Svacchandatantra 10

पूजितैर्गणरुद्रैश्च ब्रह्मविष्ण्विन्द्रवन्दितैः । चामरव्यजनोक्षेपै रुद्रस्त्रीभिः समन्ततः

pūjitairgaṇarudraiśca brahmaviṣṇvindravanditaiḥ / cāmaravyajanokṣepai rudrastrībhiḥ samantataḥ

Sanskrit only: no published translation is held for this verse.

वीजतस्तु सदा श्रीमांश् चन्द्रकोटिसमप्रभः । ज्ञानामृतसुतृप्तात्मा योगैश्वर्यप्रदायकः

vījatastu sadā śrīmāṃś candrakoṭisamaprabhaḥ / jñānāmṛtasutṛptātmā yogaiśvaryapradāyakaḥ

Sanskrit only: no published translation is held for this verse.

ध्यातो वै योगिभिर्नित्यं प्रसन्नवदनेक्षणः । प्रहसन्स इवाभाति निर्मलज्ञानरश्मिभिः

dhyāto vai yogibhirnityaṃ prasannavadanekṣaṇaḥ / prahasansa ivābhāti nirmalajñānaraśmibhiḥ

Sanskrit only: no published translation is held for this verse.

अज्ञानतिमिरं हत्वा दर्शयेत्परमं वपुः । सर्वसौख्यप्रदाता च रुद्रमातृगणावृतः

ajñānatimiraṃ hatvā darśayetparamaṃ vapuḥ / sarvasaukhyapradātā ca rudramātṛgaṇāvṛtaḥ

Sanskrit only: no published translation is held for this verse.

तस्योत्सङ्गगता देवी तप्तकाञ्चनसुप्रभा । पूजिता योगिनीवृन्दैः साधकैः सुरकिन्नरैः

tasyotsaṅgagatā devī taptakāñcanasuprabhā / pūjitā yoginīvṛndaiḥ sādhakaiḥ surakinnaraiḥ

Sanskrit only: no published translation is held for this verse.

सर्वलक्षणसंपूर्णा सर्वाभरणभूषिता । योगसिद्धिप्रदा नित्यं मोक्षाभ्युदयदायिका

sarvalakṣaṇasaṃpūrṇā sarvābharaṇabhūṣitā / yogasiddhipradā nityaṃ mokṣābhyudayadāyikā

Sanskrit only: no published translation is held for this verse.

देवस्याभिमुखी नित्यम् उमा तु ललितेक्षणा । शक्तिश्चापररूपेण शक्तिमांश्च हरस्तथा

devasyābhimukhī nityam umā tu lalitekṣaṇā / śaktiścāpararūpeṇa śaktimāṃśca harastathā

Sanskrit only: no published translation is held for this verse.

ब्रह्माण्डे सृष्टिसंहारौ करोति च शिवेच्छया । दीक्षाज्ञानविहीना ये लिङ्गाराधनतत्पराः

brahmāṇḍe sṛṣṭisaṃhārau karoti ca śivecchayā / dīkṣājñānavihīnā ye liṅgārādhanatatparāḥ

Sanskrit only: no published translation is held for this verse.

ते प्रयान्ति हरस्थानं सर्वैश्वर्यसुखावहम् । जरामरणनिर्मुक्ता व्याधिशोकविवर्जिताः

te prayānti harasthānaṃ sarvaiśvaryasukhāvaham / jarāmaraṇanirmuktā vyādhiśokavivarjitāḥ

Sanskrit only: no published translation is held for this verse.

नाधोयान्ति पुनर्देवि संसारे दुःखसागरे । शिवंयान्ति ततश्चोर्ध्वं श्रीकण्ठेनसमीक्षिताः

nādhoyānti punardevi saṃsāre duḥkhasāgare / śivaṃyānti tataścordhvaṃ śrīkaṇṭhenasamīkṣitāḥ

Sanskrit only: no published translation is held for this verse.

रुद्रलोकः समाख्यातस् ततश्चोर्ध्वमुमे शृणु । उत्तरोत्तरवृद्ध्या च भुवनं भुवनंस्थितम्

rudralokaḥ samākhyātas tataścordhvamume śṛṇu / uttarottaravṛddhyā ca bhuvanaṃ bhuvanaṃsthitam

Sanskrit only: no published translation is held for this verse.

ब्रह्माण्डस्याप्यधोभागे रुद्रलोकस्यचोर्ध्वतः । दण्डपाणेः पुरंज्ञेयं नानारुद्रगणावृतम्

brahmāṇḍasyāpyadhobhāge rudralokasyacordhvataḥ / daṇḍapāṇeḥ puraṃjñeyaṃ nānārudragaṇāvṛtam

Sanskrit only: no published translation is held for this verse.

दण्डपाणिस्तु भगवान् योगैश्वर्यबलान्वितः । दण्डः पाणितलेनैव धृतोयेन शिवेच्छया

daṇḍapāṇistu bhagavān yogaiśvaryabalānvitaḥ / daṇḍaḥ pāṇitalenaiva dhṛtoyena śivecchayā

Sanskrit only: no published translation is held for this verse.

विवृणोति च ब्रह्माण्डे मोक्षमार्गं सुदुर्भिदम् । विधिनाराधितश्चैव अनुध्यानाच्छिवेच्छया

vivṛṇoti ca brahmāṇḍe mokṣamārgaṃ sudurbhidam / vidhinārādhitaścaiva anudhyānācchivecchayā

Sanskrit only: no published translation is held for this verse.

