Svacchandatantra 10

सुरूपा मन्दरूपाश्च सुभगा दुर्भगाः परे । भोगिनो मन्दभोगाश्च तथान्ये ऽत्यन्तदुःखिताः

surūpā mandarūpāśca subhagā durbhagāḥ pare / bhogino mandabhogāśca tathānye 'tyantaduḥkhitāḥ

Sanskrit only: no published translation is held for this verse.

गौराः श्यामास्तथा कृष्णा बभ्रवः श्वेतपिङ्गलाः । वर्णजातिप्रभेदेन नानाकर्मानुरूपतः

gaurāḥ śyāmāstathā kṛṣṇā babhravaḥ śvetapiṅgalāḥ / varṇajātiprabhedena nānākarmānurūpataḥ

Sanskrit only: no published translation is held for this verse.

चतुर्वर्णा अन्त्यजाश्च जायन्ते भारताह्वये । स्वदेशभाषायुक्तानि द्वीपद्वीपान्तराणि च

caturvarṇā antyajāśca jāyante bhāratāhvaye / svadeśabhāṣāyuktāni dvīpadvīpāntarāṇi ca

Sanskrit only: no published translation is held for this verse.

पण्डिताश्च तथा मूर्खाः शिल्पविज्ञानिनस्तथा । योगिनो ज्ञानिनश्चैव धर्मिष्ठाः पापिनो ऽपरे

paṇḍitāśca tathā mūrkhāḥ śilpavijñāninastathā / yogino jñāninaścaiva dharmiṣṭhāḥ pāpino 'pare

Sanskrit only: no published translation is held for this verse.

याचकाश्चापि जायन्ते दातारश्चापरे जनाः । प्रेष्या दासाश्च बहवो मानवाः सततं प्रिये

yācakāścāpi jāyante dātāraścāpare janāḥ / preṣyā dāsāśca bahavo mānavāḥ satataṃ priye

Sanskrit only: no published translation is held for this verse.

गुणस्त्वेकः स्थितस्तत्र शुभाशुभफलार्जनम् । नष्टासु विद्यते काचिद् युगत्रयमयी स्थितिः

guṇastvekaḥ sthitastatra śubhāśubhaphalārjanam / naṣṭāsu vidyate kācid yugatrayamayī sthitiḥ

Sanskrit only: no published translation is held for this verse.

चतुर्युगवती ज्ञेया भारताख्ये वरानने । तत्रैव यत्कृतं कर्म शुभं वा यदि वाशुभम्

caturyugavatī jñeyā bhāratākhye varānane / tatraiva yatkṛtaṃ karma śubhaṃ vā yadi vāśubham

Sanskrit only: no published translation is held for this verse.

वसन्ति तेन लोकाश्च शिवाद्यवीचिमध्यगाः । महाकालस्तथैकाम्रम् एवमादि वरानने

vasanti tena lokāśca śivādyavīcimadhyagāḥ / mahākālastathaikāmram evamādi varānane

Sanskrit only: no published translation is held for this verse.

तीर्थानां कोटिरुद्दिष्टा महापुण्यफलोदया । गङ्गादीनां नदीनां च तत्र पञ्च शतानि च

tīrthānāṃ koṭiruddiṣṭā mahāpuṇyaphalodayā / gaṅgādīnāṃ nadīnāṃ ca tatra pañca śatāni ca

Sanskrit only: no published translation is held for this verse.

नवयोजनसाहस्रं धन्वाकारं निबोध तम् । नव भेदाः स्मृतास्तत्र सागरान्तरिताः प्रिये

navayojanasāhasraṃ dhanvākāraṃ nibodha tam / nava bhedāḥ smṛtāstatra sāgarāntaritāḥ priye

Sanskrit only: no published translation is held for this verse.

एकैकस्य तु द्वीपस्य सहस्रं परिकीर्तितम् । शतानि पञ्च विज्ञेयं स्थलं पञ्च जलं तथा

ekaikasya tu dvīpasya sahasraṃ parikīrtitam / śatāni pañca vijñeyaṃ sthalaṃ pañca jalaṃ tathā

Sanskrit only: no published translation is held for this verse.

परस्परमगम्यास्ते तेषां नामानि मे शृणु । इन्द्रद्वीपं कशेरुं च ताम्रवर्णं गभस्तिमत्

parasparamagamyāste teṣāṃ nāmāni me śṛṇu / indradvīpaṃ kaśeruṃ ca tāmravarṇaṃ gabhastimat

Sanskrit only: no published translation is held for this verse.

नागद्वीपं च सौम्यं च गान्धर्वं वारुणं तथा । द्वीपं कुमारिकाख्यं च नवमं परिकीर्तितम्

nāgadvīpaṃ ca saumyaṃ ca gāndharvaṃ vāruṇaṃ tathā / dvīpaṃ kumārikākhyaṃ ca navamaṃ parikīrtitam

Sanskrit only: no published translation is held for this verse.

बिन्दुसरः प्रभृत्येव कुमार्याह्वं प्रकीर्तितम् । योजनानां सहस्रं तु नानावर्णाश्रमान्वितम्

bindusaraḥ prabhṛtyeva kumāryāhvaṃ prakīrtitam / yojanānāṃ sahasraṃ tu nānāvarṇāśramānvitam

Sanskrit only: no published translation is held for this verse.

ये पूर्वोक्ता गुणा लोके भारते वरवर्णिनि । ते तत्रैव स्थिता लोके कुमारीसंज्ञके प्रिये

ye pūrvoktā guṇā loke bhārate varavarṇini / te tatraiva sthitā loke kumārīsaṃjñake priye

Sanskrit only: no published translation is held for this verse.

