देवं बर्हिः सुदेवं देवैः स्यात्सुवीरं वीरैर्वस्तोर्वृज्येताक्तोः प्रभ्रियेतात्यन्यान्राया बर्हिष्मतो मदेम वसुवने वसुधेयस्य वेतु यज । देवीर्द्वारः संघाते विड्वीर्यामञ्शिथिरा ध्रुवा देवहूतौ वत्स ईमेनास्तरुण आमिमीयात्कुमारो वा नवजातो मैना अर्वा रेणुककाटः पृणग् । वसुवने वसुधेयस्य वियन्तु यज । देवी उषासानक्ताद्यास्मिन्यज्ञे प्रयत्यह्वेतामपि नूनं दैवीर्विशः प्रायासिष्टाꣳ सुप्रीते सुधिते वसुवने वसुधेयस्य वीतां यज । देवी जोष्ट्री वसुधिती ययोरन्याघा द्वेषाꣳसि युयवदान्या वक्षद्वसु वार्याणि यजमानाय वसुवने वसुधेयस्य वीतां यज । देवी ऊर्जाहुती इषमूर्जमन्यावक्षत्सग्धिꣳ सपीतिमन्या नवेन पूर्वं दयमानाः स्याम पुराणेन नवं तामूर्जमूर्जाहुती ऊर्जयमाने अदःतां वसुवने वसुधेयस्य वीतां यज । देवा दैव्या होतारा नेष्टारा पोतारा हताघशꣳसावाभरद्वसू वसुवने वसुधेयस्य वीतां यज । देवीस्तिस्रस्तिस्रो देवीरिडा सरस्वती भारती द्यां भारत्यादित्यैरस्पृक्षत्सरस्वतीमꣳ रुद्रै र्यज्ञमावीदिहैवेडया वसुमत्या सधमादं मदेम वसुवने वसुधेयस्य वियन्तु यज । देवो नराशꣳसस्त्रिशीर्षा षडक्षः शतमिदेनꣳ शितिपृष्ठा आदधति सहस्रमीं प्रवहन्ति मित्रावरुणेदस्य होत्रमर्हतो बृहस्पतिः स्तोत्रमश्विनाध्वर्यवं वसुवने वसुधेयस्य वेतु यज । देवो वनस्पतिर्वर्षप्रावा घृतनिर्णिग्द्यामग्रेणास्पृक्ष-दान्तरिक्षं मध्येनाप्राः पृथिवीमुपरेणादृꣳहीद्वसुवने वसुधेयस्य वेतु यज । देवं बर्हिर्वारितीनां निधे धासि प्रच्युतीनामप्रच्युतं निकामधरणं पुरुस्पार्हं यशस्वदेना बर्हिषान्या बर्हीꣳष्यभिष्याम वसुवने वसुधेयस्य वेतु यज । देवो अग्निः स्विष्टकृत्सुद्र विणा मन्द्रः कविः सत्यमन्मायजी होता होतुर्होतुरा-यजीयानग्ने यान्देवानयाड्याꣳ अपिप्रेर्ये ते होत्रे अमत्सत ताꣳ ससनुषीꣳ होत्रां देवंगमां दिवि देवेषु यज्ञमेरयेमꣳ स्विष्टकृच्चाग्ने होताभूर्वसुवने वसुधेयस्य नमोवाके वीहि यज १
devaṃ barhiḥ sudevaṃ devaiḥ syātsuvīraṃ vīrairvastorvṛjyetāktoḥ prabhriyetātyanyānrāyā barhiṣmato madema vasuvane vasudheyasya vetu yaja | devīrdvāraḥ saṃghāte viḍvīryāmañśithirā dhruvā devahūtau vatsa īmenāstaruṇa āmimīyātkumāro vā navajāto mainā arvā reṇukakāṭaḥ pṛṇag | vasuvane vasudheyasya viyantu yaja | devī uṣāsānaktādyāsminyajñe prayatyahvetāmapi nūnaṃ daivīrviśaḥ prāyāsiṣṭām̐ suprīte sudhite vasuvane vasudheyasya vītāṃ yaja | devī joṣṭrī vasudhitī yayoranyāghā dveṣām̐si yuyavadānyā vakṣadvasu vāryāṇi yajamānāya vasuvane vasudheyasya vītāṃ yaja | devī ūrjāhutī iṣamūrjamanyāvakṣatsagdhim̐ sapītimanyā navena pūrvaṃ dayamānāḥ syāma purāṇena navaṃ tāmūrjamūrjāhutī ūrjayamāne adaḥtāṃ vasuvane vasudheyasya vītāṃ yaja | devā daivyā hotārā neṣṭārā potārā hatāghaśam̐sāvābharadvasū vasuvane vasudheyasya vītāṃ yaja | devīstisrastisro devīriḍā sarasvatī bhāratī dyāṃ bhāratyādityairaspṛkṣatsarasvatīmam̐ rudrai ryajñamāvīdihaiveḍayā vasumatyā sadhamādaṃ madema vasuvane vasudheyasya viyantu yaja | devo narāśam̐sastriśīrṣā ṣaḍakṣaḥ śatamidenam̐ śitipṛṣṭhā ādadhati sahasramīṃ pravahanti mitrāvaruṇedasya hotramarhato bṛhaspatiḥ stotramaśvinādhvaryavaṃ vasuvane vasudheyasya vetu yaja | devo vanaspatirvarṣaprāvā ghṛtanirṇigdyāmagreṇāspṛkṣa-dāntarikṣaṃ madhyenāprāḥ pṛthivīmupareṇādṛm̐hīdvasuvane vasudheyasya vetu yaja | devaṃ barhirvāritīnāṃ nidhe dhāsi pracyutīnāmapracyutaṃ nikāmadharaṇaṃ puruspārhaṃ yaśasvadenā barhiṣānyā barhīm̐ṣyabhiṣyāma vasuvane vasudheyasya vetu yaja | devo agniḥ sviṣṭakṛtsudra viṇā mandraḥ kaviḥ satyamanmāyajī hotā hoturhoturā-yajīyānagne yāndevānayāḍyām̐ apiprerye te hotre amatsata tām̐ sasanuṣīm̐ hotrāṃ devaṃgamāṃ divi deveṣu yajñamerayemam̐ sviṣṭakṛccāgne hotābhūrvasuvane vasudheyasya namovāke vīhi yaja 1
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.