अगस्त्यो मरुद्भ्य उक्ष्णः प्रौक्षत् । तानिन्द्र आदत्त । त एनं वज्रमुद्यत्याभ्यायन्त । तानगस्त्यश्चैवेन्द्र श्च कयाशुभीयेनाशमयताम् । ताण्शान्तानुपाह्वयत । यत्कयाशुभीयं भवति शान्त्यै । तस्मादेत ऐन्द्रा मारुता उक्षाणः सवनीया भवन्ति । त्रयः प्रथमेऽहन्नालभ्यन्ते । एवं द्वितीये । एवं तृतीये १ एवं चतुर्थे । पञ्चोत्तमेऽहन्नालभ्यन्ते । वर्षिष्ठमिव ह्येतदहः । वर्षिष्ठः समानानां भवति । य एतेन यजते । य उ चैनमेवं वेद । स्वाराज्यं वा एष यज्ञः । एतेन वा एकयावा कान्दमः स्वाराज्यमगच्छत् । स्वाराज्यं गच्छति । य एतेन यजते २ य उ चैनमेवं वेद । मारुतो वा एष स्तोमः । एतेन वै मरुतो देवानां भूयिष्ठा अभवन् । भूयिष्ठः समानानां भवति । य एतेन यजते । य उ चैनमेवं वेद । पञ्चशारदीयो वा एष यज्ञः । आ पञ्चमात्पुरुषादन्नमत्ति । य एतेन यजते । य उ चैनमेवं वेद । सप्तदशꣳ स्तोमा नातियन्ति । सप्तदशः प्रजापतिः । प्रजापतेरेव नैति ३
agastyo marudbhya ukṣṇaḥ praukṣat | tānindra ādatta | ta enaṃ vajramudyatyābhyāyanta | tānagastyaścaivendra śca kayāśubhīyenāśamayatām | tāṇśāntānupāhvayata | yatkayāśubhīyaṃ bhavati śāntyai | tasmādeta aindrā mārutā ukṣāṇaḥ savanīyā bhavanti | trayaḥ prathame'hannālabhyante | evaṃ dvitīye | evaṃ tṛtīye 1 evaṃ caturthe | pañcottame'hannālabhyante | varṣiṣṭhamiva hyetadahaḥ | varṣiṣṭhaḥ samānānāṃ bhavati | ya etena yajate | ya u cainamevaṃ veda | svārājyaṃ vā eṣa yajñaḥ | etena vā ekayāvā kāndamaḥ svārājyamagacchat | svārājyaṃ gacchati | ya etena yajate 2 ya u cainamevaṃ veda | māruto vā eṣa stomaḥ | etena vai maruto devānāṃ bhūyiṣṭhā abhavan | bhūyiṣṭhaḥ samānānāṃ bhavati | ya etena yajate | ya u cainamevaṃ veda | pañcaśāradīyo vā eṣa yajñaḥ | ā pañcamātpuruṣādannamatti | ya etena yajate | ya u cainamevaṃ veda | saptadaśam̐ stomā nātiyanti | saptadaśaḥ prajāpatiḥ | prajāpatereva naiti 3
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.