दैवीं धियम् मनामहे सुमृडीकाम् अभिष्टये । वर्चोधां यज्ञवाहसꣳ सुपारा नो असद् वशे ॥ ये देवा मनोजाता मनोयुजः सुदक्षा दक्षपितारस् ते नः पान्तु ते नो ऽवन्तु तेभ्यो नमस् तेभ्यः स्वाहा । अग्ने त्वꣳ सु जागृहि वयꣳ सु मन्दिषीमहि । गोपाय नः स्वस्तये प्रबुधे नः पुनर् ददः ॥ त्वम् अग्ने व्रतपा असि देव आ मर्त्येष्व् आ त्वं यज्ञेष्व् ईड्यः ॥ विश्वे देवा अभि माम् आऽववृत्रन् पूषा सन्या सोमो राधसा देवः सविता वसोर् वसुदावा रास्वेयत् सोमाऽऽभूयो भर मा पृणन् पूर्त्या वि राधि माऽहम् आयुषा चन्द्रम् असि मम भोगाय भव वस्त्रम् असि मम भोगाय भवोस्राऽसि मम भोगाय भव हयो ऽसि मम भोगाय भव ॥ छागो ऽसि मम भोगाय भव मेषो ऽसि मम भोगाय भव वायवे त्वा वरुणाय त्वा निर्ऋत्यै त्वा रुद्राय त्वा देवीर् आपो अपां नपाद् य ऊर्मिर् हविष्य इन्द्रियावान् मदिन्तमस् तं वो माव क्रमिषम् अच्छिन्नं तन्तुम् पृथिव्या अनु गेषम् भद्राद् अभि श्रेयः प्रेहि बृहस्पतिः पुरएता ते अस्त्व् अथेम् अव स्य वर आ पृथिव्या आरे शत्रून् कृणुहि सर्ववीरः । एदम् अगन्म देवयजनम् पृथिव्या विश्वे देवा यद् अजुषन्त पूर्व ऋक्सामाभ्यां यजुषा संतरन्तो रायस् पोषेण सम् इषा मदेम ॥
daivīṃ dhiyam manāmahe sumṛḍīkām abhiṣṭaye | varcodhāṃ yajñavāhasam̐ supārā no asad vaśe || ye devā manojātā manoyujaḥ sudakṣā dakṣapitāras te naḥ pāntu te no 'vantu tebhyo namas tebhyaḥ svāhā | agne tvam̐ su jāgṛhi vayam̐ su mandiṣīmahi | gopāya naḥ svastaye prabudhe naḥ punar dadaḥ || tvam agne vratapā asi deva ā martyeṣv ā tvaṃ yajñeṣv īḍyaḥ || viśve devā abhi mām ā'vavṛtran pūṣā sanyā somo rādhasā devaḥ savitā vasor vasudāvā rāsveyat somā''bhūyo bhara mā pṛṇan pūrtyā vi rādhi mā'ham āyuṣā candram asi mama bhogāya bhava vastram asi mama bhogāya bhavosrā'si mama bhogāya bhava hayo 'si mama bhogāya bhava || chāgo 'si mama bhogāya bhava meṣo 'si mama bhogāya bhava vāyave tvā varuṇāya tvā nirṛtyai tvā rudrāya tvā devīr āpo apāṃ napād ya ūrmir haviṣya indriyāvān madintamas taṃ vo māva kramiṣam acchinnaṃ tantum pṛthivyā anu geṣam bhadrād abhi śreyaḥ prehi bṛhaspatiḥ puraetā te astv athem ava sya vara ā pṛthivyā āre śatrūn kṛṇuhi sarvavīraḥ | edam aganma devayajanam pṛthivyā viśve devā yad ajuṣanta pūrva ṛksāmābhyāṃ yajuṣā saṃtaranto rāyas poṣeṇa sam iṣā madema ||
Roman (IAST) transliteration rendered by HREEM from the edition's Devanagari; the Devanagari is the edition's own.
a The thought divine we meditate, Merciful, for our help, That giveth glory, and carrieth the sacrifice. May it guide us safely according as we will. b The gods, mind-born, mind-using, The wise, the sons of wisdom, May they guard us, may they protect us, To them honour! to them hail! c O Agni, be thou wakeful; Let us be glad; Guard us to prosperity; Grant to us to wake again. d Thou, O Agni, art the guardian of vows, Among the gods and men. Thou [1] art to be invoked at our sacrifices. e All the gods have surrounded me, Pusan with gain, Soma with a gift, The god Savitr the giver of brightness. f O Soma, give so much, and bear more hither. g May he that filleth never miss of fullness. Let me not be parted with life. h Thou art gold; be for my enjoyment. Thou art raiment; be for my enjoyment. Thou art a cow; be for my enjoyment. Thou art a horse; be for my enjoyment [2]. Thou art a goat; be for my enjoyment. Thou art a ram; be for my enjoyment. i To Vayu thee; to Varuna thee; to Nirrti thee; to Rudra thee! k O divine waters, son of the waters, the stream Fit for oblation, mighty, most exhilarating, That stream of yours may I not step upon. l Along an unbroken web of earth may I go. m From good to better do thou advance. n May Brhaspati be thy leader; Then set him free, on the chosen spot of earth; Drive afar the foes with all thy strength. o We have come to the place on earth for sacrifice to the gods, Wherein aforetime all the gods rejoiced. Accomplishing (the rite) with Rc, Saman, and Yajus, Let us rejoice in fullness of wealth, in sustenance.
Translated by Arthur Berriedale Keith (1914)