सप्तलोकेषु ये रुद्रा कथयामि समासतः । शर्वोरुद्रस्तथा भीमो भव उग्रस्तथैव च

saptalokeṣu ye rudrā kathayāmi samāsataḥ / śarvorudrastathā bhīmo bhava ugrastathaiva ca

Sanskrit only: no published translation is held for this verse.

महादेवस्तथेशानो रुद्रलोकाधिपस्त्वमी । ब्रह्मलोकेस्थितोब्रह्मा विष्णुर्वै वैष्णवे पुरे

mahādevastatheśāno rudralokādhipastvamī / brahmalokesthitobrahmā viṣṇurvai vaiṣṇave pure

Sanskrit only: no published translation is held for this verse.

रुद्रलोकेस्थितोरुद्रः सर्वेषां नायकः स्मृतः । कालाग्नेर् दण्डपाण्यन्तम् अष्टानवतिकोटयः

rudralokesthitorudraḥ sarveṣāṃ nāyakaḥ smṛtaḥ / kālāgner daṇḍapāṇyantam aṣṭānavatikoṭayaḥ

Sanskrit only: no published translation is held for this verse.

योजनानांवरारोहे त्व् अध्वायमुपवर्णितः । कटाहस्तु अधश्चोर्ध्वं ब्रह्माण्डस्य वरानने

yojanānāṃvarārohe tv adhvāyamupavarṇitaḥ / kaṭāhastu adhaścordhvaṃ brahmāṇḍasya varānane

Sanskrit only: no published translation is held for this verse.

कोटियोजनमानेन घनाकारेणसंस्थितः । पञ्चाशत्कोटयश्चोर्ध्वं भूपृष्ठात्तु वरानने

koṭiyojanamānena ghanākāreṇasaṃsthitaḥ / pañcāśatkoṭayaścordhvaṃ bhūpṛṣṭhāttu varānane

Sanskrit only: no published translation is held for this verse.

पञ्चाशच्च अधोज्ञेया योजनानां समन्ततः । एवं कोटिशतं ज्ञेयं पार्थिवं तत्त्वमुच्यते

pañcāśacca adhojñeyā yojanānāṃ samantataḥ / evaṃ koṭiśataṃ jñeyaṃ pārthivaṃ tattvamucyate

Sanskrit only: no published translation is held for this verse.

शतरुद्रावधिज्ञेयं सौवर्णं परिवर्तुलम् । वज्रसाराधिकसारं दुर्भेद्यं त्रिदशैरपि

śatarudrāvadhijñeyaṃ sauvarṇaṃ parivartulam / vajrasārādhikasāraṃ durbhedyaṃ tridaśairapi

Sanskrit only: no published translation is held for this verse.

हुंफट्कारप्रयोगेण भेदयेत्तु वरानने । शतरुद्रानतो वक्ष्ये समासेन कृशोदरि

huṃphaṭkāraprayogeṇa bhedayettu varānane / śatarudrānato vakṣye samāsena kṛśodari

Sanskrit only: no published translation is held for this verse.

दश दशक्रमेणैव दशदिक्षु समन्ततः । पूर्वादिक्रमयोगेन कथयाम्यनुपूर्वशः

daśa daśakrameṇaiva daśadikṣu samantataḥ / pūrvādikramayogena kathayāmyanupūrvaśaḥ

Sanskrit only: no published translation is held for this verse.

कपालीशोह्यजोबध्नो वज्रदेहः प्रमर्दनः । विभूतिरव्ययः शास्ता पिनाकी त्रिदशाधिपः

kapālīśohyajobadhno vajradehaḥ pramardanaḥ / vibhūtiravyayaḥ śāstā pinākī tridaśādhipaḥ

Sanskrit only: no published translation is held for this verse.

इन्द्रस्यबलमाक्रम्य प्रभुशक्तिसमन्विताः । विचरन्तिमहादेवा इन्द्रेण च सुपूजिताः

indrasyabalamākramya prabhuśaktisamanvitāḥ / vicarantimahādevā indreṇa ca supūjitāḥ

Sanskrit only: no published translation is held for this verse.

अग्निरुद्रोहुताशी च पिङ्गलः खादको हरः । ज्वलनोदहनोबभ्रुर् भस्मान्तकक्षयान्तकौ

agnirudrohutāśī ca piṅgalaḥ khādako haraḥ / jvalanodahanobabhrur bhasmāntakakṣayāntakau

Sanskrit only: no published translation is held for this verse.

अग्नेर्बलंसमाक्रम्य प्रभुशक्तिसमन्विताः । विचरन्तिमहादेवा अग्निराजसुपूजिताः

agnerbalaṃsamākramya prabhuśaktisamanvitāḥ / vicarantimahādevā agnirājasupūjitāḥ

Sanskrit only: no published translation is held for this verse.

याम्योमृत्युर्हरोधाता विधाताकर्तृसंज्ञकः । संयोक्ता च वियोक्ता च धर्मो धर्मपतिस्तथा

yāmyomṛtyurharodhātā vidhātākartṛsaṃjñakaḥ / saṃyoktā ca viyoktā ca dharmo dharmapatistathā

Sanskrit only: no published translation is held for this verse.

यमस्य बलमाक्रम्य प्रभुशक्तिसमन्विताः । विचरन्तिमहादेवा यमराजसुपूजिताः

yamasya balamākramya prabhuśaktisamanvitāḥ / vicarantimahādevā yamarājasupūjitāḥ

Sanskrit only: no published translation is held for this verse.

