Śvetāśvatara Upaniṣad 1

SvU 1.1

ॐ ब्रह्मवादिनो वदन्ति प्रथमो ऽध्यायः किंकारणं ब्रह्म कुतः स्म जाता जीवामः केन क्व च संप्रतिष्ठाः । अधिष्ठिताः केन सुखेतरेषु वर्तामहे ब्रह्मविदो व्यवस्थाम्

oṃ brahmavādino vadanti prathamo 'dhyāyaḥ kiṃkāraṇaṃ brahma kutaḥ sma jātā jīvāmaḥ kena kva ca saṃpratiṣṭhāḥ / adhiṣṭhitāḥ kena sukhetareṣu vartāmahe brahmavido vyavasthām

The Brahma-students say: Is Brahman the cause? Whence are we born? Whereby do we live, and whither do we go? O ye who know Brahman, (tell us) at whose command we abide, whether in pain or in pleasure? Thus in the very first verse of the.SVetarvatara-upanishad, I think we ought to read sampratish/M/i, instead of sampratish//dtaA In the commentary the reading is right. Vyavasyam is a misprint for vyavastham. In the second verse we must separate kala h and svabhavaA Yad rikkhz,, no very unusual word, meaning chance, was formerly taken for a name of the moon! Instead of na tvatma- bMv&t, both sense and metre require that we should read anatmabhavat, though the commentators take a different view. They say, because there is a self, and then go on to say that even that would not suffice. Such matters, however, belong to a critical commentary on the Upanishads rather than to a translation, and I can refer to them in cases of absolute necessity only, and where the readings of the two MSS., A. and B, seem to offer some help. 232 svetAs vatara-upanishad.

Translated by F. Max MüllerFrom an unproofread scan of the printed edition; spelling and line breaks may carry OCR errors.

SvU 1.2

कालः स्वभावो नियतिर् यदृच्छा भूतानि योनिः पुरुषेति चिन्त्यम् । संयोग एषां न त्व् आत्मभावाद् आत्मा ह्य् अनीशः सुखदुःखहेतोः

kālaḥ svabhāvo niyatir yadṛcchā bhūtāni yoniḥ puruṣeti cintyam / saṃyoga eṣāṃ na tv ātmabhāvād ātmā hy anīśaḥ sukhaduḥkhahetoḥ

Should time, or nature, or necessity, or chance, or the elements be considered as the cause, or he who is called the person (purusha, vif-oMnatma)? It cannot be their union either, because that is not self- dependent, and the self also is powerless, because there is (independent of him) a cause of good and evil.

Translated by F. Max MüllerFrom an unproofread scan of the printed edition; spelling and line breaks may carry OCR errors.

SvU 1.3

ते ध्यानयोगानुगता अपश्यन् देवात्मशक्तिं स्वगुणैर् निगूढाम् । यः कारणानि निखिलानि तानि कालात्मयुक्तान्य् अधितिष्ठत्य् एकः

te dhyānayogānugatā apaśyan devātmaśaktiṃ svaguṇair nigūḍhām / yaḥ kāraṇāni nikhilāni tāni kālātmayuktāny adhitiṣṭhaty ekaḥ

Sanskrit only: no published translation is held for this verse.

SvU 1.4

तम् एकनेमिं त्रिवृतं षोडशान्तं शतार्धारं विंशतिप्रत्यराभिः । अष्टकैः षड्भिर् विश्वरूपैकपाशं त्रिमार्गभेदं द्विनिमित्तैकमोहम्

tam ekanemiṃ trivṛtaṃ ṣoḍaśāntaṃ śatārdhāraṃ viṃśatipratyarābhiḥ / aṣṭakaiḥ ṣaḍbhir viśvarūpaikapāśaṃ trimārgabhedaṃ dvinimittaikamoham

Sanskrit only: no published translation is held for this verse.

SvU 1.5

पञ्चस्रोतोऽम्बुं पञ्चयोन्युग्रवक्त्रां पञ्चप्राणोर्मिं पञ्चबुद्ध्यादिमूलां । पञ्चावर्तां पञ्चदुःखौघवेगां पञ्चाशद्भेदां पञ्चपर्वाम् अधीमः

pañcasroto'mbuṃ pañcayonyugravaktrāṃ pañcaprāṇormiṃ pañcabuddhyādimūlāṃ / pañcāvartāṃ pañcaduḥkhaughavegāṃ pañcāśadbhedāṃ pañcaparvām adhīmaḥ

Sanskrit only: no published translation is held for this verse.

SvU 1.6

सर्वाजीवे सर्वसंस्थे बृहन्ते तस्मिन् हंसो भ्राम्यते ब्रह्मचक्रे । पृथग् आत्मानं प्रेरितारं च मत्वा जुष्टस् ततस् तेनामृतत्वम् एति

sarvājīve sarvasaṃsthe bṛhante tasmin haṃso bhrāmyate brahmacakre / pṛthag ātmānaṃ preritāraṃ ca matvā juṣṭas tatas tenāmṛtatvam eti

Sanskrit only: no published translation is held for this verse.

SvU 1.7

उद्गीतम् एतत् परमं तु ब्रह्म तस्मिंस् त्रयं स्वप्रतिष्ठाक्षरं च । अत्रान्तरं ब्रह्मविदो विदित्वा लीना ब्रह्मणि तत्परा योनिमुक्ताः

udgītam etat paramaṃ tu brahma tasmiṃs trayaṃ svapratiṣṭhākṣaraṃ ca / atrāntaraṃ brahmavido viditvā līnā brahmaṇi tatparā yonimuktāḥ

Sanskrit only: no published translation is held for this verse.