भूधराः सप्त विज्ञेयास् तत्रैव तु सुशोभनाः । महेन्द्रो मलयः सह्यः शक्तिमानृक्षपर्वतः

bhūdharāḥ sapta vijñeyās tatraiva tu suśobhanāḥ / mahendro malayaḥ sahyaḥ śaktimānṛkṣaparvataḥ

Sanskrit only: no published translation is held for this verse.

विन्ध्यश्च पारियात्रश्च भान्त्येते कुलपर्वताः । दक्षसागरमध्यस्थान्य् उपद्वीपानि षट् प्रिये

vindhyaśca pāriyātraśca bhāntyete kulaparvatāḥ / dakṣasāgaramadhyasthāny upadvīpāni ṣaṭ priye

Sanskrit only: no published translation is held for this verse.

अङ्गद्वीपं यवाख्यं च मलयं शङ्खसंज्ञकम् । कुमुदं च वराहं च इत्येवं परिकीर्तितम्

aṅgadvīpaṃ yavākhyaṃ ca malayaṃ śaṅkhasaṃjñakam / kumudaṃ ca varāhaṃ ca ityevaṃ parikīrtitam

Sanskrit only: no published translation is held for this verse.

कथितो मलयद्वीपे मलयो नाम पर्वतः । तस्यपादे त्रिकूटो वै लङ्का तस्योपरिस्थिता

kathito malayadvīpe malayo nāma parvataḥ / tasyapāde trikūṭo vai laṅkā tasyoparisthitā

Sanskrit only: no published translation is held for this verse.

चामीकरमयी शुभ्रा चत्वारोद्यानमण्डिता । चित्रप्राकाररचिता वज्रवैडूर्यमण्डिता

cāmīkaramayī śubhrā catvārodyānamaṇḍitā / citraprākāraracitā vajravaiḍūryamaṇḍitā

Sanskrit only: no published translation is held for this verse.

अनन्तविभवास्तत्र राक्षसा देवकन्यकाः । रमन्ते कन्यकासक्ता महाबलपराक्रमाः

anantavibhavāstatra rākṣasā devakanyakāḥ / ramante kanyakāsaktā mahābalaparākramāḥ

Sanskrit only: no published translation is held for this verse.

अगस्त्यशिखरं तत्र मलये भूधरोत्तमे । तत्राश्रमो महापुण्य आगस्त्यः स्फाटिकप्रभः

agastyaśikharaṃ tatra malaye bhūdharottame / tatrāśramo mahāpuṇya āgastyaḥ sphāṭikaprabhaḥ

Sanskrit only: no published translation is held for this verse.

तत्रान्योन्यविरुद्धास्तु सत्त्वाः क्रीडन्त्यशङ्किताः । न तत्र जायते मारी नाकालः संप्रवर्तते

tatrānyonyaviruddhāstu sattvāḥ krīḍantyaśaṅkitāḥ / na tatra jāyate mārī nākālaḥ saṃpravartate

Sanskrit only: no published translation is held for this verse.

न जरा न च शोकश्च नोपसर्गभयं क्वचित् । न वदत्यनृतं कश्चिद् रागद्वेषौ न कुत्रचित्

na jarā na ca śokaśca nopasargabhayaṃ kvacit / na vadatyanṛtaṃ kaścid rāgadveṣau na kutracit

Sanskrit only: no published translation is held for this verse.

अगस्त्यस्य प्रभावेण त्व् अज्ञानं दूरतो गतम् । तत्र वै ऋषयो वीरा ज्ञानयोगकृताश्रमाः

agastyasya prabhāveṇa tv ajñānaṃ dūrato gatam / tatra vai ṛṣayo vīrā jñānayogakṛtāśramāḥ

Sanskrit only: no published translation is held for this verse.

जपाध्ययन होमादि पूजास्तुतिपरायणाः । त्र्यम्बकस्य महादेवि नित्यमाराधने रताः

japādhyayana homādi pūjāstutiparāyaṇāḥ / tryambakasya mahādevi nityamārādhane ratāḥ

Sanskrit only: no published translation is held for this verse.

अगस्त्यसहिताः सर्वे मोक्षाभ्युदयवादिनः । तिष्ठन्ति भावितात्मानः शापानुग्रहकारिणः

agastyasahitāḥ sarve mokṣābhyudayavādinaḥ / tiṣṭhanti bhāvitātmānaḥ śāpānugrahakāriṇaḥ

Sanskrit only: no published translation is held for this verse.

लक्षयोजनविस्तीर्णं जम्बुद्वीपं समन्ततः । लक्षयोजनविस्तीर्णं लवणाम्भः स्थितं बहिः

lakṣayojanavistīrṇaṃ jambudvīpaṃ samantataḥ / lakṣayojanavistīrṇaṃ lavaṇāmbhaḥ sthitaṃ bahiḥ

Sanskrit only: no published translation is held for this verse.

त्रिगुणं परिणाहेन स्थितं वै मण्डलाकृति । वृत्रारिभयसंत्रस्ताः प्रविष्टास्तत्र पर्वताः

triguṇaṃ pariṇāhena sthitaṃ vai maṇḍalākṛti / vṛtrāribhayasaṃtrastāḥ praviṣṭāstatra parvatāḥ

Sanskrit only: no published translation is held for this verse.

द्वादशैव महावीर्यास् तान्ब्रवीमि समासतः । वृषभो दुन्दुभिर्धूम्रः प्रविष्टाः पूर्वभागतः

dvādaśaiva mahāvīryās tānbravīmi samāsataḥ / vṛṣabho dundubhirdhūmraḥ praviṣṭāḥ pūrvabhāgataḥ

Sanskrit only: no published translation is held for this verse.

