Svacchandatantra 10

कुमुदोत्पलवर्णाश्च हेमश्यामाश्च योषितः । प्रियङ्गुकलिकाश्यामाश् चन्द्रगौर्यः सयौवनाः

kumudotpalavarṇāśca hemaśyāmāśca yoṣitaḥ / priyaṅgukalikāśyāmāś candragauryaḥ sayauvanāḥ

Sanskrit only: no published translation is held for this verse.

पद्मावदातरूपिण्यः पीनश्रोणिपयोधराः । हावभावविधिज्ञास्तु नृत्तगीतविशारदाः

padmāvadātarūpiṇyaḥ pīnaśroṇipayodharāḥ / hāvabhāvavidhijñāstu nṛttagītaviśāradāḥ

Sanskrit only: no published translation is held for this verse.

वीणावेणुमृदङ्गाद्यैर् वंशवादित्रनिःस्वनैः । उपासीनास्तु तां देवीं रमन्ते तत्र योषितः

vīṇāveṇumṛdaṅgādyair vaṃśavāditraniḥsvanaiḥ / upāsīnāstu tāṃ devīṃ ramante tatra yoṣitaḥ

Sanskrit only: no published translation is held for this verse.

एवं विद्धि जयं नाम भुवनं तु वरानने । या दुर्गेति स्मृता लोके ब्रह्माण्डोदरवर्तिनी

evaṃ viddhi jayaṃ nāma bhuvanaṃ tu varānane / yā durgeti smṛtā loke brahmāṇḍodaravartinī

Sanskrit only: no published translation is held for this verse.

विष्णुना तपसा पूर्वम् आराध्य परमेश्वरम् । अवतारिता वधार्ताय महिषस्य महात्मनः

viṣṇunā tapasā pūrvam ārādhya parameśvaram / avatāritā vadhārtāya mahiṣasya mahātmanaḥ

Sanskrit only: no published translation is held for this verse.

येन चैकेन शृङ्गेण भगवान् हिमवान् गिरिः । शुष्कपर्णमिव क्षिप्तः भगवत्या विनाशितः

yena caikena śṛṅgeṇa bhagavān himavān giriḥ / śuṣkaparṇamiva kṣiptaḥ bhagavatyā vināśitaḥ

Sanskrit only: no published translation is held for this verse.

सा तं विनाशायेद्देवी तमः सूर्य इवोत्थितः । सा देवी सर्वदेवीनां नामरूपैश्च तिष्ठति

sā taṃ vināśāyeddevī tamaḥ sūrya ivotthitaḥ / sā devī sarvadevīnāṃ nāmarūpaiśca tiṣṭhati

Sanskrit only: no published translation is held for this verse.

योगमायाप्रतिच्छन्ना कुमारी लोकभाविनी । अचिन्त्या चाप्रमेया च अन्यत्र परिपठ्यते

yogamāyāpraticchannā kumārī lokabhāvinī / acintyā cāprameyā ca anyatra paripaṭhyate

Sanskrit only: no published translation is held for this verse.

विष्णुना सहिता देवी कल्पे कल्पे पुनः पुनः । भगिनीत्वेन चायाति नामरूपविपर्ययैः

viṣṇunā sahitā devī kalpe kalpe punaḥ punaḥ / bhaginītvena cāyāti nāmarūpaviparyayaiḥ

Sanskrit only: no published translation is held for this verse.

मन्वन्तरे मन्वन्तरे तथा चैव युगे युगे । रक्षणार्थं हि लोकानां मातेव हितकारिणी

manvantare manvantare tathā caiva yuge yuge / rakṣaṇārthaṃ hi lokānāṃ māteva hitakāriṇī

Sanskrit only: no published translation is held for this verse.

इत्याख्यातं तु भुवनं जयं नाम वरानने । तद्भक्तास्तत्र गच्छन्ति तस्या मण्डलदीक्षिताः

ityākhyātaṃ tu bhuvanaṃ jayaṃ nāma varānane / tadbhaktāstatra gacchanti tasyā maṇḍaladīkṣitāḥ

Sanskrit only: no published translation is held for this verse.

नचैतत्तपसा प्राप्यं नयज्ञैर्भूरिदक्षिणैः । न दानैर्विविधैश्चापि शक्यं प्राप्तुं वरानने

nacaitattapasā prāpyaṃ nayajñairbhūridakṣiṇaiḥ / na dānairvividhaiścāpi śakyaṃ prāptuṃ varānane

Sanskrit only: no published translation is held for this verse.

प्रसादाद्देवदेवस्य शशाङ्काङ्कितमौलिनः । दीक्षां प्राप्य प्राप्नुवन्ति मण्डलं चक्रवर्तिनाम्

prasādāddevadevasya śaśāṅkāṅkitamaulinaḥ / dīkṣāṃ prāpya prāpnuvanti maṇḍalaṃ cakravartinām

Sanskrit only: no published translation is held for this verse.

निर्बीजदीक्षया मोक्षं ददाति खलु देहिनाम् । सा मुक्तिदीक्षा परमा विधिवत्परिकीर्तिता

nirbījadīkṣayā mokṣaṃ dadāti khalu dehinām / sā muktidīkṣā paramā vidhivatparikīrtitā

Sanskrit only: no published translation is held for this verse.

विद्येशावरणे दीक्षा यवती क्रियते नृणाम् । तावतीं गतिमाप्नोति भुवने ऽत्र वरानने

vidyeśāvaraṇe dīkṣā yavatī kriyate nṛṇām / tāvatīṃ gatimāpnoti bhuvane 'tra varānane

Sanskrit only: no published translation is held for this verse.

