योः कथां श्रुत्वा प्रविश्यात्र तथैव ते । कलावतीसुखावत्यौ दृष्टे तुल्याकृती मया
evaṃ ceṭyoḥ kathāṃ śrutvā praviśyātra tathaiva te / kalāvatīsukhāvatyau dṛṣṭe tulyākṛtī mayā
Sanskrit only: no published translation is held for this verse.
इति प्रभासो यावत् तं वक्ति सूर्यप्रभं रहः । तावत् प्रहस्तो ऽप्य् अत्रागात् पृष्टः सो ऽप्य् अब्रवीद् इदम्
iti prabhāso yāvat taṃ vakti sūryaprabhaṃ rahaḥ / tāvat prahasto 'py atrāgāt pṛṣṭaḥ so 'py abravīd idam
Sanskrit only: no published translation is held for this verse.
इतो महल्लिकावासगृहं यावद् अहं गतः । तावत् तत्र प्रविष्टा सा सखीभ्यां सह दुर्मनाः
ito mahallikāvāsagṛhaṃ yāvad ahaṃ gataḥ / tāvat tatra praviṣṭā sā sakhībhyāṃ saha durmanāḥ
Sanskrit only: no published translation is held for this verse.
अहं तत्रैव चादृश्यो विद्यायुक्त्या प्रविष्टवान् । दृष्टा मयात्र तस्याश् च सख्यो द्वादश तत्समाः
ahaṃ tatraiva cādṛśyo vidyāyuktyā praviṣṭavān / dṛṣṭā mayātra tasyāś ca sakhyo dvādaśa tatsamāḥ
Sanskrit only: no published translation is held for this verse.
ताश् च सद्रत्नपर्यङ्कनिषण्णां परिवृत्य ताम् । महल्लिकाम् उपविक्षन्न् एका चोवाच तां ततः
tāś ca sadratnaparyaṅkaniṣaṇṇāṃ parivṛtya tām / mahallikām upavikṣann ekā covāca tāṃ tataḥ
Sanskrit only: no published translation is held for this verse.
सखि कस्माद् अकस्मात् त्वम् उद्विग्नेवाद्य दृश्यसे । विवाहे प्रस्तुते ऽप्य् एषा बत का ते विषादिता
sakhi kasmād akasmāt tvam udvignevādya dṛśyase / vivāhe prastute 'py eṣā bata kā te viṣāditā
Sanskrit only: no published translation is held for this verse.
तच् छ्रुत्वा सविमर्शा सा तां प्रह्लादसुताब्रवीत् । को मे विवाहो दत्तास्मि कस्मै केनोदितं तव
tac chrutvā savimarśā sā tāṃ prahlādasutābravīt / ko me vivāho dattāsmi kasmai kenoditaṃ tava
Sanskrit only: no published translation is held for this verse.
एवं तयोक्ते सर्वास् ता जगदुर् निश्चितं तव । प्रातर् विवाहो दत्तासि सखि सूर्यप्रभाय च
evaṃ tayokte sarvās tā jagadur niścitaṃ tava / prātar vivāho dattāsi sakhi sūryaprabhāya ca
Sanskrit only: no published translation is held for this verse.
त्वज्जनन्या च देव्यैतद् अद्योक्तं त्वदसंनिधौ । अस्मान् नियोजयन्त्या ते कौतुकप्रतिकर्मणि
tvajjananyā ca devyaitad adyoktaṃ tvadasaṃnidhau / asmān niyojayantyā te kautukapratikarmaṇi
Sanskrit only: no published translation is held for this verse.
तद् धन्यासि च यस्यास् ते भावी सूर्यप्रभः पतिः । यद्रूपलुब्धो निद्राति निशि नेहाङ्गनाजनः
tad dhanyāsi ca yasyās te bhāvī sūryaprabhaḥ patiḥ / yadrūpalubdho nidrāti niśi nehāṅganājanaḥ
Sanskrit only: no published translation is held for this verse.