चन्द्रः कङ्कस्तथा द्रोणः प्रविष्टा उत्तरेण तु । अशोको ऽथ वराहश्च नन्दनश्च तृतीयकः

candraḥ kaṅkastathā droṇaḥ praviṣṭā uttareṇa tu / aśoko 'tha varāhaśca nandanaśca tṛtīyakaḥ

Sanskrit only: no published translation is held for this verse.

अपरेण नगास्तत्र प्रविष्टा लवणोदधिम् । चक्रो मैनाकसंज्ञश्च तृतीयस्तु बलाहकः

apareṇa nagāstatra praviṣṭā lavaṇodadhim / cakro mainākasaṃjñaśca tṛtīyastu balāhakaḥ

Sanskrit only: no published translation is held for this verse.

दक्षिणेन वरारोहे प्रविष्टाश्चैव भूधराः । चक्रमैनाकयोर्मध्ये तिष्ठेद्वे वडवामुखः

dakṣiṇena varārohe praviṣṭāścaiva bhūdharāḥ / cakramainākayormadhye tiṣṭhedve vaḍavāmukhaḥ

Sanskrit only: no published translation is held for this verse.

जम्बूद्वीपं समाख्यातं प्रभवस्त्वधुनोच्यते । स्वायंभुवो मनुर्नाम तस्य पुत्रः प्रियव्रतः

jambūdvīpaṃ samākhyātaṃ prabhavastvadhunocyate / svāyaṃbhuvo manurnāma tasya putraḥ priyavrataḥ

Sanskrit only: no published translation is held for this verse.

तस्याथ दश पुत्रा वै जाता वीर्यबलोत्कटाः । अग्नीध्रश्चाग्निबाहुश्च मेधा मेधातिथिर्वपुः

tasyātha daśa putrā vai jātā vīryabalotkaṭāḥ / agnīdhraścāgnibāhuśca medhā medhātithirvapuḥ

Sanskrit only: no published translation is held for this verse.

ज्योतिष्मान् द्युतिमान् हव्यः सवनः सत्र एव च । मेधाः सत्रो ऽग्निबाहुश्च एते प्रव्रजितास्त्रयः

jyotiṣmān dyutimān havyaḥ savanaḥ satra eva ca / medhāḥ satro 'gnibāhuśca ete pravrajitāstrayaḥ

Sanskrit only: no published translation is held for this verse.

सप्तद्वीपेषु ये शेषा अभिषिक्ता महाबलाः । जम्बुद्वीपे तथाग्नीध्राः तस्य पुत्रा नव स्मृताः

saptadvīpeṣu ye śeṣā abhiṣiktā mahābalāḥ / jambudvīpe tathāgnīdhrāḥ tasya putrā nava smṛtāḥ

Sanskrit only: no published translation is held for this verse.

नाभिः किंपुरुषश्चैव हरिश्चैव इलावृतः । भद्राश्वः केतुमालश्च रम्यकश्च हिरण्मयः

nābhiḥ kiṃpuruṣaścaiva hariścaiva ilāvṛtaḥ / bhadrāśvaḥ ketumālaśca ramyakaśca hiraṇmayaḥ

Sanskrit only: no published translation is held for this verse.

नवमस्तु कुरुर्नाम नववर्षाधिपाः स्मृताः । अग्नीध्रतस्तु जाता वै शूराश्चातिबलोत्कटाः

navamastu kururnāma navavarṣādhipāḥ smṛtāḥ / agnīdhratastu jātā vai śūrāścātibalotkaṭāḥ

Sanskrit only: no published translation is held for this verse.

तेषां नामाङ्कितानीह नववर्षाणि पार्वति । नाभेः पुत्रो महावीर्यो वृषभो धर्मतत्परः

teṣāṃ nāmāṅkitānīha navavarṣāṇi pārvati / nābheḥ putro mahāvīryo vṛṣabho dharmatatparaḥ

Sanskrit only: no published translation is held for this verse.

तस्यापि हि सुतो ज्ञेयो भरतस्तु प्रतापवान् । तन्नम्नैव तु विज्ञेयं भारतं वर्षमुत्तमम्

tasyāpi hi suto jñeyo bharatastu pratāpavān / tannamnaiva tu vijñeyaṃ bhārataṃ varṣamuttamam

Sanskrit only: no published translation is held for this verse.

तस्याप्यष्टौ पुनः पुत्रा जाता कन्यापरा प्रिये । भारते त्वष्टद्वीपे ऽत्र अष्टौ पुत्रा निवेशिताः

tasyāpyaṣṭau punaḥ putrā jātā kanyāparā priye / bhārate tvaṣṭadvīpe 'tra aṣṭau putrā niveśitāḥ

Sanskrit only: no published translation is held for this verse.

नवमस्तु कुमार्याह्वः कुमार्याः प्रतिपादितः । तेषां नाम्ना तु ते द्वीपा भरतेन प्रकीर्तिताः

navamastu kumāryāhvaḥ kumāryāḥ pratipāditaḥ / teṣāṃ nāmnā tu te dvīpā bharatena prakīrtitāḥ

Sanskrit only: no published translation is held for this verse.

जम्बुद्वीपं च शाकं च कुशं क्रौञ्चं च शाल्मलिम् । गोमेदं पुष्करं चैव सप्त द्वीपानि पार्वति

jambudvīpaṃ ca śākaṃ ca kuśaṃ krauñcaṃ ca śālmalim / gomedaṃ puṣkaraṃ caiva sapta dvīpāni pārvati

Sanskrit only: no published translation is held for this verse.

अधुना संप्रवक्ष्यामि समुद्रांस्तव सुव्रते । क्षारः क्षीरं दधि घृतं तथा इक्षुरसो ऽपि च

adhunā saṃpravakṣyāmi samudrāṃstava suvrate / kṣāraḥ kṣīraṃ dadhi ghṛtaṃ tathā ikṣuraso 'pi ca

Sanskrit only: no published translation is held for this verse.

