Svacchandatantra 10

नृत्यन्तीव सरिच्छ्रेष्ठा विमानशतमण्डिता । मण्डिता च वनैर्दिव्यैर् धर्माधारा महानदी

nṛtyantīva saricchreṣṭhā vimānaśatamaṇḍitā / maṇḍitā ca vanairdivyair dharmādhārā mahānadī

Sanskrit only: no published translation is held for this verse.

मम नेत्राद्विनिष्क्रान्ता क्रियाशक्तिः परा हि सा । महामन्दाकिनी देवी त्रिदशैः पर्युपासिता

mama netrādviniṣkrāntā kriyāśaktiḥ parā hi sā / mahāmandākinī devī tridaśaiḥ paryupāsitā

Sanskrit only: no published translation is held for this verse.

महाविमानकोटीभिर् निरन्तरमवस्थितैः । शोभितासौ भगवती नित्यमास्ते नभस्तले

mahāvimānakoṭībhir nirantaramavasthitaiḥ / śobhitāsau bhagavatī nityamāste nabhastale

Sanskrit only: no published translation is held for this verse.

तत्रैषा मेरुशिरसि मम वै मस्तकाच्च्युता । पपात धरणीपृष्ठे लोकानां हितकाम्यया

tatraiṣā meruśirasi mama vai mastakāccyutā / papāta dharaṇīpṛṣṭhe lokānāṃ hitakāmyayā

Sanskrit only: no published translation is held for this verse.

अक्षोभ्या साप्यसौ गङ्गा तिष्ठत्यनिलधारिता । योजनानां शतं पूर्णं विस्तारो ऽस्याः प्रकीर्तितः

akṣobhyā sāpyasau gaṅgā tiṣṭhatyaniladhāritā / yojanānāṃ śataṃ pūrṇaṃ vistāro 'syāḥ prakīrtitaḥ

Sanskrit only: no published translation is held for this verse.

परिणाहस्ततः कोट्यः महावेगवती शुभा । सा भ्रमन्तीव संतिष्ठेत् समन्तात्परिमण्डला

pariṇāhastataḥ koṭyaḥ mahāvegavatī śubhā / sā bhramantīva saṃtiṣṭhet samantātparimaṇḍalā

Sanskrit only: no published translation is held for this verse.

ध्रुवमापूर्य सा देवी त्व् अत्यद्भुतमवस्थिता । दिव्यामृतवहा पुण्या सर्वपापप्रणाशिनी

dhruvamāpūrya sā devī tv atyadbhutamavasthitā / divyāmṛtavahā puṇyā sarvapāpapraṇāśinī

Sanskrit only: no published translation is held for this verse.

अष्टमे वृषराजस्तु सपत्नीकः सनन्दनः । वसति त्वप्रतीघातः प्रत्यक्षो धर्म एव सः

aṣṭame vṛṣarājastu sapatnīkaḥ sanandanaḥ / vasati tvapratīghātaḥ pratyakṣo dharma eva saḥ

Sanskrit only: no published translation is held for this verse.

नवमे पथि चात्रास्ते दक्षो नाम प्रजापतिः । ब्रह्मैव साक्षाद्वसति ब्रह्मशक्त्या त्वधिष्ठितः

navame pathi cātrāste dakṣo nāma prajāpatiḥ / brahmaiva sākṣādvasati brahmaśaktyā tvadhiṣṭhitaḥ

Sanskrit only: no published translation is held for this verse.

दशमे वायुपथे देवि वसुरुद्रदिवाकराः । अत्र चाङ्गारकः सर्पिर् नैरृतः सदसत्पतिः

daśame vāyupathe devi vasurudradivākarāḥ / atra cāṅgārakaḥ sarpir nairṛtaḥ sadasatpatiḥ

Sanskrit only: no published translation is held for this verse.

सदसस्पतिः? बुधश्च धूमकेतुश्च विख्यातश्च ज्वरस्तथा । अजश्च भुवनेशश्च मृत्युः कापालिकस्तथा

sadasaspatiḥ? budhaśca dhūmaketuśca vikhyātaśca jvarastathā / ajaśca bhuvaneśaśca mṛtyuḥ kāpālikastathā

Sanskrit only: no published translation is held for this verse.

एकादश स्मृता रुद्राः सर्वकामफलोदयाः । धाता ध्रुवश्च सोमश्च वरुणश्चानिलो ऽनलः

ekādaśa smṛtā rudrāḥ sarvakāmaphalodayāḥ / dhātā dhruvaśca somaśca varuṇaścānilo 'nalaḥ

Sanskrit only: no published translation is held for this verse.

प्रत्यूषश्च प्रदोषश्च वसवो ऽष्टौ प्रकीर्तिताः । वसवः कथिताह्येते आदित्यांश्च निबोध मे

pratyūṣaśca pradoṣaśca vasavo 'ṣṭau prakīrtitāḥ / vasavaḥ kathitāhyete ādityāṃśca nibodha me

Sanskrit only: no published translation is held for this verse.

अर्यमा इन्द्रवरुणौ पूषा विष्णुर्गभस्तिमान् । मित्रश्चैव समाख्यातस् त्व् अजघन्यो जघन्यकः

aryamā indravaruṇau pūṣā viṣṇurgabhastimān / mitraścaiva samākhyātas tv ajaghanyo jaghanyakaḥ

Sanskrit only: no published translation is held for this verse.

विवस्वांश्चैव पर्जन्यो धाता वै द्वादशः स्मृतः । काश्यपेयान्विदुस्त्वेतान् तेषां तेजोनिधेरथ

vivasvāṃścaiva parjanyo dhātā vai dvādaśaḥ smṛtaḥ / kāśyapeyānvidustvetān teṣāṃ tejonidheratha

Sanskrit only: no published translation is held for this verse.