SvU 1.8

संयुक्तम् एतत् क्षरम् अक्षरं च व्यक्ताव्यक्तं भरते विश्वम् ईशः । अनीशश् चात्मा बध्यते भोक्तृभावाज् ज्ञात्वा देवं मुच्यते सर्वपाशैः

saṃyuktam etat kṣaram akṣaraṃ ca vyaktāvyaktaṃ bharate viśvam īśaḥ / anīśaś cātmā badhyate bhoktṛbhāvāj jñātvā devaṃ mucyate sarvapāśaiḥ

Sanskrit only: no published translation is held for this verse.

SvU 1.9

ज्ञाज्ञौ द्वाव् अजाव् ईशनीशाव् अजा ह्य् एका भोक्तृभोगार्थयुक्ता । अनन्तश् चात्मा विश्वरूपो ह्य् अकर्ता त्रयं यदा विन्दते ब्रह्मम् एतत्

jñājñau dvāv ajāv īśanīśāv ajā hy ekā bhoktṛbhogārthayuktā / anantaś cātmā viśvarūpo hy akartā trayaṃ yadā vindate brahmam etat

Sanskrit only: no published translation is held for this verse.

SvU 1.10

क्षरं प्रधानम् अमृताक्षरं हरः क्षरात्मानाव् ईशते देव एकः । तस्याभिध्यानाद् योजनात् तत्त्वभावाद् भूयश् चान्ते विश्वमायानिवृत्तिः

kṣaraṃ pradhānam amṛtākṣaraṃ haraḥ kṣarātmānāv īśate deva ekaḥ / tasyābhidhyānād yojanāt tattvabhāvād bhūyaś cānte viśvamāyānivṛttiḥ

That which is perishable * is the Pradhana:) (the first), the immortal and imperishable is Hara. The one god rules the perishable (the pradhana) and the (living) self. From meditating on him, from joining him, from becoming one with him there is further cessation of all illusion in the end.

Translated by F. Max MüllerFrom an unproofread scan of the printed edition; spelling and line breaks may carry OCR errors.

SvU 1.11

ज्ञात्वा देवं सर्वपाशापहानिः क्षीनैः क्लेशैर् जन्ममृत्युप्रहाणिः । तस्याभिध्यानात् तृतीयं देहभेदे विश्वैश्वर्यं केवल आप्तकामः

jñātvā devaṃ sarvapāśāpahāniḥ kṣīnaiḥ kleśair janmamṛtyuprahāṇiḥ / tasyābhidhyānāt tṛtīyaṃ dehabhede viśvaiśvaryaṃ kevala āptakāmaḥ

Sanskrit only: no published translation is held for this verse.

SvU 1.12

एतज् ज्ञेयं नित्यम् एवात्मसंस्थं नातः परं वेदितव्यं हि किंचित् । भोक्ता भोग्यं प्रेरितारं च मत्वा सर्वं प्रोक्तं त्रिविधं ब्रह्मम् एतत्

etaj jñeyaṃ nityam evātmasaṃsthaṃ nātaḥ paraṃ veditavyaṃ hi kiṃcit / bhoktā bhogyaṃ preritāraṃ ca matvā sarvaṃ proktaṃ trividhaṃ brahmam etat

Sanskrit only: no published translation is held for this verse.

SvU 1.13

वह्नेर् यथा योनिगतस्य मूर्तिर् न दृश्यते नैव च लिङ्गनाशः । स भूय एवेन्धनयोनिगृह्यस् तद्वोभयं वै प्रणवेन देहे

vahner yathā yonigatasya mūrtir na dṛśyate naiva ca liṅganāśaḥ / sa bhūya evendhanayonigṛhyas tadvobhayaṃ vai praṇavena dehe

Sanskrit only: no published translation is held for this verse.

SvU 1.14

स्वदेहम् अरणिं कृत्वा प्रणवं चोत्तरारणिं । ध्याननिर्मथनाभ्यासाद् देवं पश्येन् निगूढवत्

svadeham araṇiṃ kṛtvā praṇavaṃ cottarāraṇiṃ / dhyānanirmathanābhyāsād devaṃ paśyen nigūḍhavat

Sanskrit only: no published translation is held for this verse.

SvU 1.15

तिलेषु तैलं दधनीव सर्पिर् आपः स्रोतःस्व् अरणीषु चाग्निः । एवम् आत्मा आत्मनि गृह्यते ऽसौ सत्येनैनं तपसा यो ऽनुपश्यति

tileṣu tailaṃ dadhanīva sarpir āpaḥ srotaḥsv araṇīṣu cāgniḥ / evam ātmā ātmani gṛhyate 'sau satyenainaṃ tapasā yo 'nupaśyati

Sanskrit only: no published translation is held for this verse.

SvU 1.16

सर्वव्यापिनम् आत्मानं क्षीरे सर्पिर् इवार्पितम् । आत्मविद्यातपोमूलं तद् ब्रह्मोपनिषत्परं तद् ब्रह्मोपनिषत्परम्

sarvavyāpinam ātmānaṃ kṣīre sarpir ivārpitam / ātmavidyātapomūlaṃ tad brahmopaniṣatparaṃ tad brahmopaniṣatparam

Sanskrit only: no published translation is held for this verse.