त्रिवृत्स्तोमो भवति । ब्रह्मवर्चसं वै त्रिवृत् । ब्रह्मवर्चसमेवावरुन्धे । अग्निष्टोमः सोमो भवति । ब्रह्मवर्चसं वा अग्निष्टोमः । ब्रह्मवर्चसमेवावरुन्धे । रथंतरꣳ साम भवति । ब्रह्मवर्चसं वै रथंतरम् । ब्रह्मवर्चसमेवावरुन्धे । परिस्रजी होता भवति १ अरुणो मिर्मिरस्त्रिशुक्रः । एतद्वै ब्रह्मवर्चसस्य रूपम् । रूपेणैव ब्रह्मवर्चसमवरुन्धे । बृहस्पतिरकामयत देवानां पुरोधां गच्छेयमिति । स एतं बृहस्पतिसवमपश्यत् । तमाहरत् । तेनायजत । ततो वै स देवानां पुरोधामगच्छत् । यः पुरोधाकामः स्यात् । स बृहस्पतिसवेन यजेत २ पुरोधामेव गच्छति । तस्य प्रातःसवने सन्नेषु नाराशꣳ सेषु । एकादश दक्षिणा नीयन्ते । एकादश माध्यंदिने सवने सन्नेषु नाराशꣳ सेषु । एकादश तृतीयसवने सन्नेषु नाराशꣳ सेषु । त्रयस्त्रिꣳ शत्संपद्यन्ते । त्रयस्त्रिꣳ शद्वै देवताः । देवता एवावरुन्धे । अश्वश्चतुस्त्रिꣳ शः । प्राजापत्यो वा अश्वः ३ प्रजापतिश्चतुस्त्रिꣳ शो देवतानां ।यावतीरेव देवताः । ता एवावरुन्धे । कृष्णाजिनेऽभिषिञ्चति । ब्रह्मणो वा एतद्रू पम् । यत्कृष्णाजिनम् । ब्रह्मवर्चसेनैवैनꣳ समर्धयति । आज्येनाभिषिञ्चति । तेजो वा आज्यम् । तेज एवास्मिन्दधाति ४
trivṛtstomo bhavati | brahmavarcasaṃ vai trivṛt | brahmavarcasamevāvarundhe | agniṣṭomaḥ somo bhavati | brahmavarcasaṃ vā agniṣṭomaḥ | brahmavarcasamevāvarundhe | rathaṃtaram̐ sāma bhavati | brahmavarcasaṃ vai rathaṃtaram | brahmavarcasamevāvarundhe | parisrajī hotā bhavati 1 aruṇo mirmirastriśukraḥ | etadvai brahmavarcasasya rūpam | rūpeṇaiva brahmavarcasamavarundhe | bṛhaspatirakāmayata devānāṃ purodhāṃ gaccheyamiti | sa etaṃ bṛhaspatisavamapaśyat | tamāharat | tenāyajata | tato vai sa devānāṃ purodhāmagacchat | yaḥ purodhākāmaḥ syāt | sa bṛhaspatisavena yajeta 2 purodhāmeva gacchati | tasya prātaḥsavane sanneṣu nārāśam̐ seṣu | ekādaśa dakṣiṇā nīyante | ekādaśa mādhyaṃdine savane sanneṣu nārāśam̐ seṣu | ekādaśa tṛtīyasavane sanneṣu nārāśam̐ seṣu | trayastrim̐ śatsaṃpadyante | trayastrim̐ śadvai devatāḥ | devatā evāvarundhe | aśvaścatustrim̐ śaḥ | prājāpatyo vā aśvaḥ 3 prajāpatiścatustrim̐ śo devatānāṃ |yāvatīreva devatāḥ | tā evāvarundhe | kṛṣṇājine'bhiṣiñcati | brahmaṇo vā etadrū pam | yatkṛṣṇājinam | brahmavarcasenaivainam̐ samardhayati | ājyenābhiṣiñcati | tejo vā ājyam | teja evāsmindadhāti 4
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.