नैरृतोमरुतोहन्ता क्रूरदृष्टिर्भयानकः । ऊर्ध्वकेशोविरूपाक्षो धूमलोहितदंष्ट्रकौ

nairṛtomarutohantā krūradṛṣṭirbhayānakaḥ / ūrdhvakeśovirūpākṣo dhūmalohitadaṃṣṭrakau

Sanskrit only: no published translation is held for this verse.

नैरृतंबलमाक्रम्य प्रभुशक्तिसमन्विताः । विचरन्तिमहादेवा नैरृतेन्द्रसुपूजिताः

nairṛtaṃbalamākramya prabhuśaktisamanvitāḥ / vicarantimahādevā nairṛtendrasupūjitāḥ

Sanskrit only: no published translation is held for this verse.

बलोह्यतिबलश्चैव पाशहस्तो महाबलः । श्वेतो ऽथ जयभद्रश्च दीर्घबाहुर्जलान्तकः

balohyatibalaścaiva pāśahasto mahābalaḥ / śveto 'tha jayabhadraśca dīrghabāhurjalāntakaḥ

Sanskrit only: no published translation is held for this verse.

मेघनादी सुनादी च समासात्परिकीर्तिताः । वारुणंबलमाक्रम्य प्रभुशक्तिसमन्विताः

meghanādī sunādī ca samāsātparikīrtitāḥ / vāruṇaṃbalamākramya prabhuśaktisamanvitāḥ

Sanskrit only: no published translation is held for this verse.

विचरन्तिमहादेवा वरुणेन्द्रसुपूजिताः । शीघ्रोलघुर्वायुवेगः सूक्ष्मस्तीक्ष्णो भयानकः

vicarantimahādevā varuṇendrasupūjitāḥ / śīghrolaghurvāyuvegaḥ sūkṣmastīkṣṇo bhayānakaḥ

Sanskrit only: no published translation is held for this verse.

पञ्चान्तकः पञ्चशिखः कपर्दी मेघवाहनः । वायोस्तु बलमाक्रम्य प्रभुशक्तिसमन्विताः

pañcāntakaḥ pañcaśikhaḥ kapardī meghavāhanaḥ / vāyostu balamākramya prabhuśaktisamanvitāḥ

Sanskrit only: no published translation is held for this verse.

विचरन्तिमहादेवा वायुराजसुपूजिताः । निधीशोरूपवान्धन्यः सौ,यदेहो जटाधरः

vicarantimahādevā vāyurājasupūjitāḥ / nidhīśorūpavāndhanyaḥ sau,yadeho jaṭādharaḥ

Sanskrit only: no published translation is held for this verse.

लक्ष्मीरत्नधरःकामी प्रसादश्च प्रभासकः । सौम्यस्य बलमाक्रम्य प्रभुशक्तिसमन्विताः

lakṣmīratnadharaḥkāmī prasādaśca prabhāsakaḥ / saumyasya balamākramya prabhuśaktisamanvitāḥ

Sanskrit only: no published translation is held for this verse.

विचरन्तिमहादेवाः सोमराजसुपूजिताः । विद्याधिपो ऽथ सर्वज्ञो ज्ञानदृग्वेदपारगः

vicarantimahādevāḥ somarājasupūjitāḥ / vidyādhipo 'tha sarvajño jñānadṛgvedapāragaḥ

Sanskrit only: no published translation is held for this verse.

शर्वः सुरेशो ज्येष्ठश्च भूतपालो बलिःप्रियः । ईशानानुमता देवाश् चेष्टन्ते सुरपूजिताः

śarvaḥ sureśo jyeṣṭhaśca bhūtapālo baliḥpriyaḥ / īśānānumatā devāś ceṣṭante surapūjitāḥ

Sanskrit only: no published translation is held for this verse.

विचरन्तिमहादेवा ईशशक्त्यात्वधिष्ठिताः । वृषोवृषधरो ऽनन्तः क्रोधनो मारुताह्वयः

vicarantimahādevā īśaśaktyātvadhiṣṭhitāḥ / vṛṣovṛṣadharo 'nantaḥ krodhano mārutāhvayaḥ

Sanskrit only: no published translation is held for this verse.

ग्रसनोडम्बरेशौ च फणीन्द्रो वज्रदंष्ट्रकः । विष्णोस्तुबलमाक्रम्य प्रभुशक्तिसमन्विताः

grasanoḍambareśau ca phaṇīndro vajradaṃṣṭrakaḥ / viṣṇostubalamākramya prabhuśaktisamanvitāḥ

Sanskrit only: no published translation is held for this verse.

विचरन्तिमहादेवा अनन्तेन सुपूजिताः । शंभुर्विभुर्गणाध्यक्षस् त्र्यक्षश्च त्रिदशेश्वरः

vicarantimahādevā anantena supūjitāḥ / śaṃbhurvibhurgaṇādhyakṣas tryakṣaśca tridaśeśvaraḥ

Sanskrit only: no published translation is held for this verse.

संवाहश्चविवाहश्च नलोलिप्सुस्त्रिलोचनः । ब्रह्मणोबलमाक्रम्य प्रभुशक्तिसमन्विताः

saṃvāhaścavivāhaśca nalolipsustrilocanaḥ / brahmaṇobalamākramya prabhuśaktisamanvitāḥ

Sanskrit only: no published translation is held for this verse.

विचरन्तिमहादेवा ब्रह्मणैव सुपूजिताः । एकैकस्य सहस्रं तु परिवारो ऽभिधीयते

vicarantimahādevā brahmaṇaiva supūjitāḥ / ekaikasya sahasraṃ tu parivāro 'bhidhīyate

Sanskrit only: no published translation is held for this verse.