अस्माकं तु विषादो ऽयं क्वेदानीं त्वं वयं क्व च । तस्मिन् हि भर्तरि प्राप्ते त्वम् अस्मान् विस्मरिष्यसि
asmākaṃ tu viṣādo 'yaṃ kvedānīṃ tvaṃ vayaṃ kva ca / tasmin hi bhartari prāpte tvam asmān vismariṣyasi
Sanskrit only: no published translation is held for this verse.
एतन् महल्लिका तासां मुखाच् छ्रुत्वा जगाद सा । कच्चित् स दृष्टो युष्माभिर् मनस् तस्मिन् गतं च वः
etan mahallikā tāsāṃ mukhāc chrutvā jagāda sā / kaccit sa dṛṣṭo yuṣmābhir manas tasmin gataṃ ca vaḥ
Sanskrit only: no published translation is held for this verse.
तच् छ्रुत्वा ताम् अवोचंस् ता हर्म्यात् सो ऽस्माभिर् ईक्षितः । का च सा स्त्री मनो यस्या न स दृष्टो हरेद् इति
tac chrutvā tām avocaṃs tā harmyāt so 'smābhir īkṣitaḥ / kā ca sā strī mano yasyā na sa dṛṣṭo hared iti
Sanskrit only: no published translation is held for this verse.
ततः साप्य् अवदत् तर्हि तातं वक्ष्याम्य् अहं तथा । युष्मान् अप्य् अखिलास् तस्मै दापयिष्याम्य् अमूर् यथा
tataḥ sāpy avadat tarhi tātaṃ vakṣyāmy ahaṃ tathā / yuṣmān apy akhilās tasmai dāpayiṣyāmy amūr yathā
Sanskrit only: no published translation is held for this verse.
इत्थम् अन्योन्यविरहो न स्यान् नः सहवासतः । इति ब्रुवाणां कन्यास् ताः संभ्रान्ताः संबभाषिरे
ittham anyonyaviraho na syān naḥ sahavāsataḥ / iti bruvāṇāṃ kanyās tāḥ saṃbhrāntāḥ saṃbabhāṣire
Sanskrit only: no published translation is held for this verse.
सखि मैवं कृथा नैतद् युक्तम् एषा त्रपा हि नः । एवम् उक्तवतीर् एताः सा जगादासुरेन्द्रजा
sakhi maivaṃ kṛthā naitad yuktam eṣā trapā hi naḥ / evam uktavatīr etāḥ sā jagādāsurendrajā
Sanskrit only: no published translation is held for this verse.
किम् अयुक्तं न तेनैका परिणेयाहम् एव हि । तस्मै सर्वे ऽपि दास्यन्ति दुहितॄर् दैत्यदानवाः
kim ayuktaṃ na tenaikā pariṇeyāham eva hi / tasmai sarve 'pi dāsyanti duhitṝr daityadānavāḥ
Sanskrit only: no published translation is held for this verse.
अन्याश् च राजतनयास् तस्योदूढा भुवि स्थिताः । परिणेष्यति बह्वीश् च स विद्याधरकन्यकाः
anyāś ca rājatanayās tasyodūḍhā bhuvi sthitāḥ / pariṇeṣyati bahvīś ca sa vidyādharakanyakāḥ
Sanskrit only: no published translation is held for this verse.
तन्मध्ये परिणीतासु युष्मासु मम का क्षतिः । सुखं प्रत्युत वत्स्यामो वयं सख्यः परस्परम्
tanmadhye pariṇītāsu yuṣmāsu mama kā kṣatiḥ / sukhaṃ pratyuta vatsyāmo vayaṃ sakhyaḥ parasparam
Sanskrit only: no published translation is held for this verse.
अन्याभिस् तु विरुद्धाभिः कस् ताभिः संस्तवो मम । युष्माकं च त्रपा कात्र सर्वम् एतत् करोम्य् अहम्
anyābhis tu viruddhābhiḥ kas tābhiḥ saṃstavo mama / yuṣmākaṃ ca trapā kātra sarvam etat karomy aham
Sanskrit only: no published translation is held for this verse.