अमृतोद्भवो ऽर्थो दिव्यः सर्वदेवसमन्वितः । यज्ञश्चक्रं रथे तस्मिन् सर्वज्ञानमयी च धूः

amṛtodbhavo 'rtho divyaḥ sarvadevasamanvitaḥ / yajñaścakraṃ rathe tasmin sarvajñānamayī ca dhūḥ

Sanskrit only: no published translation is held for this verse.

सप्ताश्वाश्च स्वराः सप्त वेदहूंकारनिःस्वनाः । नागा योक्त्राणि तेषां वै अरुणश्चैव सारथिः

saptāśvāśca svarāḥ sapta vedahūṃkāraniḥsvanāḥ / nāgā yoktrāṇi teṣāṃ vai aruṇaścaiva sārathiḥ

Sanskrit only: no published translation is held for this verse.

सत्यं च मञ्चकं तस्य वायुर्वेगो रथस्य तु । नवयोजनसाहस्रो विग्रहो भास्करस्य तु

satyaṃ ca mañcakaṃ tasya vāyurvego rathasya tu / navayojanasāhasro vigraho bhāskarasya tu

Sanskrit only: no published translation is held for this verse.

त्रिगुणं मण्डलं तस्य त्रैलोक्ये भाति भास्वरम् । ज्ञानशक्तिः पराह्येषा तपत्यादित्यविग्रहा

triguṇaṃ maṇḍalaṃ tasya trailokye bhāti bhāsvaram / jñānaśaktiḥ parāhyeṣā tapatyādityavigrahā

Sanskrit only: no published translation is held for this verse.

मासवारप्रयोगेण संचरन्ति शिवेच्छया । अहोरात्रं भ्रमन्त्येते भुवर्लोकं समन्ततः

māsavāraprayogeṇa saṃcaranti śivecchayā / ahorātraṃ bhramantyete bhuvarlokaṃ samantataḥ

Sanskrit only: no published translation is held for this verse.

ततः सोमस्तु लक्षेण आदित्योपरिसंस्थितः । आप्याययञ्जगत्सर्वं सुधाधाराप्रवर्षणैः

tataḥ somastu lakṣeṇa ādityoparisaṃsthitaḥ / āpyāyayañjagatsarvaṃ sudhādhārāpravarṣaṇaiḥ

Sanskrit only: no published translation is held for this verse.

चन्द्ररूपेण तपति क्रियाशक्तिः शिवस्य तु । इन्दूर्ध्वे लक्षमात्रेण स्थितं नक्षत्रमण्डलम्

candrarūpeṇa tapati kriyāśaktiḥ śivasya tu / indūrdhve lakṣamātreṇa sthitaṃ nakṣatramaṇḍalam

Sanskrit only: no published translation is held for this verse.

लक्षद्वयेन तस्योर्ध्वं संस्थितो भूमिनन्दनः । लक्षद्वयेन तस्योर्ध्वे संस्थितः सोमनन्दनः

lakṣadvayena tasyordhvaṃ saṃsthito bhūminandanaḥ / lakṣadvayena tasyordhve saṃsthitaḥ somanandanaḥ

Sanskrit only: no published translation is held for this verse.

सुराचार्यो ऽपि तस्योर्ध्वे द्विलक्षेणैव संस्थितः । तस्योर्ध्वे ऽपि द्विलक्षेण तिष्ठते भृगुनन्दनः

surācāryo 'pi tasyordhve dvilakṣeṇaiva saṃsthitaḥ / tasyordhve 'pi dvilakṣeṇa tiṣṭhate bhṛgunandanaḥ

Sanskrit only: no published translation is held for this verse.

तस्योपरि द्विलक्षेण सौरिः सर्पति लीलया । लक्षमात्रेण तु ऋषीन् कथयामि समासतः

tasyopari dvilakṣeṇa sauriḥ sarpati līlayā / lakṣamātreṇa tu ṛṣīn kathayāmi samāsataḥ

Sanskrit only: no published translation is held for this verse.

अत्रिश्चैव वसिष्ठश्च पुलस्त्यः पुलहः क्रतुः । भृग्वङ्गिरामरीचिश्च ऋषयः संप्रकीर्तिताः

atriścaiva vasiṣṭhaśca pulastyaḥ pulahaḥ kratuḥ / bhṛgvaṅgirāmarīciśca ṛṣayaḥ saṃprakīrtitāḥ

Sanskrit only: no published translation is held for this verse.

यमनियमतोह्येते शापानुग्रहकारकाः । भीताश्च परपीडायाः शूराः शास्त्रविचारणे

yamaniyamatohyete śāpānugrahakārakāḥ / bhītāśca parapīḍāyāḥ śūrāḥ śāstravicāraṇe

Sanskrit only: no published translation is held for this verse.

ज्ञानखड्गोद्यताः सर्वे त्व् अज्ञानपटलापहाः । मन्त्रयोगक्रियाचार्या संनद्धा दुरतिक्रमाः

jñānakhaḍgodyatāḥ sarve tv ajñānapaṭalāpahāḥ / mantrayogakriyācāryā saṃnaddhā duratikramāḥ

Sanskrit only: no published translation is held for this verse.

योगैश्वर्यगुणोपेताः शिवाराधनतत्पराः । तेभ्यो लक्षाध्रुवो देवि तारकाः स चतुर्दश

yogaiśvaryaguṇopetāḥ śivārādhanatatparāḥ / tebhyo lakṣādhruvo devi tārakāḥ sa caturdaśa

Sanskrit only: no published translation is held for this verse.

शरीरं घटितं ताभिर् ध्रुवस्य वरवर्णिनि । ब्रह्मैवापररूपेण ब्रह्मस्थाने नियोजितः

śarīraṃ ghaṭitaṃ tābhir dhruvasya varavarṇini / brahmaivāpararūpeṇa brahmasthāne niyojitaḥ

Sanskrit only: no published translation is held for this verse.