मदिरोदश्च स्वादूदः समुद्राः सप्त कीर्तिताः । जम्बुद्वीपं स्मृतं लक्षं योजनानां प्रमाणतः

madirodaśca svādūdaḥ samudrāḥ sapta kīrtitāḥ / jambudvīpaṃ smṛtaṃ lakṣaṃ yojanānāṃ pramāṇataḥ

Sanskrit only: no published translation is held for this verse.

परिमण्डलतो ज्ञेयः क्षारोदस्तत्समो बहिः । एवं द्विगुणवृद्ध्यात्र समुद्रा द्वीपसंस्थिताः

parimaṇḍalato jñeyaḥ kṣārodastatsamo bahiḥ / evaṃ dviguṇavṛddhyātra samudrā dvīpasaṃsthitāḥ

Sanskrit only: no published translation is held for this verse.

अग्नीध्रश्च समाख्यातो जम्बुद्वीपे वरानने । शाके मेधातिथिर्नाम वपुष्मान् कुशसंज्ञके

agnīdhraśca samākhyāto jambudvīpe varānane / śāke medhātithirnāma vapuṣmān kuśasaṃjñake

Sanskrit only: no published translation is held for this verse.

राजा क्रौञ्चे ऽथ ज्योतिष्मान् शाल्मलौ द्युतिमान्स्मृतः । गोमेदे हव्यनामा तु सवनः पुष्करे तथा

rājā krauñce 'tha jyotiṣmān śālmalau dyutimānsmṛtaḥ / gomede havyanāmā tu savanaḥ puṣkare tathā

Sanskrit only: no published translation is held for this verse.

त्रेतायुगसमः कालः शाकगोमेदवासिनाम् । तथा वर्णाश्रमाचारा ज्ञेयास्तत्र निवासिनाम्

tretāyugasamaḥ kālaḥ śākagomedavāsinām / tathā varṇāśramācārā jñeyāstatra nivāsinām

Sanskrit only: no published translation is held for this verse.

मेधातिथेः सप्त पुत्राः शाकद्वीपे ऽभिषेचिताः । शान्तो ऽभयस्त्वशिशिरः सुखदो नन्दकः शिवः

medhātitheḥ sapta putrāḥ śākadvīpe 'bhiṣecitāḥ / śānto 'bhayastvaśiśiraḥ sukhado nandakaḥ śivaḥ

Sanskrit only: no published translation is held for this verse.

क्षेमकश्च ध्रुवश्चेति वर्षनाम्ना तु ते ऽङ्किताः । वर्षाणि सप्त ख्यातानि पर्वतांश्च निबोध मे

kṣemakaśca dhruvaśceti varṣanāmnā tu te 'ṅkitāḥ / varṣāṇi sapta khyātāni parvatāṃśca nibodha me

Sanskrit only: no published translation is held for this verse.

गोमेदश्चन्द्रसंज्ञश्च नारदो दुन्दुभिस्तथा । सोमक ऋषभश्चैव वैभ्राजश्च कुलाद्रयः

gomedaścandrasaṃjñaśca nārado dundubhistathā / somaka ṛṣabhaścaiva vaibhrājaśca kulādrayaḥ

Sanskrit only: no published translation is held for this verse.

सुकृता चानसूया च सुमुखी च तृतीयका । विपाशा त्रिदिवा कुम्भी तथा चामृतनालिका

sukṛtā cānasūyā ca sumukhī ca tṛtīyakā / vipāśā tridivā kumbhī tathā cāmṛtanālikā

Sanskrit only: no published translation is held for this verse.

एता एव महानद्यो गिरिष्वेतेषु निर्गताः । पूर्वादारभ्य निष्क्रान्ताः प्रविष्टाः क्षीरसागरम्

etā eva mahānadyo giriṣveteṣu nirgatāḥ / pūrvādārabhya niṣkrāntāḥ praviṣṭāḥ kṣīrasāgaram

Sanskrit only: no published translation is held for this verse.

शाकद्वीपे तु ये लोकाः क्षीराहाराः फलाशिनः । चन्द्रकान्तसमाः सर्वे सुरूपाः प्रियदर्शनाः

śākadvīpe tu ye lokāḥ kṣīrāhārāḥ phalāśinaḥ / candrakāntasamāḥ sarve surūpāḥ priyadarśanāḥ

Sanskrit only: no published translation is held for this verse.

क्रीडन्ति दिव्यनारीभिः सर्वैश्वर्यसमन्विताः । कुशे वपुष्मता पूर्वं सप्त पुत्रा निवेशिताः

krīḍanti divyanārībhiḥ sarvaiśvaryasamanvitāḥ / kuśe vapuṣmatā pūrvaṃ sapta putrā niveśitāḥ

Sanskrit only: no published translation is held for this verse.

श्वेतलोहितजीमूता हरितो वैद्युतस्तथा । मानसः सुव्रतश्चेति वर्षनाम्नैव चाङ्किताः

śvetalohitajīmūtā harito vaidyutastathā / mānasaḥ suvrataśceti varṣanāmnaiva cāṅkitāḥ

Sanskrit only: no published translation is held for this verse.

कुमुदश्चोर्वदश्चैव वाराहो द्रोणकङ्कतौ । महिषः कुसुमश्चैव सप्त सीमन्तपर्वताः

kumudaścorvadaścaiva vārāho droṇakaṅkatau / mahiṣaḥ kusumaścaiva sapta sīmantaparvatāḥ

Sanskrit only: no published translation is held for this verse.

