नवोनवो भवति जायमानो यमादित्या अँशुमाप्याययन्ति । ये विरूपे समनसा संव्ययन्ती ।समानं तन्तुं परि तातनाते । विभू प्रभू अनुभू विश्वतो हुवे । ते नो नक्षत्रे हवमागमेतम् । वयं देवी ब्रह्मणा संविदानाः । सुरत्नासो देववीतिं दधानाः । अहोरात्रे हविषा वर्धयन्तः । अति पाप्मानमतिमुक्त्या गमेम । प्रत्युवदृश्यायती १ व्युच्छन्ती दुहिता दिवः । अपो मही वृणुते चक्षुषा । तमो ज्योतिष्कृणोति सूनरी ।उदुस्रियाः सचते सूर्यः । सचा उद्यन्नक्षत्रमर्चिमत् । तवेदुषो व्युषि सूर्यस्य च । सं भक्तेन गमेमहि । तन्नो नक्षत्रमर्चिमत् । भानुमत्तेज उच्चरत् । उप यज्ञमिहागमत् २ प्र नक्षत्राय देवाय । इन्द्रा येन्दुꣳ हवामहे । स नः सविता सुवत्सनिम् । पुष्टिदां वीरवत्तमम् । उदु त्यं चित्रम् । अदितिर्न उरुष्यतु महीमू षु मातरम् । इदं विष्णुः प्र तद्विष्णुः । अग्निर्मूर्धा । भुवः । अनु नोऽद्यानुमतिरन्विदनुमते त्वम् । हव्यवाहꣳ स्विष्टम् ३
navonavo bhavati jāyamāno yamādityā a~śumāpyāyayanti | ye virūpe samanasā saṃvyayantī |samānaṃ tantuṃ pari tātanāte | vibhū prabhū anubhū viśvato huve | te no nakṣatre havamāgametam | vayaṃ devī brahmaṇā saṃvidānāḥ | suratnāso devavītiṃ dadhānāḥ | ahorātre haviṣā vardhayantaḥ | ati pāpmānamatimuktyā gamema | pratyuvadṛśyāyatī 1 vyucchantī duhitā divaḥ | apo mahī vṛṇute cakṣuṣā | tamo jyotiṣkṛṇoti sūnarī |udusriyāḥ sacate sūryaḥ | sacā udyannakṣatramarcimat | taveduṣo vyuṣi sūryasya ca | saṃ bhaktena gamemahi | tanno nakṣatramarcimat | bhānumatteja uccarat | upa yajñamihāgamat 2 pra nakṣatrāya devāya | indrā yendum̐ havāmahe | sa naḥ savitā suvatsanim | puṣṭidāṃ vīravattamam | udu tyaṃ citram | aditirna uruṣyatu mahīmū ṣu mātaram | idaṃ viṣṇuḥ pra tadviṣṇuḥ | agnirmūrdhā | bhuvaḥ | anu no'dyānumatiranvidanumate tvam | havyavāham̐ sviṣṭam 3
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.