इति तासां कथा यावद् वर्तते त्वद्गतात्मनाम् । तावत् ततो ऽहं निर्गत्य स्वैरं त्वत्पार्श्वम् आगतः
iti tāsāṃ kathā yāvad vartate tvadgatātmanām / tāvat tato 'haṃ nirgatya svairaṃ tvatpārśvam āgataḥ
Sanskrit only: no published translation is held for this verse.
एतत् प्रहस्तस्य मुखाच् छ्रुत्वा सूर्यप्रभो ऽत्र सः । अनिद्र एव शयने तां निशाम् अनयन् मुदा
etat prahastasya mukhāc chrutvā sūryaprabho 'tra saḥ / anidra eva śayane tāṃ niśām anayan mudā
Sanskrit only: no published translation is held for this verse.
प्रातः सह सुनीथेन मयेन सचिवैश् च सः । असुराधिपतिं द्रष्टुं प्रह्लादं तत्सभां ययौ
prātaḥ saha sunīthena mayena sacivaiś ca saḥ / asurādhipatiṃ draṣṭuṃ prahlādaṃ tatsabhāṃ yayau
Sanskrit only: no published translation is held for this verse.
सुनीथं तत्र स प्राह प्रह्लादो दर्शितादरः । सुतां सूर्यप्रभायाहं ददाम्य् अस्मै महल्लिकाम्
sunīthaṃ tatra sa prāha prahlādo darśitādaraḥ / sutāṃ sūryaprabhāyāhaṃ dadāmy asmai mahallikām
Sanskrit only: no published translation is held for this verse.
अस्य हि प्राघुणातिथ्यं कार्यं मे तव च प्रियम् । एतत् प्रह्लादवचनं सुनीथो ऽभिननन्द सः
asya hi prāghuṇātithyaṃ kāryaṃ me tava ca priyam / etat prahlādavacanaṃ sunītho 'bhinananda saḥ
Sanskrit only: no published translation is held for this verse.
ततो वेदीं समारोप्य मध्यज्वलितपावकाम् । तत्प्रभाभ्राजितोदग्ररत्नस्तम्भावभासिताम्
tato vedīṃ samāropya madhyajvalitapāvakām / tatprabhābhrājitodagraratnastambhāvabhāsitām
Sanskrit only: no published translation is held for this verse.
महल्लिकां तां स्वसुतां प्रादात् सूर्यप्रभाय सः । प्रह्लादो ऽसुरसाम्राज्यसदृशीभिर् विभूतिभिः
mahallikāṃ tāṃ svasutāṃ prādāt sūryaprabhāya saḥ / prahlādo 'surasāmrājyasadṛśībhir vibhūtibhiḥ
Sanskrit only: no published translation is held for this verse.
ददौ सद्रत्नराशींश् च स दुहित्रे वराय च । त्रिदशावजयानीतान् सुमेरुशिखरोपमान्
dadau sadratnarāśīṃś ca sa duhitre varāya ca / tridaśāvajayānītān sumeruśikharopamān
Sanskrit only: no published translation is held for this verse.
तात ता अपि देह्य् अस्मै सखीर् मे द्वादश प्रियाः । एवं महल्लिका स्वैरं प्रह्लादं सा तदाब्रवीत्
tāta tā api dehy asmai sakhīr me dvādaśa priyāḥ / evaṃ mahallikā svairaṃ prahlādaṃ sā tadābravīt
Sanskrit only: no published translation is held for this verse.
पुत्रि मद्भ्रात्रधीनास् तास् तेन बन्दीकृता यतः । मम दातुं न युज्यन्त इति सो ऽपि जगाद ताम्
putri madbhrātradhīnās tās tena bandīkṛtā yataḥ / mama dātuṃ na yujyanta iti so 'pi jagāda tām
Sanskrit only: no published translation is held for this verse.
कृतोद्वाहोत्सवश् चास्मिन् याते सूर्यप्रभो दिने । विवेश वासकं नक्तं स महल्लिकया सह
kṛtodvāhotsavaś cāsmin yāte sūryaprabho dine / viveśa vāsakaṃ naktaṃ sa mahallikayā saha
Sanskrit only: no published translation is held for this verse.