श्वेततोया तथा कृष्णा चन्द्रा शुक्ला च लोचनी । वीवृता च विवृन्दा च सप्तैतास्तु सरिद्वराः

śvetatoyā tathā kṛṣṇā candrā śuklā ca locanī / vīvṛtā ca vivṛndā ca saptaitāstu saridvarāḥ

Sanskrit only: no published translation is held for this verse.

दध्युदकं प्रविष्टास्ता निम्नगाः पावनोदकाः । जनास्तु सुखिनस्तत्र दध्नामृतफलाशिनः

dadhyudakaṃ praviṣṭāstā nimnagāḥ pāvanodakāḥ / janāstu sukhinastatra dadhnāmṛtaphalāśinaḥ

Sanskrit only: no published translation is held for this verse.

दिव्यभोगरताः सर्वे क्रीडन्त्येते सयोषितः । ज्योतिष्मता सप्त पुत्राः क्रौञ्चद्वीपे निवेशिताः

divyabhogaratāḥ sarve krīḍantyete sayoṣitaḥ / jyotiṣmatā sapta putrāḥ krauñcadvīpe niveśitāḥ

Sanskrit only: no published translation is held for this verse.

उद्भिज्जश्च समाख्यातो वेणुर्मण्डल एव च । रथकारश्च लवणो धृतिमान्सुप्रभाकरः

udbhijjaśca samākhyāto veṇurmaṇḍala eva ca / rathakāraśca lavaṇo dhṛtimānsuprabhākaraḥ

Sanskrit only: no published translation is held for this verse.

कपिलश्चेति राजानो वर्षनाम्ना च ते ऽङ्किताः । वैद्रुमो हेमनाभश्च द्युतिमान् पुष्पदन्तकः

kapilaśceti rājāno varṣanāmnā ca te 'ṅkitāḥ / vaidrumo hemanābhaśca dyutimān puṣpadantakaḥ

Sanskrit only: no published translation is held for this verse.

कुशलो हरिमर्दश्च सप्तैते तु कुलाद्रयः । मही धाता शिवापापा पवित्रा संततद्युतिः

kuśalo harimardaśca saptaite tu kulādrayaḥ / mahī dhātā śivāpāpā pavitrā saṃtatadyutiḥ

Sanskrit only: no published translation is held for this verse.

दम्भा चेति समाख्याताः सप्तैताः सरितः स्रुताः । घृतोदं प्रविशन्त्येताः सर्वाः पापहराः प्रिये

dambhā ceti samākhyātāḥ saptaitāḥ saritaḥ srutāḥ / ghṛtodaṃ praviśantyetāḥ sarvāḥ pāpaharāḥ priye

Sanskrit only: no published translation is held for this verse.

जनास्तद्वासिनः सर्वे सुरूपास्तेजसोत्कटाः । घृतामृतफलाहाराः सुतृप्ताः स्मरपीडिताः

janāstadvāsinaḥ sarve surūpāstejasotkaṭāḥ / ghṛtāmṛtaphalāhārāḥ sutṛptāḥ smarapīḍitāḥ

Sanskrit only: no published translation is held for this verse.

क्रीडन्ति वनितायुक्ताः पद्मपत्रायतेक्षणाः । सप्त द्युतिमता पुत्राः शाल्मलावभिषेचिताः

krīḍanti vanitāyuktāḥ padmapatrāyatekṣaṇāḥ / sapta dyutimatā putrāḥ śālmalāvabhiṣecitāḥ

Sanskrit only: no published translation is held for this verse.

मनोनुगस्तथोष्णश्च पावनो ह्यन्धकारकः । मुनिर्दुन्दुभिनामा च कुशलश्चेति ते स्मृताः

manonugastathoṣṇaśca pāvano hyandhakārakaḥ / munirdundubhināmā ca kuśalaśceti te smṛtāḥ

Sanskrit only: no published translation is held for this verse.

वर्षनामानि तेषां वै सप्तानां सप्त तु क्रमात् । क्रौञ्चो ऽथ वामनश्चैवाप्य् अन्धकारो दिवाकृतिः

varṣanāmāni teṣāṃ vai saptānāṃ sapta tu kramāt / krauñco 'tha vāmanaścaivāpy andhakāro divākṛtiḥ

Sanskrit only: no published translation is held for this verse.

द्विबिन्दुः पुण्डरीकश्च दुन्दुभिश्च कुलाद्रयः । पौण्डरी कौशिकी गौरी सिद्धा चैव कुमुद्वती

dvibinduḥ puṇḍarīkaśca dundubhiśca kulādrayaḥ / pauṇḍarī kauśikī gaurī siddhā caiva kumudvatī

Sanskrit only: no published translation is held for this verse.

सन्ध्या रात्री च विख्याता समासात्परिकीर्तिताः । नद्यस्ताः शैलनिष्क्रान्ता गच्छन्तीक्षुरसार्णवम्

sandhyā rātrī ca vikhyātā samāsātparikīrtitāḥ / nadyastāḥ śailaniṣkrāntā gacchantīkṣurasārṇavam

Sanskrit only: no published translation is held for this verse.

पिबन्तीक्षुरसं तत्र ये जनास्तन्निवासिनः । दिव्यकान्तियुताः शान्ताः सुरूपाः प्रियवादिनः

pibantīkṣurasaṃ tatra ye janāstannivāsinaḥ / divyakāntiyutāḥ śāntāḥ surūpāḥ priyavādinaḥ

Sanskrit only: no published translation is held for this verse.

नानानारीसमाकीर्णाः सर्वकामसुखोदयाः । हव्यराजः सुतान्सप्त गोमोदे चाभ्यषेचयत्

nānānārīsamākīrṇāḥ sarvakāmasukhodayāḥ / havyarājaḥ sutānsapta gomode cābhyaṣecayat

Sanskrit only: no published translation is held for this verse.