भुवनानि तदीशांश्च संस्थानानि यथाक्रमम् । कथयिष्यामि ते सर्वं शृणुष्वैकमनाः प्रिये

bhuvanāni tadīśāṃśca saṃsthānāni yathākramam / kathayiṣyāmi te sarvaṃ śṛṇuṣvaikamanāḥ priye

Sanskrit only: no published translation is held for this verse.

भद्रकाल्यां परो देवो रुद्रक्रोधसमुद्भवः । कोटिमात्रेण देवेशि युगान्ताग्निसमप्रभः

bhadrakālyāṃ paro devo rudrakrodhasamudbhavaḥ / koṭimātreṇa deveśi yugāntāgnisamaprabhaḥ

Sanskrit only: no published translation is held for this verse.

युगान्ताम्बुदवृन्दोत्थ- गर्जितध्वनिनिःस्वनः । शतबाहुर्महातेजा दिव्याभरणभूषितः

yugāntāmbudavṛndottha- garjitadhvaniniḥsvanaḥ / śatabāhurmahātejā divyābharaṇabhūṣitaḥ

Sanskrit only: no published translation is held for this verse.

शिरसीन्दुधरः श्यामो नीलाञ्जनसमद्युतिः । शिखिकण्ठनिभः किञ्चित् किञ्चिदापाण्डुलोहितः

śirasīndudharaḥ śyāmo nīlāñjanasamadyutiḥ / śikhikaṇṭhanibhaḥ kiñcit kiñcidāpāṇḍulohitaḥ

Sanskrit only: no published translation is held for this verse.

चाषजीमूतवर्णश्च अतसीपुष्पसंनिभः । इन्द्रनीलनिभः किञ्चित् किञ्चिद्भृङ्गनिभाकृतिः

cāṣajīmūtavarṇaśca atasīpuṣpasaṃnibhaḥ / indranīlanibhaḥ kiñcit kiñcidbhṛṅganibhākṛtiḥ

Sanskrit only: no published translation is held for this verse.

जात्यञ्जननिभाकारो रुद्रैकादशिकान्वितः । युतं कोटिसहस्रेण रुद्राणां च महात्मनाम्

jātyañjananibhākāro rudraikādaśikānvitaḥ / yutaṃ koṭisahasreṇa rudrāṇāṃ ca mahātmanām

Sanskrit only: no published translation is held for this verse.

भुवनं तस्य देवस्य विजयं नाम विश्रुतम् । इन्द्रनीलनिभं दिव्यं सर्ववज्रनिभं महत्

bhuvanaṃ tasya devasya vijayaṃ nāma viśrutam / indranīlanibhaṃ divyaṃ sarvavajranibhaṃ mahat

Sanskrit only: no published translation is held for this verse.

दशकोटिसहस्राणि रुद्राणां वरवर्णिनि । अन्तर्भुवनसंघातैर् अन्यैश्च परिवारितम्

daśakoṭisahasrāṇi rudrāṇāṃ varavarṇini / antarbhuvanasaṃghātair anyaiśca parivāritam

Sanskrit only: no published translation is held for this verse.

नीलोत्पलदलश्यामैः शिखिकण्ठनिभैस्तथा । रुद्रैर्दिव्यैर्महावीर्यैः समन्तात्परिवारितम्

nīlotpaladalaśyāmaiḥ śikhikaṇṭhanibhaistathā / rudrairdivyairmahāvīryaiḥ samantātparivāritam

Sanskrit only: no published translation is held for this verse.

स्तुतिभिर्मङ्गलैर्गीतैर् नृत्तावादित्रवादितैः । पणवैर्वेणुवीणाभिर् भेरीझल्लरि गोमुखैः

stutibhirmaṅgalairgītair nṛttāvāditravāditaiḥ / paṇavairveṇuvīṇābhir bherījhallari gomukhaiḥ

Sanskrit only: no published translation is held for this verse.

पटहैः काहलैश्चैव शङ्खदुन्दुभिपीलुकैः । मृद्दलैस्तट्टरीभिश्च तालकैर्मुरजैस्तथा

paṭahaiḥ kāhalaiścaiva śaṅkhadundubhipīlukaiḥ / mṛddalaistaṭṭarībhiśca tālakairmurajaistathā

Sanskrit only: no published translation is held for this verse.

मौन्दकाहलटङ्कैश्च तमिलद्रघटादिभिः । वादित्रैर्वल्गितैस्तालै रोटनैर्मुखमृद्दलैः

maundakāhalaṭaṅkaiśca tamiladraghaṭādibhiḥ / vāditrairvalgitaistālai roṭanairmukhamṛddalaiḥ

Sanskrit only: no published translation is held for this verse.

भूतैर्भूतगणै रुद्रैर् जल्पितैः पठितैस्तथा । ध्यायाद्भिश्च जपद्भिश्च धावद्भिश्चेष्टितैस्तथा

bhūtairbhūtagaṇai rudrair jalpitaiḥ paṭhitaistathā / dhyāyādbhiśca japadbhiśca dhāvadbhiśceṣṭitaistathā

Sanskrit only: no published translation is held for this verse.

मयूरकोकिलारावान् मुञ्चद्भिश्च तथापरैः । नानारुतविलासैश्च विकुर्वद्भिर्महात्मभिः

mayūrakokilārāvān muñcadbhiśca tathāparaiḥ / nānārutavilāsaiśca vikurvadbhirmahātmabhiḥ

Sanskrit only: no published translation is held for this verse.