शतरुद्रा इति ख्याता ब्रह्माण्डंव्याप्यसंस्थिताः । असंख्याताः सहस्राणि ये च ऊर्ध्वादिदिग्गताः

śatarudrā iti khyātā brahmāṇḍaṃvyāpyasaṃsthitāḥ / asaṃkhyātāḥ sahasrāṇi ye ca ūrdhvādidiggatāḥ

Sanskrit only: no published translation is held for this verse.

स्वच्छन्दाविश्वगा देवाः कल्पमन्वन्तरेष्वपि । पूर्वादिदशदिग्रुद्राः स्थिता दश दशैव तु

svacchandāviśvagā devāḥ kalpamanvantareṣvapi / pūrvādidaśadigrudrāḥ sthitā daśa daśaiva tu

Sanskrit only: no published translation is held for this verse.

एकैकमधिपंचैव कथयामि वरानने । स्थितो वै पूर्वतो ऽण्डस्य श्वेतो वै नाम नामतः

ekaikamadhipaṃcaiva kathayāmi varānane / sthito vai pūrvato 'ṇḍasya śveto vai nāma nāmataḥ

Sanskrit only: no published translation is held for this verse.

रुद्राणां तु शतैर्युक्तो महावीर्यपराक्रमः । दीप्तिमद्भिर्महातीव्रैर् मयूखैरिव भास्करः

rudrāṇāṃ tu śatairyukto mahāvīryaparākramaḥ / dīptimadbhirmahātīvrair mayūkhairiva bhāskaraḥ

Sanskrit only: no published translation is held for this verse.

आग्नेय्यामग्निसंकाशो वैद्युतो नाम विश्रुतः । सो ऽपि विद्युत्प्रभैरुद्र शतैस्तु परिवारितः

āgneyyāmagnisaṃkāśo vaidyuto nāma viśrutaḥ / so 'pi vidyutprabhairudra śataistu parivāritaḥ

Sanskrit only: no published translation is held for this verse.

याम्ये ऽण्डस्य महाकालो युगान्तानलसंनिभः । शतरुद्रैर्वृतो देवि तिष्ठत्यमितविक्रमैः

yāmye 'ṇḍasya mahākālo yugāntānalasaṃnibhaḥ / śatarudrairvṛto devi tiṣṭhatyamitavikramaiḥ

Sanskrit only: no published translation is held for this verse.

नैरृतो विकटोनाम शतेनपरिवारितः । संतिष्ठते महातेजा द्वितीय इव भास्करः

nairṛto vikaṭonāma śatenaparivāritaḥ / saṃtiṣṭhate mahātejā dvitīya iva bhāskaraḥ

Sanskrit only: no published translation is held for this verse.

पश्चिमे ऽण्डस्य यो रुद्रो महावीर्य इति श्रुतः । शतरुद्रैर्वृतः सो ऽपि तिष्ठत्यमितविक्रमः

paścime 'ṇḍasya yo rudro mahāvīrya iti śrutaḥ / śatarudrairvṛtaḥ so 'pi tiṣṭhatyamitavikramaḥ

Sanskrit only: no published translation is held for this verse.

वायव्यदिशिचाण्डस्य वायुवेगो महाबलः । शतेन च वृतः श्रीमांस् तिष्ठत्यत्र महाबलः

vāyavyadiśicāṇḍasya vāyuvego mahābalaḥ / śatena ca vṛtaḥ śrīmāṃs tiṣṭhatyatra mahābalaḥ

Sanskrit only: no published translation is held for this verse.

सुभद्रनामोत्तरतः शतेनपरिवारितः । महावीर्यबलोपेतस् तिष्ठत्यत्र महाबलः

subhadranāmottarataḥ śatenaparivāritaḥ / mahāvīryabalopetas tiṣṭhatyatra mahābalaḥ

Sanskrit only: no published translation is held for this verse.

परिविष्टो मरीचीभिस् तत्रतिष्ठति वीर्यवान् । विद्याधरो नाम रुद्र ऐशान्यां वै प्रतिष्ठितः

pariviṣṭo marīcībhis tatratiṣṭhati vīryavān / vidyādharo nāma rudra aiśānyāṃ vai pratiṣṭhitaḥ

Sanskrit only: no published translation is held for this verse.

शतरुद्रैर्वृतः सो ऽपि परिविष्ट इवोडुराट् । महावीर्यबलोपेतस् तिष्ठते ऽनन्तविक्रमः

śatarudrairvṛtaḥ so 'pi pariviṣṭa ivoḍurāṭ / mahāvīryabalopetas tiṣṭhate 'nantavikramaḥ

Sanskrit only: no published translation is held for this verse.

अधः कालाग्निरुद्रो ऽन्यः स्थितस्त्वत्र द्वितीयकः । समावृतो रुद्रशतैः स्थितैस्त्वत्र वरानने

adhaḥ kālāgnirudro 'nyaḥ sthitastvatra dvitīyakaḥ / samāvṛto rudraśataiḥ sthitaistvatra varānane

Sanskrit only: no published translation is held for this verse.

शतैः समावृतो रुद्र मयूखैरिव भास्करः । वीरभद्रो वृतोरुद्रैर् उपर्यण्डस्य संस्थितः

śataiḥ samāvṛto rudra mayūkhairiva bhāskaraḥ / vīrabhadro vṛtorudrair uparyaṇḍasya saṃsthitaḥ

Sanskrit only: no published translation is held for this verse.

एकादशो महाकायै रुद्रक्रोधसमुद्भवैः । एवंते ऽत्रमहात्मान एकैकं तु शतेन च

ekādaśo mahākāyai rudrakrodhasamudbhavaiḥ / evaṃte 'tramahātmāna ekaikaṃ tu śatena ca

Sanskrit only: no published translation is held for this verse.