जलदश्च कुमारश्च सुकुमारो मरीचकः । कुमुदश्चोन्नतश्चैव महाभद्र इति स्मृताः

jaladaśca kumāraśca sukumāro marīcakaḥ / kumudaśconnataścaiva mahābhadra iti smṛtāḥ

Sanskrit only: no published translation is held for this verse.

तेषां नाम्ना च वर्षाणि अङ्कितानि स्वमानतः । उदयः केसरश्चैव जठरो ऽथ सुरैवतः

teṣāṃ nāmnā ca varṣāṇi aṅkitāni svamānataḥ / udayaḥ kesaraścaiva jaṭharo 'tha suraivataḥ

Sanskrit only: no published translation is held for this verse.

श्यामो ऽम्बिकेयो मेरुश्च शैलाः सीमन्तगास्त्विमे । गभस्ती सुकुमारी च कुमारी नालिनी तथा

śyāmo 'mbikeyo meruśca śailāḥ sīmantagāstvime / gabhastī sukumārī ca kumārī nālinī tathā

Sanskrit only: no published translation is held for this verse.

वेणुका चाप्यथेक्षू च धेनुकेति सरिद्वराः । मदिरोदं वहन्त्येताः पुण्याः पुण्यजलोद्वहाः

veṇukā cāpyathekṣū ca dhenuketi saridvarāḥ / madirodaṃ vahantyetāḥ puṇyāḥ puṇyajalodvahāḥ

Sanskrit only: no published translation is held for this verse.

अमृतोपमानि स्वादूनि फलान्यत्र वरानने । भक्षयन्ति च तल्लोकाः पिबन्ति मदिरामृतम्

amṛtopamāni svādūni phalānyatra varānane / bhakṣayanti ca tallokāḥ pibanti madirāmṛtam

Sanskrit only: no published translation is held for this verse.

सर्वकामसमृद्धाश्च सुरूपा व्याधिवर्जिताः । नानायुवतिवृन्दैश्च रूपयौवनगर्वितैः

sarvakāmasamṛddhāśca surūpā vyādhivarjitāḥ / nānāyuvativṛndaiśca rūpayauvanagarvitaiḥ

Sanskrit only: no published translation is held for this verse.

मदालसैः पानमत्तैर् अमन्ते सततं प्रिये । अतश्च पुष्कराख्ये च सवनस्तत्र नायकः

madālasaiḥ pānamattair amante satataṃ priye / ataśca puṣkarākhye ca savanastatra nāyakaḥ

Sanskrit only: no published translation is held for this verse.

द्वौ पुत्रौ तेन विख्यातौ पुष्कराख्ये निवेशितौ । पर्वतो वलयाकारो मानसोत्तरसंज्ञितः

dvau putrau tena vikhyātau puṣkarākhye niveśitau / parvato valayākāro mānasottarasaṃjñitaḥ

Sanskrit only: no published translation is held for this verse.

पञ्चाशदुच्छ्रयस्तस्य विस्तारः पञ्चविंशतिः । योजनानां वरारोहे सर्वरत्नसमन्वितः

pañcāśaducchrayastasya vistāraḥ pañcaviṃśatiḥ / yojanānāṃ varārohe sarvaratnasamanvitaḥ

Sanskrit only: no published translation is held for this verse.

धातकी मध्यमे राजा महवीतो बहिर्नृपः । ईर्ष्यया रागतृष्णाभिर् ईतिभिश्च विवर्जिताः

dhātakī madhyame rājā mahavīto bahirnṛpaḥ / īrṣyayā rāgatṛṣṇābhir ītibhiśca vivarjitāḥ

Sanskrit only: no published translation is held for this verse.

सर्वे ते सुखिनस्तत्र तस्मिन्वर्षद्वये जनाः । चक्राकारस्तु बोद्धव्यो मानसस्तु वरानने

sarve te sukhinastatra tasminvarṣadvaye janāḥ / cakrākārastu boddhavyo mānasastu varānane

Sanskrit only: no published translation is held for this verse.

चतुर्णां लोकपालानां पुरीस्त्वत्र ब्रवीमि ते । हरेर्वस्वेकसाराख्या याम्या संयमिनी पुरी

caturṇāṃ lokapālānāṃ purīstvatra bravīmi te / harervasvekasārākhyā yāmyā saṃyaminī purī

Sanskrit only: no published translation is held for this verse.

सुखाह्वा वारुणी चैव सोमस्य तु विभावरी । पुष्करद्वीपगुणितः स्वादूदो ऽन्ते व्यवस्थितः

sukhāhvā vāruṇī caiva somasya tu vibhāvarī / puṣkaradvīpaguṇitaḥ svādūdo 'nte vyavasthitaḥ

Sanskrit only: no published translation is held for this verse.

पञ्चाशत्तु सहस्राणि त्रिपञ्चाशत्तथैव च । योजनानां तु लक्षाणि कोटिद्वितयमेव च

pañcāśattu sahasrāṇi tripañcāśattathaiva ca / yojanānāṃ tu lakṣāṇi koṭidvitayameva ca

Sanskrit only: no published translation is held for this verse.

मेर्वर्धाद्यावत्स्वादूदं प्रमाणं परिकीर्तितम् । ततो हेममयी भूमिर् दशकोट्यो वरानने

mervardhādyāvatsvādūdaṃ pramāṇaṃ parikīrtitam / tato hemamayī bhūmir daśakoṭyo varānane

Sanskrit only: no published translation is held for this verse.

देवानां क्रीडनार्थाय लोकालोकस्त्वतः परम् । पर्वतो वलयाकारो योजनायुतविस्तृतः

devānāṃ krīḍanārthāya lokālokastvataḥ param / parvato valayākāro yojanāyutavistṛtaḥ

Sanskrit only: no published translation is held for this verse.