आवृतस्तैर्महातेजा मयूखैरिव भास्करः । गजवक्त्रैः सिंहवक्त्रैर् अश्ववक्त्रैः शुभाननैः

āvṛtastairmahātejā mayūkhairiva bhāskaraḥ / gajavaktraiḥ siṃhavaktrair aśvavaktraiḥ śubhānanaiḥ

Sanskrit only: no published translation is held for this verse.

गोकर्णैर्गोमुखैश्चान्यैर् द्वीपिऋक्षमुखैस्तथा । व्याघ्रवानरवकैश् च भगवान्पर्युपास्यते

gokarṇairgomukhaiścānyair dvīpiṛkṣamukhaistathā / vyāghravānaravakaiś ca bhagavānparyupāsyate

Sanskrit only: no published translation is held for this verse.

वीरभद्रो महातेजा युगान्ताग्निसमप्रभः । आसनं तस्य देवस्य सर्ववज्रमयं महत्

vīrabhadro mahātejā yugāntāgnisamaprabhaḥ / āsanaṃ tasya devasya sarvavajramayaṃ mahat

Sanskrit only: no published translation is held for this verse.

दशयोजनविस्तीर्णं चतुरस्रानलप्रभम् । राजते ऽत्राष्टभिः सिंहैर् वृतं भीमपराक्रमैः

daśayojanavistīrṇaṃ caturasrānalaprabham / rājate 'trāṣṭabhiḥ siṃhair vṛtaṃ bhīmaparākramaiḥ

Sanskrit only: no published translation is held for this verse.

अत्र ते पुण्यकर्माणः ये स्मरन्ति महेश्वरम् । जले मरुत्स्वथाग्नौ वा शिरश्छेदेन वा मृताः

atra te puṇyakarmāṇaḥ ye smaranti maheśvaram / jale marutsvathāgnau vā śiraśchedena vā mṛtāḥ

Sanskrit only: no published translation is held for this verse.

ते यान्ति चैश्वरं बोधं वीरभद्रं महाद्युतिम् । भुवनस्यास्य देवेशि ह्य् उपर्यावरणं महत्

te yānti caiśvaraṃ bodhaṃ vīrabhadraṃ mahādyutim / bhuvanasyāsya deveśi hy uparyāvaraṇaṃ mahat

Sanskrit only: no published translation is held for this verse.

अम्मयं तु घनं चापि शक्रचापमिव स्थितम् । वितानमिव तद्भद्रम् अन्तरे समवस्थितम्

ammayaṃ tu ghanaṃ cāpi śakracāpamiva sthitam / vitānamiva tadbhadram antare samavasthitam

Sanskrit only: no published translation is held for this verse.

तत्र चास्ते महात्मासाव् अङ्गुष्ठाग्रप्रमाणकः । तत्र योजनकोटिर्वै विष्कम्भादूर्ध्वमुच्यते

tatra cāste mahātmāsāv aṅguṣṭhāgrapramāṇakaḥ / tatra yojanakoṭirvai viṣkambhādūrdhvamucyate

Sanskrit only: no published translation is held for this verse.

तिर्यक्त्रिगुणविस्तारम् आप्यमावरणं प्रिये । आवृतं तेन तत्सर्वं महाम्भोधिविसारिणा

tiryaktriguṇavistāram āpyamāvaraṇaṃ priye / āvṛtaṃ tena tatsarvaṃ mahāmbhodhivisāriṇā

Sanskrit only: no published translation is held for this verse.

रुद्राण्ड इति विख्यातं रुद्रालोक इति प्रिये । वीरभद्रनिकेतश्च भद्रकाल्यालयस्तथा

rudrāṇḍa iti vikhyātaṃ rudrāloka iti priye / vīrabhadraniketaśca bhadrakālyālayastathā

Sanskrit only: no published translation is held for this verse.

त्रयोदशभिरन्यैश्च भुवानैरुपशोभितम् । नानारुद्रगणैर्दिव्यैर् निरन्तरमलंकृतम्

trayodaśabhiranyaiśca bhuvānairupaśobhitam / nānārudragaṇairdivyair nirantaramalaṃkṛtam

Sanskrit only: no published translation is held for this verse.

अण्डं वै वीरभद्रस्य ब्रह्माण्डसदृशं प्रिये । अतः परं प्रवक्ष्यामि धरित्र्या भुवनं महत्

aṇḍaṃ vai vīrabhadrasya brahmāṇḍasadṛśaṃ priye / ataḥ paraṃ pravakṣyāmi dharitryā bhuvanaṃ mahat

Sanskrit only: no published translation is held for this verse.

धात्री यस्मिन्भगवती धरालोके सनातनी । हैरण्यमतुलं प्राप्ता आधारं यत्र संस्थिता

dhātrī yasminbhagavatī dharāloke sanātanī / hairaṇyamatulaṃ prāptā ādhāraṃ yatra saṃsthitā

Sanskrit only: no published translation is held for this verse.

चक्रवर्तिविमानैश्च बहुभिः परिवारितम् । आवृतं भूतसंघातैर् आचार्यैस्तत्परायणैः

cakravartivimānaiśca bahubhiḥ parivāritam / āvṛtaṃ bhūtasaṃghātair ācāryaistatparāyaṇaiḥ

Sanskrit only: no published translation is held for this verse.

दिव्यगीतनिनादाढ्यैर् वादित्रशतनिःस्वनैः । अन्तर्भुवनसंघातै रुद्राणां परिवारितम्

divyagītaninādāḍhyair vāditraśataniḥsvanaiḥ / antarbhuvanasaṃghātai rudrāṇāṃ parivāritam

Sanskrit only: no published translation is held for this verse.

