सर्वान्वा एषोऽग्नौ कामान्प्रवेशयति । योऽग्नीनन्वाधाय व्रतमुपैति । स यदनिष्ट्वा प्रयायात् । अकामप्रीता एनं कामा नानु प्रयायुः । अतेजा अवीर्यः स्यात् । स जुहुयात् । तुभ्यं ता अङ्गिरस्तम । विश्वाः सुक्षितयः पृथक् । अग्ने कामाय येमिर इति । कामानेवास्मिन्दधाति १ कामप्रीता एनं कामा अनु प्रयान्ति । तेजस्वी वीर्यावान्भवति । संततिर्वा एषा यज्ञस्य । योऽग्नीनन्वाधाय व्रतमुपैति । स यदुद्वायति । विच्छि-त्तिरेवास्य सा । तं प्राञ्चमुद्धृत्य । मनसोपतिष्ठेत । मनो वै प्रजापतिः । प्राजापत्यो यज्ञः २ मनसैव यज्ञꣳ संतनोति । भूरित्याह । भूतो वै प्रजापतिः । भूतिमेवोपैति । वि वा एष इन्द्रि येण वीर्येणर्ध्यते । यस्याहिताग्नेरग्निरपक्षायति । यावच्छम्यया प्रविध्येत् । यदि तावदपक्षायेत् । तꣳ संभरेत् । इदं त एकं पर उत एकम् ३ तृतीयेन ज्योतिषा संविशस्व । संवेशनस्तनुवै चारुरेधि । प्रिये देवानां परमे जनित्र इति । ब्रह्मणैवैनꣳ संभरति । सैव ततः प्रायश्चित्तिः । यदि परस्तरामपक्षायेत् । अनुप्रयायावस्येत् । सो एव ततः प्रायश्चित्तिः । ओषधीर्वा एतस्य पशून्पयः प्रविशति । यस्य हविषे वत्सा अपाकृता धयन्ति ४ तान्यद्दुह्यात् । यातयाम्ना हविषा यजेत । यन्न दुह्यात् । यज्ञपरुरन्तरियात् । वायव्यां यवागूं निर्वपेत् । वायुर्वै पयसः प्रदापयिता । स एवास्मै पयः प्रदापयति । पयो वा ओषधयः । पयः पयः । पयसैवास्मै पयोऽवरुन्धे ५ अथोत्तरस्मै हविषे वत्सानपाकुर्यात् । सैव ततः प्रायश्चित्तिः । अन्यतरान्वा एष देवान्भागधेयेन व्यर्धयति । ये यजमानस्य सायं गृहमागच्छन्ति । यस्य सायंदुग्धꣳ हविरार्तिमार्च्छति । इन्द्रा य व्रीहीन्निरुप्योपवसेत् । पयो वा ओषधयः । पय एवारभ्य गृहीत्वोपवसति । यत्प्रातः स्यात् । तच्छृतं कुर्यात् ६ अथेतर ऐन्द्रः पुरोडाशः स्यात् । इन्द्रि ये एवास्मै समीची दधाति । पयो वा ओषधयः । पयः पयः । पयसैवास्मै पयोऽवरुन्धे । अथोत्तरस्मै हविषे वत्सानपाकुर्यात् । सैव ततः प्रायश्चित्तिः । उभयान्वा एष देवान्भागधेयेन व्यर्धयति । ये यजमानस्य सायं च प्रातश्च गृहमागच्छन्ति । यस्योभयꣳ हविरार्तिमार्छति ७ न्द्रैं! पञ्चशरावमोदनं निर्वपेत् । अग्निं देवतानां प्रथमं यजेत् । अग्निमुखा एव देवताः प्रीणाति । अग्निं वा अन्वन्या देवताः । इन्द्र मन्वन्याः । ता एवोभयीः प्रीणाति । पयो वा ओषधयः । पयः पयः । पयसैवास्मै पयोऽवरुन्धे । अथोत्तरस्मै हविषे वत्सानपाकुर्यात् ८ सैव ततः प्रायश्चित्तिः । अर्धो वा एतस्य यज्ञस्य मीयते । यस्य व्रत्येऽहन्पत्न्यनालम्भुका भवति । तामपरुध्य यजेत । सर्वेणैव यज्ञेन यजते । तामिष्ट्वोपह्वयेत । अमू हमस्मि । सा त्वम् । द्यौरहम् । पृथिवी त्वम् । सामाहम् । ऋक्त्वम् । तावेहि संभवाव । सह रेतो दधावहै । पुꣳ से पुत्राय वेत्तवै । रायस्पोषाय सुप्रजास्त्वाय सुवीर्यायेति । अर्ध एवैनामुपह्वयते । सैव ततः प्रायश्चित्तिः ९