लक्षमात्रसमुत्सेधो योजनानां वरानने । सर्वरत्नसमोपेतो हेमवर्णः प्रकीर्तितः

lakṣamātrasamutsedho yojanānāṃ varānane / sarvaratnasamopeto hemavarṇaḥ prakīrtitaḥ

Sanskrit only: no published translation is held for this verse.

तस्यान्तर्भासयेद्भानुर् न बहिः सुरसुन्दरि । लोकपालाः स्थितास्तत्र रुद्राश्चामोघशक्तयः

tasyāntarbhāsayedbhānur na bahiḥ surasundari / lokapālāḥ sthitāstatra rudrāścāmoghaśaktayaḥ

Sanskrit only: no published translation is held for this verse.

विरुजो वसुधामा च शंखपात् कर्दमस्तथा । हिरण्यरोमा पर्जन्यः केतुमान् भाजनस्तथा

virujo vasudhāmā ca śaṃkhapāt kardamastathā / hiraṇyaromā parjanyaḥ ketumān bhājanastathā

Sanskrit only: no published translation is held for this verse.

जाम्बूनदमये शुभ्रे सिद्धामरनिवेशने । पूर्वादारभ्य क्रमशो यावदीशानगोचरः

jāmbūnadamaye śubhre siddhāmaraniveśane / pūrvādārabhya kramaśo yāvadīśānagocaraḥ

Sanskrit only: no published translation is held for this verse.

लोकपालाः स्थितास्ते वै पालयन्त इमाः प्रजाः । अस्य मध्ये वरारोहे योनयस्तु चतुर्दश

lokapālāḥ sthitāste vai pālayanta imāḥ prajāḥ / asya madhye varārohe yonayastu caturdaśa

Sanskrit only: no published translation is held for this verse.

चेष्टन्ते विविधाकाराः स्वकर्मपरिरञ्जिताः । लोकालोकोपरिष्टात्तु सवितुर्दक्षिणायनम्

ceṣṭante vividhākārāḥ svakarmaparirañjitāḥ / lokālokopariṣṭāttu saviturdakṣiṇāyanam

Sanskrit only: no published translation is held for this verse.

तथोत्तरायणं तत्र उत्तरेण प्रकीर्तितम् । अर्धरात्रो ऽमरावत्याम् अस्तमेति यमस्य च

tathottarāyaṇaṃ tatra uttareṇa prakīrtitam / ardharātro 'marāvatyām astameti yamasya ca

Sanskrit only: no published translation is held for this verse.

मध्याह्नश्चैव वारुण्यां सौम्ये सूर्योदयः स्मृतः । यदैव चामरावत्याम् उदयस्तस्य दृश्यते

madhyāhnaścaiva vāruṇyāṃ saumye sūryodayaḥ smṛtaḥ / yadaiva cāmarāvatyām udayastasya dṛśyate

Sanskrit only: no published translation is held for this verse.

तदास्तमेति वारुण्याम् इत्यादित्यगतागतम् । सुवीथी उत्तरे तस्य अजवीथी च दक्षिणे

tadāstameti vāruṇyām ityādityagatāgatam / suvīthī uttare tasya ajavīthī ca dakṣiṇe

Sanskrit only: no published translation is held for this verse.

पितृदेवपथोह्येष कथितस्तु मया तव । अस्य बाह्ये तमो घोरं दुःप्रेक्ष्यं जीववर्जितम्

pitṛdevapathohyeṣa kathitastu mayā tava / asya bāhye tamo ghoraṃ duḥprekṣyaṃ jīvavarjitam

Sanskrit only: no published translation is held for this verse.

पञ्चत्रिंशत्स्मृताः कोट्यो लक्षाणेकोनविंशतिः । चत्वारिंशत्सहस्राणि योजनानां वरानने

pañcatriṃśatsmṛtāḥ koṭyo lakṣāṇekonaviṃśatiḥ / catvāriṃśatsahasrāṇi yojanānāṃ varānane

Sanskrit only: no published translation is held for this verse.

सप्तसागरमानं तु गर्भोदस्तत्समः स्मृतः । ब्रह्मणो ऽण्डकटाहेन युक्ता वै मेरुमध्यतः

saptasāgaramānaṃ tu garbhodastatsamaḥ smṛtaḥ / brahmaṇo 'ṇḍakaṭāhena yuktā vai merumadhyataḥ

Sanskrit only: no published translation is held for this verse.

पञ्चाशत्कोटयो ज्ञेया दशदिक्षु समन्ततः । एवमेतच्छतं ज्ञेयं कोटीनां पार्थिवं महत्

pañcāśatkoṭayo jñeyā daśadikṣu samantataḥ / evametacchataṃ jñeyaṃ koṭīnāṃ pārthivaṃ mahat

Sanskrit only: no published translation is held for this verse.

अत ऊर्ध्वं प्रवक्ष्यामि प्रमाणं वरवर्णिनि । अथ वात्र महादेवि परिपाट्या समन्ततः

ata ūrdhvaṃ pravakṣyāmi pramāṇaṃ varavarṇini / atha vātra mahādevi paripāṭyā samantataḥ

Sanskrit only: no published translation is held for this verse.

दीक्षाकाले तु संस्काराः क्रमं तेषां निबोध मे । शक्तिं तत्त्वं च भुवनं योनिं चैव निवेशयेत्

dīkṣākāle tu saṃskārāḥ kramaṃ teṣāṃ nibodha me / śaktiṃ tattvaṃ ca bhuvanaṃ yoniṃ caiva niveśayet

Sanskrit only: no published translation is held for this verse.

