प्रजापतिरकामयत बहोर्भूयान्त्स्यामिति । स एतं पञ्चशारदीयमपश्यत् । तमाहरत् । तेनायजत । ततो वै स बहोर्भूयानभवत् । यः कामयेत बहोर्भूयान्त्स्यामिति । स पञ्चशारदीयेन यजेत । बहोरेव भूयान्भवति । मरुत्स्तोमो वा एषः । मरुतो हि देवानां भूयिष्ठाः १ बहुर्भवति । य एतेन यजते । य उ चैनमेवं वेद । पञ्चशारदीयो भवति । पञ्च वा ऋतवः संवत्सरः । ऋतुष्वेव संवत्सरे प्रतितिष्ठति । अथो पञ्चाक्षरा पङ्क्तिः । पाङ्क्तो यज्ञः । यज्ञमेवावरुन्धे । सप्तदशꣳ स्तोमा नातियन्ति । सप्तदशः प्रजापतिः । प्रजापतेराप्त्यै २
prajāpatirakāmayata bahorbhūyāntsyāmiti | sa etaṃ pañcaśāradīyamapaśyat | tamāharat | tenāyajata | tato vai sa bahorbhūyānabhavat | yaḥ kāmayeta bahorbhūyāntsyāmiti | sa pañcaśāradīyena yajeta | bahoreva bhūyānbhavati | marutstomo vā eṣaḥ | maruto hi devānāṃ bhūyiṣṭhāḥ 1 bahurbhavati | ya etena yajate | ya u cainamevaṃ veda | pañcaśāradīyo bhavati | pañca vā ṛtavaḥ saṃvatsaraḥ | ṛtuṣveva saṃvatsare pratitiṣṭhati | atho pañcākṣarā paṅktiḥ | pāṅkto yajñaḥ | yajñamevāvarundhe | saptadaśam̐ stomā nātiyanti | saptadaśaḥ prajāpatiḥ | prajāpaterāptyai 2
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.