तस्यज्योतिर्गणो देवि निबद्धोभ्रमते सदा । निश्चलः स तु विज्ञेयः शिवशक्त्यात्वधिष्ठितः

tasyajyotirgaṇo devi nibaddhobhramate sadā / niścalaḥ sa tu vijñeyaḥ śivaśaktyātvadhiṣṭhitaḥ

Sanskrit only: no published translation is held for this verse.

दशपञ्च च लक्षाणि ध्रुवान्तं भूमिमण्डलात् । वायुस्कन्धान्स्थितांस्त्वत्र कथयामि समासतः

daśapañca ca lakṣāṇi dhruvāntaṃ bhūmimaṇḍalāt / vāyuskandhānsthitāṃstvatra kathayāmi samāsataḥ

Sanskrit only: no published translation is held for this verse.

आमेघाद्भास्करात्सोमान् नक्षत्राद्ग्रहमण्डलात् । ऋषिसप्तकनिर्देशाद् आध्रुवान्तं च सप्तमः

āmeghādbhāskarātsomān nakṣatrādgrahamaṇḍalāt / ṛṣisaptakanirdeśād ādhruvāntaṃ ca saptamaḥ

Sanskrit only: no published translation is held for this verse.

आदित्यादिघ्रुवान्तश्च स्वर्लोकः परिकीर्तितः । अत्र राजा महेन्द्रो वै तिष्ठते सुरपूजितः

ādityādighruvāntaśca svarlokaḥ parikīrtitaḥ / atra rājā mahendro vai tiṣṭhate surapūjitaḥ

Sanskrit only: no published translation is held for this verse.

ऋषिदेवैः सगन्धर्वैर् वृतश्चाप्सरसां गणैः । अग्निहोत्रं क्रतून्वापि कृत्वा ज्ञानविवर्जिताः

ṛṣidevaiḥ sagandharvair vṛtaścāpsarasāṃ gaṇaiḥ / agnihotraṃ kratūnvāpi kṛtvā jñānavivarjitāḥ

Sanskrit only: no published translation is held for this verse.

स्वर्लोकं तु नरा यान्ति पुनरायान्ति मानुषम् । स्वर्लोकस्योपरिस्टात्तु द्वे कोटी योजनानि तु

svarlokaṃ tu narā yānti punarāyānti mānuṣam / svarlokasyoparisṭāttu dve koṭī yojanāni tu

Sanskrit only: no published translation is held for this verse.

पञ्चाशीतिश्च लक्षाणि महर्लोको वरानने । ऋषयश्चैव सिद्धाश्च मार्कण्डाद्या वसन्ति वै

pañcāśītiśca lakṣāṇi maharloko varānane / ṛṣayaścaiva siddhāśca mārkaṇḍādyā vasanti vai

Sanskrit only: no published translation is held for this verse.

कोट्यष्टकं महादेवि योजनानां वरानने । महर्लोकोपरिष्टात्तु जनलोकोव्यवस्थितः

koṭyaṣṭakaṃ mahādevi yojanānāṃ varānane / maharlokopariṣṭāttu janalokovyavasthitaḥ

Sanskrit only: no published translation is held for this verse.

एकपादो ऽथ जह्नुश्च कपिलश्चासुरिस्तथा । भौतिको वाड्वलिश्चैव जनलोकनिवासिनः

ekapādo 'tha jahnuśca kapilaścāsuristathā / bhautiko vāḍvaliścaiva janalokanivāsinaḥ

Sanskrit only: no published translation is held for this verse.

द्वादशैव तथा कोट्यो जनलोकोर्ध्वतः प्रिये । तपोलोकः समाख्यात ऋषियोगेश्वराकुलः

dvādaśaiva tathā koṭyo janalokordhvataḥ priye / tapolokaḥ samākhyāta ṛṣiyogeśvarākulaḥ

Sanskrit only: no published translation is held for this verse.

सनकश्चसनन्दश्च सनत्कुमारः सनन्दनः । शङ्कुश्चैव त्रिशङ्कुश्च तपोलोकनिवासिनः

sanakaścasanandaśca sanatkumāraḥ sanandanaḥ / śaṅkuścaiva triśaṅkuśca tapolokanivāsinaḥ

Sanskrit only: no published translation is held for this verse.

पद्माः षट्पञ्चपञ्चाशत् कोट्यो लक्षाणि विंशतिः । भूर्लोकान्तं समारभ्य यावत्सत्यं वरानने

padmāḥ ṣaṭpañcapañcāśat koṭyo lakṣāṇi viṃśatiḥ / bhūrlokāntaṃ samārabhya yāvatsatyaṃ varānane

Sanskrit only: no published translation is held for this verse.

इयं संख्या समाख्याता भुवनानां वरानने । कोट्यः षोडशमानेन तपोलोकोर्ध्वतः प्रिये

iyaṃ saṃkhyā samākhyātā bhuvanānāṃ varānane / koṭyaḥ ṣoḍaśamānena tapolokordhvataḥ priye

Sanskrit only: no published translation is held for this verse.

सत्यलोकः समाख्यातो यत्र ब्रह्मा स्वयं स्थितः । क्रीडते भगवान्देवो वृत आत्मसमैर्द्विजैः

satyalokaḥ samākhyāto yatra brahmā svayaṃ sthitaḥ / krīḍate bhagavāndevo vṛta ātmasamairdvijaiḥ

Sanskrit only: no published translation is held for this verse.

कर्मज्ञानेन संसिद्धा अद्वैतपरिनिष्ठिताः । आनन्दपदसंप्राप्ता आनन्दपदमागताः

karmajñānena saṃsiddhā advaitapariniṣṭhitāḥ / ānandapadasaṃprāptā ānandapadamāgatāḥ

Sanskrit only: no published translation is held for this verse.