भुवनस्यास्य मध्ये तु उदयादित्यसंनिभः । रक्तोत्पलनिभो दिव्य अशोकस्तबकच्छविः

bhuvanasyāsya madhye tu udayādityasaṃnibhaḥ / raktotpalanibho divya aśokastabakacchaviḥ

Sanskrit only: no published translation is held for this verse.

पद्मरागमयो दिव्यः प्रासादो बहुभूमिकः । तस्य मध्ये भगवती धरित्री लोकधारिणी

padmarāgamayo divyaḥ prāsādo bahubhūmikaḥ / tasya madhye bhagavatī dharitrī lokadhāriṇī

Sanskrit only: no published translation is held for this verse.

मालया रक्तपुष्पस्य लम्बया नित्यभूषिता । चन्द्रार्कमण्डलाकार- कपोलतलभूषिता

mālayā raktapuṣpasya lambayā nityabhūṣitā / candrārkamaṇḍalākāra- kapolatalabhūṣitā

Sanskrit only: no published translation is held for this verse.

पीतहेमांशुकवती महाहारविभूषिता । शतयोजनविस्तीर्णे कूर्मपृष्ठे व्यवस्थिता

pītahemāṃśukavatī mahāhāravibhūṣitā / śatayojanavistīrṇe kūrmapṛṣṭhe vyavasthitā

Sanskrit only: no published translation is held for this verse.

चतुर्वक्त्रा चाष्टभुजा दिव्याभरणभूषिता । रूपयौवनसंपन्ना नृत्तगीतविशारदाः

caturvaktrā cāṣṭabhujā divyābharaṇabhūṣitā / rūpayauvanasaṃpannā nṛttagītaviśāradāḥ

Sanskrit only: no published translation is held for this verse.

परिवार्योपासते तां दिव्या वै मानसाः स्त्रियः । त्रिंशत्कोट्यस्तु तासां वै दिव्याभरणभूषिताः

parivāryopāsate tāṃ divyā vai mānasāḥ striyaḥ / triṃśatkoṭyastu tāsāṃ vai divyābharaṇabhūṣitāḥ

Sanskrit only: no published translation is held for this verse.

उत्पादितास्तु शर्वेण तदर्थं हितमिच्छता । तप्तजाम्बूनदनिभा दिव्याभरणशोभिताः

utpāditāstu śarveṇa tadarthaṃ hitamicchatā / taptajāmbūnadanibhā divyābharaṇaśobhitāḥ

Sanskrit only: no published translation is held for this verse.

उच्छ्रितेनातपत्रेण ध्रियमाणेन शोभिताः । पुरःस्थितो महातेजा यो ऽसौ मेरुर्महागिरिः

ucchritenātapatreṇa dhriyamāṇena śobhitāḥ / puraḥsthito mahātejā yo 'sau merurmahāgiriḥ

Sanskrit only: no published translation is held for this verse.

उपासीनस्तु तां देवीं तत्रास्ते स नगाधिपः । नीलोत्पलदलश्यामो नीलजीमूतसंनिभः

upāsīnastu tāṃ devīṃ tatrāste sa nagādhipaḥ / nīlotpaladalaśyāmo nīlajīmūtasaṃnibhaḥ

Sanskrit only: no published translation is held for this verse.

नीलो नाम महाशैलः पीतवासा महाद्युतिः । अतिकान्तेन रूपेण कैटभारिरिवापरः

nīlo nāma mahāśailaḥ pītavāsā mahādyutiḥ / atikāntena rūpeṇa kaiṭabhāririvāparaḥ

Sanskrit only: no published translation is held for this verse.

उपास्यमानो दिव्याभिर् नगरीभिर्नगाधिपः । तस्योत्तरे चन्द्रनिभो नानालंकारभूषितः

upāsyamāno divyābhir nagarībhirnagādhipaḥ / tasyottare candranibho nānālaṃkārabhūṣitaḥ

Sanskrit only: no published translation is held for this verse.

श्वेतातपत्री तेजस्वी श्वेतो नाम महागिरिः । तस्योत्तरेण सूर्याभो मुकुटादिविभूषितः

śvetātapatrī tejasvī śveto nāma mahāgiriḥ / tasyottareṇa sūryābho mukuṭādivibhūṣitaḥ

Sanskrit only: no published translation is held for this verse.

पीताम्बरधरः श्रीमान् शृङ्गवानिति विश्रुतः । अतिकान्तेन रूपेण कुसुमास्त्र इवापरः

pītāmbaradharaḥ śrīmān śṛṅgavāniti viśrutaḥ / atikāntena rūpeṇa kusumāstra ivāparaḥ

Sanskrit only: no published translation is held for this verse.

दक्षिणेनापि वक्ष्यामि शृणुष्वावहिता प्रिये । चन्द्रावदातदीप्तौजा दिव्याभरणभूषितः

dakṣiṇenāpi vakṣyāmi śṛṇuṣvāvahitā priye / candrāvadātadīptaujā divyābharaṇabhūṣitaḥ

Sanskrit only: no published translation is held for this verse.

शुक्लाम्बरधरः श्रीमान् निषधो नाम विश्रुतः । तप्तहेमप्रतीकाशो दिव्याभरणभूषितः

śuklāmbaradharaḥ śrīmān niṣadho nāma viśrutaḥ / taptahemapratīkāśo divyābharaṇabhūṣitaḥ

Sanskrit only: no published translation is held for this verse.

अतिशुभ्रेण देहेन पितामह इवापरः । पीताम्बरधरः श्रीमान् पीतमाल्यानुलेपनः

atiśubhreṇa dehena pitāmaha ivāparaḥ / pītāmbaradharaḥ śrīmān pītamālyānulepanaḥ

Sanskrit only: no published translation is held for this verse.

