एकयूपो वैकादशिनी वा । अन्येषां यज्ञानां यूपा भवन्ति । एकविꣳ शि-न्यश्वमेधस्य । स्वर्गस्य लोकस्याभिजित्यै । बैल्वो वा खादिरो वा पालाशो वा । अन्येषां यज्ञक्रतूनां यूपा भवन्ति । राज्जुदाल एकविꣳ शत्यरत्निरश्वमेधस्य । सुवर्गस्य लोकस्य समष्ट्यै । नान्येषां पशूनां तेजन्या अवद्यन्ति । अवद्यन्त्यश्वस्य १ पाप्मा वै तेजनी ।पाप्मनोऽपहत्यै । प्लक्षशाखायामन्येषां पशूनामवद्यन्ति । वेतसशाखायामश्वस्य । अप्सुयोनिर्वा अश्वः । अप्सुजो वेतसः । स्व एवास्य योनाववद्यति । यूपेषु ग्राम्यान्पशून्नियुञ्जन्ति । आरोकेष्वारण्यान्धारयन्ति । पशूनां व्यावृत्त्यै । आ ग्राम्यान्पशूꣳ ल्लभन्ते । प्रारण्यान्त्सृजन्ति । पाप्मनोऽपहत्यै २
ekayūpo vaikādaśinī vā | anyeṣāṃ yajñānāṃ yūpā bhavanti | ekavim̐ śi-nyaśvamedhasya | svargasya lokasyābhijityai | bailvo vā khādiro vā pālāśo vā | anyeṣāṃ yajñakratūnāṃ yūpā bhavanti | rājjudāla ekavim̐ śatyaratniraśvamedhasya | suvargasya lokasya samaṣṭyai | nānyeṣāṃ paśūnāṃ tejanyā avadyanti | avadyantyaśvasya 1 pāpmā vai tejanī |pāpmano'pahatyai | plakṣaśākhāyāmanyeṣāṃ paśūnāmavadyanti | vetasaśākhāyāmaśvasya | apsuyonirvā aśvaḥ | apsujo vetasaḥ | sva evāsya yonāvavadyati | yūpeṣu grāmyānpaśūnniyuñjanti | ārokeṣvāraṇyāndhārayanti | paśūnāṃ vyāvṛttyai | ā grāmyānpaśūm̐ llabhante | prāraṇyāntsṛjanti | pāpmano'pahatyai 2
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.