ऋग्वेदोमूर्तिमांस्तस्मिन्न् इन्द्रनीलसमद्युतिः । दिव्यगन्धविलिप्ताङ्गो दिव्याभरणभूषितः

ṛgvedomūrtimāṃstasminn indranīlasamadyutiḥ / divyagandhaviliptāṅgo divyābharaṇabhūṣitaḥ

Sanskrit only: no published translation is held for this verse.

संस्थितः पूर्वतस्तस्य दीप्यमानः स्वतेजसा । उत्तरेण यजुर्वेदः शुद्धस्फटिकसंनिभः

saṃsthitaḥ pūrvatastasya dīpyamānaḥ svatejasā / uttareṇa yajurvedaḥ śuddhasphaṭikasaṃnibhaḥ

Sanskrit only: no published translation is held for this verse.

दिव्यकुण्डलधारी च महाकायोमहाभुजः । स्थितः पश्चिमदिग्भागे सामवेदः सनातनः

divyakuṇḍaladhārī ca mahākāyomahābhujaḥ / sthitaḥ paścimadigbhāge sāmavedaḥ sanātanaḥ

Sanskrit only: no published translation is held for this verse.

रक्ताम्बरधरः श्रीमान् पद्मरागसमप्रभः । स्रग्दामधारकश्चित्रम् आलाभूषणभूषितः

raktāmbaradharaḥ śrīmān padmarāgasamaprabhaḥ / sragdāmadhārakaścitram ālābhūṣaṇabhūṣitaḥ

Sanskrit only: no published translation is held for this verse.

अथर्वाञ्जनवच्छ्यामः स्थितो दक्षिणतस्तथा । पिङ्गाक्षो लोहितग्रीवो हरिकेशो महातनुः

atharvāñjanavacchyāmaḥ sthito dakṣiṇatastathā / piṅgākṣo lohitagrīvo harikeśo mahātanuḥ

Sanskrit only: no published translation is held for this verse.

षडङ्गानीतिहासाश्च पुराणान्यखिलानि तु । वेदोपनिषदश्चैव मीमांसारण्यकं तथा

ṣaḍaṅgānītihāsāśca purāṇānyakhilāni tu / vedopaniṣadaścaiva mīmāṃsāraṇyakaṃ tathā

Sanskrit only: no published translation is held for this verse.

स्वाहाकारवषट्कारौ रहस्यानि तथैव च । गायत्री च स्थिता तत्र यत्र देवश्चतुर्मुखः

svāhākāravaṣaṭkārau rahasyāni tathaiva ca / gāyatrī ca sthitā tatra yatra devaścaturmukhaḥ

Sanskrit only: no published translation is held for this verse.

भोगस्थानं ब्रह्मणः स्यात् परं ब्रह्म ततो व्रजेत् । कोटियोजनमानेन सत्यलोकोर्ध्वतः प्रिये

bhogasthānaṃ brahmaṇaḥ syāt paraṃ brahma tato vrajet / koṭiyojanamānena satyalokordhvataḥ priye

Sanskrit only: no published translation is held for this verse.

ब्रह्मासनमितिख्यातं जपासिन्दूरसप्रभम् । रक्तेन्दीवरमध्यस्थः पद्मरागसमप्रभः

brahmāsanamitikhyātaṃ japāsindūrasaprabham / raktendīvaramadhyasthaḥ padmarāgasamaprabhaḥ

Sanskrit only: no published translation is held for this verse.

चतुर्मुखश्चतुर्वेदश् चतुर्युगवशानुगः । ब्रह्मविद्भिः समाकीर्णो ब्रह्मा मुनिनिषेवितः

caturmukhaścaturvedaś caturyugavaśānugaḥ / brahmavidbhiḥ samākīrṇo brahmā muniniṣevitaḥ

Sanskrit only: no published translation is held for this verse.

ऐश्वर्याष्टकसंयुक्तः षड्विधसृष्टिकारकः । धर्मादिफलसंबन्ध- प्रदाता च युगे युगे

aiśvaryāṣṭakasaṃyuktaḥ ṣaḍvidhasṛṣṭikārakaḥ / dharmādiphalasaṃbandha- pradātā ca yuge yuge

Sanskrit only: no published translation is held for this verse.

तिर्यङ्नारकिसत्त्वानां दिव्यानां मनुजैः सह । स्रष्टा च सर्वभूतानां सदेवासुरमानुषे

tiryaṅnārakisattvānāṃ divyānāṃ manujaiḥ saha / sraṣṭā ca sarvabhūtānāṃ sadevāsuramānuṣe

Sanskrit only: no published translation is held for this verse.

कोटिद्वयं तदूर्ध्वे तु योजनानां वरानने । नीलेन्दीवरसंकाशा इन्द्रनीलसमप्रभा

koṭidvayaṃ tadūrdhve tu yojanānāṃ varānane / nīlendīvarasaṃkāśā indranīlasamaprabhā

Sanskrit only: no published translation is held for this verse.

ब्रह्मलोकात्परत्वेन विष्णोश्चैव पुरीस्मृता । सर्वकामसमोपेता सर्वरत्नसमुज्ज्वला

brahmalokātparatvena viṣṇoścaiva purīsmṛtā / sarvakāmasamopetā sarvaratnasamujjvalā

Sanskrit only: no published translation is held for this verse.

मरकतस्तम्भसोपाना नीलध्वजसमाकुला । घण्टावितानविस्तीर्णा चारुचामरशोभिता

marakatastambhasopānā nīladhvajasamākulā / ghaṇṭāvitānavistīrṇā cārucāmaraśobhitā

Sanskrit only: no published translation is held for this verse.

नीलोत्पलदलप्रख्यैः कन्यावृन्दैः समावृता । कामकार्मुकनिर्घोष- वित्रस्तमृगलोचनैः

nīlotpaladalaprakhyaiḥ kanyāvṛndaiḥ samāvṛtā / kāmakārmukanirghoṣa- vitrastamṛgalocanaiḥ

Sanskrit only: no published translation is held for this verse.