तेषां गन्धोपचारं तु कृत्वा चैव यथाक्रमम् । अनन्तं चैव कालाग्निं नरकांश्च यथाक्रमम्

teṣāṃ gandhopacāraṃ tu kṛtvā caiva yathākramam / anantaṃ caiva kālāgniṃ narakāṃśca yathākramam

Sanskrit only: no published translation is held for this verse.

पातालानि ततश्चोर्ध्वे शोधयेदनुपूर्वशः । उपस्थानं ततः कुर्याद् भुवर्लोकस्य वरानने

pātālāni tataścordhve śodhayedanupūrvaśaḥ / upasthānaṃ tataḥ kuryād bhuvarlokasya varānane

Sanskrit only: no published translation is held for this verse.

ततो वागीश्वरी देवी संपूज्य कुसुमादिभिः । ततः पशुस्तु संप्रोक्ष्य स्ताड्यो विश्लेष्य एव च

tato vāgīśvarī devī saṃpūjya kusumādibhiḥ / tataḥ paśustu saṃprokṣya stāḍyo viśleṣya eva ca

Sanskrit only: no published translation is held for this verse.

छेदनं च तथाकर्षो ग्रहणं योजनं ततः । गर्भधारित्वजनने अधिकारं तथैव च

chedanaṃ ca tathākarṣo grahaṇaṃ yojanaṃ tataḥ / garbhadhāritvajanane adhikāraṃ tathaiva ca

Sanskrit only: no published translation is held for this verse.

योगं भोगं लयं चैव ततो योनिविशोधनम् । चतुर्दश समासेन कथयाम्यनुपूर्वशः

yogaṃ bhogaṃ layaṃ caiva tato yoniviśodhanam / caturdaśa samāsena kathayāmyanupūrvaśaḥ

Sanskrit only: no published translation is held for this verse.

पैशाचं राक्षसं याक्षं गान्धर्वंत्वैन्द्रमेव च । सौम्यं तथा च प्राजेशं ब्राह्मं चैवाष्टमं विदुः

paiśācaṃ rākṣasaṃ yākṣaṃ gāndharvaṃtvaindrameva ca / saumyaṃ tathā ca prājeśaṃ brāhmaṃ caivāṣṭamaṃ viduḥ

Sanskrit only: no published translation is held for this verse.

संहारक्रमयोगेन शोधनीयाः शिवाध्वरे । पशुपक्षिमृगाश्चैव तथान्ये च सरीसृपाः

saṃhārakramayogena śodhanīyāḥ śivādhvare / paśupakṣimṛgāścaiva tathānye ca sarīsṛpāḥ

Sanskrit only: no published translation is held for this verse.

स्थावरं पञ्चमं चैव षष्ठं मानुषयोनिकम् । देवयोनिसमायुक्तं प्रोक्तं संसारमण्डलम्

sthāvaraṃ pañcamaṃ caiva ṣaṣṭhaṃ mānuṣayonikam / devayonisamāyuktaṃ proktaṃ saṃsāramaṇḍalam

Sanskrit only: no published translation is held for this verse.

चतुर्दशविधं चैव भूर्लोके तु विशोधयेत् । आत्मा संसरतिह्यत्र मायाद्यवनिगोचरे

caturdaśavidhaṃ caiva bhūrloke tu viśodhayet / ātmā saṃsaratihyatra māyādyavanigocare

Sanskrit only: no published translation is held for this verse.

संसारः प्रोच्यते तस्मात् पर्यटेत्स यतस्ततः । सुखं दुःखं तथा मोहं भुङ्क्ते चैवाध्वमध्यगः

saṃsāraḥ procyate tasmāt paryaṭetsa yatastataḥ / sukhaṃ duḥkhaṃ tathā mohaṃ bhuṅkte caivādhvamadhyagaḥ

Sanskrit only: no published translation is held for this verse.

बन्धत्रयसमायुक्तो वामशक्त्यात्वधिष्ठितः । ईश्वरेण निमित्तेन सृष्टिसंहारवर्त्मनि

bandhatrayasamāyukto vāmaśaktyātvadhiṣṭhitaḥ / īśvareṇa nimittena sṛṣṭisaṃhāravartmani

Sanskrit only: no published translation is held for this verse.

पुनः पुनश्चाध्वमध्ये युज्यते स शुभाशुभैः । अध्वमध्ये तु ये पाशा ज्ञेयाश्चानन्तकोटयः

punaḥ punaścādhvamadhye yujyate sa śubhāśubhaiḥ / adhvamadhye tu ye pāśā jñeyāścānantakoṭayaḥ

Sanskrit only: no published translation is held for this verse.

प्रधानगुणभेदेन यावच्चानाश्रितं पदम् । तस्मादेवं विजानीयात् अध्वा बन्धस्य कारणम्

pradhānaguṇabhedena yāvaccānāśritaṃ padam / tasmādevaṃ vijānīyāt adhvā bandhasya kāraṇam

Sanskrit only: no published translation is held for this verse.

चतुर्दशविधं यच्च प्रोक्तं संसारमण्डलम् । तस्य भेदाह्यनन्ताश्च भिद्यन्ते कर्मभेदतः

caturdaśavidhaṃ yacca proktaṃ saṃsāramaṇḍalam / tasya bhedāhyanantāśca bhidyante karmabhedataḥ

Sanskrit only: no published translation is held for this verse.

कर्मवल्ल्योह्यनन्ताश्च कर्मेशानादिकारकाः । आत्मना बध्यतेह्यात्मा मुञ्चेन्नात्मानमात्मना

karmavallyohyanantāśca karmeśānādikārakāḥ / ātmanā badhyatehyātmā muñcennātmānamātmanā

Sanskrit only: no published translation is held for this verse.