दशैते वेष्टितादेवि शतरुद्रैश्च सुव्रते । एषामपरिसंख्येयः परिवारो महात्मनाम्

daśaite veṣṭitādevi śatarudraiśca suvrate / eṣāmaparisaṃkhyeyaḥ parivāro mahātmanām

Sanskrit only: no published translation is held for this verse.

आवृत्याण्डं स्थिताह्येते मधु यद्वन्मधुव्रताः । कदम्बकुसुमंयद्वत् केसरैः परिवारितम्

āvṛtyāṇḍaṃ sthitāhyete madhu yadvanmadhuvratāḥ / kadambakusumaṃyadvat kesaraiḥ parivāritam

Sanskrit only: no published translation is held for this verse.

परिवारितं तथाह्यण्डं रुद्रैरमितविक्रमैः । गृहैः सतोरणाट्टालैर् नानारत्नविचित्रितैः

parivāritaṃ tathāhyaṇḍaṃ rudrairamitavikramaiḥ / gṛhaiḥ satoraṇāṭṭālair nānāratnavicitritaiḥ

Sanskrit only: no published translation is held for this verse.

जाम्बूनदमयैश्चित्रैः समन्तात्समलंकृतम् । दिव्यनारीभिराकीर्णं सर्वकामसमन्वितम्

jāmbūnadamayaiścitraiḥ samantātsamalaṃkṛtam / divyanārībhirākīrṇaṃ sarvakāmasamanvitam

Sanskrit only: no published translation is held for this verse.

ब्रह्माण्डमेतदाख्यातं पाशजालावतारितम् । जन्मव्याधिजरामृत्यु- महोदधिपरिप्लुतम्

brahmāṇḍametadākhyātaṃ pāśajālāvatāritam / janmavyādhijarāmṛtyu- mahodadhipariplutam

Sanskrit only: no published translation is held for this verse.

गुणत्रयमलच्छन्नं नानाजातिसमाकुलम् । पशुज्ञानपरिक्रान्तं गतित्रयसमाकुलम्

guṇatrayamalacchannaṃ nānājātisamākulam / paśujñānaparikrāntaṃ gatitrayasamākulam

Sanskrit only: no published translation is held for this verse.

अनित्या एव गतयः सर्वेषामेव वादिनाम् । परापरविभागं तु नैवजानन्ति मोहिताः

anityā eva gatayaḥ sarveṣāmeva vādinām / parāparavibhāgaṃ tu naivajānanti mohitāḥ

Sanskrit only: no published translation is held for this verse.

हेमाण्डं तु पुरासृष्टं क्षयात्म भुवनाकृति । ईशमायासमाविष्टस्य्- आत्मवर्गस्य भूतये

hemāṇḍaṃ tu purāsṛṣṭaṃ kṣayātma bhuvanākṛti / īśamāyāsamāviṣṭasy- ātmavargasya bhūtaye

Sanskrit only: no published translation is held for this verse.

अथोपरिष्टात्तत्त्वानि उदकादिशिवान्तकम् । उत्तरोत्तरयोगेन दशधा संस्थितानि तु

athopariṣṭāttattvāni udakādiśivāntakam / uttarottarayogena daśadhā saṃsthitāni tu

Sanskrit only: no published translation is held for this verse.

अहंकारः तदूर्ध्वं तु बुद्धिस्तु शतधास्थिता । ऊर्ध्वं सहस्रधा ज्ञेयं प्रधानं वरवर्णिनि

ahaṃkāraḥ tadūrdhvaṃ tu buddhistu śatadhāsthitā / ūrdhvaṃ sahasradhā jñeyaṃ pradhānaṃ varavarṇini

Sanskrit only: no published translation is held for this verse.

पौरुषं दशसाहस्रं नियतिर्लक्षधा स्मृता । तदूर्ध्वं दशलक्षाणि कला यावत्तु सुव्रते

pauruṣaṃ daśasāhasraṃ niyatirlakṣadhā smṛtā / tadūrdhvaṃ daśalakṣāṇi kalā yāvattu suvrate

Sanskrit only: no published translation is held for this verse.

माया तु कोटिधाव्याप्य स्थिता सर्वं चराचरम् । दशकोटिगुणा विद्या मायांव्याप्य व्यवस्थिता

māyā tu koṭidhāvyāpya sthitā sarvaṃ carācaram / daśakoṭiguṇā vidyā māyāṃvyāpya vyavasthitā

Sanskrit only: no published translation is held for this verse.

शतकोटिगुणेनैव व्याप्तासावीश्वरेण तु । सादाख्यं कोटिसाहस्रं बिन्दुनादं तदूर्ध्वतः

śatakoṭiguṇenaiva vyāptāsāvīśvareṇa tu / sādākhyaṃ koṭisāhasraṃ bindunādaṃ tadūrdhvataḥ

Sanskrit only: no published translation is held for this verse.

योजनानां तु वृन्दं वै शक्तिर्व्याप्य व्यवस्थिता । व्यापिनी सर्वमध्वानं व्याप्यदेवि व्यवस्थिता

yojanānāṃ tu vṛndaṃ vai śaktirvyāpya vyavasthitā / vyāpinī sarvamadhvānaṃ vyāpyadevi vyavasthitā

Sanskrit only: no published translation is held for this verse.

अप्रमेयं ततो ज्ञेयं शिवतत्त्वं वरानने । भुवनानि प्रवक्ष्यामि अप्तत्त्वादावनुक्रमात्

aprameyaṃ tato jñeyaṃ śivatattvaṃ varānane / bhuvanāni pravakṣyāmi aptattvādāvanukramāt

Sanskrit only: no published translation is held for this verse.