नूपुरारावमुखरैः स्खलद्भिर्मृदुविभ्रमैः । मनोभवशरायास निपातशतजर्जरैः

nūpurārāvamukharaiḥ skhaladbhirmṛduvibhramaiḥ / manobhavaśarāyāsa nipātaśatajarjaraiḥ

Sanskrit only: no published translation is held for this verse.

सुघूर्णितमदायास- विलोलधवलेक्षणैः । संसेव्यते स भगवान् विष्णुः कमललोचनः

sughūrṇitamadāyāsa- viloladhavalekṣaṇaiḥ / saṃsevyate sa bhagavān viṣṇuḥ kamalalocanaḥ

Sanskrit only: no published translation is held for this verse.

इन्द्रनीलसमाकारो निलोत्पलदलप्रभः । चतुर्भुजो महाकायः पीनवक्षा गदाधरः

indranīlasamākāro nilotpaladalaprabhaḥ / caturbhujo mahākāyaḥ pīnavakṣā gadādharaḥ

Sanskrit only: no published translation is held for this verse.

किरीटीकुण्डलीशङ्खी प्रजापालनतत्परः । संसेव्यते स भगवान् निकायैरात्मविक्रमैः

kirīṭīkuṇḍalīśaṅkhī prajāpālanatatparaḥ / saṃsevyate sa bhagavān nikāyairātmavikramaiḥ

Sanskrit only: no published translation is held for this verse.

विष्णुभक्ताश्च ये नित्यं ध्यानपूजाजपे रताः । ते तु गच्छन्ति तत्स्थानं विष्णोरमितविक्रमाः

viṣṇubhaktāśca ye nityaṃ dhyānapūjājape ratāḥ / te tu gacchanti tatsthānaṃ viṣṇoramitavikramāḥ

Sanskrit only: no published translation is held for this verse.

सप्तकोट्यस्तदूर्ध्वं वै रुद्रलोको व्यवस्थितः । शुद्धस्फटिकसंकाशश् चत्वरोद्यानमण्डितः

saptakoṭyastadūrdhvaṃ vai rudraloko vyavasthitaḥ / śuddhasphaṭikasaṃkāśaś catvarodyānamaṇḍitaḥ

Sanskrit only: no published translation is held for this verse.

सहस्रभूमिकाभिश्च हर्म्यमालाभिरूर्जितः । विमानैः पुष्पकैर्युक्तो हंसकुन्देन्दुनिर्मलैः

sahasrabhūmikābhiśca harmyamālābhirūrjitaḥ / vimānaiḥ puṣpakairyukto haṃsakundendunirmalaiḥ

Sanskrit only: no published translation is held for this verse.

वनोपवनषण्डैश्च सर्वर्तुकुसुमोज्ज्वलैः । मारुताःसुखसंस्पर्शा वर्तिकर्पूरगन्धयः

vanopavanaṣaṇḍaiśca sarvartukusumojjvalaiḥ / mārutāḥsukhasaṃsparśā vartikarpūragandhayaḥ

Sanskrit only: no published translation is held for this verse.

नदीनदह्रदाकीर्णः पद्मिनीषण्डमण्डितः । वरेण्यावरदाचैव वरिष्ठा वरवर्णिनी

nadīnadahradākīrṇaḥ padminīṣaṇḍamaṇḍitaḥ / vareṇyāvaradācaiva variṣṭhā varavarṇinī

Sanskrit only: no published translation is held for this verse.

वसिष्ठा च वराहा च वरारोहा च सप्तमी । गङ्गाह्येताः समाख्याता रुद्रलोकवहाः सदा

vasiṣṭhā ca varāhā ca varārohā ca saptamī / gaṅgāhyetāḥ samākhyātā rudralokavahāḥ sadā

Sanskrit only: no published translation is held for this verse.

लक्षपत्रदलाढ्यैश्च सितपद्मैर्विभूषिताः । इन्द्रनीलनिभैर्नालैर् योजनायतगन्धिभिः

lakṣapatradalāḍhyaiśca sitapadmairvibhūṣitāḥ / indranīlanibhairnālair yojanāyatagandhibhiḥ

Sanskrit only: no published translation is held for this verse.

स्त्रीसहस्रकदम्बाढ्याः पुष्पप्रकरधूसराः । शरदिन्दुनिभानार्यो नवनीतसुकोमलाः

strīsahasrakadambāḍhyāḥ puṣpaprakaradhūsarāḥ / śaradindunibhānāryo navanītasukomalāḥ

Sanskrit only: no published translation is held for this verse.

सुभ्रूललाटवदनाः कृशोदर्यो मदालसाः । अलिपुञ्जनिभैः केशैर् मृगामोदसुगन्धिभिः

subhrūlalāṭavadanāḥ kṛśodaryo madālasāḥ / alipuñjanibhaiḥ keśair mṛgāmodasugandhibhiḥ

Sanskrit only: no published translation is held for this verse.

प्रलम्बश्रवणाधाराः पद्मपत्रायतेक्षणाः । दाडिमीपुष्पसंकाशैर् ओष्ठैरुत्पलगन्धिभिः

pralambaśravaṇādhārāḥ padmapatrāyatekṣaṇāḥ / dāḍimīpuṣpasaṃkāśair oṣṭhairutpalagandhibhiḥ

Sanskrit only: no published translation is held for this verse.

रम्भानिभाभिर्जङ्घाभिर् बाहुभिर्बिसकोमलैः । अशोकपल्लवाकारैः पादैः पद्मदलोपमैः

rambhānibhābhirjaṅghābhir bāhubhirbisakomalaiḥ / aśokapallavākāraiḥ pādaiḥ padmadalopamaiḥ

Sanskrit only: no published translation is held for this verse.