हेमकूटो महातेजास् तेजसामिव सङ्ग्रहः । राजते भगवान् शैलः सन्ध्यावृत इवांशुमान्

hemakūṭo mahātejās tejasāmiva saṅgrahaḥ / rājate bhagavān śailaḥ sandhyāvṛta ivāṃśumān

Sanskrit only: no published translation is held for this verse.

पाण्डुराभ्रप्रतीकाशः शङ्खगोक्षीरसंनिभः । शुक्लाम्बरधरः श्रीमान् दिव्यकुण्डलभूषितः

pāṇḍurābhrapratīkāśaḥ śaṅkhagokṣīrasaṃnibhaḥ / śuklāmbaradharaḥ śrīmān divyakuṇḍalabhūṣitaḥ

Sanskrit only: no published translation is held for this verse.

आतपत्रेण महता ध्रियमाणेन मूर्धनि । हिमवानिति विख्यातो द्वितीय इव भास्करः

ātapatreṇa mahatā dhriyamāṇena mūrdhani / himavāniti vikhyāto dvitīya iva bhāskaraḥ

Sanskrit only: no published translation is held for this verse.

इन्द्रगोपकसंकाशः पश्चिमे गन्धमादनः । रक्ताम्बरधरः श्रीमान् अस्ताद्रिस्थ इवांशुमान्

indragopakasaṃkāśaḥ paścime gandhamādanaḥ / raktāmbaradharaḥ śrīmān astādristha ivāṃśumān

Sanskrit only: no published translation is held for this verse.

शुद्धस्फटिकसंकाशः शुक्लाम्बरधरः शुभः । किरीटी कुण्डली श्रीमान् माल्यवान्नाम पर्वतः

śuddhasphaṭikasaṃkāśaḥ śuklāmbaradharaḥ śubhaḥ / kirīṭī kuṇḍalī śrīmān mālyavānnāma parvataḥ

Sanskrit only: no published translation is held for this verse.

इत्येवमादिभिश्चान्यैः पर्वतैः परिवारिता । लोकालोकावसानैश्च तथान्यैः कुलपर्वतैः

ityevamādibhiścānyaiḥ parvataiḥ parivāritā / lokālokāvasānaiśca tathānyaiḥ kulaparvataiḥ

Sanskrit only: no published translation is held for this verse.

दिव्यरूपधरा देवी तनुर्वै पारमेश्वरी । धारणां गन्धतन्मात्रे प्राणांस्त्यक्त्वा तु योगिनः

divyarūpadharā devī tanurvai pārameśvarī / dhāraṇāṃ gandhatanmātre prāṇāṃstyaktvā tu yoginaḥ

Sanskrit only: no published translation is held for this verse.

ते यान्ति तादृशीं मूर्तिं धरित्र्याः परमां तनुम् । अतः परतरं देवि सामुद्रं भुवनं महत्

te yānti tādṛśīṃ mūrtiṃ dharitryāḥ paramāṃ tanum / ataḥ parataraṃ devi sāmudraṃ bhuvanaṃ mahat

Sanskrit only: no published translation is held for this verse.

सर्ववज्रमयं दिव्यं नानाश्चर्यशतान्वितम् । नीलोत्पलसमच्छायं सर्वतः परिमण्डलम्

sarvavajramayaṃ divyaṃ nānāścaryaśatānvitam / nīlotpalasamacchāyaṃ sarvataḥ parimaṇḍalam

Sanskrit only: no published translation is held for this verse.

मध्ये तु भुवनस्यास्य मण्डलं चन्द्रसंनिभम् । शतयोजनसाहस्रं समन्तात्परिमण्डलम्

madhye tu bhuvanasyāsya maṇḍalaṃ candrasaṃnibham / śatayojanasāhasraṃ samantātparimaṇḍalam

Sanskrit only: no published translation is held for this verse.

तस्य मध्ये तु पुरुषो रुक्मवर्णो महाद्युतिः । किरीटी कुण्डली स्रग्वी दिव्याभरणभूषितः

tasya madhye tu puruṣo rukmavarṇo mahādyutiḥ / kirīṭī kuṇḍalī sragvī divyābharaṇabhūṣitaḥ

Sanskrit only: no published translation is held for this verse.

अपां निधेर्भगवतो वरुणस्य परा तनुः । तं तु देवं महात्मानं परिवार्य समन्ततः

apāṃ nidherbhagavato varuṇasya parā tanuḥ / taṃ tu devaṃ mahātmānaṃ parivārya samantataḥ

Sanskrit only: no published translation is held for this verse.

रूपयौवनसंपन्नाः सततं पर्युपासते । शुक्लाम्बरधरा देवी शुक्लगन्धानुलेपना

rūpayauvanasaṃpannāḥ satataṃ paryupāsate / śuklāmbaradharā devī śuklagandhānulepanā

Sanskrit only: no published translation is held for this verse.

शुक्लयज्ञोपवीता च शुक्लहारोपशोभिता । शुक्लैनैवातपत्रेण ध्रियमाणेन मूर्धनि

śuklayajñopavītā ca śuklahāropaśobhitā / śuklainaivātapatreṇa dhriyamāṇena mūrdhani

Sanskrit only: no published translation is held for this verse.

गङ्गा ह्युत्तरतस्तस्य स्थिता वै परमा तनुः । नीलाम्बरधरा देवी नीलगन्धानुलेपना

gaṅgā hyuttaratastasya sthitā vai paramā tanuḥ / nīlāmbaradharā devī nīlagandhānulepanā

Sanskrit only: no published translation is held for this verse.

