देवं बर्हिरिन्द्रं वयोधसम् । देवं देवमवर्धयत् । गायत्रिया छन्दसेन्द्रियम् । तेज इन्द्रे वयो दधत् । वसुवने वसुधेयस्य वेतु यज । देवीर्द्वारो देवमिन्द्रं वयोधसम् । देवीर्देवमवर्धयन् । उष्णिहा छन्दसेन्द्रियम् । प्राणमिन्द्रे वयो दधत् । वसुवने वसुधेयस्य वियन्तु यज १ देवी देवं वयोधसम् । उषे इन्द्रमवर्धताम् । अनुष्टुभा छन्दसेन्द्रियम् । वाचमिन्द्रे वयो दधत् । वसुवने वसुधेयस्य वीतां यज । देवी जोष्ट्री देवमिन्द्रं वयोधसम् । देवी देवमवर्धताम् । बृहत्या छन्दसेन्द्रियम् । श्रोत्रमिन्द्रे वयो दधत् । वसुवने वसुधेयस्य वीतां यज २ देवी ऊर्जाहुती देवमिन्द्रं वयोधसम् । देवी देवमवर्धताम् । पङ्क्त्या छन्दसेन्द्रियम् । शुक्रमिन्द्रे वयो दधत् । वसुवने वसुधेयस्य वीतां यज । देवा दैव्या होतारा देवमिन्द्रं वयोधसम् । देवा देवमवर्धताम् । त्रिष्टुभा छन्दसेन्द्रियम् । त्विषिमिन्द्रे वयो दधत् । वसुवने वसुधेयस्य वीतां यज ३ देवीस्तिस्रस्तिस्रो देवीर्वयोधसम् । पतिमिन्द्रमवर्धयन् । जगत्या छन्दसेन्द्रियम् । बलमिन्द्रे वयो दधत् । वसुवने वसुधेयस्य वियन्तु यज । देवो नराशँसो देवमिन्द्रं वयोधसम् । देवो देवमवर्धयत् । विराजा छन्दसेन्द्रियम् । रेत इन्द्रे वयो दधत् । वसुवने वसुधेयस्य वेतु यज ४ देवो वनस्पतिर्देवमिन्द्रं वयोधसम् । देवो देवमवर्धयत् । द्विपदा छन्दसेन्द्रियम् । भगमिन्द्रे वयो दधत् । वसुवने वसुधेयस्य वेतु यज । देवं बर्हिर्वारितीनां देवमिन्द्रं वयोधसम् । देवो देवमवर्धयत् । ककुभा छन्दसेन्द्रियम् । यश इन्द्रे वयो दधत् । वसुवने वसुधेयस्य वेतु यज । देवो अग्निः स्विष्टकृद्देवमिन्द्रं वयोधसम् । देवो देवमवर्धयत् । अतिच्छन्दसा छन्दसेन्द्रियम् । क्षत्त्रमिन्द्रे वयो दधत् । वसुवने वसुधेयस्य वेतु यज ५
devaṃ barhirindraṃ vayodhasam | devaṃ devamavardhayat | gāyatriyā chandasendriyam | teja indre vayo dadhat | vasuvane vasudheyasya vetu yaja | devīrdvāro devamindraṃ vayodhasam | devīrdevamavardhayan | uṣṇihā chandasendriyam | prāṇamindre vayo dadhat | vasuvane vasudheyasya viyantu yaja 1 devī devaṃ vayodhasam | uṣe indramavardhatām | anuṣṭubhā chandasendriyam | vācamindre vayo dadhat | vasuvane vasudheyasya vītāṃ yaja | devī joṣṭrī devamindraṃ vayodhasam | devī devamavardhatām | bṛhatyā chandasendriyam | śrotramindre vayo dadhat | vasuvane vasudheyasya vītāṃ yaja 2 devī ūrjāhutī devamindraṃ vayodhasam | devī devamavardhatām | paṅktyā chandasendriyam | śukramindre vayo dadhat | vasuvane vasudheyasya vītāṃ yaja | devā daivyā hotārā devamindraṃ vayodhasam | devā devamavardhatām | triṣṭubhā chandasendriyam | tviṣimindre vayo dadhat | vasuvane vasudheyasya vītāṃ yaja 3 devīstisrastisro devīrvayodhasam | patimindramavardhayan | jagatyā chandasendriyam | balamindre vayo dadhat | vasuvane vasudheyasya viyantu yaja | devo narāśa~so devamindraṃ vayodhasam | devo devamavardhayat | virājā chandasendriyam | reta indre vayo dadhat | vasuvane vasudheyasya vetu yaja 4 devo vanaspatirdevamindraṃ vayodhasam | devo devamavardhayat | dvipadā chandasendriyam | bhagamindre vayo dadhat | vasuvane vasudheyasya vetu yaja | devaṃ barhirvāritīnāṃ devamindraṃ vayodhasam | devo devamavardhayat | kakubhā chandasendriyam | yaśa indre vayo dadhat | vasuvane vasudheyasya vetu yaja | devo agniḥ sviṣṭakṛddevamindraṃ vayodhasam | devo devamavardhayat | aticchandasā chandasendriyam | kṣattramindre vayo dadhat | vasuvane vasudheyasya vetu yaja 5
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.