प्रजापतिरकामयत महानन्नादः स्यामिति । स एतावश्वमेधे महिमानावपश्यत् । तावगृह्णीत । ततो वै स महानन्नादोऽभवत् । यः कामयेत महानन्नादः स्यामिति । स एतवश्वमेधे महिमानौ गृह्णीत । महानेवान्नादो भवति । यजमानदेवत्या वै वपा । राजा महिमा । यद्वपां महिम्नोभयतः परियजति । यजमानमेव राज्येनोभयतः परिगृह्णाति । पुरस्तात्स्वाहाकारा वा अन्ये देवाः । उपरिष्टात्स्वाहाकारा अन्ये । ते वा एतेऽश्व एव मेध्य उभयेऽवरुध्यन्ते । यद्वपां महिम्नोभयतः परियजति । तानेवोभयान्प्रीणाति १
prajāpatirakāmayata mahānannādaḥ syāmiti | sa etāvaśvamedhe mahimānāvapaśyat | tāvagṛhṇīta | tato vai sa mahānannādo'bhavat | yaḥ kāmayeta mahānannādaḥ syāmiti | sa etavaśvamedhe mahimānau gṛhṇīta | mahānevānnādo bhavati | yajamānadevatyā vai vapā | rājā mahimā | yadvapāṃ mahimnobhayataḥ pariyajati | yajamānameva rājyenobhayataḥ parigṛhṇāti | purastātsvāhākārā vā anye devāḥ | upariṣṭātsvāhākārā anye | te vā ete'śva eva medhya ubhaye'varudhyante | yadvapāṃ mahimnobhayataḥ pariyajati | tānevobhayānprīṇāti 1
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.