नीलस्रग्दामकण्ठा च यमुना तस्य दक्षिणे । एवमाद्या महानद्यः परिवार्य महाद्युतिम्

nīlasragdāmakaṇṭhā ca yamunā tasya dakṣiṇe / evamādyā mahānadyaḥ parivārya mahādyutim

Sanskrit only: no published translation is held for this verse.

समुद्राष्टकं च देवेशि स्वनदीभिः समावृतम् । उपासते सदा भक्त्या वारुणीं परमां तनुम्

samudrāṣṭakaṃ ca deveśi svanadībhiḥ samāvṛtam / upāsate sadā bhaktyā vāruṇīṃ paramāṃ tanum

Sanskrit only: no published translation is held for this verse.

नानासरांसि तीर्थानि तद्भक्ताश्चापि संस्थिताः । रसतन्मात्र अत्रैव कृत्वा सम्यक्तु धारणाम्

nānāsarāṃsi tīrthāni tadbhaktāścāpi saṃsthitāḥ / rasatanmātra atraiva kṛtvā samyaktu dhāraṇām

Sanskrit only: no published translation is held for this verse.

अपां योनिं परां प्राप्ताः वारुणी सा परा तनुः । अतः परं प्रवक्ष्यामि भुवनं वरवर्णिनि

apāṃ yoniṃ parāṃ prāptāḥ vāruṇī sā parā tanuḥ / ataḥ paraṃ pravakṣyāmi bhuvanaṃ varavarṇini

Sanskrit only: no published translation is held for this verse.

श्रीनिकेत इति ख्यातं पद्मगर्भ इति श्रुतम् । विमानशतसंघातैर् निरन्तरमवस्थितैः

śrīniketa iti khyātaṃ padmagarbha iti śrutam / vimānaśatasaṃghātair nirantaramavasthitaiḥ

Sanskrit only: no published translation is held for this verse.

शोभितं भुवनेशैश्च रुद्रै रुद्रगणैस्तथा । सरोभिर्मानसैर्दिव्यैर् दीर्घिकाभिश्च शोभितम्

śobhitaṃ bhuvaneśaiśca rudrai rudragaṇaistathā / sarobhirmānasairdivyair dīrghikābhiśca śobhitam

Sanskrit only: no published translation is held for this verse.

मृदुभिः कान्तिमद्भिश्च चन्द्रमण्डलसंनिभैः । संशोभितं विचित्रैस्तैर् विकचैर्वज्रकेसरैः

mṛdubhiḥ kāntimadbhiśca candramaṇḍalasaṃnibhaiḥ / saṃśobhitaṃ vicitraistair vikacairvajrakesaraiḥ

Sanskrit only: no published translation is held for this verse.

रथचक्रप्रमाणैश्च मणिकाञ्चनमण्डितैः । वैदूर्यनालैः कमलैर् दिव्यगन्धसुगन्धिभिः

rathacakrapramāṇaiśca maṇikāñcanamaṇḍitaiḥ / vaidūryanālaiḥ kamalair divyagandhasugandhibhiḥ

Sanskrit only: no published translation is held for this verse.

नानामणिमयैर्दिव्यैः क्रीडाशैलैश्च मानसैः । मानसीभिश्च नारीभिर् दिव्ययौवनकान्तिभिः

nānāmaṇimayairdivyaiḥ krīḍāśailaiśca mānasaiḥ / mānasībhiśca nārībhir divyayauvanakāntibhiḥ

Sanskrit only: no published translation is held for this verse.

हावभावविलासाढ्य- दिव्यस्त्रीभिरलंकृतम् । विचित्रैर्मणिपद्मैश्च सितपत्रैश्च सुव्रते

hāvabhāvavilāsāḍhya- divyastrībhiralaṃkṛtam / vicitrairmaṇipadmaiśca sitapatraiśca suvrate

Sanskrit only: no published translation is held for this verse.

विभूषितं गजेन्द्रस्थैः स्तुतिमङ्गलवादिभिः । गायद्भिश्चाथ नृत्यद्भिर् दिव्यस्त्रैणैः समाकुलम्

vibhūṣitaṃ gajendrasthaiḥ stutimaṅgalavādibhiḥ / gāyadbhiścātha nṛtyadbhir divyastraiṇaiḥ samākulam

Sanskrit only: no published translation is held for this verse.

तस्मिंस्तु भुवने दिव्ये पद्मगर्भसमप्रभे । शरदिन्दुनिभं दिव्यं मण्डलं रश्मिसंकुलम्

tasmiṃstu bhuvane divye padmagarbhasamaprabhe / śaradindunibhaṃ divyaṃ maṇḍalaṃ raśmisaṃkulam

Sanskrit only: no published translation is held for this verse.

तस्य मध्ये भगवती श्री स्वयं लोकभाविनी । चन्द्रकोटिसहस्राणां या कान्तिमतिवर्तते

tasya madhye bhagavatī śrī svayaṃ lokabhāvinī / candrakoṭisahasrāṇāṃ yā kāntimativartate

Sanskrit only: no published translation is held for this verse.

एकत्र युगपत्तेजस् तेजसां तु विराजते । निर्वाणमिव या शान्ता सर्वानन्दमनोहरा

ekatra yugapattejas tejasāṃ tu virājate / nirvāṇamiva yā śāntā sarvānandamanoharā

Sanskrit only: no published translation is held for this verse.

रूपिणी परमा देवी मूर्तिरव्यभिचारिणी । शतयोजनविस्तीर्णे उदितादित्यसप्रभे

rūpiṇī paramā devī mūrtiravyabhicāriṇī / śatayojanavistīrṇe uditādityasaprabhe

Sanskrit only: no published translation is held for this verse.

