उदायुषा स्वायुषोदोषधीनाꣳ रसेनोत् पर्जन्यस्य शुष्मेणोदस्थाम् अमृताꣳ अनु । उर्व् अन्तरिक्षम् अन्व् इहि । अदित्याः सदो ऽसि । अदित्याः सद आ सीद । अस्तभ्नाद् द्याम् ऋषभो अन्तरिक्षम् अमिमीत वरिमाणम् पृथिव्या आऽसीदद् विश्वा भुवनानि सम्राड् विश्वेत् तानि वरुणस्य व्रतानि ॥ वनेषु व्यन्तरिक्षं ततान वाजम् अर्वत्सु पयो अघ्नियासु हृत्सु क्रतुं वरुणो विक्ष्व् अग्निं दिवि सूर्यम् अदधात् सोमम् अद्रौ । उद् उ त्यं जातवेदसं देवं वहन्ति केतवः । दृशे विश्वाय सूर्यम् ॥ उस्राव् एतं धूर्षाहाव् अनश्रू अवीरहणौ ब्रह्मचोदनौ वरुणस्य स्कम्भनम् असि वरुणस्य स्कम्भसर्जनम् असि प्रत्यस्तो वरुणस्य पाशः ॥
udāyuṣā svāyuṣodoṣadhīnām̐ rasenot parjanyasya śuṣmeṇodasthām amṛtām̐ anu | urv antarikṣam anv ihi | adityāḥ sado 'si | adityāḥ sada ā sīda | astabhnād dyām ṛṣabho antarikṣam amimīta varimāṇam pṛthivyā ā'sīdad viśvā bhuvanāni samrāḍ viśvet tāni varuṇasya vratāni || vaneṣu vyantarikṣaṃ tatāna vājam arvatsu payo aghniyāsu hṛtsu kratuṃ varuṇo vikṣv agniṃ divi sūryam adadhāt somam adrau | ud u tyaṃ jātavedasaṃ devaṃ vahanti ketavaḥ | dṛśe viśvāya sūryam || usrāv etaṃ dhūrṣāhāv anaśrū avīrahaṇau brahmacodanau varuṇasya skambhanam asi varuṇasya skambhasarjanam asi pratyasto varuṇasya pāśaḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
a Up with life, with fair life, Up with the sap of plants, Up with the force of Parjanya, Up have I arisen along with the immortals. b Fare along the wide atmosphere. c Thou art the seat of Aditi. d Sit on the seat of Aditi. e The bull hath stablished the sky, the atmosphere; Hath meted the breadth of the earth; Hath set him in all worlds as king. All these are Varuna's ordinances. f He hath stretched out the sky over the woods; He hath placed strength in horses, milk in kine; Varuna hath set skill in the heart [1], Agni in dwellings, The sun in the sky, the Soma on the hill. g Thee, all-knowing god, Thy rays bear upwards, The sun for all to see. h Come hither, ye oxen, strong to bear the yoke, Tearless, slaying not man, furthering the prayer. i Thou art the pillar of Varuna. k Thou art the prop of Varuna's pillar. I Varuna's noose is tied.
Translated by Arthur Berriedale Keith (1914)