आकारं विभवं चैव भुवनानेकविस्तरम् । यन्न दृष्टं पशुज्ञानैः कुपथभ्रान्तदृष्टिभिः

ākāraṃ vibhavaṃ caiva bhuvanānekavistaram / yanna dṛṣṭaṃ paśujñānaiḥ kupathabhrāntadṛṣṭibhiḥ

Sanskrit only: no published translation is held for this verse.

यन्न सांख्यैर्न योगैर्वा न चैव पाञ्चरात्रिकैः । स्वभाववादिभिर्नापि न च कर्मप्रवादिभिः

yanna sāṃkhyairna yogairvā na caiva pāñcarātrikaiḥ / svabhāvavādibhirnāpi na ca karmapravādibhiḥ

Sanskrit only: no published translation is held for this verse.

नापि संशयवादैश्च नग्नक्षपणकादिभिः । न भूतवादिभिश्चैव नापि स्याल्लोकिकैरपि

nāpi saṃśayavādaiśca nagnakṣapaṇakādibhiḥ / na bhūtavādibhiścaiva nāpi syāllokikairapi

Sanskrit only: no published translation is held for this verse.

न चात्मचिन्तकैर्वापि न च तर्कप्रवादिभिः । न च वैशेषिकैर्वाअपि षट्पदार्थपरायणैः

na cātmacintakairvāpi na ca tarkapravādibhiḥ / na ca vaiśeṣikairvā.api ṣaṭpadārthaparāyaṇaiḥ

Sanskrit only: no published translation is held for this verse.

न चापि न्यायवादैश्च हेतुदृष्टान्तवादिभिः । नाप्येकजन्मवादैश्च नचाप्येकत्ववादिभिः

na cāpi nyāyavādaiśca hetudṛṣṭāntavādibhiḥ / nāpyekajanmavādaiśca nacāpyekatvavādibhiḥ

Sanskrit only: no published translation is held for this verse.

न धूर्तवादैर्लोकैर्वा सुपरिज्ञातमैश्वरम् । इत्येवंवादिनां तेषां वादानां तु शतत्रयम्

na dhūrtavādairlokairvā suparijñātamaiśvaram / ityevaṃvādināṃ teṣāṃ vādānāṃ tu śatatrayam

Sanskrit only: no published translation is held for this verse.

त्रिषष्टिरधिकाश्चान्ये वादिनां भ्रान्तचेतसाम् । अज्ञानतिमिराधानाम् उन्मीलनकृदुत्तमम्

triṣaṣṭiradhikāścānye vādināṃ bhrāntacetasām / ajñānatimirādhānām unmīlanakṛduttamam

Sanskrit only: no published translation is held for this verse.

संसारपङ्कमग्नानां नौरिवोत्तारणं परम् । महामोहतमो ऽन्धानां तमोनुदमिदं परम्

saṃsārapaṅkamagnānāṃ naurivottāraṇaṃ param / mahāmohatamo 'ndhānāṃ tamonudamidaṃ param

Sanskrit only: no published translation is held for this verse.

परमेशमुखोद्भूतं यन्मया प्राप्तमद्भुतम् । ज्ञानामृतमिदं दिव्यं ननभुवनविस्तरम्

parameśamukhodbhūtaṃ yanmayā prāptamadbhutam / jñānāmṛtamidaṃ divyaṃ nanabhuvanavistaram

Sanskrit only: no published translation is held for this verse.

शृणुष्वैकमना देवि विचित्राकारमद्भुतम् । अनन्तो भुवनव्रातस् त्व् अव्युच्छेदाद्व्यवस्थितः

śṛṇuṣvaikamanā devi vicitrākāramadbhutam / ananto bhuvanavrātas tv avyucchedādvyavasthitaḥ

Sanskrit only: no published translation is held for this verse.

मधुकोशजालकवत् तथा भूरिचयावृतिः । मीनशंखकुलायाभं दाषिमीबीजवत्स्थितम्

madhukośajālakavat tathā bhūricayāvṛtiḥ / mīnaśaṃkhakulāyābhaṃ dāṣimībījavatsthitam

Sanskrit only: no published translation is held for this verse.

कदम्बकेसरनिभं पुराणां तु समूहकम् । महासेनावासकवद् वने तरुसमूहवत्

kadambakesaranibhaṃ purāṇāṃ tu samūhakam / mahāsenāvāsakavad vane tarusamūhavat

Sanskrit only: no published translation is held for this verse.

निरन्तरमनन्तानि भुवनानि वरानने । नानाकाराणि चित्राणि सर्वरत्नमयानि च

nirantaramanantāni bhuvanāni varānane / nānākārāṇi citrāṇi sarvaratnamayāni ca

Sanskrit only: no published translation is held for this verse.

परिमण्डलानि दीर्घाण्य् अर्धचन्द्राकृतीनि च । पुरुषाकृतीनि चान्यानि नन्द्यावर्ताकृतीनि च

parimaṇḍalāni dīrghāṇy ardhacandrākṛtīni ca / puruṣākṛtīni cānyāni nandyāvartākṛtīni ca

Sanskrit only: no published translation is held for this verse.

पर्वताकृतिरूपाणि गजयुथाकृतीनि च । शरावाकृतीनि चान्यानि ज्वालारूपाकृतीनि च

parvatākṛtirūpāṇi gajayuthākṛtīni ca / śarāvākṛtīni cānyāni jvālārūpākṛtīni ca

Sanskrit only: no published translation is held for this verse.