चन्द्रकान्तमये पद्मे वज्रकेसरकर्णिके । कोटिपत्रे महादिव्ये गन्धपुष्पगुणान्विते

candrakāntamaye padme vajrakesarakarṇike / koṭipatre mahādivye gandhapuṣpaguṇānvite

Sanskrit only: no published translation is held for this verse.

पद्मासने भगवती पद्मगर्भसमप्रभा । उपविष्टात्र सा नित्यं विभूत्या परया युता

padmāsane bhagavatī padmagarbhasamaprabhā / upaviṣṭātra sā nityaṃ vibhūtyā parayā yutā

Sanskrit only: no published translation is held for this verse.

महारत्नैश्च स्रग्धाम प्रलम्बमुरसा शुभम् । वहन्ती सा तु शुशुभे ज्योत्स्नेव त्रिपथापथम्

mahāratnaiśca sragdhāma pralambamurasā śubham / vahantī sā tu śuśubhe jyotsneva tripathāpatham

Sanskrit only: no published translation is held for this verse.

स्फुरन्मयूखचलने कपोलतलमण्डले । सूर्यमण्डलसंकाशे धारयन्ती च कुण्डले

sphuranmayūkhacalane kapolatalamaṇḍale / sūryamaṇḍalasaṃkāśe dhārayantī ca kuṇḍale

Sanskrit only: no published translation is held for this verse.

स्फुरन्मयूखसंघातां रशनां सा तु बिभ्रती । हेमाभा पीतवसना महाहारविभूषिता

sphuranmayūkhasaṃghātāṃ raśanāṃ sā tu bibhratī / hemābhā pītavasanā mahāhāravibhūṣitā

Sanskrit only: no published translation is held for this verse.

चन्द्राब्भेनातपत्रेण ध्रियमाणेन राजिता । उपगीता च गन्धर्वैर् मानसै रुद्रसम्भवैः

candrābbhenātapatreṇa dhriyamāṇena rājitā / upagītā ca gandharvair mānasai rudrasambhavaiḥ

Sanskrit only: no published translation is held for this verse.

परिवारिता भगवती सा तनुः पारमेश्वरी । या प्राप्ता तपसाराध्य विष्णुना प्रभविष्णुना

parivāritā bhagavatī sā tanuḥ pārameśvarī / yā prāptā tapasārādhya viṣṇunā prabhaviṣṇunā

Sanskrit only: no published translation is held for this verse.

दत्ता प्रीतेन रुद्रेण विष्णोरुरसि वाहिनी । अर्धेन सा भगवती विष्णोरङ्गे प्रतिष्ठाता

dattā prītena rudreṇa viṣṇorurasi vāhinī / ardhena sā bhagavatī viṣṇoraṅge pratiṣṭhātā

Sanskrit only: no published translation is held for this verse.

पादेनेन्द्रस्य देवस्य पादार्धेन दिवि स्थिता । तदर्धेन पुनर्देवि पार्थिवेषु व्यवस्थिता

pādenendrasya devasya pādārdhena divi sthitā / tadardhena punardevi pārthiveṣu vyavasthitā

Sanskrit only: no published translation is held for this verse.

तदर्धेन मनुष्येषु या स्थिता व्याप्य मूर्तिभिः । स्वरूपा कामरूपा च द्विधा सा परिकीर्तिता

tadardhena manuṣyeṣu yā sthitā vyāpya mūrtibhiḥ / svarūpā kāmarūpā ca dvidhā sā parikīrtitā

Sanskrit only: no published translation is held for this verse.

अचला सा तनुः सूक्ष्मा अक्षोभ्या तत्र तिष्ठति । रुद्रक्रीडावतारेषु प्रयागादिषु सुव्रते

acalā sā tanuḥ sūkṣmā akṣobhyā tatra tiṣṭhati / rudrakrīḍāvatāreṣu prayāgādiṣu suvrate

Sanskrit only: no published translation is held for this verse.

श्रीगिरौ च विशेषेण मृतस्तद्भुवनं व्रजेत् । सत्स्वन्येष्वपि भागेषु त्व् इयं सा गदिता गतिः

śrīgirau ca viśeṣeṇa mṛtastadbhuvanaṃ vrajet / satsvanyeṣvapi bhāgeṣu tv iyaṃ sā gaditā gatiḥ

Sanskrit only: no published translation is held for this verse.

प्राप्य तामीदृशीं देवीम् ऐश्वर्यमणिमादिकम् । भूत्वा तु साष्टधा दिव्या देवेष्वपि च तिष्ठति

prāpya tāmīdṛśīṃ devīm aiśvaryamaṇimādikam / bhūtvā tu sāṣṭadhā divyā deveṣvapi ca tiṣṭhati

Sanskrit only: no published translation is held for this verse.

सिद्धेष्वपि च सा देवी उत्तमा सिद्धिरुच्यते । यदर्थं तारकाद्यैश्च संग्रामस्त्रिदशेश्वरैः

siddheṣvapi ca sā devī uttamā siddhirucyate / yadarthaṃ tārakādyaiśca saṃgrāmastridaśeśvaraiḥ

Sanskrit only: no published translation is held for this verse.

कृतो घोरस्त्वसंख्येयः तां श्रियं प्राप्तुमिच्छुभिः । असङ्ख्येयाश्च संग्रामाः कृता वै चक्रवर्तिभिः

kṛto ghorastvasaṃkhyeyaḥ tāṃ śriyaṃ prāptumicchubhiḥ / asaṅkhyeyāśca saṃgrāmāḥ kṛtā vai cakravartibhiḥ

Sanskrit only: no published translation is held for this verse.

