राज्जुदालमग्निष्ठं मिनोति । भ्रूणहत्याया अपहत्यै । पौतुद्र वावभितो भवतः । पुण्यस्य गन्धस्यावरुध्यै । भ्रूणहत्यामेवास्मादपहत्य । पुण्येन गन्धेनोभयतः परिगृह्णाति । षड्बैल्वा भवन्ति । ब्रमवर्चसस्यावरुद्ध्यै । षट्खादिराः । तेजसोऽवरुध्यै १ षट्पालाशाः । सोमपीथस्यावरुध्यै । एकविꣳ शतिः संपद्यन्ते । एकविꣳ श-तिर्वै देवलोकाः । द्वादश मासाः पञ्चर्तवः । त्रय इमे लोकाः । असावादित्य एकविꣳ शः । एष सुवर्गो लोकः । सुवर्गस्य लोकस्य समष्ट्यै । शतं पशवो भवन्ति २ शतायुः पुरुषः शतेन्द्रि यः । आयुष्येवेन्द्रि ये प्रतितिष्ठति । सर्वं वा अश्वमेध्याप्नोति । अपरिमिता भवन्ति । अपरिमितस्यावरुद्ध्यै । ब्रह्मवादिनो वदन्ति । कस्मात्सत्यात् । दक्षिणतोऽन्येषां पशूनामवद्यन्ति । उत्तरतो-ऽश्वस्येति । वारुणो वा अश्वः ३ एषा वै वरुणस्य दिक् । स्वायामेवास्य दिश्यवद्यति । यदितरेषां पशूनामवद्यति । शतदेवत्यं तेनावरुन्धे । चितेऽग्नावधि वैतसे कटेऽश्वं चिनोति । अप्सुयोनिर्वा अश्वः अप्सुजो वेतसः । स्व एवैनं योनौ प्रतिष्ठापयति । पुरस्तात्प्रत्यञ्चं तूपरं चिनोति । पश्चात्प्राचीनं गोमृगम् ४ प्राणापानावेवास्मिन्त्सम्यञ्चौ दधाति । अश्वं तूपरं गोमृगमिति सर्वहुत एताञ्जुहोति । एषां लोकानामभिजित्यै । आत्मनाभिजुहोति । सात्मानमेवैनꣳ सतनुं करोति । सात्मामुष्मिꣳ ल्लोके भवति । य एवं वेद । अथो वसोरेव धारां तेनावरुन्धे । इलुवर्दाय स्वाहा बलिवर्दाय स्वाहेत्याह । संवत्सरो वा इलुवर्दः । परिवत्सरो बलिवर्दः । संवत्सरादेव परिवत्सरादायुरवरुन्धे । आयुरेवास्मिन्दधाति । तस्मादश्वमेधयाजी जरसा विस्रसामुं लोकमेति ५
rājjudālamagniṣṭhaṃ minoti | bhrūṇahatyāyā apahatyai | pautudra vāvabhito bhavataḥ | puṇyasya gandhasyāvarudhyai | bhrūṇahatyāmevāsmādapahatya | puṇyena gandhenobhayataḥ parigṛhṇāti | ṣaḍbailvā bhavanti | bramavarcasasyāvaruddhyai | ṣaṭkhādirāḥ | tejaso'varudhyai 1 ṣaṭpālāśāḥ | somapīthasyāvarudhyai | ekavim̐ śatiḥ saṃpadyante | ekavim̐ śa-tirvai devalokāḥ | dvādaśa māsāḥ pañcartavaḥ | traya ime lokāḥ | asāvāditya ekavim̐ śaḥ | eṣa suvargo lokaḥ | suvargasya lokasya samaṣṭyai | śataṃ paśavo bhavanti 2 śatāyuḥ puruṣaḥ śatendri yaḥ | āyuṣyevendri ye pratitiṣṭhati | sarvaṃ vā aśvamedhyāpnoti | aparimitā bhavanti | aparimitasyāvaruddhyai | brahmavādino vadanti | kasmātsatyāt | dakṣiṇato'nyeṣāṃ paśūnāmavadyanti | uttarato-'śvasyeti | vāruṇo vā aśvaḥ 3 eṣā vai varuṇasya dik | svāyāmevāsya diśyavadyati | yaditareṣāṃ paśūnāmavadyati | śatadevatyaṃ tenāvarundhe | cite'gnāvadhi vaitase kaṭe'śvaṃ cinoti | apsuyonirvā aśvaḥ apsujo vetasaḥ | sva evainaṃ yonau pratiṣṭhāpayati | purastātpratyañcaṃ tūparaṃ cinoti | paścātprācīnaṃ gomṛgam 4 prāṇāpānāvevāsmintsamyañcau dadhāti | aśvaṃ tūparaṃ gomṛgamiti sarvahuta etāñjuhoti | eṣāṃ lokānāmabhijityai | ātmanābhijuhoti | sātmānamevainam̐ satanuṃ karoti | sātmāmuṣmim̐ lloke bhavati | ya evaṃ veda | atho vasoreva dhārāṃ tenāvarundhe | iluvardāya svāhā balivardāya svāhetyāha | saṃvatsaro vā iluvardaḥ | parivatsaro balivardaḥ | saṃvatsarādeva parivatsarādāyuravarundhe | āyurevāsmindadhāti | tasmādaśvamedhayājī jarasā visrasāmuṃ lokameti 5
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.