महाविमानरूपाणि त्रिशूलाकृतिमन्ति च । मुरजाकृतीनि चान्यानि त्र्यश्राकृतिपुराणि च

mahāvimānarūpāṇi triśūlākṛtimanti ca / murajākṛtīni cānyāni tryaśrākṛtipurāṇi ca

Sanskrit only: no published translation is held for this verse.

महापुरुषरूपाणि शतशृङ्गाकृतीनि च । सहस्रशृङ्गावर्तानि तथान्यानि वरानने

mahāpuruṣarūpāṇi śataśṛṅgākṛtīni ca / sahasraśṛṅgāvartāni tathānyāni varānane

Sanskrit only: no published translation is held for this verse.

कोटिशृङ्गाणि चान्यानि असंख्यशिखराणि च । वृत्तानि चतुरश्राणि त्रिकोणान्यपराणि च

koṭiśṛṅgāṇi cānyāni asaṃkhyaśikharāṇi ca / vṛttāni caturaśrāṇi trikoṇānyaparāṇi ca

Sanskrit only: no published translation is held for this verse.

दिव्यचित्रपताकानि दिव्यघण्टाध्वजानि च । भेरिनादस्वराढ्यानि दिव्यगीतध्वनीनि च

divyacitrapatākāni divyaghaṇṭādhvajāni ca / bherinādasvarāḍhyāni divyagītadhvanīni ca

Sanskrit only: no published translation is held for this verse.

दिव्यदुन्दुभिनादानि महावेणुस्वनानि च । नानावादित्रघोषाणि भुवनानि च सर्वदा

divyadundubhinādāni mahāveṇusvanāni ca / nānāvāditraghoṣāṇi bhuvanāni ca sarvadā

Sanskrit only: no published translation is held for this verse.

शुक्लानि स्फटिकाभानि पद्मरागाकृतीनि च । चन्द्रकान्तसवर्णानि मुक्तादामनिभानि च

śuklāni sphaṭikābhāni padmarāgākṛtīni ca / candrakāntasavarṇāni muktādāmanibhāni ca

Sanskrit only: no published translation is held for this verse.

लाक्षारससवर्णानि कानिचिद्वरवर्णिनि । इन्द्रगोपकवर्णानि इन्द्रनीलनिभानि च

lākṣārasasavarṇāni kānicidvaravarṇini / indragopakavarṇāni indranīlanibhāni ca

Sanskrit only: no published translation is held for this verse.

नीलोत्पलसवर्णानि विद्युत्पुञ्जनिभानि च । बालादित्यसवर्णानि पद्मगर्भनिभानि च

nīlotpalasavarṇāni vidyutpuñjanibhāni ca / bālādityasavarṇāni padmagarbhanibhāni ca

Sanskrit only: no published translation is held for this verse.

चन्द्रप्रभानि चान्यानि चन्द्रकोटिनिभानि च । मध्याह्नार्कसवर्णानि सूर्यकोटिनिभानि च

candraprabhāni cānyāni candrakoṭinibhāni ca / madhyāhnārkasavarṇāni sūryakoṭinibhāni ca

Sanskrit only: no published translation is held for this verse.

अशोकस्तवकाभानि हरितालनिभानि च । शक्रचापसवर्णानि गोक्षीरधवलानि च

aśokastavakābhāni haritālanibhāni ca / śakracāpasavarṇāni gokṣīradhavalāni ca

Sanskrit only: no published translation is held for this verse.

सिन्दूरकुङ्कुमाभानि गोरोचननिभानि च । तप्तहेमसवर्णानि निर्धूमाग्निनिभानि च

sindūrakuṅkumābhāni gorocananibhāni ca / taptahemasavarṇāni nirdhūmāgninibhāni ca

Sanskrit only: no published translation is held for this verse.

शङ्खपाण्डुरवर्णानि कानिचिद्भुवनानि च । नानावर्णानि चान्यानि नानारूपाकृतीनि च

śaṅkhapāṇḍuravarṇāni kānicidbhuvanāni ca / nānāvarṇāni cānyāni nānārūpākṛtīni ca

Sanskrit only: no published translation is held for this verse.

एतेषां परतो देवि व्यापकं परमं पदम् । अप्रमेयमसंख्येयम् अगम्यं सर्ववादिनाम्

eteṣāṃ parato devi vyāpakaṃ paramaṃ padam / aprameyamasaṃkhyeyam agamyaṃ sarvavādinām

Sanskrit only: no published translation is held for this verse.

विना प्रसादादीशस्य ज्ञानमेतन्न लभ्यते । नचापि भावो भवति दीक्षामप्राप्य देहिनाम्

vinā prasādādīśasya jñānametanna labhyate / nacāpi bhāvo bhavati dīkṣāmaprāpya dehinām

Sanskrit only: no published translation is held for this verse.

यदा तु कारणाच्छक्तिर् भवेन्निर्वाणकारिका । शिवेच्छया प्रपद्येत दीक्षां ज्ञानमयीं शुभाम्

yadā tu kāraṇācchaktir bhavennirvāṇakārikā / śivecchayā prapadyeta dīkṣāṃ jñānamayīṃ śubhām

Sanskrit only: no published translation is held for this verse.

मन्त्रयोगात्मिका दिव्यां ततो मोक्षं व्रजेत्पशुः । नान्यथा मोक्षमायाति अपि ज्ञानशतैरपि

mantrayogātmikā divyāṃ tato mokṣaṃ vrajetpaśuḥ / nānyathā mokṣamāyāti api jñānaśatairapi

Sanskrit only: no published translation is held for this verse.