नखैश्च केतकीप्रख्यैर् दशनैर्मौक्तिकोज्ज्वलैः । स्वभावसुसुगन्धाढ्यैः प्रस्रवद्भिरिवामृतम्

nakhaiśca ketakīprakhyair daśanairmauktikojjvalaiḥ / svabhāvasusugandhāḍhyaiḥ prasravadbhirivāmṛtam

Sanskrit only: no published translation is held for this verse.

हारकेयूरकटकैः सीमन्तमणिजालकैः । काञ्चीडोरैः सुरक्तैश्च कुसुमैर्भूषिताः सदा

hārakeyūrakaṭakaiḥ sīmantamaṇijālakaiḥ / kāñcīḍoraiḥ suraktaiśca kusumairbhūṣitāḥ sadā

Sanskrit only: no published translation is held for this verse.

तारकुम्भनिभाकारैर् उन्नतैश्च पयोधरैः । सुवृत्तैः पीनपार्श्वैश्च पीनकण्ठसमाश्रितैः

tārakumbhanibhākārair unnataiśca payodharaiḥ / suvṛttaiḥ pīnapārśvaiśca pīnakaṇṭhasamāśritaiḥ

Sanskrit only: no published translation is held for this verse.

गुरुश्रेणीभराक्रान्ता मुक्तावलिविराजिताः । राजहंसगतिस्पर्धि मत्तमातङ्गविभ्रमाः

guruśreṇībharākrāntā muktāvalivirājitāḥ / rājahaṃsagatispardhi mattamātaṅgavibhramāḥ

Sanskrit only: no published translation is held for this verse.

नूपुरारावमुखर- प्रस्खलन्मृदुविक्रमाः । हास्यलास्यविलासाढ्य- भ्रूभङ्गतरलेक्षणाः

nūpurārāvamukhara- praskhalanmṛduvikramāḥ / hāsyalāsyavilāsāḍhya- bhrūbhaṅgataralekṣaṇāḥ

Sanskrit only: no published translation is held for this verse.

ह्लादयन्तीव गात्राणि रुद्राणां तन्निवासिनाम् । कामग्रहग्रहाविष्टा घूर्णन्त्यो मदविह्वलाः

hlādayantīva gātrāṇi rudrāṇāṃ tannivāsinām / kāmagrahagrahāviṣṭā ghūrṇantyo madavihvalāḥ

Sanskrit only: no published translation is held for this verse.

घूर्णन्त्यो? परिष्वजनमात्रेण मोदयन्त्यो गणेश्वरान् । यद्यप्येवंविधानार्यः निजभर्तृभयातुराः

ghūrṇantyo? pariṣvajanamātreṇa modayantyo gaṇeśvarān / yadyapyevaṃvidhānāryaḥ nijabhartṛbhayāturāḥ

Sanskrit only: no published translation is held for this verse.

वित्रस्तमृगनेत्रास्तु भर्तुरुत्सङ्गमागताः । अवगूह्य च सर्वाङ्गैर् आपीय वदनैर्मुखम्

vitrastamṛganetrāstu bharturutsaṅgamāgatāḥ / avagūhya ca sarvāṅgair āpīya vadanairmukham

Sanskrit only: no published translation is held for this verse.

क्रीडन्तिरुद्रभवने रुद्रकन्याः सरुद्रकाः । रुद्राश्चैवंविधाकारा ज्ञानयोगबलोत्कटाः

krīḍantirudrabhavane rudrakanyāḥ sarudrakāḥ / rudrāścaivaṃvidhākārā jñānayogabalotkaṭāḥ

Sanskrit only: no published translation is held for this verse.

मुकुटैः कुण्डलैश्चित्रैर् महारत्नसमुज्ज्वलैः । केयूरकटकैर्डोरैः पुष्पवस्त्रविभूषणैः

mukuṭaiḥ kuṇḍalaiścitrair mahāratnasamujjvalaiḥ / keyūrakaṭakairḍoraiḥ puṣpavastravibhūṣaṇaiḥ

Sanskrit only: no published translation is held for this verse.

मुक्ताफलावलीहारैर् ब्रह्मसूत्रोत्तरीयकैः । महाकाया महोरस्कास् त्रिनेत्राः शूलपाणयः

muktāphalāvalīhārair brahmasūtrottarīyakaiḥ / mahākāyā mahoraskās trinetrāḥ śūlapāṇayaḥ

Sanskrit only: no published translation is held for this verse.

चन्द्रायुतप्रतीकाशाः कर्पूरक्षोदधूसराः । सुरसिद्धनुताःसर्वे सुप्रसन्न वरप्रदाः

candrāyutapratīkāśāḥ karpūrakṣodadhūsarāḥ / surasiddhanutāḥsarve suprasanna varapradāḥ

Sanskrit only: no published translation is held for this verse.

हरलब्धवरास्तृप्ता दशबाह्विन्दुमौलयः । न तत्र मृत्युर्न जरा न शोको ऽस्ति वियोगजः

haralabdhavarāstṛptā daśabāhvindumaulayaḥ / na tatra mṛtyurna jarā na śoko 'sti viyogajaḥ

Sanskrit only: no published translation is held for this verse.

क्रीडन्तिसार्धंकन्याभिः संसारभयवर्जिताः । अधिकारक्षये रुद्रा रुद्रकन्यासमावृताः

krīḍantisārdhaṃkanyābhiḥ saṃsārabhayavarjitāḥ / adhikārakṣaye rudrā rudrakanyāsamāvṛtāḥ

Sanskrit only: no published translation is held for this verse.

श्रीकण्ठस्येच्छया सर्वे शिवंयान्तितनुक्षये । गत्वा भूयो न जायन्ते कल्पकोटिशतैरपि

śrīkaṇṭhasyecchayā sarve śivaṃyāntitanukṣaye / gatvā bhūyo na jāyante kalpakoṭiśatairapi

Sanskrit only: no published translation is held for this verse.