सर्वकामोपचाराढ्यं तत्र तं सुरतोत्सवम् । अनया समनःप्रीतिसौख्यं सो ऽनुबभूव च
sarvakāmopacārāḍhyaṃ tatra taṃ suratotsavam / anayā samanaḥprītisaukhyaṃ so 'nubabhūva ca
Sanskrit only: no published translation is held for this verse.
प्रातर् गते च प्रह्लादे सभां तस्मिन् सहानुगे । अमीलो दानवाधीशः प्रह्लादादीन् अभाषत
prātar gate ca prahlāde sabhāṃ tasmin sahānuge / amīlo dānavādhīśaḥ prahlādādīn abhāṣata
Sanskrit only: no published translation is held for this verse.
अद्य युष्माभिर् अखिलैर् आगन्तव्यं गृहे मम । तत्रातिथ्यं यतः सूर्यप्रभस्यास्य करोम्य् अहम्
adya yuṣmābhir akhilair āgantavyaṃ gṛhe mama / tatrātithyaṃ yataḥ sūryaprabhasyāsya karomy aham
Sanskrit only: no published translation is held for this verse.
सुतां कलावतीं तस्मै ददामि यदि वो हितम् । एतत् तद्वचनं सर्वे तथेति प्रतिपेदिरे
sutāṃ kalāvatīṃ tasmai dadāmi yadi vo hitam / etat tadvacanaṃ sarve tatheti pratipedire
Sanskrit only: no published translation is held for this verse.
ततो द्वितीयं पातालं तस्मिन्न् एव क्षणे च ते । सर्वे जग्मुः समं सूर्यप्रभेण समयादिना
tato dvitīyaṃ pātālaṃ tasminn eva kṣaṇe ca te / sarve jagmuḥ samaṃ sūryaprabheṇa samayādinā
Sanskrit only: no published translation is held for this verse.
तत्रामीलो ददौ तस्मै सुतां सूर्यप्रभाय ताम् । कलावतीं प्रक्रियया दत्तात्मानम् अपि स्वयम्
tatrāmīlo dadau tasmai sutāṃ sūryaprabhāya tām / kalāvatīṃ prakriyayā dattātmānam api svayam
Sanskrit only: no published translation is held for this verse.
कृत्वा विवाहं प्रह्लादगृहे भुक्त्वासुरान्वितः । निन्ये भोगोपचारेण दिनं सूर्यप्रभो ऽत्र तत्
kṛtvā vivāhaṃ prahlādagṛhe bhuktvāsurānvitaḥ / ninye bhogopacāreṇa dinaṃ sūryaprabho 'tra tat
Sanskrit only: no published translation is held for this verse.
द्वितीये ऽह्नि तथैवैतान् दुरारोहो ऽसुरेश्वरः । निमन्त्र्य सर्वान् अनयत् पञ्चमं स्वरसातलम्
dvitīye 'hni tathaivaitān durāroho 'sureśvaraḥ / nimantrya sarvān anayat pañcamaṃ svarasātalam
Sanskrit only: no published translation is held for this verse.
तत्र सूर्यप्रभाय स्वां नाम्ना स कुमुदावतीम् । प्रादाद् अन्यवद् आतिथ्यहेतोर् विधिवद् आत्मजाम्
tatra sūryaprabhāya svāṃ nāmnā sa kumudāvatīm / prādād anyavad ātithyahetor vidhivad ātmajām
Sanskrit only: no published translation is held for this verse.
ततः सर्वैः समेतस् तैर् भोगैर् नीत्वा दिनं स तत् । वासकं कुमुदावत्या भेजे सूर्यप्रभो निशि
tataḥ sarvaiḥ sametas tair bhogair nītvā dinaṃ sa tat / vāsakaṃ kumudāvatyā bheje sūryaprabho niśi
Sanskrit only: no published translation is held for this verse.
तत्र त्रिलोकसुन्दर्या नवसंगमसोत्कया । स स्निग्धमुग्धया साकं तया रात्रिम् उवास ताम्
tatra trilokasundaryā navasaṃgamasotkayā / sa snigdhamugdhayā sākaṃ tayā rātrim uvāsa tām
Sanskrit only: no published translation is held for this verse.
