इयं ते शुक्र तनूर् इदं वर्चस् तया सम् भव भ्राजं गच्छ जूर् असि धृता मनसा जुष्टा विष्णवे तस्यास् ते सत्यसवसः प्रसवे वाचो यन्त्रम् अशीय स्वाहा शुक्रम् अस्य् अमृतम् असि वैश्वदेवꣳ हविः सूर्यस्य चक्षुर् आरुहम् अग्नेर् अक्ष्णः कनीनिकां यद् एतशेभिर् ईयसे भ्राजमानो विपश्चिता चिद् असि मनाऽसि धीर् असि दक्षिणा असि यज्ञियाऽसि क्षत्रियाऽस्य् अदितिर् अस्य् उभयतःशीर्ष्णी सा नः सुप्राची सुप्रतीची सम् भव मित्रस् त्वा पदि बध्नातु पूषाऽध्वनः पातु । इन्द्रायाध्यक्षाय । अनु त्वा माता मन्यताम् अनु पिताऽनु भ्राता सगर्भ्यो ऽनु सखा सयूथ्यः सा देवि देवम् अच्छेहीन्द्राय सोमम् । रुद्रस् त्वा वर्तयतु मित्रस्य पथा स्वस्ति सोमसखा पुनर् एहि सह रय्या ॥
iyaṃ te śukra tanūr idaṃ varcas tayā sam bhava bhrājaṃ gaccha jūr asi dhṛtā manasā juṣṭā viṣṇave tasyās te satyasavasaḥ prasave vāco yantram aśīya svāhā śukram asy amṛtam asi vaiśvadevam̐ haviḥ sūryasya cakṣur āruham agner akṣṇaḥ kanīnikāṃ yad etaśebhir īyase bhrājamāno vipaścitā cid asi manā'si dhīr asi dakṣiṇā asi yajñiyā'si kṣatriyā'sy aditir asy ubhayataḥśīrṣṇī sā naḥ suprācī supratīcī sam bhava mitras tvā padi badhnātu pūṣā'dhvanaḥ pātu | indrāyādhyakṣāya | anu tvā mātā manyatām anu pitā'nu bhrātā sagarbhyo 'nu sakhā sayūthyaḥ sā devi devam acchehīndrāya somam | rudras tvā vartayatu mitrasya pathā svasti somasakhā punar ehi saha rayyā ||
Roman (IAST) transliteration rendered by HREEM from the edition's Devanagari; the Devanagari is the edition's own.
a This is thy body, O pure one. This is thy splendour. With it be united. Win brightness. b Thou art the strong, grasped by mind, acceptable to Visnu. c In the impulse of thee, of true impulse, may I win a support for my speech. Hail! d Thou art pure, thou art nectar, thou art the sacrifice for all the gods. e I have mounted the eye of the sun. The pupil of the eye of Agni, When thou goest with thy steeds, Blazing with the wise. f Thou art thought, thou art mind, thou art meditation, thou art the gift (to the priests) [1], thou art of the sacrifice, thou art of kingly power, thou art Aditi, double-headed. g Be thou successful for us in going, successful in returning. h May Mitra bind thee by the foot. i May Pusan guard the ways, k For Indra, the overseer! l May thy mother approve thee, thy father, thy brother sprung of the same womb, thy friend in the herd. m Go, goddess, to the god, to Soma for Indra's sake. n May Rudra guide thee hither in the path of Mitra. o Hail! Return with Soma as thy comrade, with wealth.
Translated by Arthur Berriedale Keith (1914)