एवंविधैरसंख्यातैर् विमानरथगामिभिः । महावृषगजारूढैः सिंहवाजिसुवाहनैः

evaṃvidhairasaṃkhyātair vimānarathagāmibhiḥ / mahāvṛṣagajārūḍhaiḥ siṃhavājisuvāhanaiḥ

Sanskrit only: no published translation is held for this verse.

लक्षायुतसहस्रैस्तु रुद्रकोटिभिरावृतम् । तन्मध्येसर्वतोभद्रं सिंहद्वारैः सुतोरणैः

lakṣāyutasahasraistu rudrakoṭibhirāvṛtam / tanmadhyesarvatobhadraṃ siṃhadvāraiḥ sutoraṇaiḥ

Sanskrit only: no published translation is held for this verse.

स्वच्छमौक्तिकसंकाश- प्राकारशिखरावृतम् । नन्दीश्वरमहाकाल द्वारपालगणैर्वृतम्

svacchamauktikasaṃkāśa- prākāraśikharāvṛtam / nandīśvaramahākāla dvārapālagaṇairvṛtam

Sanskrit only: no published translation is held for this verse.

किंकिणीजालमुखरैः पताकाध्वजसंकुलैः । वितानच्छत्रषण्डैश्च मुक्ताहारप्रलम्बितैः

kiṃkiṇījālamukharaiḥ patākādhvajasaṃkulaiḥ / vitānacchatraṣaṇḍaiśca muktāhārapralambitaiḥ

Sanskrit only: no published translation is held for this verse.

घण्टाचामरशोभाड्यं दर्पणैश्चोपशोभितम् । कलशैर्द्वारन्यस्तैश्च रत्नपल्लवसंयुतैः

ghaṇṭācāmaraśobhāḍyaṃ darpaṇaiścopaśobhitam / kalaśairdvāranyastaiśca ratnapallavasaṃyutaiḥ

Sanskrit only: no published translation is held for this verse.

रचितैश्चित्रशास्त्रज्ञैर् अत्नचूर्णसमुज्ज्वलैः । स्वस्तिकैः पत्रवल्याढ्यैश् चित्रितं भुवनाजिरम्

racitaiścitraśāstrajñair atnacūrṇasamujjvalaiḥ / svastikaiḥ patravalyāḍhyaiś citritaṃ bhuvanājiram

Sanskrit only: no published translation is held for this verse.

शतसिंहासनाकीर्णं वेदिकारत्नभूषितम् । गोपुराट्टालरथकैर् वीथीभिश्च भ्रमान्त्रकैः

śatasiṃhāsanākīrṇaṃ vedikāratnabhūṣitam / gopurāṭṭālarathakair vīthībhiśca bhramāntrakaiḥ

Sanskrit only: no published translation is held for this verse.

सर्वरत्नविचित्राढ्यैर् द्वारबद्धैः सुशोभनम् । निर्गमैःसुगवाक्षैश्च विटङ्कैःस्फटिकप्रभैः

sarvaratnavicitrāḍhyair dvārabaddhaiḥ suśobhanam / nirgamaiḥsugavākṣaiśca viṭaṅkaiḥsphaṭikaprabhaiḥ

Sanskrit only: no published translation is held for this verse.

स्तम्भैःसोपानबद्धैश्च वज्रवैडूर्यसप्रभैः । पूर्णचन्द्रनिभाकारैर् अण्डैः शिखरमण्डितैः

stambhaiḥsopānabaddhaiśca vajravaiḍūryasaprabhaiḥ / pūrṇacandranibhākārair aṇḍaiḥ śikharamaṇḍitaiḥ

Sanskrit only: no published translation is held for this verse.

मुक्ताफलप्रभाभिश्च भूमिभिश्च सहस्रशः । नाट्यशालैः सुशोभाढ्यैर् नृत्तगीतरवाकुलैः

muktāphalaprabhābhiśca bhūmibhiśca sahasraśaḥ / nāṭyaśālaiḥ suśobhāḍhyair nṛttagītaravākulaiḥ

Sanskrit only: no published translation is held for this verse.

मण्डपैरत्नचित्राढ्यैः सभामण्डलनिर्भरैः । आसीनैरुद्रवृन्दैश्च रुद्रकन्याकदम्बकैः

maṇḍapairatnacitrāḍhyaiḥ sabhāmaṇḍalanirbharaiḥ / āsīnairudravṛndaiśca rudrakanyākadambakaiḥ

Sanskrit only: no published translation is held for this verse.

मत्तवारणकै रम्यैश् चन्द्रशालासुशोभनैः । धूपितं धूपवर्तीभिः कुङ्कुमोदकसेचितम्

mattavāraṇakai ramyaiś candraśālāsuśobhanaiḥ / dhūpitaṃ dhūpavartībhiḥ kuṅkumodakasecitam

Sanskrit only: no published translation is held for this verse.

चित्रपट्टैस्तु संछन्नं पुष्पप्रकरसंकुलम् । तूर्यशब्दजयध्वान- काहलाकूजितेन च

citrapaṭṭaistu saṃchannaṃ puṣpaprakarasaṃkulam / tūryaśabdajayadhvāna- kāhalākūjitena ca

Sanskrit only: no published translation is held for this verse.

वंशवीणामृदङ्गैश्च गोमुखैर्मुखवादनैः । पणवैस्तालवाद्यैश्च शङ्खभेरीरवेण च

vaṃśavīṇāmṛdaṅgaiśca gomukhairmukhavādanaiḥ / paṇavaistālavādyaiśca śaṅkhabherīraveṇa ca

Sanskrit only: no published translation is held for this verse.