प्रातश् च तन्तुकच्छेन प्रह्लादप्रमुखैर् वृतः । निमन्त्र्य सप्तमं निन्ये पातालं स स्वमन्दिरम्
prātaś ca tantukacchena prahlādapramukhair vṛtaḥ / nimantrya saptamaṃ ninye pātālaṃ sa svamandiram
Sanskrit only: no published translation is held for this verse.
तत्रासुरपतिः सो ऽस्मै सुतां नाम्ना मनोवतीम् । ददौ सरत्नाभरणां तप्तजाम्बूनदद्युतिम्
tatrāsurapatiḥ so 'smai sutāṃ nāmnā manovatīm / dadau saratnābharaṇāṃ taptajāmbūnadadyutim
Sanskrit only: no published translation is held for this verse.
ततः सूर्यप्रभः सो ऽत्र नीत्वाधिकसुखं दिनम् । मनोवतीनवाश्लेषसुखिनीम् अनयन् निशाम्
tataḥ sūryaprabhaḥ so 'tra nītvādhikasukhaṃ dinam / manovatīnavāśleṣasukhinīm anayan niśām
Sanskrit only: no published translation is held for this verse.
अपरेद्युश् च तं सर्वयुक्तं कृतनिमन्त्रणः । पातालम् अनयत् षष्ठं स्वं सुमायो ऽसुराधिपः
aparedyuś ca taṃ sarvayuktaṃ kṛtanimantraṇaḥ / pātālam anayat ṣaṣṭhaṃ svaṃ sumāyo 'surādhipaḥ
Sanskrit only: no published translation is held for this verse.
तत्र सो ऽपि ददौ तस्मै सुभद्रां नाम कन्यकाम् । दूर्वालताश्यामलाङ्गीं मूर्तिं पाञ्चशरीम् इव
tatra so 'pi dadau tasmai subhadrāṃ nāma kanyakām / dūrvālatāśyāmalāṅgīṃ mūrtiṃ pāñcaśarīm iva
Sanskrit only: no published translation is held for this verse.
तया सुरतसंभोगयोग्यया श्यामयात्र सः । सहासीत् तद् अहः सूर्यप्रभः पूर्णेन्दुवक्त्रया
tayā suratasaṃbhogayogyayā śyāmayātra saḥ / sahāsīt tad ahaḥ sūryaprabhaḥ pūrṇenduvaktrayā
Sanskrit only: no published translation is held for this verse.
अन्येद्युश् च बली राजा तद्वद् एव निनाय तम् । सूर्यप्रभं स्वपातालं तृतीयं सो ऽसुरानुगः
anyedyuś ca balī rājā tadvad eva nināya tam / sūryaprabhaṃ svapātālaṃ tṛtīyaṃ so 'surānugaḥ
Sanskrit only: no published translation is held for this verse.
सो ऽपि तत्र सुतां तस्मै सुन्दरीं नाम दत्तवान् । बालप्रवालसच्छायां माधवीम् इव मञ्जरीम्
so 'pi tatra sutāṃ tasmai sundarīṃ nāma dattavān / bālapravālasacchāyāṃ mādhavīm iva mañjarīm
Sanskrit only: no published translation is held for this verse.
स्त्रीरत्नेन समं तेन रेमे सूर्यप्रभो ऽत्र सः । सुरञ्जितस् तद् दिवसं दिव्यभोगविभूषितम्
strīratnena samaṃ tena reme sūryaprabho 'tra saḥ / surañjitas tad divasaṃ divyabhogavibhūṣitam
Sanskrit only: no published translation is held for this verse.
अपरे ऽह्नि मयः सो ऽपि राजपुत्रं तथैव तम् । चतुर्थपातालगतं भूयो ऽनैषीत् स्वमन्दिरम्
apare 'hni mayaḥ so 'pi rājaputraṃ tathaiva tam / caturthapātālagataṃ bhūyo 'naiṣīt svamandiram
Sanskrit only: no published translation is held for this verse.
