पुरुषो वै यज्ञः । यज्ञः प्रजापतिः । यदश्वे पशून्नियुञ्जन्ति । यज्ञादेव तद्यज्ञं प्रयुङ्क्ते । अश्वं तूपरं गोमृगम् । तानग्निष्ठ आलभते । सेनामुखमेव तत्सꣳ श्यति । तस्माद्रा जमुखं भीष्मं भावुकम् । आग्नेयं कृष्णग्रीवं पुरस्ताल्ललाटे । पूर्वाग्निमेव तं कुरुते १ तस्मात्पूर्वाग्निं पुरस्तात्स्थापयन्ति । पौष्णमन्वञ्चम् । अन्नं वै पूषा । तस्मात्पूर्वाग्नावाहार्यमाहरन्ति । ऐन्द्रा पौष्णमुपरिष्टात् । ऐन्द्रो वै राजन्योऽन्नं पूषा । अन्नाद्येनैवैनमुभयतः परिगृह्णाति । तस्माद्रा जन्योऽन्नादो भावुकः । आग्नेयौ कृष्णग्रीवौ बाहुवोः । बाहुवोरेव वीर्यं धत्ते २ तस्माद्रा जन्यो बाहुबली भावुकः । त्वाष्ट्रौ लोमशसक्थौ सक्थ्योः । सक्थ्योरेव वीर्यं धत्ते । तस्माद्रा जन्य ऊरुबली भावुकः । शितिपृष्ठौ बार्हस्पत्यौ पृष्ठे । ब्रह्मवर्चसमेवोपरिष्टाद्धत्ते । अथो कवचे एवैते अभितः पर्यूहते । तस्माद्रा जन्यः संनद्धो वीर्यं करोति । धात्रे पृषोदरमधस्तात् । प्रतिष्ठामेवैतां कुरुते । अथो इयं वै धाता । अस्यामेव प्रतितिष्ठति । सौर्यं बलक्षं पुच्छे । उत्सेधमेव तं कुरुते । तस्मादुत्सेधं भये प्रजा अभिसꣳ श्रयन्ति ३
puruṣo vai yajñaḥ | yajñaḥ prajāpatiḥ | yadaśve paśūnniyuñjanti | yajñādeva tadyajñaṃ prayuṅkte | aśvaṃ tūparaṃ gomṛgam | tānagniṣṭha ālabhate | senāmukhameva tatsam̐ śyati | tasmādrā jamukhaṃ bhīṣmaṃ bhāvukam | āgneyaṃ kṛṣṇagrīvaṃ purastāllalāṭe | pūrvāgnimeva taṃ kurute 1 tasmātpūrvāgniṃ purastātsthāpayanti | pauṣṇamanvañcam | annaṃ vai pūṣā | tasmātpūrvāgnāvāhāryamāharanti | aindrā pauṣṇamupariṣṭāt | aindro vai rājanyo'nnaṃ pūṣā | annādyenaivainamubhayataḥ parigṛhṇāti | tasmādrā janyo'nnādo bhāvukaḥ | āgneyau kṛṣṇagrīvau bāhuvoḥ | bāhuvoreva vīryaṃ dhatte 2 tasmādrā janyo bāhubalī bhāvukaḥ | tvāṣṭrau lomaśasakthau sakthyoḥ | sakthyoreva vīryaṃ dhatte | tasmādrā janya ūrubalī bhāvukaḥ | śitipṛṣṭhau bārhaspatyau pṛṣṭhe | brahmavarcasamevopariṣṭāddhatte | atho kavace evaite abhitaḥ paryūhate | tasmādrā janyaḥ saṃnaddho vīryaṃ karoti | dhātre pṛṣodaramadhastāt | pratiṣṭhāmevaitāṃ kurute | atho iyaṃ vai dhātā | asyāmeva pratitiṣṭhati | sauryaṃ balakṣaṃ pucche | utsedhameva taṃ kurute | tasmādutsedhaṃ bhaye prajā abhisam̐ śrayanti 3
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.