sarvānvā eṣo'gnau kāmānpraveśayati | yo'gnīnanvādhāya vratamupaiti | sa yadaniṣṭvā prayāyāt | akāmaprītā enaṃ kāmā nānu prayāyuḥ | atejā avīryaḥ syāt | sa juhuyāt | tubhyaṃ tā aṅgirastama | viśvāḥ sukṣitayaḥ pṛthak | agne kāmāya yemira iti | kāmānevāsmindadhāti 1 kāmaprītā enaṃ kāmā anu prayānti | tejasvī vīryāvānbhavati | saṃtatirvā eṣā yajñasya | yo'gnīnanvādhāya vratamupaiti | sa yadudvāyati | vicchi-ttirevāsya sā | taṃ prāñcamuddhṛtya | manasopatiṣṭheta | mano vai prajāpatiḥ | prājāpatyo yajñaḥ 2 manasaiva yajñam̐ saṃtanoti | bhūrityāha | bhūto vai prajāpatiḥ | bhūtimevopaiti | vi vā eṣa indri yeṇa vīryeṇardhyate | yasyāhitāgneragnirapakṣāyati | yāvacchamyayā pravidhyet | yadi tāvadapakṣāyet | tam̐ saṃbharet | idaṃ ta ekaṃ para uta ekam 3 tṛtīyena jyotiṣā saṃviśasva | saṃveśanastanuvai cāruredhi | priye devānāṃ parame janitra iti | brahmaṇaivainam̐ saṃbharati | saiva tataḥ prāyaścittiḥ | yadi parastarāmapakṣāyet | anuprayāyāvasyet | so eva tataḥ prāyaścittiḥ | oṣadhīrvā etasya paśūnpayaḥ praviśati | yasya haviṣe vatsā apākṛtā dhayanti 4 tānyadduhyāt | yātayāmnā haviṣā yajeta | yanna duhyāt | yajñaparurantariyāt | vāyavyāṃ yavāgūṃ nirvapet | vāyurvai payasaḥ pradāpayitā | sa evāsmai payaḥ pradāpayati | payo vā oṣadhayaḥ | payaḥ payaḥ | payasaivāsmai payo'varundhe 5 athottarasmai haviṣe vatsānapākuryāt | saiva tataḥ prāyaścittiḥ | anyatarānvā eṣa devānbhāgadheyena vyardhayati | ye yajamānasya sāyaṃ gṛhamāgacchanti | yasya sāyaṃdugdham̐ havirārtimārcchati | indrā ya vrīhīnnirupyopavaset | payo vā oṣadhayaḥ | paya evārabhya gṛhītvopavasati | yatprātaḥ syāt | tacchṛtaṃ kuryāt 6 athetara aindraḥ puroḍāśaḥ syāt | indri ye evāsmai samīcī dadhāti | payo vā oṣadhayaḥ | payaḥ payaḥ | payasaivāsmai payo'varundhe | athottarasmai haviṣe vatsānapākuryāt | saiva tataḥ prāyaścittiḥ | ubhayānvā eṣa devānbhāgadheyena vyardhayati | ye yajamānasya sāyaṃ ca prātaśca gṛhamāgacchanti | yasyobhayam̐ havirārtimārchati 7 ndraiṃ! pañcaśarāvamodanaṃ nirvapet | agniṃ devatānāṃ prathamaṃ yajet | agnimukhā eva devatāḥ prīṇāti | agniṃ vā anvanyā devatāḥ | indra manvanyāḥ | tā evobhayīḥ prīṇāti | payo vā oṣadhayaḥ | payaḥ payaḥ | payasaivāsmai payo'varundhe | athottarasmai haviṣe vatsānapākuryāt 8 saiva tataḥ prāyaścittiḥ | ardho vā etasya yajñasya mīyate | yasya vratye'hanpatnyanālambhukā bhavati | tāmaparudhya yajeta | sarveṇaiva yajñena yajate | tāmiṣṭvopahvayeta | amū hamasmi | sā tvam | dyauraham | pṛthivī tvam | sāmāham | ṛktvam | tāvehi saṃbhavāva | saha reto dadhāvahai | pum̐ se putrāya vettavai | rāyaspoṣāya suprajāstvāya suvīryāyeti | ardha evaināmupahvayate | saiva tataḥ prāyaścittiḥ 9
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.