विचित्ररत्नप्रासादं निजमायाविनिर्मितम् । नवं नवम् इवाभासमानं लक्ष्म्या प्रतिक्षणम्
vicitraratnaprāsādaṃ nijamāyāvinirmitam / navaṃ navam ivābhāsamānaṃ lakṣmyā pratikṣaṇam
Sanskrit only: no published translation is held for this verse.
तत्र सो ऽपि ददौ तस्मै सुमायाख्यां निजां सुताम् । जगदाश्चर्यरूपां स्वां शक्तिं मूर्तिमतीम् इव
tatra so 'pi dadau tasmai sumāyākhyāṃ nijāṃ sutām / jagadāścaryarūpāṃ svāṃ śaktiṃ mūrtimatīm iva
Sanskrit only: no published translation is held for this verse.
मानुषत्वाच् च तस्मै तां नैवादेयाम् अमन्यत । सो ऽपि रेमे तया साकम् अत्र सूर्यप्रभः कृती
mānuṣatvāc ca tasmai tāṃ naivādeyām amanyata / so 'pi reme tayā sākam atra sūryaprabhaḥ kṛtī
Sanskrit only: no published translation is held for this verse.
विद्याविभक्तदेहो ऽथ सर्वाभिर् युगपत् सह । अरंस्तासुरकन्याभिस् ताभिः सह नृपात्मजः
vidyāvibhaktadeho 'tha sarvābhir yugapat saha / araṃstāsurakanyābhis tābhiḥ saha nṛpātmajaḥ
Sanskrit only: no published translation is held for this verse.
तात्त्विकेन तु देहेन भजते स्म स भूयसा । महल्लिकां प्रियतमां प्रह्लादासुरकन्यकाम्
tāttvikena tu dehena bhajate sma sa bhūyasā / mahallikāṃ priyatamāṃ prahlādāsurakanyakām
Sanskrit only: no published translation is held for this verse.
एकदा च निशि स्वैरं स्थितस् तां स महल्लिकाम् । एवं सूर्यप्रभो ऽपृच्छद् अभिजातां कथान्तरे
ekadā ca niśi svairaṃ sthitas tāṃ sa mahallikām / evaṃ sūryaprabho 'pṛcchad abhijātāṃ kathāntare
Sanskrit only: no published translation is held for this verse.
प्रिये रात्रौ सहायाते ये द्वे सख्यौ तदा तव । ते कुतस्त्ये न पश्यामि किं च ते क्व गते इति
priye rātrau sahāyāte ye dve sakhyau tadā tava / te kutastye na paśyāmi kiṃ ca te kva gate iti
Sanskrit only: no published translation is held for this verse.
ततो महल्लिकावादीत् सुष्ठ्व् अहं स्मारिता त्वया । ते न द्वे एव ताः सन्ति वयस्या द्वादशेह मे
tato mahallikāvādīt suṣṭhv ahaṃ smāritā tvayā / te na dve eva tāḥ santi vayasyā dvādaśeha me
Sanskrit only: no published translation is held for this verse.
मत्पितृव्येण च स्वर्गाद् आनीता अपहृत्य ताः । एकामृतप्रभा नाम द्वितीया केशिनी तथा
matpitṛvyeṇa ca svargād ānītā apahṛtya tāḥ / ekāmṛtaprabhā nāma dvitīyā keśinī tathā
Sanskrit only: no published translation is held for this verse.
पर्वतस्य मुनेर् एते तनये शुभलक्षणे । कालिन्दीति तृतीया च चतुर्थी भद्रिकेति च
parvatasya muner ete tanaye śubhalakṣaṇe / kālindīti tṛtīyā ca caturthī bhadriketi ca
Sanskrit only: no published translation is held for this verse.
तथा दर्पकमालेति पञ्चमी चारुलोचना । एता महामुनेस् तिस्रो देवलस्यात्मसंभवाः
tathā darpakamāleti pañcamī cārulocanā / etā mahāmunes tisro devalasyātmasaṃbhavāḥ
Sanskrit only: no published translation is held for this verse.
षष्ठी सौदामनी नाम सप्तमी चोज्ज्वलाभिधा । एते हाहाभिधानस्य गन्धर्वस्य सुते उभे
ṣaṣṭhī saudāmanī nāma saptamī cojjvalābhidhā / ete hāhābhidhānasya gandharvasya sute ubhe
Sanskrit only: no published translation is held for this verse.