यस्य प्रकाशितं सर्वं शिवेनानन्तरूपिणा । स एव मोक्षं व्रजति शिवः सर्वमहेश्वरः

yasya prakāśitaṃ sarvaṃ śivenānantarūpiṇā / sa eva mokṣaṃ vrajati śivaḥ sarvamaheśvaraḥ

Sanskrit only: no published translation is held for this verse.

तेनेदं ज्ञानमुख्यं तु पुरा प्रोक्तं मया तव । संसारार्णवमग्नानां नौरिवोत्तारणं परम्

tenedaṃ jñānamukhyaṃ tu purā proktaṃ mayā tava / saṃsārārṇavamagnānāṃ naurivottāraṇaṃ param

Sanskrit only: no published translation is held for this verse.

महामायाञ्जनातीतं अज्ञातं पशुगोचरे । अनन्तं पारमक्षोभ्यं सुबोधं परमेश्वरम्

mahāmāyāñjanātītaṃ ajñātaṃ paśugocare / anantaṃ pāramakṣobhyaṃ subodhaṃ parameśvaram

Sanskrit only: no published translation is held for this verse.

परमेशमुखोद्गीर्णं यन् मया प्राप्तमद्भुतम् । वक्ष्ये ज्ञानामृतमिदं शृणुष्वैकमनाः प्रिये

parameśamukhodgīrṇaṃ yan mayā prāptamadbhutam / vakṣye jñānāmṛtamidaṃ śṛṇuṣvaikamanāḥ priye

Sanskrit only: no published translation is held for this verse.

ऊर्ध्वं वै ब्रह्मणो ऽण्डस्य पुरैकादशकं स्थितम् । एकादशानां रुद्राणां युगान्ताग्निसमत्विषाम्

ūrdhvaṃ vai brahmaṇo 'ṇḍasya puraikādaśakaṃ sthitam / ekādaśānāṃ rudrāṇāṃ yugāntāgnisamatviṣām

Sanskrit only: no published translation is held for this verse.

अथोर्ध्वे भुवनं देव्याः कथयामि वरानने । इन्द्रनीलमयं दिव्यं समन्तात्परिमण्डलम्

athordhve bhuvanaṃ devyāḥ kathayāmi varānane / indranīlamayaṃ divyaṃ samantātparimaṇḍalam

Sanskrit only: no published translation is held for this verse.

तस्मिन्भगवती देवी भद्रकाली व्यवस्थिता । वसतीन्दीवरश्यामा स्निग्धकङ्कुष्टसप्रभा

tasminbhagavatī devī bhadrakālī vyavasthitā / vasatīndīvaraśyāmā snigdhakaṅkuṣṭasaprabhā

Sanskrit only: no published translation is held for this verse.

सूर्यमण्डलरूपाभ्यां कुण्डलाभ्यामलङ्कृता । पौर्णमास्यां यथा सन्ध्या चन्द्रर्काभ्यां विराजते

sūryamaṇḍalarūpābhyāṃ kuṇḍalābhyāmalaṅkṛtā / paurṇamāsyāṃ yathā sandhyā candrarkābhyāṃ virājate

Sanskrit only: no published translation is held for this verse.

राजते च महाहारः स्तनाभ्यामन्तरे स्थितः । असिताञ्जनशैलाभ्यां मध्ये स्रोतोवहा यथा

rājate ca mahāhāraḥ stanābhyāmantare sthitaḥ / asitāñjanaśailābhyāṃ madhye srotovahā yathā

Sanskrit only: no published translation is held for this verse.

चतुर्भिश्च धृतं पीठं सिंहैरमितविक्रमैः । सर्ववज्रमये दिव्ये दिव्यरत्नविभूषिते

caturbhiśca dhṛtaṃ pīṭhaṃ siṃhairamitavikramaiḥ / sarvavajramaye divye divyaratnavibhūṣite

Sanskrit only: no published translation is held for this verse.

आसने सुप्रभे देवी जात्यञ्जनसमप्रभा । शुक्ले हिमवतः शृङ्गे नीलमेघ इव स्थिता

āsane suprabhe devī jātyañjanasamaprabhā / śukle himavataḥ śṛṅge nīlamegha iva sthitā

Sanskrit only: no published translation is held for this verse.

सर्वरत्नमयी दिव्या रशनास्या विराजते । पीतमाल्यांशुकवती शर्वरीवारुणोदये

sarvaratnamayī divyā raśanāsyā virājate / pītamālyāṃśukavatī śarvarīvāruṇodaye

Sanskrit only: no published translation is held for this verse.

तृतीयं नयनं तस्या ललाटस्थं विराजते । उदयस्थ इवादित्यो रश्मिजालविभूषितः

tṛtīyaṃ nayanaṃ tasyā lalāṭasthaṃ virājate / udayastha ivādityo raśmijālavibhūṣitaḥ

Sanskrit only: no published translation is held for this verse.

उच्छ्रितेनातपत्रेण सा श्वेतेन विराजते । कृष्णमेघोपरिस्थेन चन्द्रेणेव विभावरी

ucchritenātapatreṇa sā śvetena virājate / kṛṣṇameghoparisthena candreṇeva vibhāvarī

Sanskrit only: no published translation is held for this verse.

कोटिकोटिसहस्रेण स्त्रीणां तु परिवारिता । आवृता चन्द्रलेखेव नक्षत्रैस्तु नभस्तले

koṭikoṭisahasreṇa strīṇāṃ tu parivāritā / āvṛtā candralekheva nakṣatraistu nabhastale

Sanskrit only: no published translation is held for this verse.