दुन्दुभीनादशब्देन मुरजस्फालनेन च । करस्फोटमहाशब्दैः सिंहनादप्रगुञ्जितैः

dundubhīnādaśabdena murajasphālanena ca / karasphoṭamahāśabdaiḥ siṃhanādapraguñjitaiḥ

Sanskrit only: no published translation is held for this verse.

गर्जद्भिर्गणवृन्दैश्च मेघस्तनितनिःस्वनैः । वन्दिनांस्तोत्रशब्देन सामवेदरवेण च

garjadbhirgaṇavṛndaiśca meghastanitaniḥsvanaiḥ / vandināṃstotraśabdena sāmavedaraveṇa ca

Sanskrit only: no published translation is held for this verse.

हुडुङ्काराट्टहासैश्च गेयझंकारयोजितैः । वृषनन्दितशब्देन गजवाजिरवेण च

huḍuṅkārāṭṭahāsaiśca geyajhaṃkārayojitaiḥ / vṛṣananditaśabdena gajavājiraveṇa ca

Sanskrit only: no published translation is held for this verse.

काञ्चीनूपुरशब्देन नदतीव महत्पुरम् । सर्वसंपत्करं श्रीमच्- छङ्करस्य तु मन्दिरम्

kāñcīnūpuraśabdena nadatīva mahatpuram / sarvasaṃpatkaraṃ śrīmac- chaṅkarasya tu mandiram

Sanskrit only: no published translation is held for this verse.

अत्रासौभगवान्रुद्रो ब्रह्मविष्ण्विन्द्रपूजितः । गङ्गायास्नपितोनित्यं दिव्यवस्त्राम्बरच्छदः

atrāsaubhagavānrudro brahmaviṣṇvindrapūjitaḥ / gaṅgāyāsnapitonityaṃ divyavastrāmbaracchadaḥ

Sanskrit only: no published translation is held for this verse.

पृथिव्यागन्धलिप्ताङ्गः श्रियापुष्पैः सुपूजितः । सप्तस्वरप्रमुख्यैश्च सरस्वत्या च संस्तुतः

pṛthivyāgandhaliptāṅgaḥ śriyāpuṣpaiḥ supūjitaḥ / saptasvarapramukhyaiśca sarasvatyā ca saṃstutaḥ

Sanskrit only: no published translation is held for this verse.

पूर्णेन्दुरातपत्रं च स्वयमेव व्यवस्थितः । गङ्गातूत्तरिकाच्छत्रे सर्वादित्याश्च दीपकाः

pūrṇendurātapatraṃ ca svayameva vyavasthitaḥ / gaṅgātūttarikācchatre sarvādityāśca dīpakāḥ

Sanskrit only: no published translation is held for this verse.

पुष्पदन्तगणेशाद्यैर् आसनं तस्य संवृतम् । कपिलः कर्कटश्चैव विमर्दः कङ्कटस्तथा

puṣpadantagaṇeśādyair āsanaṃ tasya saṃvṛtam / kapilaḥ karkaṭaścaiva vimardaḥ kaṅkaṭastathā

Sanskrit only: no published translation is held for this verse.

विक्रमश्चदृढश्चैव निष्कम्पो निष्कलस्तथा । अष्टौ ते हरयःप्रोक्तास् त्रिनेत्रा भूरिविक्रमाः

vikramaścadṛḍhaścaiva niṣkampo niṣkalastathā / aṣṭau te harayaḥproktās trinetrā bhūrivikramāḥ

Sanskrit only: no published translation is held for this verse.

सिंहरूपाःसुतेजस्काः सटाविकटभास्वराः । शक्तिरूपधरैर्मन्त्रैर् योगैश्वर्यसमन्वितैः

siṃharūpāḥsutejaskāḥ saṭāvikaṭabhāsvarāḥ / śaktirūpadharairmantrair yogaiśvaryasamanvitaiḥ

Sanskrit only: no published translation is held for this verse.

आसनंविवृतंतैस्तु महोत्साहैर्बलोत्कटैः । तत्रभद्रासने रुद्रः स्थितश्चन्द्रार्धशेखरः

āsanaṃvivṛtaṃtaistu mahotsāhairbalotkaṭaiḥ / tatrabhadrāsane rudraḥ sthitaścandrārdhaśekharaḥ

Sanskrit only: no published translation is held for this verse.

सर्वलक्षणसंपूर्णः सर्वाभरणभूषितः । त्र्यक्षोदशभुजोदेवो जटामुकुटमण्डितः

sarvalakṣaṇasaṃpūrṇaḥ sarvābharaṇabhūṣitaḥ / tryakṣodaśabhujodevo jaṭāmukuṭamaṇḍitaḥ

Sanskrit only: no published translation is held for this verse.

पीनवक्षःस्थलोरुश्च पीनस्कन्धो महाभुजः । बद्धपद्मासनासीनः कर्पूरक्षोदधूसरः

pīnavakṣaḥsthaloruśca pīnaskandho mahābhujaḥ / baddhapadmāsanāsīnaḥ karpūrakṣodadhūsaraḥ

Sanskrit only: no published translation is held for this verse.

वरदाभयपाणिश्च सर्वायुधधरस्तथा । शतपत्राङ्कितैश्चैव हस्तपादैः सुकोमलैः

varadābhayapāṇiśca sarvāyudhadharastathā / śatapatrāṅkitaiścaiva hastapādaiḥ sukomalaiḥ

Sanskrit only: no published translation is held for this verse.

चन्द्रबिम्बनखाभाभिर् अङ्गुलीभिरलंकृतैः । सुश्लिष्टजानुगुल्फैश्च पादैश्चैव समुन्नतैः

candrabimbanakhābhābhir aṅgulībhiralaṃkṛtaiḥ / suśliṣṭajānugulphaiśca pādaiścaiva samunnataiḥ

Sanskrit only: no published translation is held for this verse.