सा बन्ध एवमुक्तानाम् अबुधानां परा स्मृता । श्रीपुरं तु समाख्यातं यथावच्च वरानने

sā bandha evamuktānām abudhānāṃ parā smṛtā / śrīpuraṃ tu samākhyātaṃ yathāvacca varānane

Sanskrit only: no published translation is held for this verse.

अत ऊर्ध्वं प्रवक्ष्यामि भुवनं च निबोध मे । सारस्वतमिति ख्यातं गान्धर्वमिति च स्मृतम्

ata ūrdhvaṃ pravakṣyāmi bhuvanaṃ ca nibodha me / sārasvatamiti khyātaṃ gāndharvamiti ca smṛtam

Sanskrit only: no published translation is held for this verse.

पद्मगर्भपुरं चापि कोटिमात्रेण सुव्रते । योजनानां समाख्यातं प्रमाणेन समन्ततः

padmagarbhapuraṃ cāpi koṭimātreṇa suvrate / yojanānāṃ samākhyātaṃ pramāṇena samantataḥ

Sanskrit only: no published translation is held for this verse.

सार्वरत्नमयं दिव्यं सर्वैश्वर्यसमन्वितम् । विमानैर्विविधाकारैर् नानारत्नमयैः शुभैः

sārvaratnamayaṃ divyaṃ sarvaiśvaryasamanvitam / vimānairvividhākārair nānāratnamayaiḥ śubhaiḥ

Sanskrit only: no published translation is held for this verse.

गान्धर्वैर्मानसैश्चापि गायद्भिश्चाप्यनेकधा । नृत्यद्भिश्च तथान्यैश्च गणैः पार्श्वगतैस्तथा

gāndharvairmānasaiścāpi gāyadbhiścāpyanekadhā / nṛtyadbhiśca tathānyaiśca gaṇaiḥ pārśvagataistathā

Sanskrit only: no published translation is held for this verse.

स्त्रीभिः सुरूपिणीभिश्च गन्धर्वैश्च समाकुलम् । तस्य मध्ये तु देवेशि शरच्चन्द्रनिभं शुभम्

strībhiḥ surūpiṇībhiśca gandharvaiśca samākulam / tasya madhye tu deveśi śaraccandranibhaṃ śubham

Sanskrit only: no published translation is held for this verse.

रश्मिमालाकुलं दिव्यं मण्डलं परिमण्डलम् । तस्य मध्ये भगवती स्थिता साक्षात्सरस्वती

raśmimālākulaṃ divyaṃ maṇḍalaṃ parimaṇḍalam / tasya madhye bhagavatī sthitā sākṣātsarasvatī

Sanskrit only: no published translation is held for this verse.

शरच्चन्द्रसहस्रस्य या कान्तिमतिवर्तते । पीताम्बरधरा देवी पद्मपत्रायतेक्षणा

śaraccandrasahasrasya yā kāntimativartate / pītāmbaradharā devī padmapatrāyatekṣaṇā

Sanskrit only: no published translation is held for this verse.

नीलोत्पलदलश्यामा दिव्याभरणभूषिता । हेमपट्टपरीधाना दिव्यकुण्डलधारिणी

nīlotpaladalaśyāmā divyābharaṇabhūṣitā / hemapaṭṭaparīdhānā divyakuṇḍaladhāriṇī

Sanskrit only: no published translation is held for this verse.

उरसा तु महाहारम् उद्वहन्ती शशिप्रभम् । स्फुरन्मयूखसंघात- कुण्डलद्वयमण्डिता

urasā tu mahāhāram udvahantī śaśiprabham / sphuranmayūkhasaṃghāta- kuṇḍaladvayamaṇḍitā

Sanskrit only: no published translation is held for this verse.

ग्रामत्रयवलीमध्या सप्तस्वरतनुः शुभा । तानमूर्धारुहा देवी मूर्च्छनाङ्गरुहोद्वहा

grāmatrayavalīmadhyā saptasvaratanuḥ śubhā / tānamūrdhāruhā devī mūrcchanāṅgaruhodvahā

Sanskrit only: no published translation is held for this verse.

पदासना तालपादा गीतवर्णप्रभावती । अङ्गुल्यः सन्धयश्चैव लक्षणानि वरानने

padāsanā tālapādā gītavarṇaprabhāvatī / aṅgulyaḥ sandhayaścaiva lakṣaṇāni varānane

Sanskrit only: no published translation is held for this verse.

आसने परमे दिव्ये वृता भूतगणेश्वरैः । स्थिता स्थितिरिवाभाति सर्वस्य जगतः शुभा

āsane parame divye vṛtā bhūtagaṇeśvaraiḥ / sthitā sthitirivābhāti sarvasya jagataḥ śubhā

Sanskrit only: no published translation is held for this verse.

मानसीभिश्च नारीभिर् गन्धर्वैर्मानसैर्वृता । हाहा हूहूश्चित्ररथस् तुम्बुरुर्नारदस्तथा

mānasībhiśca nārībhir gandharvairmānasairvṛtā / hāhā hūhūścitrarathas tumbururnāradastathā

Sanskrit only: no published translation is held for this verse.

विश्वावसुर्विश्वरथः दिव्यगीतविचक्षणाः । संयोज्य मनसात्मानं त्यक्त्वा कर्मफलस्पृहाम्

viśvāvasurviśvarathaḥ divyagītavicakṣaṇāḥ / saṃyojya manasātmānaṃ tyaktvā karmaphalaspṛhām

Sanskrit only: no published translation is held for this verse.