अष्टमी पीवरा नाम गन्धर्वस्य हुहोः सुता । नवम्य् अञ्जनिका नाम कालस्य दुहिता विभोः
aṣṭamī pīvarā nāma gandharvasya huhoḥ sutā / navamy añjanikā nāma kālasya duhitā vibhoḥ
Sanskrit only: no published translation is held for this verse.
पिङ्गलाच् च गणाज् जाता दशमी केसरावली । एकादशी मालिनीति नाम्ना कम्बलनन्दिनी
piṅgalāc ca gaṇāj jātā daśamī kesarāvalī / ekādaśī mālinīti nāmnā kambalanandinī
Sanskrit only: no published translation is held for this verse.
नाम्ना मन्दारमालेति द्वादशी वसुकन्यका । अप्सरःसु समुत्पन्नाः सर्वा दिव्यस्त्रियस् तु ताः
nāmnā mandāramāleti dvādaśī vasukanyakā / apsaraḥsu samutpannāḥ sarvā divyastriyas tu tāḥ
Sanskrit only: no published translation is held for this verse.
पातालं प्रथमं नीतास् ताश् चोद्वाहे कृते मम । तुभ्यं मया च देयास् तास् तद्युक्ता स्यां सदा यथा
pātālaṃ prathamaṃ nītās tāś codvāhe kṛte mama / tubhyaṃ mayā ca deyās tās tadyuktā syāṃ sadā yathā
Sanskrit only: no published translation is held for this verse.
प्रतिज्ञातं मया चैतत् तासां स्नेहो हि तासु मे । तातो ऽप्य् उक्तो मया तेन न दत्ता भ्रात्रपेक्षिणा
pratijñātaṃ mayā caitat tāsāṃ sneho hi tāsu me / tāto 'py ukto mayā tena na dattā bhrātrapekṣiṇā
Sanskrit only: no published translation is held for this verse.
एतच् छ्रुत्वा सवैलक्ष्यस् तां स सूर्यप्रभो ऽब्रवीत् । प्रिये महानुभावा त्वम् अहं कुर्यां कथं त्व् इदम्
etac chrutvā savailakṣyas tāṃ sa sūryaprabho 'bravīt / priye mahānubhāvā tvam ahaṃ kuryāṃ kathaṃ tv idam
Sanskrit only: no published translation is held for this verse.
एवं सूर्यप्रभेणोक्ता रुषावोचन् महल्लिका । मत्समक्षं वहस्य् अन्या मद्वयस्यास् तु नेच्छसि
evaṃ sūryaprabheṇoktā ruṣāvocan mahallikā / matsamakṣaṃ vahasy anyā madvayasyās tu necchasi
Sanskrit only: no published translation is held for this verse.
याभिर् वियुक्ता रज्येयं नाहम् एकम् अपि क्षणम् । इत्य् उक्तस् तु तया सूर्यप्रभस् तुष्ट्यान्वमंस्त तत्
yābhir viyuktā rajyeyaṃ nāham ekam api kṣaṇam / ity uktas tu tayā sūryaprabhas tuṣṭyānvamaṃsta tat
Sanskrit only: no published translation is held for this verse.
ततस् तद् एव पातालं नीत्वैव प्रथमं तया । प्रह्लादसुतया तस्मै प्रदत्ता द्वादशापि ताः
tatas tad eva pātālaṃ nītvaiva prathamaṃ tayā / prahlādasutayā tasmai pradattā dvādaśāpi tāḥ
Sanskrit only: no published translation is held for this verse.
अथामृतप्रभामुख्यास् ताः स सूर्यप्रभः क्रमात् । परिणीयोपभुङ्क्ते स्म तस्यां दिव्याङ्गना निशि
athāmṛtaprabhāmukhyās tāḥ sa sūryaprabhaḥ kramāt / pariṇīyopabhuṅkte sma tasyāṃ divyāṅganā niśi
Sanskrit only: no published translation is held for this verse.