इन्द्रं वै स्वा विशो मरुतो नापाचायन् । सोऽनपचाय्यमान एतं विघनमपश्यत् । तमाहरत् । तेनायजत । तेनैवासां तꣳ सꣳ स्तम्भं व्यहन् । यद्व्यहन् । तद्विघनस्य विघनत्वम् । वि पाप्मानं भ्रातृव्यꣳ हते । य एतेन यजते । य उ चैनमेवं वेद १ यꣳ राजानं विशो नापचायेयुः । यो वा ब्राह्मणस्तमसा पाप्मना प्रावृतः स्यात् । स एतेन यजेत । विघनेनैवैनद्विहत्य । विशामाधिपत्यं गच्छति । तस्य द्वे द्वादशे स्तोत्रे भवतः । द्वे चतुर्विꣳ शे । औद्भिद्यमेव तत् । एतद्वै क्षत्रस्याउद्भिद्यम् । यदस्मै स्वा विशो बलिꣳ हरन्ति २ हरन्त्यस्मै विशो बलिम् । ऐनमप्रतिख्यातं गच्छति । य एवं वेद । प्रबा-हुग्वा अग्रे क्षत्राण्यातेपुः । तेषामिन्द्रः क्षत्राण्यादत्त । न वा इमानि क्षत्रा-ण्यभूवन्निति । तन्नक्षत्राणां नक्षत्रत्वम् । आ श्रेयसो भ्रातृव्यस्य तेज इन्द्रि यं दत्ते । य एतेन यजते । य उ चैनमेवं वेद ३ तद्यथा ह वै सचाक्रिणौ कप्लकावुपावहितौ स्याताम् । एवमेतौ युग्मन्तौ स्तोमौ । अयुक्षु स्तोमेषु क्रियेते । पाप्मनोऽपहत्यै । अप पाप्मानं भ्रातृव्यꣳ हते । य एतेन यजते । य उ चैनमेवं वेद । तद्यथा ह वै सूतग्रामण्यः । एवं छन्दाꣳ सि । तेष्वसावादित्यो बृहतीरभ्यूढः ४ सतोबृहतीषु स्तुवते सतो बृहन् । प्रजया पशुभिरसानीत्येव । व्यतिषक्ताभिः स्तुवते । व्यतिषक्तं वै क्षत्रं विशा । विशैवैनं क्षत्रेण व्यतिषजति । व्यतिषक्ताभिः स्तुवते । व्यतिषक्तो वै ग्रामणीः सजातैः । सजातैरेवैनं व्यतिषजति । व्यतिषक्ताभिः स्तुवते । व्यतिषक्तो वै पुरुषः पाप्मभिः । व्यतिषक्ताभिरेवास्य पाप्मनो नुदते ५
indraṃ vai svā viśo maruto nāpācāyan | so'napacāyyamāna etaṃ vighanamapaśyat | tamāharat | tenāyajata | tenaivāsāṃ tam̐ sam̐ stambhaṃ vyahan | yadvyahan | tadvighanasya vighanatvam | vi pāpmānaṃ bhrātṛvyam̐ hate | ya etena yajate | ya u cainamevaṃ veda 1 yam̐ rājānaṃ viśo nāpacāyeyuḥ | yo vā brāhmaṇastamasā pāpmanā prāvṛtaḥ syāt | sa etena yajeta | vighanenaivainadvihatya | viśāmādhipatyaṃ gacchati | tasya dve dvādaśe stotre bhavataḥ | dve caturvim̐ śe | audbhidyameva tat | etadvai kṣatrasyāudbhidyam | yadasmai svā viśo balim̐ haranti 2 harantyasmai viśo balim | ainamapratikhyātaṃ gacchati | ya evaṃ veda | prabā-hugvā agre kṣatrāṇyātepuḥ | teṣāmindraḥ kṣatrāṇyādatta | na vā imāni kṣatrā-ṇyabhūvanniti | tannakṣatrāṇāṃ nakṣatratvam | ā śreyaso bhrātṛvyasya teja indri yaṃ datte | ya etena yajate | ya u cainamevaṃ veda 3 tadyathā ha vai sacākriṇau kaplakāvupāvahitau syātām | evametau yugmantau stomau | ayukṣu stomeṣu kriyete | pāpmano'pahatyai | apa pāpmānaṃ bhrātṛvyam̐ hate | ya etena yajate | ya u cainamevaṃ veda | tadyathā ha vai sūtagrāmaṇyaḥ | evaṃ chandām̐ si | teṣvasāvādityo bṛhatīrabhyūḍhaḥ 4 satobṛhatīṣu stuvate sato bṛhan | prajayā paśubhirasānītyeva | vyatiṣaktābhiḥ stuvate | vyatiṣaktaṃ vai kṣatraṃ viśā | viśaivainaṃ kṣatreṇa vyatiṣajati | vyatiṣaktābhiḥ stuvate | vyatiṣakto vai grāmaṇīḥ sajātaiḥ | sajātairevainaṃ vyatiṣajati | vyatiṣaktābhiḥ stuvate | vyatiṣakto vai puruṣaḥ pāpmabhiḥ | vyatiṣaktābhirevāsya pāpmano nudate 5
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.