विभूर्मात्रा प्रभूः पित्रेत्यश्वनामानि जुहोति । उभयोरेवैनं लोकयोर्नामधेयं गमयति । आयनाय स्वाहा प्रायणाय स्वाहेत्युद्द्रावाञ्जुहोति । सर्वमेवैनमस्कन्नꣳ सुवर्गं लोकं गमयति । अग्नये स्वाहा सोमाय स्वाहेति पूर्वहोमाञ्जुहोति । पूर्व एव द्विषन्तं भ्रातृव्यमतिक्रामति । पृथिव्यै स्वाहान्तरिक्षाय स्वाहेत्याह । यथायजुरेवैतत् । अग्नये स्वाहा सोमाय स्वाहेति पूर्वदीक्षा जुहोति । पूर्व एव द्विषन्तं भ्रातृव्यमतिक्रामति १ पृथिव्यै स्वाहान्तरिक्षाय स्वाहेत्येकविꣳ शिनीं दीक्षां जुहोति । एकविꣳ शतिर्वै देवलोकाः । द्वादश मासाः पञ्चर्तवः । त्रय इमे लोकाः । असावादित्य एकविꣳ शः । एष सुवर्गो लोकः । सुवर्गस्य लोकस्य समष्ट्यै । भुवो देवानां कर्मणेत्यृतुदीक्षा जुहोति । ऋतूनेवास्मै कल्पयति । अग्नये स्वाहा वायवे स्वाहेति जुहोत्यनन्तरित्यै २ अर्वाङ्यज्ञः संक्रामत्वित्याप्तीर्जुहोति । सुवर्गस्य लोकस्याप्त्यै । भूतं भव्यं भविष्यदिति पर्याप्तीर्जुहोति । सुवर्गस्य लोकस्य पर्याप्त्यै । आ मे गृहा भवन्त्वित्याभूर्जुहोति । सुवर्गस्य लोकस्याभूत्यै । अग्निना तपोऽन्वभव-दित्यनुभूर्जुहोति । सुवर्गस्य लोकस्यानुभूत्यै । स्वाहाधिमाधीताय स्वाहेति समस्ताइ वैश्वदेवानि जुहोति । समस्तमेव द्विषन्तं भ्रातृव्यमतिक्रामति ३ दद्भ्यः स्वाहा हनूभ्याꣳ स्वाहेत्यङ्गहोमाञ्जुहोति । अङ्गेअङ्गे वै पुरुषस्य पाप्मोपश्लिष्टः । अङ्गादङ्गादेवैनं पाप्मनस्तेन मुञ्चति । अञ्ज्येताय स्वाहा कृष्णाय स्वाहा श्वेताय स्वाहेत्यश्वरूपाणि जुहोति । रूपैरेवैनꣳ समर्धयति । ओषधीभ्यः स्वाहा मूलेभ्यसः स्वाहेत्योषधिहोमाञ्जुहोति । द्वय्यो वा ओषधयः । पुष्पेभ्योऽन्याः फलं गृह्णन्ति । मूलेभ्योऽन्याः । ता एवोभयीरवरुन्धे ४ वनस्पतिभ्यः स्वाहेति वनस्पतिहोमाञ्जुहोति । आरण्यस्यान्नाद्यस्यावरुध्यै । मेषस्त्वा पचतैरवत्वित्यपाव्यानि जुहोति । प्राणा वै देवा अपाव्याः । प्राणानेवावरुन्धे । कूप्याभ्यः स्वाहाद्भ्यः स्वाहेत्यपाꣳ होमाञ्जुहोति । अप्सु वा आपः । अन्नं वा आपः । अद्भ्यो वा अन्नं जायते । यदेवाद्भ्योऽन्नं जायते । तदवरुन्धे ५
vibhūrmātrā prabhūḥ pitretyaśvanāmāni juhoti | ubhayorevainaṃ lokayornāmadheyaṃ gamayati | āyanāya svāhā prāyaṇāya svāhetyuddrāvāñjuhoti | sarvamevainamaskannam̐ suvargaṃ lokaṃ gamayati | agnaye svāhā somāya svāheti pūrvahomāñjuhoti | pūrva eva dviṣantaṃ bhrātṛvyamatikrāmati | pṛthivyai svāhāntarikṣāya svāhetyāha | yathāyajurevaitat | agnaye svāhā somāya svāheti pūrvadīkṣā juhoti | pūrva eva dviṣantaṃ bhrātṛvyamatikrāmati 1 pṛthivyai svāhāntarikṣāya svāhetyekavim̐ śinīṃ dīkṣāṃ juhoti | ekavim̐ śatirvai devalokāḥ | dvādaśa māsāḥ pañcartavaḥ | traya ime lokāḥ | asāvāditya ekavim̐ śaḥ | eṣa suvargo lokaḥ | suvargasya lokasya samaṣṭyai | bhuvo devānāṃ karmaṇetyṛtudīkṣā juhoti | ṛtūnevāsmai kalpayati | agnaye svāhā vāyave svāheti juhotyanantarityai 2 arvāṅyajñaḥ saṃkrāmatvityāptīrjuhoti | suvargasya lokasyāptyai | bhūtaṃ bhavyaṃ bhaviṣyaditi paryāptīrjuhoti | suvargasya lokasya paryāptyai | ā me gṛhā bhavantvityābhūrjuhoti | suvargasya lokasyābhūtyai | agninā tapo'nvabhava-dityanubhūrjuhoti | suvargasya lokasyānubhūtyai | svāhādhimādhītāya svāheti samastāi vaiśvadevāni juhoti | samastameva dviṣantaṃ bhrātṛvyamatikrāmati 3 dadbhyaḥ svāhā hanūbhyām̐ svāhetyaṅgahomāñjuhoti | aṅgeaṅge vai puruṣasya pāpmopaśliṣṭaḥ | aṅgādaṅgādevainaṃ pāpmanastena muñcati | añjyetāya svāhā kṛṣṇāya svāhā śvetāya svāhetyaśvarūpāṇi juhoti | rūpairevainam̐ samardhayati | oṣadhībhyaḥ svāhā mūlebhyasaḥ svāhetyoṣadhihomāñjuhoti | dvayyo vā oṣadhayaḥ | puṣpebhyo'nyāḥ phalaṃ gṛhṇanti | mūlebhyo'nyāḥ | tā evobhayīravarundhe 4 vanaspatibhyaḥ svāheti vanaspatihomāñjuhoti | āraṇyasyānnādyasyāvarudhyai | meṣastvā pacatairavatvityapāvyāni juhoti | prāṇā vai devā apāvyāḥ | prāṇānevāvarundhe | kūpyābhyaḥ svāhādbhyaḥ svāhetyapām̐ homāñjuhoti | apsu vā āpaḥ | annaṃ vā āpaḥ | adbhyo vā annaṃ jāyate | yadevādbhyo'nnaṃ jāyate | tadavarundhe 5
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.