अग्नेर् आतिथ्यम् असि विष्णवे त्वा सोमस्याऽऽतिथ्यम् असि विष्णवे त्वाऽतिथेर् आतिथ्यम् असि विष्णवे त्वाऽग्नये त्वा रायस्पोषदाव्ने विष्णवे त्वा श्येनाय त्वा सोमभृते विष्णवे त्वा या ते धामानि हविषा यजन्ति ता ते विश्वा परिभूर् अस्तु यज्ञम् । गयस्फानः प्रतरणः सुवीरो ऽवीरहा प्र चरा सोम दुर्यान् ॥ अदित्याः सदो ऽस्य् अदित्याः सद आ सीद वरुणो ऽसि धृतव्रतो वारुणम् असि शंयोर् देवानाꣳ सख्यान् मा देवानाम् अपसश् छित्स्महि । आपतये त्वा गृह्णामि परिपतये त्वा गृह्णामि तनूनप्त्रे त्वा गृह्णामि शाक्वराय त्वा गृह्णामि शक्मन्न् ओजिष्ठाय त्वा गृह्णामि । अनाधृष्टम् अस्य् अनाधृष्यं देवानाम् ओजो ऽभिषस्तिपा अनभिशस्तेन्यम् अनु मे दीक्षां दीक्षापतिर् मन्यताम् अनु तपस् तपस्पतिर् अञ्जसा सत्यम् उप गेषꣳ सुविते मा धाः ॥
agner ātithyam asi viṣṇave tvā somasyā''tithyam asi viṣṇave tvā'tither ātithyam asi viṣṇave tvā'gnaye tvā rāyaspoṣadāvne viṣṇave tvā śyenāya tvā somabhṛte viṣṇave tvā yā te dhāmāni haviṣā yajanti tā te viśvā paribhūr astu yajñam | gayasphānaḥ prataraṇaḥ suvīro 'vīrahā pra carā soma duryān || adityāḥ sado 'sy adityāḥ sada ā sīda varuṇo 'si dhṛtavrato vāruṇam asi śaṃyor devānām̐ sakhyān mā devānām apasaś chitsmahi | āpataye tvā gṛhṇāmi paripataye tvā gṛhṇāmi tanūnaptre tvā gṛhṇāmi śākvarāya tvā gṛhṇāmi śakmann ojiṣṭhāya tvā gṛhṇāmi | anādhṛṣṭam asy anādhṛṣyaṃ devānām ojo 'bhiṣastipā anabhiśastenyam anu me dīkṣāṃ dīkṣāpatir manyatām anu tapas tapaspatir añjasā satyam upa geṣam̐ suvite mā dhāḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
a Thou art the hospitality of Agni. For Visnu thee! Thou art the hospitality of Soma. For Visnu thee! Thou art the hospitality of the stranger. For Visnu thee! For Agni thee, giver of wealth, for Visnu thee; for the eagle, bringer of the Soma, thee, for Visnu thee! b Thy powers which they honour with oblation, May they all envelop the sacrifice! Giver of wealth, impeller, rich in heroes, Slaying not heroes, O Soma, enter the dwellings. c Thou art the seat of Aditi; sit on the seat of Aditi [1]. d Thou art Varuna who guardeth law; thou art of Varuna. e Be prosperity ours from our friendship with the gods. May we be not severed from our service of the gods. f For him who rushes on I seize thee; for him who rushes around I seize thee; for Tanunapat I seize thee; for the mighty I seize thee; for the mightiest in strength I seize thee. g Thou art unapproached, the unapproachable might of the gods, guarding from imprecations, impervious to imprecations. h May the lord of consecration approve my consecration, the lord of penance my penance. Speedily may I attain truth. Place me in good fortune.
Translated by Arthur Berriedale Keith (1914)